تازه خبرونه
په تېرو ۴ میاشتو کې ۵۵۸۷ ملکي وګړيو ته مرګ و ژوبله اوښتې – د سولې په چارو کې د دولت وزارت
د روان کال په ۴ لومړیو میاشتو کې پېنځه زره پېنځه سوه اووه اتیا ملکیان او څلیریشت زره شپږ سوه نهه طالب جنګیاليو ته مرګ و ژوبله اوښتې ده.
دغه راز یوشمېر سرچینو آریانا نیوز ته ویلي، چې په دې موده کې څه باندې دوه زره پوځیان هم وژل شوي دي.
د سولې په چارو کې د دولت وزارت په ډاګه کړې؛ تاوتریخوالی د تېر کال په پرتله پنځوس سلنه ډېر شوي او دا معلومات ښیي، چې طالبان د دوحې د هوکړې خلاف پر جګړې ټينګار کوي.
دا بنسټ وایي، چې طالبان باید د اووه زره بندیانو د خلاصون مسئله او له تور نوملړه د خپلو مشرانو د نومونو د ویستو موضوع د سولې په خبرو کې مطرح کړي او جګړه د تاوتریخوالي د پای ته رسېدو لار نده.
د سولې په چارو کې د دولت وزارت د تاوتریخوالي د کمېدو پر سر د څارنې ریاست یو لړ څرګندونې خپرې کړي او وایي، چې د روان کال په څلورو لومړیو میاشتو کې تاوتریخوالی پنځوس سلنه ډېر شوي.
د تاتریخوالي د کمېدو پر سر د څارنې مشر سید عبدالله هاشمي ویلي: طالبانو دوه ویشت زره یرغلیز بریدونه کړي؛ ۹۳ ځانمرګي، ۱۶۷۵چاودنې، ۶۵۰ توغنديز، د دولت تر ولکې لاندې سیمو کې ۶۲۳ ځمکنۍ نښتې، ۸۴۴ موخه ییزې وژنې، ۶۵۰ کمینونه تر سره کړي، چې په پایله کې یې ۲۵۶۶ ملکي وګړي وژل شوي او ۳۰۲۱ نور ټپیان دي.
همدارنګه ۶۲۱ ښوونځي تړل شوي، ۴۲ سلنه زدکوونکي له زدکړو بې برخې شوي دي.
د سولې په چارو کې د دولت وزارت د څرګندونو له مخې؛ طالبانو په څلور لومړیو میاشتو کې ډېر ځاني زیانونه لیدلي؛ ۲۴۶۰۹ طالب جنګیاليو ته مرګ و ژوبله رسېدلې؛ خو طالبانو د سولې په چارو کې د دولت وزارت دا څرګندونې رد کړي او هغه له رښتیاوو لرې بولي.
د ملي پخلاینې عالي شورا مرستیال عطاء الرحمان ویلي، چې طالبانو د دوحې هوکړه لیک خلاف عمل کړی او که دا ډله غواړي، چې اسلامي نظام واکمن شي، خپلې غوښتنې دې د سولې خبرو کې مطرح کړي.
د بهرنیو چارو وزارت هم په یوې خبرپاڼه کې ویلي، چې آسترالیا د تاوتریخوالي پر دوام او د ملکیانو په ځانګړي توګه ښځو او نجونو په ربړولو اندېښنه ښوودلې.
دغه راز ویل کیږي، چې کندهار ولایت له يو بشري او انساني ناورين سره مخ شوی دى.
د دې ولايت د کډوالو چارو مشر دوست محمد نایاب وايي جګړه د هري ورځي له تېريدو سره د ښار منځته را نږدې کيږي او دا مهال د ښار په ٨ حوزو کي جګړه روانه ده، چي له دغو سيمو څخه تر اوسه ٢٢ زره کورنۍ بې ځايه شوې دي.
د نوموړي د څرګندونو له مخې؛ په کندهار کي جګړې انساني او بشري ناورين را منځته کړى، چي په دې برخه کي له نړيوالي ټولني د مرستو غوښتنه کوي.
د یادونې ده، چې جګړو په څه باندې شل ولایتونو کې له ملکیانو قرباني اخیستې او په ځانګړي توګه په کې ښځو او ماشومانو ته مرګ و ژوبله اوښتې ده.
