Connect with us

تازه خبرونه

په بدخشان ولایت کې ۱۲ امنیتي سرتېرو ته مرګ و ژوبله اوښتې

Ariana News

خپور شوی

 په

(Last Updated On: May 2, 2021)

په بدخشان ولایت کې یو شمېر سرچینو آریانا نیوز ته څرګنده کړې، چې تېره شپه (شنبه د غویی ۱۱) وسلوالو طالبانو د وردوج ولسوالۍ د امنیتي ځواکونو پر پوسته برید کړی؛ اته امنیتي سرتېري یې وژلي او شپږ نور ټپیان دي.

دغه راز ویل شوي، چې طالبانو په پوسته کې ټول تجهیزات ویجاړ کړي دي.

طالبانو په یوه اعلامیه کې د برید مسوولیت پر غاړه اخیستی او څرګندوي، چې په دې برید کې اته امنیتي سرتېري وژل شوي او ۱۵ نور ټپیان دي.

په بدخشان کې ځایي چارواکو برید تائید کړی؛ خو د ځاني زیان په اړه یې جزیات ندي ورکړي.

د افغانستان د بیارغونې لپاره د امریکا د پلټنې ځانګړې ادارې (سیګار) په خپل وروستي راپور کې ویلي، چې د روان کال په لومړیو څلور میاشتو کې پر افغان امنیتی ځواکونو ۸۲ سلنه نفوذي  بریدونه ډېر شوي، چې ترې ۱۱۵ کسان وژل شوي او ۳۹ نور ټپیان دي.

د سګار د څرګندونو له مخې، د تېر کال د همدومره وخت پر پرتله د طالبانو په بريدونو کې ډېروالی راغلی دی.

تازه خبرونه

د کابل په لویدیځ کې دوه چاودنو ۱۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: June 12, 2021)

د کابل پولیسو ویلي، چې نن شنبه د غبرګولي ۲۲ له غرمې وروسته د لومړنیو معلوماتو له مخې د کابل د شپږمې او دیارلسمې ناحیو د اړوند سیمو پر خلکو په دوه چاودنو کې اووه کسان وژل شوي او شپږ نور ټپیان دي.

کورنیو چارو وزارت څرګنده کړې، چې پر یو تونس ډوله موټر په دیارلسمه ناحیه کې ماین چاودنه شوې او پر بل تونس ډوله موټر د علي جناح روغتون تر څنګ له چاودنې یاده مرګ و زوبله رامنتځته شوې ده.

یاد وزارت زیاته کړې، چې په ځاني زیانونو کې د دېرړالي شونتیا لیدل کیږي.

تر دې دمه کوم  فرد، شخص او یا ډلې د دې بریدونو پړه نده منلې.

Continue Reading

تازه خبرونه

ناتو له خپلو متحدینو سره د کابل هوایي ډګر پر امنیت او ساتلو کار کوي

Ariana News

خپور شوی

په

توسط

(Last Updated On: June 12, 2021)

د ناټو عمومي منشي ینس سټولټنبرګ پرون د جمعې پر ورځ د غبرګولي ۲۱ ویلي، چې ناټو له خپلو متحدینو سره د حامد کرزي نړیوال هوایي ډګر د بېخبناوو د ساتلو پر څرنګوالي هڅې او کار کوي.

سټولټنبرګ یوې خبري غونډې ته څرګنده کړې، چې په راروانه سرمشریزه کې به د افغانستان په ګډون پر بېلابېلو موضوعاتو بحث او خبرې وشي.

نوموړي زیاته کړې: زمونږ نظامي شتون پای ته رسیدونکی دی؛ خو له افغان ځواکونو او خلکو به زمونږ ملاتړ روان وي.

د ناټو عمومي منشي ویلي: مونږ ټول نه یوازې په افغانستان کې له ننګونو او ستونزو خبر یو، بلکې مونږ اوس هم د خپل پوځي ماموریت د پای ته رسیدو پر خطرونو پوهیږو.

د ناټو عمومي منشي ینس ستولټنبرګ وايي، چې هغه په حامد کرزي نړیوال هوایي ډګر کې د زیربناوو له ساتنې ملاتړ کوي.

ینس سټولټنبرګ په دې اړه ویلي؛ مونږ د ناټو له متحدینو سره د مهمو زیربناوو د ساتنې پر څرنګوالي او ملاتړ کار کوو او دې ته هم سترګې پر لار یو، چې د ناټو نور غړي هم په دې هڅو کې برخه واخلي.

سټولټنبرګ ویلي، چې د ناټو متحدین د حامد کرزي نړیوال هوایي ډګر د امنیت په اړه له ترکیې او نورو هېوادونو سره پر نړیوالو معیارونو بحث او خبرې کوي.

دا نه یوازې د ناټو لپاره، بلکې د ټولې نړیوالې ټولنې لپاره اړین هوایي ډګر دی؛ ځکه د ټولو هېوادونو د ډیپلوماټیک شتون، د مرستندویه بنسټونود مرستو د براختیا لپاره هم مهم دی.

د ناټو عمومي منشي ډاډ څرګند کړ، چې په دې اړه به د ناتو په راروانه ناسته کې خبرې وشي.

Continue Reading

تازه خبرونه

طالبانو د تخار ولایت د اشکمش ولسوالي ونیوله

Ariana News

خپور شوی

په

توسط

(Last Updated On: June 11, 2021)

د تخار ولایتي شورا غړي محمد اعظم افضلي نن جمعه د غبرګولي ۲۱ ویلي، چې وسلوالو طالبانو تېره شپه د دې ولایت د اشکمش ولسوالۍ بازار ته ننوتل، چې تر محاصرې لاندې امنیتي ځواکونو امنیه قومنداني خوشې کړه.

د هغه د څرګندونو له مخې؛ په دې ولسوالۍ کې له تېرو دوه ورځو راپدیخوا د طالبانو په بریدونو کې له ۱۰ ډېر امنیتي ځواکونه وژل شوي دي.

یوې امنیتي سرچینې، چې د نوم له څرګندولو یې ډډه کړې؛ منلې، چې طالبانو اشکمش نیولی، بنګي ولسوالي نه یوازې تر ګواښ لاندې ده، بلکې د سیاه آب د کلي یوه پوسته یې هم نیولې ده.

که څه هم نورو رسمي سرچینو تر دې دمه پدې اړه څه ندي ویلي؛ خو طالبانو منلې، چې دوی پر ولسوالۍ ولکه ټینګه کړې ده.

په سرپل ولایت کې د خلکو یو شمېر استازيو منلې، چې د د دې ولایت د سوزمه قلعه ولسوالي طالبانو تر څارنې لاندې راوستې ده.

سیمه ییزو چارواکو تر دې دمه پدې اړه څه ندي ویلي.

Continue Reading

Trending

آریانا نیوز: ټول حقونه خوندي دي