Connect with us

سیمه ییز خبرونه

په بدخشان کې د ناامنیو د مخنیوي لپاره نوې فرقه جوړه شوه

خپور شوی

 په

(Last Updated On: وری ۳۰, ۱۴۰۱)

د بدخشان ځايي چارواکو ويلي؛ د ناامنیو د قابو کولو لپاره په دې ولایت ګې د ملي پوځ یوه نوې فرقه، چې پوره تجهیزات لري جوړه شوې ده.

د بدخشان ځايي چارواکي وايي؛ هیچا ته به اجازه ور نکړ شي، چې د بدخشان د خلکو امنیت ګډوډ کړي.

نوموړي زیاته کړې؛ د دې ولایت د پولیسو او امنیتي ځواکونو پر مسلکي کولو سربېره یې د بدخشان د امنیت ښه والي په موخه د ملي پوځ یوه فرقه جوړه کړې، چې چمتو دي د دې ولایت په هره برخه کې به د نظام مخالفین وځپي.

د بدخشان والي مرستیال مولوي نثار احمد احمدي په دغه ولایت کې له داعش او مقاومت جبهې پورې د اړوند ډلو وسلوالې هڅې مني؛ خو وايي، هیچا ته به اجازه ور نکړ شي، چې د بدخشان امنیت ګډوډ کړي.

د بدخشان د اطلاعاتو او فرهنګ مشر معزالدین احمدي د ناامنیو د رامنځته کېدو په اړه وایي: که داعش دی او که د مقاومت جبهه او یا هر څه، چې ځان نوموي له نظام سره دې خپلې ستونزې او ادعاوې شریکې کړي؛ خلکو ته دې قناعت ورکړي که قانع نشول بیادې وسلې ته لاس کړي.  

د بدخشان اوسیدونکی محب الله سادات وايي، د اسلامي امارت له واکمن کېدو سره یې امنیت ټینګ شوی او د وژنو، غلاوو او نورو جنايي پېښو کچه په دې ولایت کې یو څه راټېټه شوې ده.

د سیمې یو بل اوسیدونکی عبدالباعث حکیمي د بدخشان له ځاي مسوولینو غواړي، چې د امنیت په برخه کې خپلې هڅې نورې هم ډېرې کړي.

دوی وایي، چې اوس څه ناڅه آرام دي؛  نور نه غواړي په دې ولایت کې د جګړو او نا آرامیو شاهدان واوسي.

د بدخشان د ځايي چارواکو د څرګندونو له مخې؛ د دې ولایت په کوهستان ولسوالۍ کې د تازه نښتو په ترڅ کې د مقاومت جبهې اته غړي وژل شوي او یو تن نیول شوی دی.

سیمه ییز خبرونه

اسلامي امارت په رستورانتونو او پارکونو کې د جنسیتي توپیر موضوع رد کړه

خپور شوی

په

توسط

(Last Updated On: غویی ۲۵, ۱۴۰۱)

د اسلامي امارت د امربالمعروف او نهی عن المنکر وزارت د هرات په رستورانتونو کې د جنسیتي توپیر موضوع رد کړه.

په دې وروستیو کې داسې ګنګوسي وه، چې د هرات ولایت د امربالمعرف او نهی عن المنکر ریاست یو شمېر کارکوونکي په ښار کې رستورانتونو ته ورغلي، چې د جنسیت توپیر باید وشي او حتی یوه جوړه هم په رستورانت کې په ګډه ډوډۍ نشي خوړلی؛ خو اوس د هرات ولایت یوشمېر سیمه ییز چارواکي وايي، چې دا یوه تېر وتنه وه او هیڅوک نشي کولی، چې کورنۍ په رستورانتونو او پارکونو کې له یوځای کیدو څخه منع کړي.

د رستورانت مدیر بصیر احمد احمدي ویلي: کله، چې دوی له خپلو کورنیو سره راځي؛ مونږ باید کورنۍ ته ووایو، چې جلا کېني. دا کار په زړه پورې ندی او کله، چې مونږ کورنیو ته داسپارښتنه وکړو؛ هغوی وايي، چې مونږ دا رنګه خوراک په کورونو کې کولی شو او ځي.

په هرات کې د یوه رستورانت کارکوونکی جاوید توانګر ویلي: له نېکه مرغه له هغې وروسته، چې په کابل کې د امربالمعرف او نهی عن المنکر وزارت  غبرګون وښود؛ د بندیزونو مسله بېرته عادي حالت ته راګرزېدلې او رستورانتونه کولی شي کورنیو ته اجازه ورکړي، چې بیا یوځای خواړه وخوري.

د یاد وزارت ویاند عاکف مهاجر په دې اړه په خپل غبرګون کې څرګنده کړې؛ دا موضوع په بشپړه توګه رد شوې او هیڅوک حق نلري، چې له کوره بهر د کورنیو د وتلو مخه ونیسي.

عاکف مهاجر زیاته کړې: زمونږ هېوادوال کولی شي له خپلو کورنیو سره هوټلونو او رستورانتونو ته ولاړ شي؛ ډوډۍ وخوري او چای وڅښي او یا له خپلو کورنیو سره پېرودلو ته ولاړ شي، دا بې بنسټه خبره ده.