تازه خبرونه
نړیواله ټولنه دې د پاکستان د بې عدالتۍ او ظلم مخه ونیسي ـ د هوایي برید ټپیان
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
په پکتیکا کې د پاکستان په هوايي بریدونو کې یو شمېر ټپیان له نړیوالې ټولنې غواړي، چې د پاکستان د "بې عدالتۍ" او ظلم مخه ونیسي.
د پکتيکا ولايت په برمل ولسوالۍ کې د پاکستان د هوايي بريدونو له کبله د ماشومانو، لويانو او میرمنو په ګډون يو شمېر ټپيان کابل ته لېږدول شوي دي.
هر ټپي د برید دردوونکې کیسې لري او وايي پاکستانيو الوتکو هغه سیمې پر نښه کړې، چې کډوال په کې شپې سبا کوي.
دوی وايي؛ د پاکستان پوځ له کډوالو سره غیر انساني چلند کوي؛ ماشومان او ښځې پر نښه کوي.
له آریانا نیوز سره داسې ټپیانو هم خبرې کړي، چې د پاکستان په هوايي بریدونو کې یې د خپلو کورنیو ډېر غړي له لاسه ورکړي دي.
په هغو ټپیانو کې، چې کابل ته راوړل شوي دي؛ داسې ټپیان هم په کې ديؤ چې د خپلې کورنۍ ټول غړي یې له لاسه ورکړي دي.
په پکتیکا کې د پاکستان د هوايي برید له کبله ټپي شوی یحیی نومی ماشوم د خپلې کورنۍ د ټولو غړیو د له لاسه ورکولو په غم کې ژاړي.
له دې بریدونو څخه ان دوه میاشتنی ماشوم هم ندی خلاص شوی، دغه ماشوم اوس د خپلې مور د ګرمې غېږې پر ځای د کابل په یوه روغتون کې بستر دی.
د هوایي برید ټپیان وايي، چې د پاکستاني پوځ د بريدونو له وېرې له وزيرستانه افغانستان ته را کډه شول؛ خو دلته پرې هم بريدونه کیږي.
په پکتیکا کې د پاکستان د هوايي برید یو بل ټپي سهیل نومي ویلي؛ له همدې کبله له نړیوالې ټولنې غواړي، چې د پاکستان د «بې عدالتۍ» او ظلم مخه ونیسي.
د کارپوهانو د څرګندونو له مخې؛ د پاکستان پوځ، چې د نړیوالو قوانینو خلاف په ګاونډ هېوادونو کې خپل وګړي پر نښه کوي؛ غواړي، چې کابل له اسلامآباد سره د کړکېچ نوي پړاو ته وردننه شي. هغه تاوتریخوالی، چې کیدی شي د سرحدي نښتو او د پاکستان پر خاوره د بریدونو د زیاتوالي لامل شي.
ویل کیږي، چې پاکستان پخپله غواړي د خپل پوځ او ټي ټي پي تر منځ جګړې ته زور ورکړي.
تازه خبرونه
پاکستان په افغانستان کې خپل هوايي بریدونه تائید کړل
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان بهرنیو چارو وزارت د پنجشنبې پر ورځ ( د مرغومي شپږمه ) تائید کړه، چې د سېشنبې پر شپه یې هوایي ځواکونو په افغانستان کې بریدونه کړي دي.
د یاد حکومت د بهرنیو چارو وزارت ویاندې ویلي، چې پاکستان د خپلو خلکو لپاره یو موټی دی.
د پاکستان ډان نیوز ورځپاڼې د دغه هېواد د بهرنیو چارو وزارت د ویاندې ممتاز زهرا بلوچ له خولې ویلي، چې پاکستان د افغانستان په سرحدي سیمو کې عملیات کړي دي.
ممتاز بلوچ څرګنده کړې، چې دغه عملیات د پاکستان لخوا د افغانستان په سرحدي سیمو کې د استخباراتي معلوماتو پر بنسټ ترسره شوي.
هغې زیاته کړې: دا عملیات د پاکستان امنیت ته د ګواښونو پر بنسټ ترسره شوي دي.
دې چارواکې ټینګار کړی، چې پاکستان " تل له افغانستان سره د اړیکو په اړه خبرو اترو ته لومړیتوب ورکړی دی."
ممتاز بلوچ ویلي: مونږ د افغانستان بشپړتیا او حاکمیت ته درناوی لرو.
