Connect with us

تازه خبرونه

په افغانستان کې د ګوزڼ واکسین پروګرام پیل شو

خپور شوی

 په

(Last Updated On: لړم ۱۷, ۱۴۰۰)

د هېواد په لویديځ  هرات کې له څلور مياشتني ځنډ وروسته د پوليو واکسيناسيون پروګرام بيا پيل شو او تمه ده، چې په دې موده کې به له ۱.۳ میلیون ډېر ماشومان واکسین شي.

د هرات د عامې روغتیا ریاست مرستیال محمد آصف کبیر ویلي: د هېواد ټول خلک روغتیايي مرکزونو ته لاسرسی نلري؛ د کمپاینونو پلي کول یوه غوره ستراتیژي ده، چې له مخې یې مونږ کولی شو په ولایتونو، ولسوالیو او ملي کچه د پولیو د له منځه وړلو لپاره له ۹۰ سلنې ډېرې سیمې تر پوښښ لاندې ولرو.

د هېواد په لوېديځ کې د روغتيا نړيوال سازمان چارواکو ويلي، چې سږ کال د غزني په اندړو ولسوالۍ کې د پوليو يوازې يوه مثبته پېښه ثبت شوې؛ خو تر اوسه په هېواد کې د دغه ويروس ٤٥ ثبت شوې مثبتې پېښې لرو.

د هېواد په لویدیځ کې د یونیسف د دفتر مسوول احمدشاه احمدي ویلي: مونږ په افغانستان کې د پولیو د دوه یم ډول بدل شوی حالت لرو، چې پېنځه یې په هرات کې او ۱۷ یې د هېواد په لویدیځ کې دي. اوس هم په ټول افغانستان کې شاوخوا ۴۵ مثبتې پېښې ثبت شوې دي.

د هېواد په لویدیځ کې د روغتیا نړیوالې ټولنې د پولیو پروګرام مسوول محمد اسماعیل صدیقي وایي: د پولیو د مخنیوي یوازنۍ لار له زیږون څخه تر پېنځه کلونو کم عمره ټولو ماشومانو ته د پولیو واکسین ورکول دي.

په هرات کې اړوند چارواکي ډاډ ورکوي، چې د پوليو واکسين په پلي کېدو کې د روغتيايي ډلو پر وړاندې کوم خنډ نشته؛ نو رضاکاران به د دغه ولايت لرې پرتو سيمو ته ولاړ شي، چې د جوماتونو له لارې ماشومانو ته د واکسين دوه څاڅکي ورسوي.

د هرات د اطلاعاتو او فرهنګ مشر مولوي نعیم الحق حقاني ویلي: مونږ دلته خپلو ټولو ګرانو خلکو او خپلو ټولو امنیتي ارګانونو ته دا پیغام ورکوو، چې د افغانستان اسلامي امارت د پولیو د له منځه وړلو لپاره دا خورا مهم داخلي بهیر د روغتیا وزارت لومړیتوب ګرزولی دی.

د هېواد په لویديځ کې د پوليو واکسيناسيون په دې پروګرام کې د رضاکارانو په ګډون لس زره پېنځه سوه کسان ګډون لري، چې ټاکل شوې د هېواد د لویديځ په څلور ولايتونو کې ماشومان واکسين کړي.

د ملګرو ملتونو د ماشومانو ملاتړ صندوق (یونیسف) ويلي؛ سبا به په ټول افغانستان کې د ګوزڼ ضد واکسین پیل شي. او له کورنیو یې غوښتي، چې خپل ماشومان واکسین کړي.

ټاکل شوې، چې په دې کمپاین کې به په څلور ورځو کې ۹.۹ میلیونه ماشومانو ته واکسین تطبیق شي.

تازه خبرونه

د بهرنیو چارو وزارت د چارسمبالي پر مشرۍ یو پلاوی ناروې ته سفر کوي

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت څرګنده کړې؛ ټاکل شوې، چې د بهرنیو چارو د چارسمبالي وزیر مولوي امیرخان متقي پر مشرۍ یو پلاوی سبا (شنبه د سلواغې ۲) ناروې ته ولاړ شي.

