Connect with us

تازه خبرونه

په تخار کې پولیسو نامسووله وسلوال نیولي

Ariana News

خپور شوی

 په

(Last Updated On: غبرګولى ۱۰, ۱۳۹۹)

افغان ځواکونو په تخار ولایت کې د عملیاتو په لړ کې یوه غیر مسؤله وسله واله ډله نیولې او یوه ښځه یې د دوی له منګلو ژغورلې.

دغه عمليات د جمعې پر شپه د دې ولايت د فرخار ولسوالۍ په پير کنده کاو سیمه کې ترسره شوي وو.

د تخار پولیسو ویاند خلیل اسیر آریانا نیوز ته ویلي چې د دې ډلې مشر د ډزو په پای کې وژل شوې او د ډلې شپږ غړي د پولیسو لخوا نیول شوي دي.

اسیر زیاته کړه چې یوه ښځه چې د کابل اوسیدونکې ده او دی ډلې لخوا تښتول شوې وه ژغورل شوې.

په یادو عملیاتو کې یوه اندازه وسلې او مهمات د ملي پولیسو لاسته ورغلي دي.

پولیسو زیاته کړې چې دغه ډلی په وژنو، وسله والو غلاوو، سړي تښتونو او د خلکو په ځورونې کې لاس درلود.

تازه خبرونه

هر کال د افغانستان په ګمرکونو کې د یو میلیارد دالرو مالي فساد کیږي

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان د روڼتیا څار بنسټ مسوولین وايي، چې د هېواد د ګمرکونو په میلیونونو افغانۍ د زورواکو جیبونو ته ځي او چارواکي یې په اړه له پرېکړې بې وسه دي.

د هرات په اسلام کلا بندر او ګمرک کې د لس کلونو په بهیر کې د راټولو شويو کلونو عواید ښيي، چې هر کال د میلیاردونو افغانیو توپیر په کې لیدل کیږي؛ په ۱۳۹۰ کې د ګمرک عواید ۱۶ میلیارده افغانۍ ول، د ۹۱ کال په څلور میاشتو کې پېنځه میلیارد ښودل شوي وه؛ خو په ۹۲ کال کې بیا عواید دیارلس میلیارد شول، په ۱۳۹۳ کې څلور میلیارده نور هم راکم شول( نهه میلیارده راټول شول) په ۹۴ کې بېرته دولس میلیاردو ته لوړ شول، په ۹۶ او ۹۷ کې شلو میلیاردو ته وختل، په ۹۸ کې بېرته شپاړس میلیارده شول او په  روان کال کې د همدغه ګمرک لومړۍ درجه مسوول په خپل فیسبوک او تویتر کې ولیکل، چې د مارچ پر څوارلسمه په دې ګمرک کې ۱۳۷ میلیون افغانۍ عواید راټول شول. د مارچ  پر څوارلسمه یې ولیکل، چې ۱۱۹ میلیون افغانۍ راټولې شوې او د جولای پر نهمه یې د ۱۲۲ میلیون افغانیو له راټولولو خبر ورکړ. دغو معلوماتو او کرونايي حالت ته په کتو په نسبي ډول د دغه ګمرک عواید په کال کې ۳۳ میلیارد افغانیو ته رسیدای شي.

د روڼتیا څار بنسټ څېړونکي ناصر تیکوری د څرګندونو له مخې؛  یوازې د اسلام کلا د ګمرک میلیونونه افغانۍ عواید د دولتي زورواکو جیبونو ته لویږي.

د اسلام کلا د ګمرک مسوولینو لخوا د خپرو شویو معلوماتو له مخې؛ اټکل کیږي، چې هر کال په دې ګمرک کې باید دېرش میلیارده افغانۍ عواید راټول شي؛ خو ښکاري، چې یوازې تر شل میلیارد افغانیو دولتي خزانې ته لویږي.

د دغو معلوماتو له مخې؛ ښکاري، چې هر کال د هرات په ګمرک کې په منځنۍ توګه لس میلیارده افغانۍ راټول شوي؛ خو ویل کیږي، چې دا رښتیني ندي.

د مالیې وزارت مسوولین وايي، چې د وارداتو حجم ته په کتو هلته عواید کښته او پورته کیږي.

د مالیې وزارت ویاند  شمروز خان مسجدي وايي، چې د هرات پر ګمرک سربېره د ټولو ګمرکونو کلني عواید واردتو ته په کتو توپير کوي.