بلوچ یادونه کړې، چې د پاکستان امنیتي ځواکونه او د قانون پلي کوونکي ادارې په منظم ډول "په سرحدي سیمو کې د ترهګرو ډلو پر ضد" عملیات ترسره کوي.
هغې ټینګار کړی: د دغو عملیاتو پیل په ډېر دقت سره ترسره کیږي.
نوموړې ویلي، چې د خپلو اتباعو ساتنه د پاکستان لومړیتوب دی، " د ترهګرو لخوا پاکستان او خلکو ته ګواښونه موجود ول".
بلوچ ویلي: "پاکستان د خپلو خلکو امنیت ته ژمن دی."
د اسلامي امارت اړوند چارواکو له برید وروسته سخت غبرګون ښودلی دی:
د افغانستان اسلامي امارت بهرنیو چارو وزارت د دغو بریدونو په غبرګون کې د پاکستان شارژدافیر احضار کړ.
دغه وزارت د پکتيکا ولايت په برمل ولسوالۍ کې د پاکستانيو ځواکونو د وروستي هوايي بريد د غندلو تر څنګ پاکستاني ډيپلوماټ ته د " سخت اعتراضي يادښت" وړاندې کړ.
په دې لیک کې ټینګار شوی، چې د افغانستان د ځمکني بشپړتیا ساتنه د اسلامي امارت لپاره یوه « سره کرښه» ده او خبرداری ورکوي، چې دا ډول بې پروايي به بدې پایلې ولري.
د سېشنبې پر ورځ د پکتیکا ولایت د برمل ولسوالۍ په اړوند سیمو کې پاکستان هوایي بریدونه وکړل، چې له کبله یې ۴۶ کسان د ښځو او ماشومانو په ګډون ووژل شول او شپږ نور ټپیان دي.
تازه خبرونه
اسلامي امارت د جدي شپږمه د شوروي اتحاد یرغل وغانده
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د افغانستان اسلامي امارت پر افغانستان د شوروي اتحاد د یرغل د پیل د ۴۵ کلیزې په مناسبت په خبربانه کې د جدي شپږمه د شوروي اتحاد یرغل غاندلی او د افغانانو مباره یې ستایلې ده.
د ارګ په خبرپاڼه کې راغلي: « له نن څخه ۴۵ کاله وړاندې د ۱۳۵۸ کال د جدې پر شپږم تاریخ د پخواني شوروي اتحاد سرو لښکرو د خپلو لاسپوڅو پر ملتیا پر افغانستان تېری وکړ؛ خو د افغانستان مېړني ولسونه یې پر وړاندې ټینګ ودرېدل.»
د خبرپاڼې له مخې؛ افغانان له ۹ کاله مبارزې او جهاد وروسته داسې ورځ ولیده، چې سرو لښکرو په افغانستان کې ماتې وخوړه او له افغانستان څخه ووتل.
اسلامي امارت ویلي، چې راتلونکي نسلونه باید تل د دین، خپلواکۍ او وطن په دفاع کې د خپلو پخوانیو اسلافو پیروي وکړي او د هر ډول تېري او ظلم پر وړاندې ودریږي.
-
نړۍ4 days ago
په برازیل کې د یوې ترافیکي پېښې له کبله ۳۰ کسان مړه شول
-
ساینس او ټیکنالوژي3 days ago
ټیکټاک د یو څه وخت لپاره په امریکا کې د پاتې کېدو ارزښت لري – ډونالډ ټرمپ
-
تازه خبرونه2 days ago
اسلامي امارت به په پکتیکا کې د پاکستان وحشیانه بریدونه بې ځوابه پرې نهږدي
-
نړۍ1 day ago
د سوریې پخوانیو وسلوالو له دفاع وزارت سره د ادغام هوکړه وکړه
-
تازه خبرونه3 days ago
کمزوری ایران ښایي د اټومي وسلو پر پراختیا راوڅرخیږي – سپینه ماڼۍ
-
تازه خبرونه4 days ago
ټاکل شوې په افغانستان کې د ګوزڼ واکسین نوی کمپاین پیل شي
-
تازه خبرونه4 days ago
په پروان ولایت کې ۵ زره جریبه ځمکه دولتي تثبیت شوه
-
نړۍ1 day ago
د شتمنو هېوادونو د مرستو کمېدو له کبله په نړۍ کې د لوږې بحران پراخه شوی دی