Connect with us

لوبی

په جاپان کې زرګونه کسان د ټوکیو المپیک لوبو د ځنډولو غوښتنه کوي

خپور شوی

 په

(Last Updated On: غویی ۱۹, ۱۴۰۰)

د رویټرز د څرګندونو له مخې؛ ته ۲۳۰۰۰۰ څخه ډېرو خلکو خلکو په یوه لیک کې لاسلیک کړی، چې د توکیو المپیک لوبې دې وځنډول شي.

رویټرز په ډاګه کړې، چې دا غوښتنې د کرونا ویروس د خپریدو د مخنیوي په خاطر شوې دي.

له دې مخکې هم د ټوکیو المپیک لوبې د کرونا ویروس د خپریدو د مخنیوي لپاره ځنډول شوې وې.

په جاپان کې د دغو سیالیو برابروونکی کینجي اوټسونومیا ویلي؛ د جاپان خلک غواړي، چې  د لوبو په اړه زمونږ نظرونه رد نکړي؛ خو اوس ځینې خلک په دې هیله دي، چې د المپیک لوبې اوسمهال وځنډول شي.

د لوبو برابروونکی او د جاپان حکومت وايي، لوبې باید پر کرونا ویروس د بریا د سمبول په توګه ترسره شي.

حکومت وايي، چې د دې لوبو پروتوکول چمتو شوی دی.

په جاپان کې یوه ټولپوښتنه ښیې، چې اکثریت خلک د سیالۍ مخالف دي او ځینې نوربیا شکمن شوي.

په جاپان کې د یوه پلورنځي خاوند کاتسومي آبیکو رویټرز ته ویلي: دا بې معنا ده، چې په داسې شرایطو کې المپیک لوبې ترسره شي. که مونږ نن د دې لوبو د ځنډولو پرېکړه وکړو؛ جاپان به مونږ ونازوي او په تاریخ کې به یاد شي.

د جاپان حکومت د می د میاشتې تر پایه بیړنی حالت اعلان کړی، چې د کرونا ویروس د خپریدو مخه ونیسي.

دا په داسې حال کې ده، چې فایزر او بایوټیک شرکتونو په لوبو کې برخه اخیستونکیو ته د کرونا واکسین د ډالۍ کولو ډاډ ورکړی دی.

لوبی

افغانستان نړیوال شل آوریز جام ته چمتوالی نیسي

خپور شوی

په

توسط

(Last Updated On: تله ۱۴, ۱۴۰۰)

د افغانستان کرکټ بورډ ويلي، چې ملي لوبډله د شل آوریزه نړیوال جام لوبو ته پوره چمتوالی لري او له همدې کبله یې په کابل کې یوه روزنیزه لوبه ترسره کړې.

ټاکل شوې دا لوبې د اکتوبر او نومبر په میاشتو کې عربي متحده اماراتو او عمان پر کوربتوب ترسره شي.

د کرکټ ملي لوبغاړي شرف الدین اشرف ویلي؛ زمونږ موخه په دې لوبو کې نه یوازې برخه اخیستنه ده، بلکې له نړیوال جام څخه هم یو څه ترلاسه کول دي. لوبغاړي لیواله دي او غوره ځلیدو ته چمتوالی لري.

ټاکل شوې وه، چې دغه ټورنمنټ په هند کې ترسره شي؛ خو د کرونا ویروس د خپریدو د مخنیوي لپاره خلیجي هېوادونو ته ولیږدول شو.

د افغانستان د کرکټ لوبډلې لوبډلمشر نوروز منګل ویلي: لوبغاړي پوره لیواله دي او خلک هم له مونږ ډېره تمه لري.

افغانستان پخوا هم د کرکټ په نړیواله درجه بندۍ کې شامل شوی و، چې په کې د آسترالیا، بریټانیا، هند او پاکستان پیاوړې لوبډلې لوبېدلې دي.

Continue Reading

لوبی

د افغانستان کرکټ بورډ ته نوي غړي وروپېژندل شول

خپور شوی

په

توسط

(Last Updated On: تله ۱۲, ۱۴۰۰)

د افغانستان کرکټ بورډ په ډاګه کړې، چې د دې بورډ عمومي مشر او غړي عزیز الله فضلي په یوه خبري ناسته کې کرکټ بورډ ته ۷ نوي غړي وروپېژندل.