دا په داسې حال کې ده، چې د هرات والي څه موده مخکې رسنیو ته څرګنده کړې وه، چې هلته د ګمرک میلیونونه افغانۍ د زورواکو جیبونو ته لویږي.

Continue Reading

تازه خبرونه

د افغانستان کرکت بورد پر ریاض حسن لګیدلي بندیزونه لیرې کړل

Ariana News

خپور شوی

په

توسط

(Last Updated On: چنګاښ ۲۴, ۱۳۹۹)

د ۱۹ کلنو ملي لوبډلې ځوان لوبغاړي ریاض حسن درې کلن لوبیز بندیز د شا وخوا ۱۵ میاشتو په تېرېدو سره پای ته ورسېده چې پر بنسټ به یې نوموړی د انظباط او ډسپلین کمېټې د پرېکړې له مخې د وړتیا په ښودلو سره په هر ډول رسمي او غیر رسمي لوبو کې ګډون وکولی شي.

ریاض حسن د ۱۹ کلنو ملي لوبډلې توپوهونکی دی، چې پر ۲۰۱۹م کال په هندوستان کې د افغانستان، سویلي آفریقا او هندوستان ترمنځ د درې اړخیزو سیالیو پر مهال د دسپلیني سرغړونې په پایله کې له درې کلن لوبیز بندیز سره مخ شوی و.

— Afghanistan Cricket Board (@ACBofficials) July 14, 2020

د یادونې وړ ده، چې د افغانستان کرکت بورد د بشري سرچینو پر اصولو سربېره د لوبغاړیو د سرغړونو لپاره د دسپلین او انظباط اصول هم لري، چې د لوبغاړیو د عمدي او غیرعمدي تېروتنو پر مهال پرې عملي کېږي.

Continue Reading

تازه خبرونه

د امریکا او طالبانو د هوکړې لومړی پړاو بشپړ شو- خلیلزاد

Ariana News

خپور شوی

په

توسط

(Last Updated On: چنګاښ ۲۴, ۱۳۹۹)

د افغانستان د سولې ځانګړي استازي زلمي خلیلزاد ویلي، چې امریکا له طالبانو سره د خپلې هوکړې لومړی پړاو پوره پلی کړی دی.

د افغانستان د سولې ځانګړي استازي زلمي خلیلزاد ویلي، چې مونږ له طالبانو سره د سولې رامنځته کولو د هوکړې پر ۱۳۵ ورځ د هوکړې لومړی پړاو؛ د ځواکونو کمول او له ۵ پوځي مرکزونو وتل په بریالیتوب تر سره کړ.

هغه ویلي؛ د بندیانو د خوشې کولو بهیر که څه هم پڅ و؛ خو خپل پرمختګونه لري، د حکومت او طالبانو مرکچي پلاوي خبرو ته چمتو شوي، سیمه ییزې اړیکو وده کړې او یو امریکایي سرتېری هم د طالبانو په تاوتریخوالي کې ندی وژل شوی.

دا په داسې حال کې ده، چې طالب وسلوالو تېره ورځ د سمنګان ولایت په ایبک ښار کې د ملي امنیت پر ریاست موتر بم برید تر سره کړ او لسګونه ملکي وګړيو او افغان ځواکونو ته په کې مرګ و ژوبله واوښته.

خلیلزاد دغه برید په کلکه غندلی او ویلي یې دي، چې د چاودیدونکیو توکو ډک موتربم برید د یو ولایت په مرکز کې د منلو ندی او د هغو کسانو په ګټه دی، چې د سولې دښمنان او د نورو تالیڅټي دی. د جګړې ټول اړخونه باید تاوتریخوالی راکم کړي.

خلیلزاد زیاته کړې؛ په تېرو ورځو او اوونیو کې تاوتریخوالی ډېر شوی دی. په زیاد شمېر افغانان پرته له کوم دلیله وژل کیږي.

هغه ویلي ؛ امریکا غواړي له طالبانو سره د سولې رامنځته کولو د هوکړې دوه یم پداو هم پلی او تر سره کړي؛ خو دا به مشروطه بڼه ولري.

نوموړي زیاته کړې؛ مونږ به د بندیانو پر پوره خوشې کیدو، اورکم او د خپلمنځي خبرو د پیلیدو پر ژمنو ډېر ټینګار وکړو.

Continue Reading

Trending