Connect with us

کوید۱۹

په جاپان کې دوه کسان د مډرنا واکسین له ترلاسه کولو وروسته مړه شوي

خپور شوی

 په

(Last Updated On: وږی ۶, ۱۴۰۰)

رویټرز د جاپان د عامې روغتیا وزارت د څرګندونو له مخې په ډاګه کړې، چې په جاپان کې دوه کسان د مډرنا کرونا واکسین له ترلاسه کولو وروسته مړه شوي دي.

د جاپان عامې روغتیا وزارت څرګنده کړې، چې دوه جاپاني وګړي، چې عمرونه یې له ۳۰ کالو پورته دي د مډرنا کرونا ویروس دوه یم ډوز له ترلاسه کولو وروسته مړه شوي.

جاپان د ټاکډا درمل جوړولو شرکت د راپور پربنسټ مډرنا واکسین د ککړتیا له کبله بند کړل.

د ټاکډا درمل جوړونې او مډرنا شرکت په یوه بیان کې ویلي؛ په دې وخت کې مونږ هیڅ داسې شواهد نه ګورو، چې د دوی مړینه د کرونا له مډرنا واکسین له کبله وي. دا اړینه ده، چې په دې اړه رسمي څېړنه ترسره شي.  

دا په داسې حال کې ده، چې ۱۲۴ میلیون جاپانیانو کرونا واکسین ترلاسه کړی دی.

کوید۱۹

په افغانستان کې د کرونا ویروس د څلورمې څپې له خپرېدو خبرداری ورکړ شو

خپور شوی

په

توسط

(Last Updated On: لړم ۵, ۱۴۰۰)

په هېواد کې د هوا له سړیدو سره ډاکترانو خبرداری ورکړی، چې که خلک روغتیايي سپارښتنې په پام کې ونه نیسي؛ نو ښايي د کرونا ویروس څلورمه څپه پیل او ځاني زیاونه رامنځته کړي.

په افغانستان کې د روغتیايي نظام د خدماتو په برخه کې د ستونزو له ډېریدو سره همهاله ډاکترانو د کرونا وبا د څلورمې څپې د خپرېدو خبرداری ورکړی.

په کابل کې د کرونا وبا لپاره د ځانګړي شوي(افغان جاپان روغتون) ډاکتران وايي، چې له یوې خوا د درملو او اکسیجن له کمي سره مخ دي او له بلې خوا یې له درې میاشتو راپدیخوا تنخواوې ندي اخیستي.  د افغان جاپان روغتون مسوولینو ويلي، چې شل په سلو کې ډاکترانو د تنخوا او کرایې د نلرلو له کبله له دندو استعفاوې کړي دي.

د دې روغتون مسوولینو ويلي، چې په دې روغتون کې د غزني او ډایکندي ولایتونو څخه د کرونا وبا پېنځه دېرش ناروغان بستر شوي او د عاجلې څانګې ټول چپرکټونه ډک شوي دي.

د افغان جاپان روغتون مشر زلمي رښتین ویلي؛ له وضعیته ښکاري، چې پر کرونا ویروس د اخته کېدو شمېر د تېرو ورځو پر پرتله ۲۰ سلنه دېر شوی دی او د ناروغانو د کتنو پایله هم مثبته ده.   

افغان جاپان روغتون د افغانستان په کچه د کرونا وبا د درملنې تر ټولو ستر روغتون دی.

ډاکټره سحر وايي، چې په دې روغتون کې د درملو او اکسیجنو کمی دی. تېر کال په همدې وخت کې د کرونا درطیمه څپه خپره شوه، چې ډېر ځاني زیانونه یې رامنځته کړل.

د افغان جاپان د انتاني څانګې مسوول میړنی براتي وایي: پر اوسنیو امکاناتو نشو کولی، چې د مخ پر خپرېدو څپې پر وړاندې بریالۍ مبارزه وکړو.  

د روغتیا نړیوالې ټولنې هم په افغانستان کې د کرونا وبا د پېښو د ډېریدو له کبله وېره ښودلې ده.

د روغتیا نړیوالې ټولنې د معلوماتو له مخې: له اکتوبر راپدیخوا په افغانستان کې پر کرونا وبا ۳۲ کسان اخته شوي دي.