له بلې خوا د هرات یو شمېر سیمه ییزو چارواکو هم ویلي، چې له هیڅ ادرسه دا ډول امر ندی صادر شوی او کورنۍ کولی شي په آسانۍ دمځي او رستورانتونه د ناستې او ګرزېدو لپاره وکاروي.

د هرات د اطلاعاتو او فرهنګ مشر نعیم الحق حقاني ویلي: مونږ دا خبره په کلکه ردوو او دا حقیقت نلري.

د هرات اوسېدونکې نګینه بارک وایي: د میز په شاوخوا کې ناست او له کورنۍ سره خواړه خوړل د اسلامي نظر یا د ټولنې له دود سره کومه ستونزه نده؛ خو دا د کورنیو هڅولو او په ټولنه کې د دوی د ښکېلتیا لپاره ګټور کیدی شي.

د یادونې ده، چې له یو لړ ټولنيزو پديدو سره د امربالمعرف او نهی عن المنکر وزارت د کارکوونکیو چلند او په ټولنه کې د خلکو محدوديتونو یو لړ غږونه او ټینګارونه راپورته کړي دي.

Continue Reading

سیمه ییز خبرونه

د سلما برښنا بند درې توربينونه فعال شول

خپور شوی

په

توسط

(Last Updated On: غویی ۱۹, ۱۴۰۱)

د هرات د سندیزې حوزې چارواکو ويلي، د سلما برښنا بند درې توزبینه فعال او د اوبو جريان عادي شوى، چې په هره ثانيه کې اتيا مټر مکعب اوبه د بند له کانالونو څخه کرنیزو خمکو ته روانې دي.

 له یوې میاشتې راپدیخوا د سلما بند اوبه د هریرود د اړوند سیمې کرنیزو ځمکو د خړوبولو لپاره راخلاصې شوي او دا مهال د سلما اوبه د اته ولسوالیو ځمکې خړوبوي.

ورښتونو دغه بند کاسه یو څه ډک کړی، خو د سلما پروژې د تخنیکي برخې مسوولین وايي، سږ کال د اوبو اندازه د تېر کال په پرتله کمه ده.

د سلما بند د تخنیکي څانګې مسوول برکت الله رحیمي وایي؛ دمګړۍ د دې برښنا بند درې توربینه فعال او حالت عادي دی او د اته ولسوالیو کرنیزې ځمکې خړوبه کیږي.  

د هرات د سیندیزې حوزې مشر سردار ولی مزمل وایي: په هره ثانیه کېڅه نا څه اتیا کیلو مټره اوبه له بنده وځي، چې ۵۹ مټر مکعب یې د برښنا د تولید لپاره دي او پر پاتې نورو یې کرنیزې ځمکې خړونیږي.  

د هرات د کرنې او مالدارۍ مشر پیرمحمد حلیمي ویلي؛ سږ کال د وچکالۍ له کبله د سلما بند ته د اوبو رابهیدو کچه د تېرو کلونو په پرتله راټیټه شوې؛ خو د هرات د کرنې ریاست وايي؛ هڅه کوو، چې د هریرود اړوند ولسوالیو ته په عادلانه توګه اوبه ووېشل شي.

کروندګر حلیم شاه رشیدي وایي: د ا اوبه په ښه وخت کې خوشې شوي؛ ځکه، چې د غنمو د کر او ودې وخت دی.

د هرات د خلکو کرکیله د سلما بند له اوبو سره تړلې او کروندګر هیله من دي، چې سږ کال به د وچکالۍ له کبله اوبه په سمه توګه مدیریت او کرنیزې ځمکې خړوبه شي

Continue Reading

تازه خبرونه

په پروان ولایت کې د وارداتي برښنا د دوه ستنو ویجاړوونکي ونیول شول

خپور شوی

په

توسط

(Last Updated On: غویی ۱۰, ۱۴۰۱)

د پروان ولایت د امنیه قومندانۍ ویاند کامران حبیبي ویلي، چې نن د وارداتي برښنا د دوه ستنو دوه ویجاړوونکي ونیول شول او پخپل جرم یې اعتراف هم کړی دی.

د افغانستان برښنا شرکت د څرګندونو له مخې؛ تېره شپه د پروان ولایت د جنوبي سالنګ په تاخمه نومې سیمه کې د ازبکستان وارداتي برښنا دوه ستنې  پر بمونو ویجاړې شوي، چې له کبله یې د کابل په ګډون د ۱۰ ولایتونو  برښنا پرې شوې ده.

برښنا شرکت ويلي؛ د ماين چاودنو له کبله دوه پايې ویجاړې شوي، خو سيمې ته تخنيکي ټيمونه رسېدلي او د رغولو چارې به یې ژر پيل شي.

د پروان ولایت د برښنا شرکت مسوولینو ویلي؛ د برښنا مزي رغول به درې ورځې وخت ونیسي، خو د نن ورځې تر پایه به برښنا په لنډمهاله توګه له کابل او ګاونډ ولایتونو سره ونښلول شي.

د افغانستان برښنا شرکت له خلکو غوښتي، چې د برښنايي تاسيساتو د خوندي ساتلو په اړه دې له سيمه ييزو امنيتي مسوولينو سره همکاري وکړي، چې د رڼا د دښمنانو د ویجاړوونکیو هڅو مخه ونیول شي.

Continue Reading

Trending

Copyright © 2022 Ariana News. All rights reserved!