Connect with us

تازه خبرونه

په غزنی، بغلان او هلمند کې د طالبانو بریدونه ډېر شوي

Ariana News

خپور شوی

 په

(Last Updated On: May 6, 2021)

که څه هم د هېواد په بېلابېلو برخو کې درندې نښتې روانې دي؛ خو راپورونه په ډاګه کوي، چې طالبان په بغلان او غزني ولایتونو کې د ښارونو پر لوري د پرمختګ په حال کې دي.

د راپورونو له مخې؛ د غزنی او بغلان ولایتونو یو شمېر سرتېري له طالبانو سره په نښتو کې وژل شوي او یو شمېر نور طالبانو ته تسلیم شوي دي.

د چارواکو د څرګندونو له مخې؛ د بغلان ولایت د مرکزي بغلان ولسوالۍ د شهر کوه سیمه د وسلوالو طالبانو لاس ته لوېدلې ده.

ځايي چارواکو تائید کړې او څرګندوي، چې د دولتي ځواکونو او وسلوالو طالبانو ترمنځ د تاکتیکي شاتګ پر مهال هیڅ راز نښتې رامنځته شوې ندي.

دغه راز سرچینو په ډاګه کړې، چې تېره شپه په دې ولسوالۍ کې له دوه پوستو څخه سرتېري طالبانو ته تسلیم شوي دي.

که څه هم د ولسوالۍ ولسوال په دوه پوستو کې د امنیتي ځواکونو تسلیمیدل ردوي؛ خو د ولایتي شورا مشر محمد صفدر محسني آریانا نیوز ته ویلي، چې لږ تر لږه ۶۰ سرتېري له دوه پوستو څخه پر وسلو او تجهیزاتو مجهز طالبانو ته تسلیم شوي دي.

د طالبانو ویاند ذبیح الله مجاهد څرګنده کړې، چې د مرکزي بغلان ولسوالۍ ډېری سیمې دوی نیولې دي.

هغه دا هم ویلي، چې له  ۲۰۰ ډېر امنیتي سرتېري له طالبانو سره یوځای شوي او خپل پوځي تجهیزات یې له ځان سره لیږدولي دي.

همدارنګه د غزني ولایت ځایي چارواکو څرګنده کړې، چې په دې ولایت کې د اردو څلور پوستې طالبانو نیولي دي.

د چارواکو د څرګندونو له مخې، د دې ولایت په آرزو کلي کې دوه امنیتي پوستې د طالبانو لاس ته لوېدلې دي.

د غزنی ولایتی شورا غړي عبدالجامع جامي ویلي؛ د دغو دوه پوستو د څلیریشت امنیتي ځواکونو برخلیک ناڅرګند دی.

نوموړي زیاته کړې، چې له دې سره اوس طالبان د غزني ښار ته نږدې شوي دي.

هغه خبرداری ورکړ، چې که امنیتي ځواکونه مدیریت نشي؛ د غزنی ښار به هم طالبان ونیسي.

همدارنګه یوې بلې معتبرې سرچینې هم آریانا نیوز ته ویلي، چې د غزني په خواجه عمري ولسوالۍ کې د چارشنبې پر شپه دوه پوستې طالبانو ونیولې.

د سرچینې د څرګندونو له مخې، په پېښه کې لږ تر لږه ۱۵ پولیس وژل شوي دي.

د هېواد ملي دفاع وزارت تر دې دمه د دغو ادعاوو په اړه څه ندي ویلي.

یو شمېر کارپوهان پدې باور دي، چې طالبانو د استانبول په ناسته کې د ګټې د ترلاسه کولو لپاره بریدونه ډېر کړي دي.

دا مهال په هیلمند ولایت کې سخته جګړه روانه ده، چې په پایله کې یې زرګونه خلک له خپلو کورونو تښتیدلي دي.

د راپورونو سره سم امریکا هم تېره شپه په دې ولایت کې د طالبانو پر وړاندی  او د افغان ځواکونو پر ملاتړ هوایي بریدونه کړي دي.

