Connect with us

نړۍ

په بلغاریه کې د ترافیکي پېښې له کبله ۴۵ کسان مړه شوي

خپور شوی

 په

(Last Updated On: ليندۍ ۲, ۱۴۰۰)

د رویټرز د څرګندونو له مخې؛ په بلغاریه کې د یوې ترافیکي پېښې له کبله د ماشومانو په ګډون ۴۵ کسان مړه شوي دي.

په یاد راپور کې راغلي، چې له قربانیانو څخه ۱۲ یې ماشومان دي.

د دغه راپور له مخې، په دې پېښه کې اووه کسان نور سوځېدلي هم دي.

په راپوز کې یاته شوې؛ ډېري مسافر د مقدونیې له شمالي سیمو څخه دي، چې نن سهار (د لیندۍ ۳) د صوفیه په جنوب کې له یوې ترافیکي پېښې سره مخ شول.

چارواکي وايي، د پېښې د لامل په اړه پلټنې پيل شوې دي.

دغه بس له استانبوله بلغاریه ته دننه شوی و؛ خو وروستی منزل یې د مقدونیې په شمالي ښار کې سکوپيه و.

نړۍ

په انډونیزیا کې غړاندې اورشېندنې ۱۳ کسان مړه کړي او لسګونه نور ټپیان دي

خپور شوی

په

توسط

(Last Updated On: ليندۍ ۱۴, ۱۴۰۰)

رویټرز څرګنده کړې؛ د انډونیزیا د جاوا جزیرې په سمرو اورشېندنه کې لږ تر لږه ۱۳ کسان مړه شوي او لسګونه نور ټپیان او سوزېدلي دي.

د انډونیزیا له طبیعي پېښو پر وړاندې د مبارزې ملي مرکز ویلي؛ په پېښه کې ۹۸ نور کسان سوزېدلي، چې د ځینو روغتیايي حالت د اندېښنې وړ دی.

په راپور کې راغلي، چې پرون (شنبه د لیندۍ ۱۳) د اور شېندنې پر مهال لوګي او ایره هوا ته پورته شوه او شاوخوا کلي یې په تورتم کې ډوب کړل.

د انډونيزيا مرستندويه ځواکونو د کلیو ګڼشمېر اوسېدونکي ايستلي او امن سیمې ته یې لېږدولي دي.

د انډونیزیا له طبیعي پېښو پر وړاندې د مبارزې ملي مرکز مشر ويلي؛ مرستندویان هڅه کوي، چې په لوماجانګ سیمه کې به لنډمهالې سرپناوې جوړه کړي.

د انډونیزیا ولسمشر جوکو ویډوډو قربانیانو ته د لاسرسي سپارښتنه کړې ده.

د سمرو اورشیندنه، چې د ۲۰۲۰ زېږدیز کال له ډسمبر راپدیخوا غړانده شوې؛ په دې هېواد کې له شاوخوا ۱۳۰ فعالو اورشیندنو څخه یوه نومول شوې ده.

Continue Reading

نړۍ

پاکستان له سعودي عربستان څخه درې میلیارډ ډالره پور ترلاسه کړ

خپور شوی

په

توسط

(Last Updated On: ليندۍ ۱۴, ۱۴۰۰)

د پاکستان د لومړي وزیر مالي سلاکار ویلي، چې د شنبې پر ورځ یې له سعودي عربستان څخه د اقتصادي ملاتړ کڅوړې د یوې برخې په توګه درې میلیارډ ډالر پور ترلاسه کړ.

رویټرز راپور ورکړی، چې د سویلي آسیا دغه هېواد له لوړ انفلاسیون، د نغدي زیرمو کمیدو، د اوسني حساب کسر ډېرېدو او د اسعارو د ارزښت ټیټیدو او نورو اقتصادي ننګونو سره مخ دی.

د ملاتړ کڅوړې د احکامو له مخې له ریاض څخه ترلاسه شوی پور تېره میاشت لاسلیک شوی او د یوه کال لپاره ۴ سلنه سود لري.

د پاکستان بانک د انفلاسیون له فشار سره د مقابلې لپاره سود 8.75اته اعشاریه پېنځه اویا ته لوړ کړ او دغه انفلاسیون په اکتوبر کې له ۹ اعشاریه ۲ سلنې څخه په نومبر کې یوولس اعشاریه پېنځه سلنې ته پورته شو.

پاکستانۍ روپۍ د روان کال له پیل راپدیخوا تر ۱۱ سلنې ډېره رالوېدلې، چې د جمعې پر ورځ د ډالر په مقابل کې ۱۷۶ ته ورسېده.

پاکستان ته د سعودي پور یوه اوونۍ له هغې وروسته ترسره شو، چې د پیسو نړیوال صندوق له پاکستان سره د ځنډول شوي شپږ میلیارد ډالرو مالي پلان لپاره بیا پر اړینو کړنو هوکړه وکړه.

دا په داسې حال کې ده، چې د سعودي ولیعهد محمد بن سلمان د ۲۰۱۹ کال په فبرورۍ میاشت کې اسلام آباد ته د سفر پر مهال د ۲۰ میلیارډ ډالرو پر ارزښت اقتصادي تړونونه لاسلیک کړل، چې ښه تود هرکلی یې وشو؛ خو په ۲۰۲۰ کال کې ریاض پر اسلام آباد فشار راوړ، چې د ۳ میلیارډ ډالرو پخوانی پور بېرته ورکړي.

Continue Reading

مهم خبرونه

سمرقند د ۲۰۲۳ زېږدیز کال د ګرځندوی پلازمېنه یاده شوه

خپور شوی

په

توسط

(Last Updated On: ليندۍ ۱۴, ۱۴۰۰)

د ازبکستان ګرځندوی او سپورټ وزارت په ډاګه کړی، چې د ملګرو ملتونو د نړیوال ګرځندوی سازمان په ۲۴ عمومي غونډه کې د سمرقند تاریخي ښار د ۲۰۲۳ زېږدیز کال د ګرځندوی پلازمېنه یاده شوې ده.

د هسپانیا په پلازمېنه مادریډ کې د ملګرو ملتونو عمومي غونډ ته د ازبکستان د ګرځندوی او سپورټ وزیر او د ازبکستان د لومړي وزیر مرستیال عزیز عبدالخاکیموف په مشرۍ یو ازبک پلاوی هم ورغلی و.

دغه وزارت څرګنده کړې؛ سمرقند به د لومړي ځل لپاره د ګرځندوی د نړیوال سازمان د ۲۵عمومي غونډې کوربه وي.

دغه راز ویل شوي، چې ازبکستان به د لومړي ځل لپاره د ملګرو ملتونو د دغه دفتر کوربتوب کوي او دا د دې هېواد سیاستونو او هڅو پایله ده، چې په هېواد کې ګرځندوی ته وده ورکړي.

Continue Reading

Trending

آریانا نیوز: ټول حقونه خوندي دي