فضلي زیاته کړې، چې د کرکټ بورډ درې نور غړي به هم ډېر ژر معرفي شي.

نوموړي خبریالانو ته ویلي؛ د اسلامي امارت لومړي وزیرملا محمد حسن اخوند دا کسان کرکټ بورډ ته ورپېژندلي دي.

د کرکټ بورډ په نویو غړیو کې سید جلال کریم، حاجي محبوب صدیقي، حاجي عبیدالله صدرخېل، عبدالرحمن الکوزی، حاجي نعمت الله، محمد یونس مهمند او عزیزالله فضلي راغلي دي.

فضلي زیاته کړې، چې د کرکټ پخواني غړي نور له مونږ سره ندي.

فضلي په خپلو خبرو کې ویلي، ډېر ژر به ملي لوبډله په راتلونکيو شل آوریز نړیوال جام کې د ګډون لپاره عربي متحده اماراتو ته ولاړه شي.

نوموړوایي: افغان لوبډله راتلونکي نړیوال جام ته پوره چمتووالی لري او د راتلونکې چارشبنې پر ورځ به ملي لوبډله لومړی قطر او بیا عربي متحده اماراتو ته ولاړه شي.

فضلي دا هم په ډاګه کړې، چې د نړیوال جام لپاره د ملي لوبډلې مالي ملاتړ د یوه افغان سوداګر له لوري د څلور نیم سوه زره امریکايي ډالرو پر ارزښت د وروستي کېدو په حال کې دی او ډېر ژر به یې قانوني او اصولي چارې بشپړې شي.

دغه راز فضلي وایي، د ملي لوبډلې ځیني لوبغاړي اوسمهال په عربي متحده اماراتو کې دي او یو شمېر نور لوبغاړي د نیپال په سوداګریز لیګ کې هڅې کوي، چې هغوی به هم ډېر ژر په عربي متحده اماراتو کې له ملي لوبډلې سره یو ځای شي.

Continue Reading

لوبی

د هسپانیا په باسکټبال لوبډله کې افغان میرمنه ولوبېده

خپور شوی

په

توسط

(Last Updated On: تله ۱۱, ۱۴۰۰)

د رویټرز د راپور له مخې؛ د افغان میرمنو د ویلچیر باسکیټبال لوبډلې لوبدلمشرې نیلوفر بیات پرون (شنبه د تلې ۱۰) د خپلې نوې هسپانوي لوبډلې لپاره خپله لومړۍ لوبه پیل کړه.

نیلوفر بیات د اسلامي امارت ځواکونو لخوا د کابل له نیولو وروسته د هسپانیا بیلبایو ښار ته کډواله شوه او د بایډایډک بیلبایو له کلب سره یې د لوبېدو تړون لاسلیک کړ.

د رویټرز د څرګندونو له مخې؛ ۲۸ کلنې نیلوفر بیات او ۲۷ کلن میړه رامش ته یې زمینه برابره شوه، چې په شمالي بیلبایو کې د بایډایدیک بیلبایو باسکیټبال لوبډلې لپاره لوبه وکړي.

نیلوفر ویلي: ما هیڅکله دومره مهربانۍ او دومره درناوی نه و لیدلی؛ نو ما احساس وکړ، چې دا زما دوه یم کور کیدی شي. زه دلته ډېره خوشحاله کیدی شم.

دا لومړی ځل دی، چې میرمن بیات په یوه ګډه لوبډله کې لوبیږي.

نیلوفر بیات وایي؛ دا زما لپاره ډېره نوې ده؛ په افغانستان کې داسې نه ول، لوبډلې سره بېلې دي او مونږ یوځای نه لوبیږو. دا خورا ښه و.

د راپورونو له مخې، په هسپانیه کې د شنبې په لوبه کې نیلوفر بیات خلکو ښه ونازوله او د دوی له تاوده هرکلي سره مخ شوه.

Continue Reading

Trending

آریانا نیوز: ټول حقونه خوندي دي