Connect with us

تازه خبرونه

په جاپان کې د هیاشن نومي توپان له رارسیدو مخکې سلګونه زره خلک کډوال شول

خپور شوی

 په

(Last Updated On: وږی ۱۶, ۱۳۹۹)

د جاپان حکومت سلګونه  زره خلکو ته سپارښتنه کړې، چې له راروان توپان څخه د ژغورنې لپاره خپل کورونه تش کړي او ځانونه خوندي سیمو ته ورسوي.

هوا پېژندونکیو ویلي، چې هیاشین توپان ډېر پراخه دی او کولی شي په یوه ګړۍ کې ۲۵۲ کیلومتره واټن ووهي.

جاپاني چارواکي وايي، چې له سویلي څنډو یې له سل زره ډېرو کورنیو ته د وتلو سپارښتنه شوې ده.

دا د یوې اوونۍ په بهیر کې دوه یم ځواکمن توپان دی، چې دا هېواد ورسره مخ کیږي.

چارواکو زیاته کړې، چې له توپان مخکې ۲۴۶۲۵۱ کسان په کاګوشیما او ۳۶۳۹۲ نور په ناګازاکي کې له خپلو کورونو ایستل شوي دي.

د جاپان د هوا پېژندنې چارواکو یوې خبري غونډې ته څرګنده کړې؛ د زیانمنو سیمو خلک باید له خپلو کورونو ووځي. ان که دوی پر کرونا ویروس له اخته کیدو اندېښمن وي.

جاپان تایمز په ډاګه کړې، چې د سوني او تیوتا په ګډون څو نورو شرکتونو هم خپل فعالیتونه بند کړي او د اوسپنیزو کرښو دوه شرکتونو ویلي، چې دوی به هم خپل ځینې خدمتونه وځنډوي.

له بلې خوا سي ان ان څرګنده کړې، چې ښایي دغه توپان د کوریا تاپو وزمې ته هم ورسیږي.

تازه خبرونه

د ګډ امنیت ټولنې غړیو هېوادونو د پولو پر امنیت ټینګولو ټینګار څرګند کړ

خپور شوی

په

توسط

(Last Updated On: غویی ۲۷, ۱۴۰۱)

د منځنۍ آسیا له هېوادونو سره د افغانستان د پولې په اوږدو کې د امنیت موضوع د ګډ امنیت ټولنې د غړیو هېوادونو د بحث وړ ګرزېدلې ده.

د ګډ امنیت ټولنې غړیو هېوادونو مشرانو  په مسکو کې جوړې شوې غونډې ته ویلي، چې دوی له افغانستان سره د غړیو هېوادنو د پولو د امنیت پر ټینګولو کار کوي.

د روسیې ولسمشر ولادیمیر پوتین د خبرو پر مهال څرګنده کړې؛ د ګډ امنیت ټولنه په افغانستان کې ناکراریو او په پولو کې ناامنیو ته په کتو چمتو ده، چې د غړیو هېوادونو په سرحدونو کې د امنیت د خوندیتوب لپاره ډېر څه وکړي.

دغه راز د قزاقستان ولسمشر د مسکو په سرمشریزه کې ویلي، چې په افغانستان کې بې ثباتي او د وسلوالو ډلو د فعالیت دوام د غړیو هېوادونو امنیت او ثبات له ګواښ سره مخ کوي.

په دې سرمشریزه کې د قزاقستان ولسمشر قاسم جمارت تکوایف د منځنۍ آسیا د هېوادونو د پولو امنیت ته پر ډېرې نورې پاملرنې ټینګار وکړ.

نوموړي زیاته کړې: شوني ګواښونه باید پ نښه شي؛ ځکه، چې په افغانستان کې بې ثباتي او د وسلوالو ډلو دوامدار فعالیت د غړیو هېوادونو امنیت او ثبات له ګواښ سره مخ کوي او د منځنۍ آسیا د هېوادونو د پولو امنیت ته باید زیاته پاملرنه وشي.

اسلامي امارت وايي؛ د افغانستان پولې تر بل هر وخت ډېرې خوندي دي او هیڅ هېواد به له افغانستان څخه يرغل ونکړي، ځکه هیڅ وسلوالې ډلې په افغانستان کې فعاليت نکوي، چې د اړوند پولو امنيت له ګواښ سره مخ کړي.

د اسلامي امارت د ویاند مرستیال بلال کریمي د یادې سرمشریزې د مشرانو له اندېښنو سره سره وايي، چې په ټول افغانستان کې امنیت خوندي شوی او هيڅ مخالفه ډله دومره فعاله نده، چې د نورو هېوادونو امنیت ته ګواښ وګڼل شي. یاد هېوادونه باید پدې اړه اندېښنه ونکړي.

د ګډ امنیت ټولنې د غړیو هېوادونو مشرانو په تېره غونډه کې اعلان کړی و، چې له افغانستان سره پر پوله به تر ۲۰۲۲ کال پورې د نشه يي توکو د قاچاق او له ترهګرۍ سره د مبارزې د مخنیوي لپاره درې پړاوه عملیات ترسره کړي.

Continue Reading

تازه خبرونه

د هند په کوربتوب د ترهګرۍ په اړه د شانګهای ټولنې غونډه جوړه شوه

خپور شوی

په

توسط

(Last Updated On: غویی ۲۶, ۱۴۰۱)

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.

په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.

د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.

د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.

د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.

د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.

Continue Reading

تازه خبرونه

د نجونو پاتې ښوونځي به ډېر ژر له نوي میکانیزم سره پرانیستل شي

خپور شوی

په

توسط

(Last Updated On: غویی ۲۶, ۱۴۰۱)

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.

د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.

د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.

د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.  

د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.

کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.

Continue Reading

Trending

Copyright © 2022 Ariana News. All rights reserved!