Connect with us

تازه خبرونه

په ایران کې میشت افغان کډوال خپلو کورونو ته د ستنېدو لیواله دي

خپور شوی

 په

(Last Updated On: وږی ۲۱, ۱۴۰۰)

د رویټرز د څرګندونو له مخې؛ له افغانستان څخه د بهرنیو ځواکونو له وتلو وروسته هغه افغان کډوال، چې ایران ته تښتیدلي؛ بېرته هېواد ته د ستنېدو لیواله دي.

د افغانستان ۲۸ کلن هلمندی ځوان نجیب الله، چې یوه میاشت مخکې د ایران سرحدي ښار زاهدان ته لس ورځې پلې  لار وهلې، چې ځان له جګړې خوندي کړي؛ خو په ایران کې د پاتې کیدو پرمهال د افغانستان وضعیت چټک بدل شو.

د افغانستان اسلامي امارت بریالی شو، چې د هېواد د پلازمېنې کابل په ګډون پر ټول افغانستان حاکم شول او د بهرنيو سرتېرو وروستۍ ډله هم د اګست پر ۳۱ مه ووتل، چې ورسره د امریکا او ناټو ۲۰ کلن پوځي شکېلتیا پای ته ورسېده.

د تېرې اوونۍ د سې شنبې پر ورځ اسلامي امارت د افغانستان د سرپرست حکومت جوړښت اعلان کړ او له افغان کډوالو یې وغږښتل، چې راستانه شي او په هېواد کوړونه کې ونډه واخلي.

د دغه ډاډ له اوریدلو وروسته نجیب الله نومي ځوان پرېکړه وکړه، چې سمدستي خپل هېواد او کور ته راستون شي.

کډوال نجیب الله ویلي: د افغانستان د وضعیت له ښه کېدو سره؛ مونږ ټول غواړو بېرته خپل هېواد ته ستانه شو. زه غواړم خپلو ټولو هېوادوالو ته ووایم، چې د هېواد وضعیت ښه شوی او مونږ باید بېرته خپل ټاټوبي ته ستانه شوو او د خپل وطن په بیا رغونه کې برخه واخلو.

د رویټرز د څرګندونو له مخې؛ د زاهدان د کډوالۍ په مرکز کې نجیب الله ته ورته ډېري کډوال کورونو ته د بېرته ستنېدو لپاره چمتو او لیواله دي.

یو بل افغان کډوال نصیر احمد جعفري ویلي؛ امریکایانو له افغانانو سره ښه چلند ندی کړی. هغه مهال، چې امریکایي سرتېري په افغانستان کې ول؛ چاودنې او ناورینونه هم ترسره کېدل. اوس هغه کرکه، جنګ او وحشت نشته.

“یو بل افغان کډوال محمد نومي ویلي: زه هیله من یم، چې افغانستان د پرمختګ او سوکالۍ شېبه وویني او په کې ښکېل ټول لوري د سولې لپاره یوې هوکړې ته ورسیږي. زه هم غواړم د شخړې پای وګورم. جګړه تورتم دی او ادینه نده، چې چیرته  پېښیږي.

رویټرز د رسمي معلوماتو له مخې څرګنده کړې؛ ایران تر دې دمه له درې میلیون څخه د ډېرو افغان کډوالو کوربه دی او یو له هغو هېوادونو څخه دی، چې په خپله خاوره کې یې په دومره شمېر افغان کډوالو ته ځای ورکړی دی.

تازه خبرونه

د بیات بنیاد د مرستو لړۍ بلخ ولایت ته ورسېده

خپور شوی

په

توسط

(Last Updated On: لړم ۲, ۱۴۰۰)

بیات بنیاد د ژمنیو مرستو په لړ کې دا ځل د افغانستان د بلخ ولایت په مزار شریف ښار کې پر سلګونه اړو کورنیو خپلې په پام کې نیول شوې مرستې ووېشلې.

د دې بنسټ مسوولینو ويلي؛ د ژمي د سړې څپې له خوریدو مخکې هڅه کیږي، چې په ولایتونو کې پر اړمنو کورنیو خوراکي توکي ووېشل شي.

د بیات بنیاد مرستیال حاجي محمد اسماعیل وايي، چې په دې مرسته کې پر اړو کورنیو اوړه، غوړي او وریجې ووېشل شوې.

دې بنسټ په خپله مخکنۍ سروې کې اړمنې کورنۍ د مرستو لپاره مستحقې ګڼلې وې.

په بلخ کې د بیات بنیاد مسوول یافث ثاقب ویلي؛ بیات بنیاد د مرستو له وېش مخکې د اړو کسانو د معلومولو لپاره سروې کړې وه، چې په کې د مرستو مستحق کسان وپېژندل شول او اړوند مرستې یې ترلاسه کړې.

د بلخ اوسیدونکيو ويلي، چې بیات بنیاد په داسې حال کې له اړو کورنیو سره مرسته وکړه، چې خلک له سختو اقتصادي ستونزو سره مخ دي.

دوی له نورو خیریه بنسټونو څخه هم د ورته مرستو وېشل وغوښتل.

د بیات بنیاد مسوولین وايي، چې د مرستو دا لړۍ یې د هېواد له سویل او سویل لویدیځو ولایتونو پیل کړې، چې په نږدې راتلونکې کې به یې د هېواد نورو ولایتونو ته هم وغزوي.

