Connect with us

تازه خبرونه

په تېرو ۸ کلونو کې له مدیتراني څخه تېریدونکي ۲۵۰۰۰ کډوال مړه شوي ـ اردوغان

خپور شوی

 په

(Last Updated On: چنګاښ ۲, ۱۳۹۹)

د ترکیې ولسمشر طیب اردوغان د یکشنبې پر ورځ د کډوالو نړیوال فیستیوال د پای ته دسیدو پر مهال په یوه ویډیوي وینا کې څرګنده کړه، چې په تېرو اته کلونو کې د ښځو او ماشومانو په ګډون نږدې۲۵۰۰۰ کسان له مدیترانې بحیرې څخه د تېریدو پرمهال مړه شوي دي.

د آنادولو خبري سرچینې د څرګندونو له مخې؛ طیب اردوغان نه یوازې هغه حالت روښانه کړ، چې کډوال له مدیترانې څخه د تېریدو پرمهال ورسره مخ دي، بلکې هغه له ​​خلکو وغوښتل، چې د مهاجرینو په اړه خپل تعصبونه یوې ډډې ته کړي او هغه مرستې له پامه ون غږورزوي، چې دې خلکو، هېوادونو او ټولنو ته یې رسوي.

د خپلې ویډیو وینا  پر مهال اردوغان څرګنده کړه: هغه مهاجرین، چې له مدیترانې څخه د تېریدو په وخت کې مړه شوي وه؛ هغه خلک دي، چې د خوندي راتلونکي لپاره يې له هیلو ډک سفر پیل کړی و او پر مرګ پای ته رسیدلی دی.

د آنادولو خبري اژانس د اردوغان د څرګندونو له مخې لیکلي: د سوريې د ۱۰۰۰۰ ماشومانو برخلیک، چې په اروپا کې یې پناه غوښتې وه؛ ناڅرګند پاتی دی.

اردوغان ویلي، چې کډوالي یوه نړیواله مسله ده او میلیونونه خلک د جګړې، ترهګرۍ او فقر له کبله د خپلو کورونږ پریښودلو ته لړ شوي دي.

هغه  څرګنده کړې، چې نن ورځ په نړۍ کې شاوخوا ۲۵۰ میلیون مهاجر دي او همدا شان له ۷۱ میلیون ډېر بې ځایه شوي دي.

ترکیې په نړۍ کې د مهاجرو ترټولو د لوی شمېر کوربتوب روانه ساتلی.

هما اوس په ترکیه کې د سوریې ۶.۳  میلیون او د نورو هېوادونو ۳۳۰ زره کډوال راجستر شوي دي.

د مهاجرت نړیوال فستیوال دغه ننداریزه نه یوازې د ترکیې د فرهنګ او ګرځندوی وزارت لخوا ملاتړ شوې، بلکې او د کورنیو چارو وزارت او د ترکیې د ولسمشرۍ څارنې لاندې تر سره کیږي.

په دې فلمي فیستیوال کې هغه فلمونه او مستند فلمونه وړاندې کیږي، چې د مهاجرت ژمنې او ننګونې پر ګوته کوي او هغه ځانګړی ګډون، چې کډوال په نوې ټولنې کې تر سره کوي؛ د فستیوال موخه داده، چې په دې اړه ډېرو بحثونو ته لار  اواروي.

.

د سږني غوره فلم جایزه د یکشنبې پر ورځ د لارښود واد الکاتب او اډوارډ واټس لخوا “د سما” په نوم فلم تر لاسه کړې ده.

تازه خبرونه

د افغانستان د شوکاڼي صادرات بیا پیل شول

خپور شوی

په

توسط

(Last Updated On: ليندۍ ۹, ۱۴۰۰)

د افغانستان د صنعتکارانو ټولني غړيو ويلي، چې په دې وروستیو کې نه یوازې د سیمې یو شمبر هېوادونو ته زرګونه ټنه شوکاڼی یا تالک ډبرې صادرې شوي، بلکې هسپانیا او بریټانیا ته هم پېنځه سوه ټنه صادرات لرو.

د خصوصي سکتور غړي وايي که د اسلامي امارت لخوا د هېواد په کاني  سکتور کې د پانګونې آسانتیاوې  رامنځته شي؛ خصوصي  سکتور چمتو دی،  چې په دې برخه کې زیاته پانګونه وکړي.

د صنعتکارانو ټولنې  مشرعبد الجبار ساپی وایي: په دې وروستیو کې د افغانستان د شوړکاڼو صادارت، پاکستان، ترکیې، هندوستان، چین،هسپانیې او بریټانیا ته پیل شوي او هیله لرو، چې صادرات مو نور هم پراخ شي.

د کانونو او صنایعو خونې غړي وايي، چې  په افغانستان کې  د کانونو د ناقانونه کېندنې او استخراج  مخنیوي شوی؛ خو  که د کان کېندنې لپاره نوې او آسانه پالیسۍ جوړې شي،  په دې سکتور کې به ډېره پانګه جذب شي.

