Connect with us

تازه خبرونه

په بغلان کې د ۴۳۰ بېخبنایي پروژو پلی کیدل پیل شول

Ariana News

خپور شوی

 په

(Last Updated On: غویی ۲۹, ۱۳۹۹)

د کرنې وزارت د کرنیزو تولیداتو د ښه مدیریت لپاره په بغلان ولایت کې پر ۴۳۰ بېخبنایي پروژو د پلي کیدو کار پیل کړی دی.

 چارواکو ویلي، چې په دې پروژه کې به د سبو او میوو د ساتنې لپاره سړې خونې جوړې او ورسره به د تولیداتو د ساتنې آسانتیاوې رامنځته شي.

همدارنه د ممیزو د ساتنې خونې هم جوړیږي.

دغه پروژه به د خلکو د ۱۰ سلنې ونډې په لرلو پر ۲۰۲ میلیون افغانیو ګتې اخیستنې ته وسپارل شي.

چارواکو زیاته کړې، چې دوی د کرنیزو تولیداتو، د محصولاتو د ودې او د کروندګرو د ملاتړ لپاره د هېواد د پر خان بسیاینې  پر لوري ګټور پلانونه لري.

د بغلان د کرنې ريیس عبدالغیاث صدیقي وايي؛ په کور د ننه د کرنیزو محصولاتو په ځان بسیاینې لپاره یې عملي ګامونه اوچت کړي، چې له یوې خوا د کروندګرو په ژوند کې مثبت بدلونونه رامنځته شي او له بلې خوا له دغه پلوه بهر ته له اړتیا خلاص شو.

کروندګر بیا له مسوولینو غواړي، چې دغه پروژې په جدي توګه وڅاري او په ټاکلي وخت یې بشپړې کړي.

دوی وايي، چې د محصولاتو د خوندي کولو او ساتنې لپاره مناسب امکانات نلري؛ نو، ځکه په خپل کار او بار کې زیان ویني.

د دغو پروژو له جوړیدو سره به د بغلان څه باندې څلور زره کسان پر کار وګومارل شي او د درې زره درې سوه ټنو میوو او سبزیو د ساتنې امکانات برابر شي.

تازه خبرونه

په ۹ ولایتونو کې د اورښتونو او سیلابونو وړاندوینه شوې

Ariana News

خپور شوی

په

توسط

(Last Updated On: تله ۸, ۱۳۹۹)

د افغانستان د هوا پېژندنې ادارې د سې شنبې پر ورځ د کابل او پروان په ګډون په ۹ ولایتونو کې د اورښت او سیلابونو وړاندوینه کړې ده.

د افغانستان د هوا پېژندنې ادارې په ډاګه کړې، چې په راتلونکیو څلیریش ګړیو کې به په کابل، کونړ، نورستان، لغمان، کاپیسا، پنجشیر، پروان، ننګرهار او بدخشان ولایتونو کې اورښتونه او احتمالي سیلابونه رامنځته شي.

د دغې ادارې د څرګندونو له مخې؛ په دغو سیمو کې له ۱۰ څخه تر ۲۰ ملي مترو د اورښت وړاندوینه شوې ده.

دا خبرداری په ۱۳ولایتونو کې د تېرې میاشتې له سخت اورښت وروسته ورکړ شوی، چې په کې نږدې ۲۰۰ مړه او په زرګونه خلک بې کوره شول.

ترټولو زیانمن شوی ولایت پروان و، چې د ولایت په مرکز چاریکار ښار کې یې سلګونه کورونه ویجاړ کړي دي.

Continue Reading

تازه خبرونه

د آرمنیا او آذربایجان په نښتو کې لږ تر لږه ۱۰۰ کسان مړه شوي

Ariana News

خپور شوی

په

توسط

(Last Updated On: تله ۸, ۱۳۹۹)

د آرمنیا او آذربایجان ترمنځ د نګورنو قره باغ په  لانجمنه سیمه کې له تېرو درې ورځو روانه جګړه کې  د عامو خلکو په ګ‌ډون لږ تر لږه ۱۰۰ کسان وژل شوي دي.

ارمنستان او اذربایجان دواړو ویلي، چې ټوله شپه درنده جګړه روانه وه.

د ناګورنو قره باغ چارواکو په ډاګه کړې، چې له تېرې یکشنبې د دوی ۸۷ پوځیان وژل شوي او ۱۲۰ نور ټپیان دي.

د آرمني خبري سرچینې څرګنده کړې، چې په آذربایجان کې نږدې ۴۰۰ کسانو ته ځاني زیانونه اړول شوي دي.

آذربایجان که څه هم د خپلو پوځيانو ځاني زیانونه په ډاګه کړي ندي؛ خو د اووه ملکي وګړیو وژنه یې منلې ده.

که څه هم جګړه د یکشنبې پر ورځ د ناګورنو قره باغ په اړوند سیمه کې پیل شوې؛ خو داسې بریښي، چې د سې شنبې پر ورځ له پولې هغې غاړې ته نښتې روانې وې.

د آرمنیا دفاع وزارت ویلي، چې یو مسافر وړونکي بس د آرمنستان د ختیځ په واردنیس ښار کې د آذربایجان د بې پیلوته الوتکې په واسطه تر برید لاندې راغلی؛ خو د ځاني زیان په اړه یې څه ویل شوي ندي.

بي بي سي راپور ورکړی، چې نن دوشنبه د آذربایجان دوه ملکي وګړي د آرمنستان پر توغول شویو توغندیو وژل شوي دي. تېره ورځ هم په آذربایجان کې د یوې کورنۍ پېنځه کسان وژل شوي وه.

په دې جګړه کې ترکیه له آذریانو او روسیه له آرمنیانو ملاتړ کوي.

دا په داسې حال کې ده، چې  د ملګرو ملتونو امنیت شورا د دغې جګړې د درولو غوښتنه کړې او په دې اړه به د سې شنبې پر ورځ بېړنۍ ناسته تر سره کړي.

Continue Reading

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading
Advertisement

Trending