د چارشنبې پر ورځ د میوند قول اردو قومندان  سمیع سادات ویلي وه، چې طالبانو د هلمند ولایت په بېلابېلو سیمو کې ۸۹ بریدونه کړي او دا ټول بریدونه د افغان امنیتي ځواکونو پرشاتمبولي او وسلوالو طالبانو ته په کې درنده مرګ و ژوبله اوښتې ده.

نوموړي ډاډ څرګند کړی، چې د افغان ځواکونو مورال لوړ دی او دوی ډاډمنو تجهیزاتو ته پوره لاسرسی لري او د شته تجهیزاتو په مرسته دوی کولی شي طالبانو ته ماته ورکړي.

دا په داسې حال کې ده، چې په ټول هېواد کې نښتو له هغې وروسته ډېر زور واخیست، چې امریکايي ځواکونو د شنبې پر ورځ په رسمي بڼه د ځواکونو تدریجي وتل پیل کړل؛ خو طالبانو د امریکا تدریجي وتل د دوحې له تړونه سرغړونه یاده کړې ده.

تازه خبرونه

نیول شوې سیمې به د طالبانو پر ډله ییزو ادیرو بدلې شي – امرالله صالح

Ariana News

خپور شوی

په

توسط

(Last Updated On: June 15, 2021)

د ولسمشر اشرف غني لومړي مرستیال امرالله صالح خبرداری ورکړی؛ هغه لارې، چې وسلوال طالبان پرې د ولسوالیو د نیولو لپاره راغلي؛ د دوی پر ډله ییزو ادیرو به بدلې شي.

امرالله صالح نن په خپله فیسبوک پاڼه کې لیکلي: یو شمېر هغه سیمې، چې نیول شوي نومول شوي؛ طالب په کې د یوې نرۍ کرښې پر جوړولو پرمختګ کړی دی.

“نوموړي څرګنده کړې؛ هغه کسان، چې له طالبانو سره جګړه پېژني؛ پوهیږي، چې دا نرۍ کرښې به د دغې وحشي او ناپوهې ډلې پر ډله ییزو قبرونو بدلې شي.

امرالله صالح ټینګار کړی؛ له خلکو سره د طالبانو په چلند کې هیڅ راز بدلون ندی راغلی، بلکې نور هم وحشي او ناپوه شوي دي.

هغه دا هم په ډاګه کړې، چې خلک باید د طالبانو پر پروپاګندونو ونه غولیږي.

امرالله صالح وایي: د طالبانو پروړاندې درېدل له انساني ارزښتونو او کرامته دفاع کول دي. طالب له اطاعت او غلامۍ پرته د دې هېواد خلکو ته بل پیغام نلري.

طالبانو تر دې دمه د امرالله صالح څرګندونو ته کوم غبرګون په ډاګه کړی ندی.

د ویلو ده، چې طالب جنګیالیو په تېره یوه میاشت کې لږ تر لږه ۳۰ ولسوالۍ تر څارنې لاندې راوستي دي او له تېرو څلیریشت ګړیو راپدیخوا یې د سرپل سید آباد، د هرات اوبه او د کندوز خان آباد ولسوالۍ نیولې دي.

Continue Reading

تازه خبرونه

ناټو د افغان ځواکونو روزنې لپاره په قطر کې د اډې جوړولو هڅې کوي

Ariana News

خپور شوی

په

توسط

(Last Updated On: June 14, 2021)

ناټو تړون د بهرنیو ځواکونو له وتلو وروسته په قطر کې د افغان ځواکونو د روزنې لپاره د یوې پوځي اډې د جوړولو هڅې پیل کړي دي.

ویل کیږي، چې د ځواکونو له وتلو وروسته به د ناټو دغه اقدام له افغان ځواکونو سره د دې تړون د ژمنو یوه برخه وي.

دغه تړون به له شاوخوا دوه لسیزو وروسته خپل ماموریت په را روان سپټمبر کې پای ته ورسوي.

د ناتو یوه چارواکي، چې د نوم  له ښودلو ډډه کړې؛ رویټرز ته د خبرو پر مهال ویلي: مونږ په قطر کې د افغان ځواکونو د لوړ پوړیو غړیو د روزنې لپاره د یوې اډې پر جوړولو خبرې کوو.

