Connect with us

تازه خبرونه

په سیمه کې به د امریکا پوځي اډه جوړول تېروتنه او تاریخي شرم وي – طالبان

Ariana News

خپور شوی

 په

(Last Updated On: May 26, 2021)

طالبانو نن (چارشنبه د غبرګولي ۵ ) د افغانستان له ګاونډ هېوادونو غوښتي، چې امریکا ته په سیمه کې د اډې جوړولو اجازه ورنکړي.

طالبانو په یوه اعلاميه کې په داګه کړې؛ د افغانستان ګاونډ هېوادونه بايد امریکایانو ته د پوځي اډو د جوړولو له آسانتیاوو ډده وکړي او که په خپله خاوره کې يې بهرنیو ځواکونو ته اډه ورکړه، دا به ستره تېروتنه او تاریخي شرم وي.

طالبانو خبرداری ورکړی، که په سيمه کې د بهرنيانو د اډې جوړېدو له امله د افغانانو امنيت له ګواښ سره مخ شي؛ افغانان به يې پر وړاندې بې تفاوته پاتې نشي.

د طالبانو په اعلامیه کې ویل شوي، چې د افغانستان مسلمان ملت او مجاهدین به د داسې غلطو او اشتباه کوونکو کارونو پر وړاندې چوپه خوله پاتې نشي، بلکې خپل مذهبي او تاریخي مسوولیتونه به ادا کړي ؛ځکه، چې دوی تل د تاریخ په اوږدو کې ورسره مخ شوي دي.

د طالبانو په اعلاميه کې په څرګندو ټکو کې راغلي، چې دوی د هېچا لپاره ګواښ ندي او له نورو هم ورته غوښتنه لري.

د طالبانو د اعلامیې له مخې؛ مونږ څو ځله نورو ته ډاډ ورکړی، چې زمونږ ځمکه د هیچا د امنیت پروړاندې نه کارول کیږي، مونږ له نورو څخه هم غوښتنه کوو، چې د دوی ځمکه او هوایي فضا زمونږ د هېواد پروړاندې ونه کاروي او که داسې ګام پورته شي بیا به یې مسوولیت خپل وي.

طالبانو دا هم ویلي، چې په سیمه کې د بهرنیو ځواکونو شتون د ناامنۍ لوی لامل دی او هر څوک یې له ناخوالو سره مخ شوي دي.

له دې مخکې یو شمېر سرچینو آریانا نیوز ته منلې وه، چې امریکایي ځواکونو د ډیورنډ کرښې په پاکستاني لوري کې د لویې پوځي اډې پر جوړولو کار پیل کړی دی.

د پکتیا ولایت د ځاځي آریوب ولسوالۍ یو شمېر اوسیدونکیو او د ولایتي شورا غړيو ویلي وه، چې دغه اډه به د پاکستان د قبایلي سیمې د کرمې ایجنسۍ د شلوزان په اړوند سیمه کې جوړه شي.

د پکتيا د ولایتي شورا غړي وايي، چې دغه اډه د ډیورنډ د فرضي کرښې په اته کیلومترۍ کې تر کار لاندې ده.

د دوی د څرګندونو له مخې، هره ورځ دغې سیمې ته د ځمکې او هوا له لارې اکمالات کیږي.

دا په داسې حال کې ده، چې پاکستان او امریکا ډیورنډ کرښې ته څېرمه د پوځي اډې راپورونه رد کړي دي.

تازه خبرونه

په تېرو ۴ میاشتو کې ۵۵۸۷ ملکي وګړيو ته مرګ و ژوبله اوښتې – د سولې په چارو کې د دولت وزارت

Ariana News

خپور شوی

په

توسط

(Last Updated On: July 29, 2021)

د روان کال په ۴ لومړیو میاشتو کې پېنځه زره پېنځه سوه اووه اتیا ملکیان او څلیریشت زره شپږ سوه نهه طالب جنګیاليو ته مرګ و ژوبله اوښتې ده.

دغه راز یوشمېر سرچینو آریانا نیوز ته ویلي، چې په دې موده کې څه باندې دوه زره پوځیان هم وژل شوي دي.

د سولې په چارو کې د دولت وزارت په ډاګه کړې؛ تاوتریخوالی د تېر کال په پرتله پنځوس سلنه ډېر شوي او دا معلومات ښیي، چې طالبان د دوحې د هوکړې خلاف پر جګړې ټينګار کوي.

دا بنسټ وایي، چې طالبان باید د اووه زره بندیانو د خلاصون مسئله او له تور نوملړه د خپلو مشرانو د نومونو د ویستو موضوع د سولې په خبرو کې مطرح کړي او جګړه د تاوتریخوالي د پای ته رسېدو لار نده.