د بهرنیو چارو وزارت ویاند عبدالقهار بلخي په خپل ټویټ کې دا سفر تائید کړی؛ خو نور جزئیات یې ندي ورکړي.

رویټرز د ناروې د بهرنیو چارو وزارت د څرګندونو له مخې ویلي، چې ټاکل شوې د ناروې پلازمېنه اوسلو د دوه ورځو په دننه کې د افغانستان په اړه د اسلامي امارت د استازیو په ګډون د یوې غونډې کوربتوب وکړي.

د ناروې حکومتي سرچینو ویلي، چې په دې غونډه کې به د اسلامي امارت پر پلاوي سربېره د افغانستان د مدني ټولنې په ګډون د بېلابېلو برخو استازي هم ګډون وکړي.

د ناروې د بهرنیو چارو وزارت لخوا په خپره شوې خبرپاڼه کې راغلي، چې د اسلامي امارت استازي به د ناروې له چارواکو او د نړیوالې ټولنې په ځانګړې توګه د دغه هېواد د متحدینو له استازیو سره هم وویني.

سرچینې زیاته کړې؛ د اسلامي امارت استازي به د ښځو د حقونو له فعالانو، خبریالانو او هغو اشخاصو سره هم وویني، چې په افغانستان کې د بشري حقونو د خوندیتوب لپاره بېلابېلې دندې ترسره کوي.

دغه راز ویل شوي، چې دا غونډې طالبانو ته د مشروعیت یا رسمیت پېژندنې معنا نلري، بلکې هېواد یې له اسلامي امارت سره د بشري حقونو د وضعیت او په ټولنه کې د ښځو د ونډې د ښه کولو او د افغانانو د ملاتړ لپاره د بشردوستانه هڅو د پیاوړتیا په لټه کې دی.

د ناروې د بهرنیو چارو وزیرې انیکین هویټفیلډ ویلي: مونږ اجازه نه ورکوو، چې سیاسي وضعیت د یو ستونزمن بشري ناورین لامل شي.

دا په داسې حال کې ده، چې د ناروې یوه پلاوي څه وخت مخکې کابل ته سفر کړی و او د اسلامي امارات له چارواکو سره یې د بشري حقونو د وضعیت او بشري ناورین په اړه خبرې کړې وې.

Continue Reading

تازه خبرونه

په کابل کې د اروپايي ټولنې استازولۍ رسماً کار پیل کړ – اسلامي امارت

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت ویاند عبدالقهار بلخي ویلي؛ اروپايي ټولنې د مرغومي پر دېرشمه په کابل کې رسماً  خپل سفارت د دایمي حضور په موخه پرانیست او خپلې هڅې یې پیل کړې.

د بهرنیو چارو وزارت ویاند عبدالقهار بلخي ټویټ کړی، چې له څو پرلپسې ناستو وروسته اروپايي ټولنې په کابل کې د دایمي حضور لپاره خپل سفارت پرانست او په رسمي ډول یې کار پیل کړ.

د عبدالقهار بلخي د څرګندونو له مخې؛ يادې ټولنې پر پخوانیو ٢٢٠ ميليون يورو سربېره د بشري مرستو  ٢٦٨ ميليون نورې هغه هم اعلان کړې.

عبدالقهار بلخي وايي، چې د دې ځانګړې مرستې یوه برخه د ښوونکیو معاشونه دي، چې د اسلامي امارت لخوا یې تود هرکلی وشو.

د اسلامي امارت د حکومت لومړي وزیر ملا محمد حسن اخوند د هېواد په اقتصادي غونډه کې پر اسلامي هېوادونو غږ کړی، چې د اسلامي امارت په رسمیت پېژندلو کې مخکښ شي.

ملا محمد حسن اخوند د چارشنبې پر ورځ (د مرغوي ۲۹) په کابل کې د افغانستان اقتصادي غونډه ته څرګنده کړې، چې د نوي حکومت د نه پېژندلو له کبله افغانستان له بېلابېلو اقتصادي ننګونو سره مخ شوی دی.

Continue Reading

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

Trending

Copyright © 2022 Ariana News. All rights reserved!