نوموړي ویلي: په کابل کې د اسلامي امارت له بیا واکمنېدو سره په ډېرو برخو کې د کانونو پر ناقانونه استخراج او قاچاق بندیز رامنځ ته شوی؛ خو باید قانوني کارونو ته يي هڅې چټکې شي.

د اقتصادي  چارو کارپوهان هم له اسلامي امارته غواړي، چې د کانونو په برخه کې د خصوصي سکتور د پانګونې د جذب بهیر پراخه کړي.

د اقتصادي چارو کارپوه تاج محمد تلاش وایي: د هېوادنیو کانونو استخراج کولی شي په هېواد کې تر یوه بریده اقتصاډي ثبات رامنځته کړي. هیله ده، چې اسلامي امارت دې سکتور ته خپله پاملرنه پراخه کړي؛ ځکه دا سکتور په هېواد کې د کار په رامنځته کولو کې ډېر اړین دی.

د امریکا د پراختیايي اداري لخوا د شوې سروې له مخې په افغانستان کې د درې ټریلیون ډالرو پر ارزښت کانونه شته، چې استحراج به یې د افغانستان اقتصادي بحران پای ته ورسوي او افغانستان به د صنعتي هېوادونو د سیالۍ ډګر ته ودروي.

Continue Reading

تازه خبرونه

د اسلامي امارت مشرانو په دوحه کې له اروپايي او بریټانیاوي چارواکو سره وکتل

خپور شوی

په

توسط

(Last Updated On: ليندۍ ۸, ۱۴۰۰)

د افغانستان اسلامي امارت د بهرنیو چارو وزارت د چارسمبالي مولوي امیرخان متقي په مشرۍ د یکشنبې پر ورځ ( د لیندۍ ۷ ) په قطر کې له اروپايي ټولنې او بریتانیاوي چارواکو سره وکتل.

نوموړی د یوه پلاوي په مشرۍ له امریکايي او اروپايي چارواکو سره د خبرو لپاره دوحې ته تللی، له تېرو دوه ورځو راپدیخوا د اروپايي ټولنې له یوه پلاوي سره یې کتلي دي.

د بهرنیو چارو وزارت ویاند عبدالقهار بلخي ټویټ کړی، چې د متقي په مشرۍ د اسلامي امارت پلاوي د افغانستان لپاره د اروپايي ټولنې له ځانګړي استازي ټوماس نیکولسون او مل پلاوي سره دوه ورځنۍ هراړخیزې لیدنې وکړې.

عبدالقهار بلخي ویلي؛ دواړو لوریو د افغانستان د بشري وضعیت، روغتیا، امنیت، د سفرونو د خوندیتوب او د مرستو د رسولو په اړه خبرې وکړې.

هغه زیاته کړې: د اروپايي ټولنې پلاوي له افغانستان سره د خپلو مرستو د دوام لپاره چمتووالی څرګند کړ او په کابل کې یې د اروپايي ټولنې د دفتر د شتوالی په اړه د بشري مرستو له برابرولو ډاډ ورکړ.

نوموړي دا هم ویلي، چې افغان پلاوي دوی ته د امنیت ډاډ ورکړ او په ورته وخت کې یې د سیاسي او بشري ملحوظاتو د جلا کولو غوښتنه کړې او ټینګار کوي، چې د همکارۍ له لارې پرمختګ ته اړتیا ده، نه د فشار له لارې.

مولوي متقي همدا راز په دوحه کې د بریټانیا له سفیر سره هم وکتل او دواړو لوریو د افغانستان پر بشري، اقتصادي او امنیتي وضعیت خبرې وکړې.

د عبدالقار بلخي د څرګندونو له مخې؛ افغان پلاوي دوى ته په افغانستان کې د امنيت د ټينګښت ډاډ ورکړ او له نړۍ سره يې د مثبتو اړيکو د ټينګښت لپاره د افغانستان پر هڅو ټينګار وکړ.

اروپايي ټولنې هم د یکشنبې پر ورځ ناوخته په یوه خپره شوې خبرپاڼه کې دغه ناسته تائید کړې او ویلي یې دي، چې اسلامي امارت د افغانستان د بشري وضعیت او “جدي اندېښنو” ترڅنګ د خبرو پر مهال د افغانستان د هوايي حریم پر فعال ساتلو د مرستې غوښتنه کړې ده.

په خبرپاڼه کې راغلي: د خبرو اترو موخه د اروپايي ټولنې لخوا د اسلامي امارت د موقت حکومت په رسمیت پېژندنه نده، بلکې د اروپايي ټولنې د عملیاتي ښکېلتیا یوه برخه د اروپايي ټولنې او د افغانستان د خلکو په ګټه ده.

اروپايي اتحادیې څرګنده کړې؛ اروپايي ټولنې ژمنه کړې، چې د اګست په میاشت کې له افغانستان څخه د امریکا او متحدینو تر وتلو پورې به هغه افغانان بخښي، چې له تېرو دوه لسیزو راپدیخوا د افغانانو او د هغوی د متحدینو پر ضد جنګېدلي دي.