د سولې په چارو کې د دولت وزارت د تاوتریخوالي د کمېدو پر سر د څارنې ریاست یو لړ څرګندونې خپرې کړي او وایي، چې د روان کال په څلورو لومړیو میاشتو کې تاوتریخوالی پنځوس سلنه ډېر شوي.

د تاتریخوالي د  کمېدو پر سر د څارنې مشر سید عبدالله هاشمي ویلي: طالبانو دوه ویشت زره یرغلیز بریدونه کړي؛ ۹۳ ځانمرګي، ۱۶۷۵چاودنې، ۶۵۰ توغنديز، د دولت تر ولکې لاندې سیمو کې ۶۲۳ ځمکنۍ نښتې، ۸۴۴ موخه ییزې وژنې، ۶۵۰ کمینونه تر سره کړي، چې په پایله کې یې ۲۵۶۶ ملکي وګړي وژل شوي او ۳۰۲۱ نور ټپیان دي.

همدارنګه ۶۲۱ ښوونځي تړل شوي، ۴۲ سلنه زدکوونکي له زدکړو بې برخې شوي دي.

د سولې په چارو کې د دولت وزارت د څرګندونو له مخې؛ طالبانو په څلور لومړیو میاشتو کې ډېر ځاني زیانونه لیدلي؛ ۲۴۶۰۹ طالب جنګیاليو ته مرګ و ژوبله رسېدلې؛ خو طالبانو د سولې په چارو کې د دولت وزارت دا څرګندونې رد کړي او هغه له رښتیاوو لرې بولي.

د ملي پخلاینې عالي شورا مرستیال عطاء الرحمان ویلي، چې طالبانو د دوحې هوکړه لیک خلاف عمل کړی او که دا ډله غواړي، چې اسلامي نظام واکمن شي، خپلې غوښتنې دې د سولې خبرو کې مطرح کړي.

د بهرنیو چارو وزارت هم په یوې خبرپاڼه کې ویلي، چې آسترالیا د تاوتریخوالي پر دوام او د ملکیانو په ځانګړي توګه ښځو او نجونو په ربړولو اندېښنه ښوودلې.

دغه راز ویل کیږي، چې کندهار ولایت له يو بشري او انساني ناورين سره مخ شوی دى.

د دې ولايت د کډوالو چارو مشر دوست محمد نایاب وايي جګړه د هري ورځي له تېريدو سره د ښار منځته را نږدې کيږي او دا مهال د ښار په ٨ حوزو کي جګړه روانه ده، چي له دغو سيمو څخه تر اوسه ٢٢ زره کورنۍ بې ځايه شوې دي.

د نوموړي د څرګندونو له مخې؛ په کندهار کي جګړې انساني او بشري ناورين را منځته کړى، چي په دې برخه کي له نړيوالي ټولني د مرستو غوښتنه کوي.

د یادونې ده، چې جګړو په څه باندې شل ولایتونو کې له ملکیانو قرباني اخیستې او په ځانګړي توګه په کې ښځو او ماشومانو ته مرګ و ژوبله اوښتې ده.

Continue Reading

تازه خبرونه

په نورستان کې سیلابونو ۶۰ کسان مړه کړي او لسګونه نور ورک دي

Ariana News

خپور شوی

په

توسط

(Last Updated On: July 29, 2021)

 

د چهار شنبې پر شپه د نورستان ولایت په مهردېش کلي کې د سیلابونو د راوتلو له کبله له ۶۰ ډېر کسان مړه او په لسګونه نور ورک او اوبو وړي دي.

د نورستان والي حافظ عبدالقیوم وايي، تېره شپه د نورستان د کامدیش ولسوالۍ په مهردیش کلي کې سیلابونه راوتلي، چې له کبله یې کلی په بشپړ ډول له منځه وړی او له ۶۰ ډېر کلیوال  مړه شوي او لسګونه نور بیا سیلابونه وړي دي.

حافط عبدالقیوم ویلي، چې امنیتي ځواکونه سیمې ته د ننوتلو توان نلري؛ ځکه، چې سیمه دا مهال د طالبانو تر کنټرول لاندې ده.

نوموړي زیاته کړې، چې ځایي خلک توانیدلي یو شمېر کلیوال وژغوري.

دغه راز د نورستان د ولایتي شورا مشر سعدالله پاینده زوی ویلي، چې سیلابونو لږ تر لږه ۲۰۰  کورونه ویجاړ کړي او لسګونه کسان سیلاب وړي دي.

