Connect with us

سیمه ییز خبرونه

په باميانو كې كچالو نومى جشن جوړ او نمانځل شو

Avatar

خپور شوی

 په

(Last Updated On: تله ۶, ۱۳۹۲)

په باميانو كې كچالو نومى جشن جوړ شو، چې په  كې د سيمې لسگونه كروندگرو، د كرنې وزير او سيمه ييزو مسولينو برخه درلوده.

د كرنې او مالدارۍ وزير محمد آصف رحيمي وايي، كه څه هم په باميانو كې  سږ كال زيات كچالو توليد شوي؛ خو دا بسنه نه كوي او په ټول هېواد كې د كرنيزو محصولاتو د زياتوالي هيله من يم.

ښاغلى رحيمې زياتوي، تېر كال په باميانو كې ۲۵۰ زره ټنه كچالو توليد شوي ول، خو سږ كال ښايي دا كچه ۲۷۰ زره ټنو ته پورته شي.

په همدې حال كې يو شمېر بزگران وايي، د كرنې وزارت له خوا ورته مسلكي زده كړې وركړ شوي،  چې د كرنيزو محصولاتو په ډېروالي كې اغېزمنې پريوتې دي.

دوى د خپلو كرنيزو كړنو په وړاندې ستره ستونزه د بازار نه شتون په گوته كوي.

د كرونگرو په وينا، د كرنې او مالدارى وزارت له خوا د كچالو د پاكولو او ماركيټ ته د برابرولو يوه نوې دستگاه فعالعه شوې، له دې دستگاه څخه په استفاده بزگران كولى شي خپل توليدات په نړيوالو معيارونو برابر او بازار ته وړاندې كړي.

كه څه هم د كرني او مالدارى وزارت وايي، چي دبزگرانو لپاره يي د محصولاتو د زياتوالي پروگرامونه پلي كړي؛ خو بزگران وايي، كه د د دوى توليداتو ته دولت ماركيټ پيدا نه كړي، نو ټولې خوارۍ به يي په اوبو لاهو شي.

Continue Reading
Advertisement

تازه خبرونه

پولیسو تخار کې غیرمسؤله وسلوال نیولي

Avatar

خپور شوی

په

توسط

(Last Updated On: غبرګولى ۱۰, ۱۳۹۹)

افغان ځواکونو په تخار ولایت کې د عملیاتو په لړ کې یوه غیر مسؤله وسله واله ډله نیولې او یوه ښځه یې د دوی له منګلو ژغورلې.

دغه عمليات د جمعې پر شپه د دې ولايت د فرخار ولسوالۍ په پير کنده کاو سیمه کې ترسره شوي وو.

د تخار پولیسو ویاند خلیل اسیر آریانا نیوز ته ویلي چې د دې ډلې مشر د ډزو په پای کې وژل شوې او د ډلې شپږ غړي د پولیسو لخوا نیول شوي دي.

اسیر زیاته کړه چې یوه ښځه چې د کابل اوسیدونکې ده او دی ډلې لخوا تښتول شوې وه ژغورل شوې.

په یادو عملیاتو کې یوه اندازه وسلې او مهمات د ملي پولیسو لاسته ورغلي دي.

پولیسو زیاته کړې چې دغه ډلی په وژنو، وسله والو غلاوو، سړي تښتونو او د خلکو په ځورونې کې لاس درلود.

Continue Reading

تازه خبرونه

د ایراني پوځیانو لخوا اوبو ته په اچول شويو کسانو کې ماشومان هم ول

Avatar

خپور شوی

په

توسط

(Last Updated On: غبرګولى ۸, ۱۳۹۹)

تازه موندنې ښيي چې د ایراني سرحدي پوځیانو لخوا د هریرود سیند ته د غورځول شوو افغانانو په جمع کې ماشومان هم شامل ول.

په هرات کې د هغو کسانو کورنیو له ایران سره په پوله کې د ایراني پوځیانو له خوا سیند ته د غورځول شویو کسانو د پوره څېړنې غوښتنه کړې او د بشري حقونو خپلواک کمیسیون هم څرګنده کړې، چې په دې پیښه کې څو ماشومان هم مړه شوي دي.

د ایران په خاوره کې سیند ته د افغان مسافرو د غورځیدلو په اړه د هرات د محلي چارواکو څلورم کنفرانس جوړ  شو؛ خو د څیړنو پایلې اوس هم روښانه شوې ندي.

 د هرات والي سید وحید قتالي ویلي، چې د څېړنې پایله به د بهرنیو چارو وزارت لخوا اعلان شي. په داسې حال کې، چې د دغې پېښې د قربانیانو کورنۍ د پېښې اصلي عاملین ایراني پوځیان بولي.

د بشري حقونو خپلواک کمسیون مرستیال نعیم نظري ټینګار کړی، چې په دې پېښه کې ۱۰ کسانو ژوند له لاسه ورکړی، ۱۵ کسان تريتم او ۲۱ نور ژغورل شوي دي.

د یاد کمیسیون د څرګندونې له مخې؛ په دې پېښه کې څو دولس کلن ماشومان هم سیند ته غورځول شوي او مړه شوي دي.

د پېښې د قربانیانو د کورنیو استازی مولوي جان محمد وایي؛ دولت تراوسه ندی توانیدلی، چې د پېښې عاملین پر ایراني چارواکو ایراني پوځیان ومني.

هغه زیاته کړې، چې دولت باید د څيړنو پایلې ژر اعلان کړي.

که څه هم دا پېښه له ملي او نړیوالو غبرګونونو سره مخ شوې او ولسمشر یې د جدي څېړنې لارښوونه هم وکړه؛ خو د نږدې یوې میاشتې له تېریدو تراوسه د دغې څېړنې پایلې اعلان شوې ندي.

Continue Reading

تازه خبرونه

د طالبانو برید کې ۷ تنه سیمه ییز عسکر ووژل شول – پروان

Avatar

خپور شوی

په

توسط

(Last Updated On: غبرګولى ۸, ۱۳۹۹)

د سرچینې په وینا، وسلوالو طالبانو پروان ولایت کې د اردو پر یوې پوستې برید کړی او لږترلږه ۷ تنه ځایي عسکر یې وژلي دي.

دا پیښه د چهار شنبې پر شپه د پروان په سیاګرد ولسوالۍ کې رامنځته شوې ده.

یوې سیمه ییزې امنیتی سرچینې د نوم د نه ښودلو په شرط آریانا نیوز ته وویل چې وسلوالو د یادې ولسوالۍ د سرجوئی دختر په کلي کې په یوې پوستې برید وکړ.

سرچینه زیاتوي چې طالبانو دغه پوسته نیولې او په داسې حال کې چې پنځه افغان سرتیري دننه په کې ول، هغه یې سوځولی ده.

معلومات زیاتوي چې طالبانو دوه سرتیري په ډزو وژلي او دوه نور یې ژوندي نیولي دي.

خو طالبانو تر دې دمه په دې اړه څه نه دي ویلي.

Continue Reading

Trending