اسلامي امارت هم پخپلې ژمنې یو ځل بیا ټینګار کړی، چې که وغواړي افغانان او بهرنیو اتباعو ته اجازه ورکړي، چې له افغانستان ووځي او په بدل کې یې د کابل په هوايي ډګر کې د عملیاتو د دوام لپاره د مرستې غوښتنه وکړه.

دواړو لوریو د ژمي له رارسېدو سره په افغانستان کې د خرابېدونکي بشري وضعیت په اړه ژوره اندېښنه څرګنده کړې او د اروپايي ټولنې پلاوي له اسلامي امارت وغوښتل، چې د ټولګډونه حکومت د جوړولو، د نجونو د تعلیم دودولو لپاره خپلې هڅې ګړندۍ کړي او د هغو ډلو مخه ونیسي، چې د نورو امنیت له خطر سره مخ کوي.

د اعلامیې له مخې؛ اسلامي امارت له “اسلامي اصولو سره سم” د بشري حقونو څخه خپل ملاتړ یو ځل بیا تکرار کړ او څرګندوي، چې په افغانستان کې د تړلیو ډیپلوماټیکو ماموریتونو د بیا پرانستلو هرکلی کوي.

دا په داسې حال کې ده، چې د اسلامي امارت د پلاوي او امریکایي استازیو ترمنځ د دوشنبې پر ورځ  د قطر په پلازمېنه دوحه کې د نوي پړاو خبرې پیلیږي او اسلامي امارت تمه لري، چې په دغو خبرو کې به له امریکا سره د افغانستان د شتمنیو د خلاصون په اړه هوکړه وشي.

Continue Reading

تازه خبرونه

آسیایي مشرانو په سیمه ییزه غونډه کې افغانستان ته د مرستې ژمنه وکړه

خپور شوی

په

توسط

(Last Updated On: ليندۍ ۸, ۱۴۰۰)

د آسیایي هېوادونو مشرانو د یکشنبې پر ورځ د ترکمنستان پر کوربتوب په جوړه شوې سرمشریزه کې له افغانستان سره د مرستو ژمنه وکړه.

د امریکا غږ د راپور له مخې؛ هغه ۱۰ هېوادونه (ترکیه، ایران، پاکستان، افغانستان او د پخوانی شوروي شپږ هېوادونه ) چې د اقتصادی همکارۍ ټولنې غړي دي؛ ټولو په سیمه کې د سوداګریزو خنډونو د لرې کولو او د نويو ټرانسپورټي سوداګریزو دهلیزونو د پراختیا غوښتنه وکړه.

دغو آسیايي هېوادونو ژمنه کړې، چې د افغانستان په ثبات کې به هم مرسته کوي.

غونډې ته د وینا پر مهال د پاکستان ولسمشر عارف علوي ویلي؛ اسلامي نړۍ باید د هغه ناورین په مخنیوي کې د مرستې لپاره خپلې هڅې ګړندۍ کړي، چې ګډوډي او جګړې ترې رامنځته کیږي.

نوموړي زیاته کړې، چې د سیمې هېوادونه باید د افغانستان د اقتصاد په بیارغونه کې د مرستې لپاره د دغه هېواد د روغتیایي خدمتونو او ښوونیز نظام د ښه کولو او د بشري مرستو د وړاندې کولو لپاره چټک ګامونه پورته کړي.

علوي دا هم ویلي، چې یو باثباته افغانستان به د اوږدمهاله ځنډېدلیو بېخبنایي پروژو پلي کولو ترڅنګ د ګازو نللیکې، رېلګاډي پټلۍ او  برښنایي شبکې غزولو ته، چې د سیمې هېوادونه سره نښلوي هم اجازه ورکړي.

د ترکمنستان ولسمشر قربانقلي بردي محمدوف ویلي؛ د همکارۍ دا سترې پروژې به نه یوازې د بهرنۍ پانګونې په راجلبولو کې مرسته وکړي، بلکې افغانستان او ګاونډ هېوادونو ته هم ډېره ګټه رسوي.

د ترکیې ولسمشر رجب طیب اردوغان خبرداری ورکړی، چې د افغانستان اقتصادي کړکېچ ښايي د کډوالۍ د پراخو ستونزو لامل شي، چې ټوله سیمه به اغېزمنه کړي.

د ایران ولسمشر ابراهیم رییسي هم د مرستې وړاندیز وکړ او څرګنده کړې یې ده، چې افغانستان د ژمي له را رسېدو سره نه یوازې مالي مرستو ته ااړ دی، بلکې خوراکي توکو او سون توکو ته هم سخته اړتیا لري.

 د یادونې ده که څه هم د افغانستان اسلامي امارت په دې ناسته کې ونډه نه درلوده؛ خو مشرتابه همهاله د سوداګرو او صنعتکارانو یوه ناسته راوغوښته او د سیمې پر سوداګریزو اړیکو او د سترو پروژو پر پلي کېدو یې هر اړخیز ټینګار څرګند کړ.

Continue Reading

Trending

آریانا نیوز: ټول حقونه خوندي دي