نوموړي زیاته کړې؛ ځايي خلکو د ۴۰ کسانو جسدونه پیداکړي او یو شمیر کسان اوس هم ورک دي، چې پلټنه یې روانه ده.

پاینده زوی وايي: شونې ده، چې ځاني زیانونه له ۲۰۰ هم  ډېر شي.

هغه له مرکزي او ولایتي ادارې او مرستندویه ادارو څخه د بېړنۍ مرستې غوښتنه وکړه.

د طبیعي پیښو پروړاندې د مبارزې وزارت ویلي، چې د سیلابونو لږ تر لږه ۶۰ کورونه ویجاړ کړي او شاوخوا ۱۰۰ کسان یې وژلي یا ټپیان کړي دي.

د یاد وزارت د څرګندونو له مخې، دا لومړني  معلومات دی او د زیانونو شمېر کېدای شي ډېر شي.

د نورستان د ولایتي شورا غړیو ویلي سږنیو سیلابونو د ښځو او ماشومانو په ګډون په کامدیش ولسوالۍ کې شاوخوا ۱۳۰ کسان مړه کړي او تر دې دمه یې ۴۰ مړي ترلاسه شوي دي.

دوی دا هم ویلي، چې نه یوازې لسګونه کورونه، بلکې پراخې ځمکې یې هم ویجاړې شوې دي.

د یادونې ده، چې نورستان یو غرنی او ځنګلي ولایت دی، چې هر کال د سیلابونو له خطر سره مخ وي؛ خو سږکال سیلابونو ځایي خلک ځاني او مالي اغېزمن کړي دي.

Continue Reading

تازه خبرونه

مونږ د افغانستان د ورانولو طرحو ته غاړه نه ږدوـ اشرف غني

Ariana News

خپور شوی

په

توسط

(Last Updated On: July 29, 2021)

ولسمشر اشرف غني د افغانستان د درې رنګه بیرغ د ملي ورځې په مراسمو کې څرګنده کړې، چې مونږ د افغانستان د ورانولو طرحو ته غاړه نه ږدو.

ولسمشر غني نن پنجشنبه د زمري پر ۷ د اګست ۲۹ د افغانستان د درې رنګه ملي بیرغ د ملي ورځې د نمانځلو جوړوشویو مراسمو پرمهال ویلي، چې د هېواد بیرغ د وګړیو ترمنځ د ویاړ او یووالي نښه ده او امنیتي ځواکونه هره ورځ د دې ویاړ د ساتلو او لوړولو لپاره قرباني ورکوي.

اشرف غني ویلي: مونږ به د افغانستان هغو ویجاړونکيو پلانونو ته ځان ونه سپارو، چې بهرنيان او ترورستي شبکې ورته هڅې کوي او غواړي دغه هېواد د جګړې پر ډګر بدل کړي.

هغه په ​​هېواد کې روانه جګړه ناروا وبلله او وایي، چې په اسلامي نړۍ کې علماوو په ځلونو دا خبره تائید کړې ده.

هغه وایي: په اسلامي نړۍ کې دیني عالمان په ځانګړي توګه د سعودي عربستان په وروستۍ ناسته کې،  چې په کې د پاکستان علماوو هم برخه اخیستې وه؛ ټینګار وکړ، چې د افغانستان روانه جګړه هیڅ اسلامي مشروعیت نلري.

دوی طالبانو ته په خطاب کې ویلي، چې که دوی د هېواد ملي ګټو ته ژمن وي؛ نو روانه جګړه دې ودروي او له ورانولو یې باید ډده وکړي.

غني وايي: آیا تاسې د افغانستان ملي ګټو ته ژمن یاست یا شبکې ته؟ آیا تاسې غواړئ د نفاق تخم وکرئ او ملي جوړجاړي او بنیادونه له مینځه یوسئ او که جوړوئ یې؟

غني څرګنده کړې، چې د افغان حکومت غږ د سولې غږ دی او ټول افغانان د سولې په اړه اجماع ته رسیدلي دي.

ولسمشر اشرف غني ټینګار کړی، چې حکومت د بدلون لپاره روښانه اراده، پروګرامونه لري. د افغان حکومت نیت د ارزښتونو خوندي کول، تلپاتې سوله راوستل او په هېواد کې نظم ټینګول دي.

غني خلکو ته ډاډ ورکړ، چې د حکومت کاري پلان چمتو دی او تاسې به ډېر ژر بدلونه وګورئ.

Continue Reading

Trending

آریانا نیوز: ټول حقونه خوندي دي