د دې ټولنې تازه راپور ښیي؛ په افغانستان کې تر دې دمه پر کرونا وبا ۱۵۵ زره ۸ سوه ۹۱ کسان اخته شوي، چې له دې شمېر څخه ۷۷ زره ۲ سوه ۴۹ کسان مړه شوي دي.

د افغان جاپان روغتون ډاکتر قیام الدین وايي: له یوې خوا په روغتون کې د اړتیا وړ طبي تجهیزات او دوا نشته او له بلې خوا مونږ هغه تدابیر، چې باید د څلورمې څپې مخه پرې ونیول شي هم نلرو.  

دا په داسې حال کې ده، چې د روغتیا نړیوال سازمان وايي؛ په افغانستان کې یو اعشاریه شپږ میلیون خوراکه د کرونا وبا واکسین لرو او که ژر ونلګول شي، له کاره به ولویږي.

Continue Reading

کوید۱۹

په امریکا کې پر کرونا ویروس د اخته کسانو شمېر ۴۴.۲ میلیون کسانو ته ورسېد

خپور شوی

په

توسط

(Last Updated On: تله ۱۷, ۱۴۰۰)

د جان هاپکنز پوهنتون د څرګندونو له مخې؛ په امریکا کې د کرونا ویرس د مثبتو پېښو شمېر ۴۴ اعشاریه ۲ میلیون ته رسیدلی دی.

د یادې سرچینې په ډاګه کړې؛ د دغه ویروس له کبله ۷۱۲۰۰۰ نور مړه شوي دي.

د راپورونو له مخې؛ د امریکا په الاسکا ایالت کې د کرونا ویروس خپریدل ډېر شوي او روغتیایي مرکزونه د درملو او نورو طبي تجهیزاتو له لږوالي سره مخ دي.

په تېرو دوه اوونیو کې د دغه ویروس له کبله د امریکایانو د مړینې شمېر درې چنده ډېر شوی او ډېرې هغه کسان مري، چې کروناواکسین یې تر لاسه کړي ندي.

د ناروغیو د څارنې او مخنیوي مرکزونو ویلي؛ د اګست له وروستیو راپدیخوا دغه ویروس په ماشومانو کې ۱۲ سلنه ډېرشوی دی.

Continue Reading

کوید۱۹

په افغانستان کې د کروناویرس واکسین پلي کولو بهیر ورو شوې

خپور شوی

په

توسط

(Last Updated On: تله ۱۵, ۱۴۰۰)

د روغتیا نړیوالې ټولنې پرون چارشنبه د تلې ۱۴ وویل، چې په افغانستان کې د کرونا ویروس لپاره د واکسین کولو او کتنې بهیر د اګست له میاشتې راپدیخوا ورو شوی.

دې ټولنې زیاته کړې؛ که په افغانستان کې د کرونا واکسین پلی نشي، یو اعشاریه شپږ میلیون کرونا واکسین به تاریخ تېر شي.

دې ټولنې زیاته کړې، چې غواړي د دغې ستونزې د حل لپاره د افغانستان په ۱۶ ولایتونو کې کمپاین پیل کړي.

د روغتیا نړیوالې ټولنې له افغانستان سره ۵۰ زره د کرونا کتنې تجهیزاتو مرسته کړې او ۱۵۰ زره نور کېټونه به هم مرسته وشي.

دغه راز تېره میاشت په نیمروز ولایت کې د کرونا ویروس یو لابراتوار پرانستل شوی او تېره سې شنبه په کونړ ولایت کې ورته یو مرکز پرانستل شو.

دې ادارې زیاته کړې؛ په پروان، لغمان او کاپیسا ولایتونو کې هم د لابراتوارونو مرکزونه تر کار لاندې دي، چې له بشپړیدو سره به یې د روغتیا نړیوالې ټولنې په ملاتړ د لابراتوارونو ټول شمېر ۳۶ ته ورسیږي.

د روان کال له اګست میاشتې راپدیخوا د روغتیا نړیوالې ټولنې په ټول افغانستان کې ۳۶۰ روغتیایي مرکزونو ته درمل لیږلي، چې ۳ اعشاریه ۹ میلیون کسانو ته روغتیایي خدماتونه تر سرهشي.

Continue Reading

Trending

آریانا نیوز: ټول حقونه خوندي دي