د ناټو د ماموریت بنسټیزه برخه د وسلوالو طالبانو پر وړاندې د افغان ځواکونو له روزنې او تجهیز پوره  ملاتړ دي.

سرچینې زیاته کړې: مونږ یوه طرحه وړاندیز کړې؛ خو په دې اړه پرېکړه د قطري چارواکو پورې اړه لري، چې په خپله خاوره کې ناټو ته د روزنتون ځای ورکوي او کنه.

په کابل کې میشت یوه ډیپلوماټ هم رویټرز ته ویلي، چې قطر ته د ۴ څخه تر ۶ میاشتو روزنې لپاره د افغان ځانګړيو ځواکونو د غړيو رالېږدول تر بحث لاندې دي.

ناټو، قطراو افغان حکومت تر دې دمه په رسمي بڼه د دې راپور په اړه څه ندي ویلي.

Continue Reading

تازه خبرونه

امریکا له وتلو وروسته په افغانستان کې د سفارت پر امنیتي طرحه کار روان ساتلی

Ariana News

خپور شوی

په

توسط

(Last Updated On: June 15, 2021)

د امریکا د مرکزي قومندانې (سینکام) قومندان ویلي، چې هغه په ​​کابل کې د امریکا سفارت لپاره امنیتي طرحه چمتو او دفاع وزیر ته وړاندې کړی ده.

د امریکا د مرکزي قومندانۍ(سینکام) قومندان جنرال کنت مکنزي ویلي: مونږ د لیږد په حالت کې یو؛ هغه اصلاح کوو. له بده مرغه روان وضعیت ته په پاملرنه زه نشم کولی د دې پلان په اړه نور څه له تاسې سره شریک کړم.

جنرال مکنزي زیاته کړې، چې القاعده او داعش غواړي امریکا او متحدین یې تر بریدونو لاندې راولي.

هغه پدې اړه څرګنده کړې؛ بې ساري ده!  دوی غواړي پر مونږ او متحدینو مو په خپلو ټاټوبو، اروپا او نورو ځایونو کې بریدونه وکړي… دا د دوی د میرمنو لخوا مستند شوي دي.

دغه امریکایي جنرال زیاته کړې: مونږ باور لرو، چې په افغانستان او سوریه کې پر دغو ډلو فشار د بریدونو مخه نیولې ده. د بېلګې په توګه مونږ او د سوریې دفاعي ځواکونه د فشارونو د ترسره کولو لپاره ګډ کار کوو، چې د دوی(داعش) د بریدونو مخنیوی وکړو: ځکه دوی اوس د ژوندي پاتې کیدو لپاره جګړه کوي.

د امریکا د مرکزي قومندانۍ دې قومندان ویلي، چې دی په افغانستان کې د ترهګرو ډلو د بیا راپورته کیدو په اړه اندېښنه لري.

هغه ویلي؛ په افغانستان کې هم دا شونې ده. هغه څه، چې ما انېښمنوي دا دي، چې په راتلونکي کې به پر دغو ډلو هیڅ فشار نه وي. دوی هم غواړي، چې ژوندي او قوي شي… او مونږ باید شکمن شو، چې دوی څه وایي، هغه کوي. دوی څو ځلې ویلي، چې دوی مونږ په خپل هېواد کې تر برید لاندې نیسي.

جنرال مکنزي ټینګار کړی، چې امریکا له افغانستان څخه وځي؛ خو یوازنی شی، چې باید وساتل شي په افغانستان کې د دغه هېواد سفارت او ډیپلوماټان دي.

هغه زیاته کړې؛ له افغانستان څخه د بهرنیو ځواکونو پر وتلو سربېره  امریکا به له افغان ځواکونو هم ملاتړ وکړي.

هغه وایي: مونږ اوس هم هڅه کوو، چې د دوی مالي ملاتړ وکړو او د افغان هوایي ځواک د ملاتړ لپاره پوره هڅې کوو.

ماکنزي ویلي؛ دوی به له لرې څخه افغان امنیتي ځواکونو ته مشورې ورکوي او له هغو ملاتړ به روان ساتي.

Continue Reading

Trending

آریانا نیوز: ټول حقونه خوندي دي