Connect with us

تازه خبرونه

په افغانستان کې څه نا څه ۶۵۰۰ پاکستانیان جنګیږي- د م.م امنیت شورا

Ariana News

خپور شوی

 په

(Last Updated On: زمری ۵, ۱۳۹۹)

د ملګرو ملتونو امنیت شورا په روانه اوونۍ کې په ډاګه کړه، چې د اټکل له مخې په افغانستان کې له ۶۰۰۰ څخه تر ۶۵۰۰ پورې پاکستاني ترورستان په افغانستان کې شته، چې د دواړو حکومتونو لپاره ګواښ ګڼل کیږي.

د پنجشنبې پر ورځ د ۲۶ څارن ډلو د  تحریم او تحلیلي ملاتړ او بندیزونو راپور خپور شو، چې ډېر یې د امیر نور ولي محسود په مشرۍ د تحریک طالبان پاکستان (TTP)غړي ښودل شوی دي.

د کرونا ویروس په اړه د څارنې ډلې ویلي، چې دغه پراخه ناروغي پر تروریزم اغېز لري؛ خو په یو څه توپیر.

په یو شمېر سیمو کې یو شمېر ډلو د کرونا ویروس په اړه له تبلیغاتو مرستې راټولولې او په یو شمېر نورو سیمو کې دې ډلو له دې هم ګټه پورته کړې، چې امنیتي ځواکونه  نورو برخو ته پام اړولی دی.

په دې راپور کې راغلي؛ د کرونا ویروس له کبله پر پولو تګ راتګ له خنډ او ځنډ سره مخ شوی او موخې هم له پامه غورزیدلي او په یو شمېر سیمو کې بریدونه هم لږ تر سره شوي دي.

د ګزارش له مخې؛ القاعده په افغانستان کې له خپل تاریخي ځواک د ګړندي کولو هڅه کوی؛ خو که د سولې بهیر پرمختګ وکړي، نو له پوره ننګونې سره به مخ شي.

داعش او نورې ډلې په ننګرهار او کونړ کې حه نا څه بدلونونه زغملي؛ خو هیله من دي، چې د سولې له بهیره د ځان په ګټه کار واخلي.

له طالبانو سره له هوکړې وروسته داسې وړاندویېنې شوي، چې طالبان به د داعش او القاعده ګواښونه په افغانستان کې راکم کړي.

دغه راپور په ډاګه کړې، چې القاعده او داعش د ۲۰۲۰ په لومړیو کې خپل ځواک له لویدیځې آفریقا په ډاګه کړ او په سوریه او ادلب کې اوس هم  له خوندي ځالو برخمن دي.

په افغانستان کې د داعش مشر اسلم فاروقي له یو شمېر کسانو سره افغان ځواکونو ونیوه او له ننګرهاره یې هڅې کونړ ته ورټولې شوې.

دغه راز په دې راپور کې دا هم راغلي، چې داعش ان په کابل کې په یولړ بریدونه تر سره کولی شي. ان دا هڅې هم کوي، چې له امریکا سره د هوکړې مخالف طالبان ځانته جذب کړي.

د ملګرو ملتونو د څارنې ډلې په افغانستان کې د داعش شمېر ۲۲۰۰ ښيي او څرګندوي، چې مشران یې په افغانستان کې مطیع الله کم احوال او ابو سعید محمد الخراساني د سوریې دی.

دغه راز په ډاګه کوي، چې د داعش دوه قومندانان  ابو قتیبه او ابو هاجر العراقي له منځني ختیځ څخه افغانستان ته راغلي دي؛ خو د راتګ تاریخ یې روښانه ندی.

په دې راپور کې ویل شوي، چې یو شمېر وسلوالې ډلې د طالبانو او داعشیانو تر چتر لاندې هم هڅې کوي.

د عبدوخولیک له وژل کیدو وروسته په داعشیانو کې د ازبک جنګیالو ډله کمزورې او یو شمېر غړیو یې له جنګیدو تېر شول په خانګړې توګه د هغه د کورنۍ غړي.

دغه راز ویل کیږي، چې القاعده د افغانستان په ۱۲ ولایتونو کې هڅې لري، چې شمېر یې له ۴۰۰ څخه تر ۶۰۰ پورې دی.

القاعده د دغه راپور له مخې د حقاني شبکې سره اړیکې لري، چې په ۲۰۰۹ کې فعاله شوې  او پاکستان د هغو ډلو خوندي ځاله ده، چې هند او افغانستان ګواښي.

تازه خبرونه

په کابل کې د دوه وهل شویو میرمنو په تړاو درې کسان لوی څارنوالۍ ته وروپېژندل شول

Ariana News

خپور شوی

په

توسط

(Last Updated On: تله ۱, ۱۳۹۹)

د کورنیو چارو وزارت د دوه پولیسو او یو امنیتي کارکوونکی، چې تېره اوونۍ یې د کابل ښار په یوه اړوند سړک کې دوه میرمنې وهلي او پولیسو د پېښې ننداره کوله؛ څارنوالۍ ته ورپېژندلي دي.

