Connect with us

روغتيا

په افغانستان کې هرکال پر سرطان اخته زرګونه ناروغان مري

خپور شوی

 په

(Last Updated On: غویی ۳۱, ۱۴۰۰)

د سرطان پر وړاندې د مجادلې بنسټ ویلي، چې هر کال په افغانستان کې ۱۵ زره کسان د سرطان ناروغۍ له کبله ژوند له لاسه ورکوي.

د دې بنسټ مسوولین که څه هم د سرطان ناروغیو د تشخیص لپاره په هېواد کې دننه له هڅو خوښ دي؛ وایي وایي، چې اوس هم هرکال ۲۰ زره کسان پر سرطان ناروغۍ اخته کېږي او ۱۵ زره یې مري.

د سرطان ناروغۍ پر وړاندې د مجادلې بنسټ مشرې نسرین اوریاخېل د دې بنسټ په دوه یمه ناسته کې زیاته کړې، چې افغانستان اوس هم د سرطان ناروغۍ د تشخیص لپاره روغتیايي مرکزونو او انساني وړتیاوو ته لاسرسی ندی موندلی او هر مال زرګونه کسان د سرطان ناروغۍ د درملنې لپاره ګاونډ هېوادونو ته سفر کوي.

دغه راز  د ولسمشر اشرف غني میرمن رولا غني په هېواد کې د سرطان ناروغي د اندېښنې وړ بولي او وایي، چې اوس هم په دې برخه کې عامه پوهاوی ندی شوی.

هغې د نړۍ له هېوادونو وغوښتل، چې په دې برخه کې د افغانستان لاسنیوی وکړي.

د عامې روغتیا وزارت څرګنده کړې، چې د کرونا ویروس له کبله د افغانستان د پولو تړل کېدو هم په هېواد کې د سرطان ناروغۍ کچه لوړه کړې ده.

د عامې روغتیا وزارت که څه هم د سرطان پر ناروغۍ د اخته کسانو او له دې کبله د مړو شویو کسانو شمېر په لاس که نلري؛ خو وایي، چې د کرونا ویروس له کبله له ګاونډ هېوادونو سره د افغانستان د پولو تړل کېدو دا ناروغي زیاته کړې ده.

د عامې روغتیا وزارت چارسمبالي وحید مجروح وایي، چې له عربستان سره د شوې هوکړې پر بنسټ به ډېر ژره په کابل کې د سرطان ناروغۍ د تشخیص او درملنې یو مرکز جوړ شي.

روغتيا

د سږني کال د ګوزڼ ضد واکسین لومړۍ پړاو پيل شو

خپور شوی

په

توسط

(Last Updated On: مرغومی ۲۸, ۱۴۰۰)

د ملګرو ملتونو د ماشومانو ملاتړ صندوق یا یونیسف ویلي، چې نن سې شنبه د مرغومي  ۲۸ په ټول افغانستان کې د نوي زېږدیز کال د ګوزڼ واکسین لومړنی پړاو پيل کړی دی.

د یاد بنسټ د څرګندونوله مخې؛ ټاکل شوې، چې څلورو ورځو کې به له ۵ کلونو څخه کم عمره ۹ اعشاریه ۹ میلیون ماشومان واکسین شي.

دغه بنسټ ویلي، چې په ۲۰۲۱ کال کې د ګوزڼ ویروس تر ټولو کمه کچه ثبت شوې، چې د دغه ویروس د له منځه وړلو لپاره يې ښه زمینه برابره کړې ده.

د یونیسف د څرګندونو له مخې؛ د تېر کال د نومبر په دوه بېلا بېلو پړاوونو کې ۸ اعشاریه ۵ میلیون ماشومان او د همدې کال په ډسمبر کې اته میلیون ماشومان واکسین شوي دي.

دې بنسټ په ډاګه کړې؛ تېر کال د ګوزڼ څلور پېښې په افغانستان کې ثبت شوي، چې لومړۍ هغه يې په غزني او درې نورې بیا په کندهار کې ثبت شوې دي.

په افغانستان کې د یونیسف استازې آلیس آکونګا ویلي، چې دغه اداره په افغانستان کې د ګوزڼ او نورو ناروغیو د له منځه وړلو هڅه کوي.

دې ادارې له اسلامي امارته غوښتي، چې د سیمه ییزو کارکوونکیو امنیت خوندي کړي.

همدارنګه په افغانستان کې د نړیوالې روغتیا ټولنې مسوول ډاپنګ لو ویلي: ۲۰۲۲ کال په افغانستان کې د ګوزڼ د له منځه وړلو لپاره ښه فرصت برابر کړی، چې ورسره به نور پېنځه پړاوونه هم بښپړ شي.

د یادونې وړ ده، چې افغانستان یو له هغو هېوادونو دی، چې د ماشومانو ګوزڼ په کې پوره له منځه ندی تللی.

Continue Reading

روغتيا

روغتیایي سکټور د اومیکرون پېژندنې تجهیزات نلري

خپور شوی

په

توسط

(Last Updated On: مرغومی ۲۷, ۱۴۰۰)

د عامې روغتیا وزارت مسوولینو ويلي؛ د کرونا ویروس د پرمختللې بڼې یا اومیکرون د تشخیص لپاره اړین تجهیزات نلرو او معلومه نده، چې په نویو مثبتو ۴۰ پېښو کې به څو کسان پر اومیکرون اخته وي.

که څه هم د ګاونډ هېوادونو په پرتله په افغانستان کې پر کرونا ویروس د اخته کسانو شمېر ټيټ ښودل شوی، خو د عامې روغتیا وزارت ویاند جاوید هژیر وايي؛ د دوی وروستۍ ارزونې ښيي، چې په تازه پېښو کې څلوېښت کسان پر کرونا ویروس اخته شوي او د تجهیزاتو د نشتوالي له کبله نه پوهیږي، چې څو به یې د کرونا پر پرمختللې بڼه یا اومیکرون اخته شوي وي.