Continue Reading

تازه خبرونه

ملي او خپلواکه اردو د جوړېدو په حال کې ده – د ملي دفاع وزارت

خپور شوی

په

توسط

(Last Updated On: لړم ۲, ۱۴۰۰)

د افغانستان اسلامي امارت د ملي دفاع وزارت چارسمبالی ملا محمد یعقوب مجاهد په یوه غږیز پیغام کې څرګنده کړې؛ هڅه کوو داسې ملي او خپلواکه اردو جوړه کړو، چې د افغانستان له ځمکنۍ بشپړتیا او هوايي حریم ساتنه وکړي.

د افغانستان پخوانۍ ملي اردو، چې په شاوخوا پېنځلس کلونو کې یې شمېر دوه سوه زره ته رسیدلی و؛ داسې وپاشل شوه، چې نه یوازې افغانان، بلکې نړیوال یې هم حیران کړل.

د افغانستان اسلامي امارت د بنسټوال ملا محمد عمر مجاهد زوی ملا محمد یعقوب مجاهد د ملي دفاع وزارت د چارسمبالي دنده لري.

نوموړي ویلي، چې د نوې ملي او خپلواکې اردو پر جوړولو یې کار پیل کړی دی.

د اسلامي امارت تر ټولو ستر پوځي چارواکي د ملي دفاع وزارت چارسمبالي ملا محمد یعقوب مجاهد د سیمې او نړۍ هېوادونو ته ډاډ ورکړی، چې د افغانستان له خاورې به هیڅ ګواښ ورته نه پيښیږي.

د نوې ملي او خپلواکې اردو د تمویل د سرچینو او په کې د پخوانيو پوځیانو د شاملولو او نه شاملولو په اړه په دې غږیز پیغام کې څه ویل شوي ندي. 

د ملي دفاع وزارت چارسمبالی ملا محمد یعقوب مجاهد ویلي؛ مونږ نیت لرو، چې د ملي دفاع وزارت په چوکاټ کې ملي او خپلواکه اردو جوړه کړو، چې پر پوره لیوالتیا او ملي روحیې له دې هېواد ساتنه وکړي. مونږ هڅه کوو د اسلامي امارت ملي اردو پر بېلابېلو عصري وسلو سمباله کړو. داسې ملي اردو، چې له ځمکني او هوایي وړتیاوو برخمنه وي.

دې لوړپوړي افغان پوځي چارواکي په خپل غږیز پیغام کې د سیمې او نړۍ هېوادونو ته ډاډ ورکړی، چې له افغانستان څخه به هیڅ زیان ورته پېښ نشي.

له افغانستان څخه د نړۍ هېوادونو ته د ګواښ نه پېښيدو په اړه اسلامي امارت له نړۍ سره ژمنه کړې؛ خو داسې بریښي، چې ځينې هېوادونه پدې ژمنه باوري ندي.

پوځي کارپوه  محمد سرور نیازي په دې اړه خپل اند داسې وړاندې کړې: د نړۍ هېوادونه پوهیږي، دا اردو له نړیوالې مرستې پرته چمتو کېدی نشي. باید نړۍ له افغانستان او خلکو سره په دې اړه مرسته وکړي.

د ملي دفاع وزارت چارسمبالي د نوې ملي اردو د تمویل د سرچینو او دا، چې پخواني پوځيان به په دې اردو کې ځای ولري که نه؟ څه نه دي ویلي؛ خو د اسلامي امارت ځينو غړیو ویلي، چې په نوې ملي اردو کې به د پوځ پخوانیو صادقو بچو ته هم ځای ورکړ شي.

د کورنیو چارو وزارت ویاند قاري سعید خوستي ویلي؛ مونږ هغو کسانو ته، چې په تېر امنیتي بنسټ کې ول؛ هم کاري زمینې په پام کې نیولي دي.

په تېرو شل کلونو کې د افغانستان د ملي اردو پر جوړولو نړیوالو میلیارډونه ډالر ولګول؛ خو د پخواني حکومت له پرځيدو سره دا اردو وپاشل شوه او غړي یې اوس په دندو کې نشته او نه هم  اسلامي امارت د پخوانۍ اردو د غړیو د بیا جذبولو لپاره کومه کړنلار وړاندې کړې ده.

Continue Reading

تازه خبرونه

په هرات کې د ا.ا له ځواکونو سره په نښته کې ۴ داعشیان ووژل شول

خپور شوی

په

توسط

(Last Updated On: لړم ۲, ۱۴۰۰)

نن (یکشنبه د لړم ۲) د هرات ښار په اتمه ناحیه کې د اسلامي امارت او داعشیانو ترمنځ له نښتې څلور داعش جنګیالي ووژل شول.

د اسلامي امارت د استخباراتو رسنیزې څانګې منلې، چې یاده نښته نن غرمه شاوخوا یوولس نیمې بجې  پیل او د ماسپښین تر ۳ بجو روانه وه.

د هرات امنیه قومندانۍ په یوه خبرپاڼه کې لیکلي، چې وژل شوي کسان انسان تښتوونکي وه، چې د اسلامي امارت د ځواکونو پر وړاندې د مقاومت په پایله کې ووژل شول.

د هرات امنیه قومندانۍڅرګنده کړې؛ له دغو کسانو څخه وسلې او مهمات هم ترلاسه شوي او په دذې نښته کې د اسلامي امارت دوه ځړواکونه هم ټپیان دي.

Continue Reading

Trending

آریانا نیوز: ټول حقونه خوندي دي