د کورنیو چارو وزارت په ډاګه کړې، چې د جرمونو د څېړلو عمومي ریاست د پېښې له څېړلو وروسته د امنیتي ځواکونو یو کارکوونکی، چې د پېښې اصلي مجرم دی او دوه بې پروا پولیس په ګوته کړي او د پوره څېړلو لپاره یې څارنوالۍ ته سپارلي دي.

تېره اوونۍ د امنیتي ځواکونو یو کارمند دوه مبرمنې د دوه پولیسو په مخ کې وهلي، چې انځوریزه ویدیو يې په ټولنیزو رسنیو کې خپاره شوې او د بشري حقونو د هڅاندو او خلکو له کلک غبرګون سره مخ شوی.

انځورونه دوه سرتېري او یو شمېر خلک ښیي، چې د پېښې ننداره کوي.

د یادونې ده، چې د حکومت او طالبانو تر منځ د سولې په روانو خپلمنځي خبرو کې د ښځو د بشري حقونو د ساتنې او پیاوړتیا په اړه اندېښنې راپورته شوي او د بشري حقونو ساتونکيو او د نړۍ مشرانو هم د تېرو ۱۹ کلونو د لاسته راوړنو پر خوندیتابه ټینګار څرګند کړی دی.

 

Continue Reading

تازه خبرونه

تیک تاک د خپلو کاروونکیو له ۱۰۰ میلیون ډېرې ویدیوګانې لرې کړې

Ariana News

خپور شوی

په

توسط

(Last Updated On: تله ۱, ۱۳۹۹)

د روان کال په لومړیو شپږ میاشتو کې تیک تاک شرکت د خپلو کاروونکیو له ۱۰۴ میلیون ډېرې ویدیو ګانې له قانونه د سرغړونې پر لامل لرې کړې دي.

د یاد شرکت د څرګندونو له مخې؛ په لرې شویو ویدیو ګانو ۳۷ میلیون یې د هندي  او ۱۰ میلیون نورې د اکریکایي اتباعو دي.

تیک تاک دا هم ویلي، چې دا شمېر په دې پروګرام کې د اپلود شویو ویډیوګانو د شمېر له سلنې لږ دی.

دغه شرکت په یوه راپور کې ویلي، چې د دې کلپونو ۹۶.۴ سلنه مخکې له دې،  چې کاروونکي یې راپور ورکړي لرې شوي او ۹۰.۳ سلنه یې هیڅ بیا کتل شوي ندي.

 د خدمتونو وړاندې کوونکي الګوریتمونو په اتوماتيک ډول دا کلپونو لرې کړي دي.

دغه شرکت په خپله اوبپاڼه کې لیکلي؛ د کرونا ویروس د خپریدو په پایله کې مونږ پر تکنالوژۍ ډېر تکیه کړې وه، چې د هند، برازیل او پاکستان په مارکیتونو کې ناوړه مینځپانګې پیدا او لرې کړو.

د تیک تاک مینځپانګې د څارلو میتودونه تل ګټور نه وي. د دې میاشتې په پیل کې شرکت هڅه وکړه، چې پر توپک د یو کس د ځانوژنې او ترهې اچونې د ویدیو د خپریدو مخه ونیسي.

Continue Reading

تازه خبرونه

د افغانستان حکومت د برښنا څلور بادي او لمریزې پروژې تصویب کړې

Ariana News

خپور شوی

په

توسط

(Last Updated On: تله ۱, ۱۳۹۹)

د افغانستان د اقتصاد عالی شورا په هرات، کابل او بلخ ولایتونو کې د برښنا څلور بادي او لمریزې پروژې تصویب کړې دي.

د مالیې وزارت د عامه خصوصي شرکتونو د پالیسۍ مشره لیمه خرم وايي، پر دغو پروژو ۱۶۰ میلیون دالر لګښت راځي.

نوموړې څرګنده کړې: په هرات کې یوه د بادي برښنا پروژه ده، چې ۲۵ میګاواته، بله هم د لمریزې برښنا پروژه ده، چې ۲۵ میګاواته وړتیا لري. دغه راز په مزارشریف کې د ۴۰ میګاواته لمریزې برښنا پروژه ده او دغه راز د کابل ولایت په نغلو کې د اوبو پر سر د شل میګاواته لمریزې برښنا تختې نصبېږي.

دا پروژې د دولت او خصوصي سکتور تر منځ د عامه – خصوصي مشارکت یوه برخه ده.

 دا په داسې حال کې ده، چې تېره میاشت د افغانستان د حکومت او اماراتي شرکت ترمنځ په افغانستان کې د ۳۰۰۰ میګاواته لمریزې بریښنا د تولید تړون لاسلیک شوی دی.

د افغانستان برښنا شرکت ويلي، چې په دې پروژه کې پانګونه او وخت او د لمریزېي برېښنا تولید ځای ته په پام سره توپیر لري. افغانستان دا مهال د کورونو روښانولو او اقتصادي څرخ خوځولو لپاره دوه زره میګاواټه برېښنا ته اړتیا لري

افغانستان دا مهال د کورونو روښانه کولو او اقتصادي پیاوړتیا ته ۲۰۰۰ میګا واته برښنا ته اړتیا لري، چې په دې برخو د ګاونډ هېوادونو څخه پر وارداتي برښنا خورا ډېر تکیه کوي.

Continue Reading
Advertisement

Trending