هېوادوال د عامې روغتیا له وزارته غواړي، چې د کرونا د څلورمې څپې او د دې ویروس د نوې بڼې پر وړاندې دې اړین ګامونه پورته کړي.

افغان- جاپان روغتون پر کرونا د اخته کسانو د درملنې لپاره لومړنی بنسټ دی، چې خلک ورځي.

د افغانا جاپان روغتون مسوولینو ويلي، چې له پېنځلس څخه تر شل ناروغان د ورځې رالېږدول کیږي؛ خو دوی د اومیکرون بڼې د تشخیص اړین تجهیزات نلري.

د افغان- جاپان روغتون د بشري سرچینو مدیر محمد انیل عظیمي وایي: تر د دمه د کرونا نوې بڼه تشخیص شوې نده؛ ځکه، چې د تجهیزات یې تر دې دمه مونږ ته رارسېدلي ندي. له عامې روغتیا وزارته مو غوښتنه داده، چې له اړوند تجهیزاتو مو برخمن کړي.  

هېوادوال د عامې روغتیا له وزارته غواړي، د ژمې په سړه هوا کې، چې موسمي ناروغۍ مخ پر ډېرېدو دي، باید د کرونا له اومیکرون بڼې سره د مبارزې لپاره جدي ګامونه پورته کړي.

ناروغ لرونکی محمد جمعه وایي: ۱۵ ورځې کیږي، چې مور مې په افغان – جاپان روغتون کې بستر ده. مونږ له روغتیایي خدمتونو راضي یوو. خلک دې له ګڼه ګوڼې ډډه وکړي او ماسک دې نه هیروي.

د کابل ښار اوسیدونکی محمد عارف ویلي؛ خلک باید ماسک وکاروي او د لمونځ په ګډون د اسلام سپارښتنې پلې کړي، چې ناروغي رامنځته نشي.

د عامې روغتیا د روغتیایي خدمتونو د وړاندې کولو مرستیال ویلي، چې له نړیوالو بنسټونو او مرستندویه هېوادونو یې د اومیکرون د تشخیص لپاره د اړینو توکو او تجهیزاتو غوښتنه کړې؛ خو داسې ښکاري، چې تر دې دمه له دې مرستې د افغانستان د روغتیا سکټور برخمن شوی ندی.

Continue Reading

روغتيا

امریکایي جراحانو د خوګ زړه انسان ته پیوند کړ

خپور شوی

په

توسط

(Last Updated On: مرغومی ۲۱, ۱۴۰۰)

د رویټرز د څرګندونو له مخې؛ امریکایی جراحانو په یوه تاریخي هڅه کې ۵۷ کلن کس ته د خوګ زړه پیوند کړ.

د مریلینډ پوهنتون د دوشنبې پر ورځ (د مرغومی ۲۰) په ډاګه کړې، چې دغه جراحي عملیات د جمعې پر ورځ ترسره شوي دي.

دا لومړني بریالي عملیات دي، چې کیدی شي یوه ورځ د انساني وجود د غړیو په پیوندولو کې مرسته وکړي.

په دې راپور کې راغلي؛ هغه خوګ، چې زړه یې د پیوند لپاره کارول شوی، جینتیکي اصلاح شوی و.

ډیویډ بنټ نومی سړی، چې جراحي عملیات پرې بریالي ترسره شوي؛ د بد حالت او کمزورۍ له کبله د انسان د زړه  عملیاتو لپاره وړ تشخیص شوی نه و.

نوموړي له جراحۍ یوه ورځ مخکې دا عملیات په تورتم کې د غشي ویشتل ونومول څرګنده یې کړه، چې غواړي د ژوندي پاتې کیدو لپاره دا وروستی چانس تر سره شي.

د امریکا د خواړو او درملو ادارې د نوي کال پر شپه د اړوند  بیړنيو عملیاتو جواز صادر کړی دی.

د جراحۍ تر سره کوونکي ډاکټر بارټلي ګریفیث د زړه د پیوندولو د جراحۍ په اړه ویلي، چې دې عملیاتو نړۍ د غړیو د پیوندولو د ستونزې د حل لوري ته یو ګام نږدې کړې ده.

هغه هيله ښودلې، چې دغه جراحۍ به په راتلونکي کې د ناروغانو لپاره نوې آسانتياوې برابرې کړي.

یو خنځیر یا خوګ، چې زړه یې ۵۷ کلن ډیویډ بنټ ته لیږدول شوی په جینټیکي ډول اصلاح شوی و او د هغه درې جنونه، چې د پیوند مخنیوی یې کاوه لرې شوي وه.

یو له دې جینونو څخه یو داسې جین و، چې د زړه د ودې او لیېدو لامل و. شپږ انساني جینونه، چې د انتقال شوي عضوې د منلو لامل شوي هم په جینوم کې ځای پرځای شوي وه.

د کارپوهانو په وینا، خنځیر د کچې او چټکې ودې او نورو لاملونو له کبله د عضوي پیوند کولو لپاره یو ښه غوراوی دی!

په ۱۳۸۴ لمریز هجري کې، د یوه بیزو زړه یو ماشوم ته پیوند شوی و؛ خو ماشوم یوازې ۲۰ ورځې ژوندی پاتې شو.

په ټوله نړۍ کې ډیری خلک د عضوي لیږد لپاره په کتار کې ولاړ دي، او هر کال یو شمیر د دوی د عضوي لیږد ترلاسه کولو څخه مخکې مړه کیږي.

Continue Reading

Trending

Copyright © 2022 Ariana News. All rights reserved!