Connect with us

کوید۱۹

په افغانستان کې د کرونا ویروس د څلورمې څپې له خپرېدو خبرداری ورکړ شو

خپور شوی

 په

(Last Updated On: لړم ۵, ۱۴۰۰)

په هېواد کې د هوا له سړیدو سره ډاکترانو خبرداری ورکړی، چې که خلک روغتیايي سپارښتنې په پام کې ونه نیسي؛ نو ښايي د کرونا ویروس څلورمه څپه پیل او ځاني زیاونه رامنځته کړي.

په افغانستان کې د روغتیايي نظام د خدماتو په برخه کې د ستونزو له ډېریدو سره همهاله ډاکترانو د کرونا وبا د څلورمې څپې د خپرېدو خبرداری ورکړی.

په کابل کې د کرونا وبا لپاره د ځانګړي شوي(افغان جاپان روغتون) ډاکتران وايي، چې له یوې خوا د درملو او اکسیجن له کمي سره مخ دي او له بلې خوا یې له درې میاشتو راپدیخوا تنخواوې ندي اخیستي.  د افغان جاپان روغتون مسوولینو ويلي، چې شل په سلو کې ډاکترانو د تنخوا او کرایې د نلرلو له کبله له دندو استعفاوې کړي دي.

د دې روغتون مسوولینو ويلي، چې په دې روغتون کې د غزني او ډایکندي ولایتونو څخه د کرونا وبا پېنځه دېرش ناروغان بستر شوي او د عاجلې څانګې ټول چپرکټونه ډک شوي دي.

د افغان جاپان روغتون مشر زلمي رښتین ویلي؛ له وضعیته ښکاري، چې پر کرونا ویروس د اخته کېدو شمېر د تېرو ورځو پر پرتله ۲۰ سلنه دېر شوی دی او د ناروغانو د کتنو پایله هم مثبته ده.   

افغان جاپان روغتون د افغانستان په کچه د کرونا وبا د درملنې تر ټولو ستر روغتون دی.

ډاکټره سحر وايي، چې په دې روغتون کې د درملو او اکسیجنو کمی دی. تېر کال په همدې وخت کې د کرونا درطیمه څپه خپره شوه، چې ډېر ځاني زیانونه یې رامنځته کړل.

د افغان جاپان د انتاني څانګې مسوول میړنی براتي وایي: پر اوسنیو امکاناتو نشو کولی، چې د مخ پر خپرېدو څپې پر وړاندې بریالۍ مبارزه وکړو.  

د روغتیا نړیوالې ټولنې هم په افغانستان کې د کرونا وبا د پېښو د ډېریدو له کبله وېره ښودلې ده.

د روغتیا نړیوالې ټولنې د معلوماتو له مخې: له اکتوبر راپدیخوا په افغانستان کې پر کرونا وبا ۳۲ کسان اخته شوي دي.

د دې ټولنې تازه راپور ښیي؛ په افغانستان کې تر دې دمه پر کرونا وبا ۱۵۵ زره ۸ سوه ۹۱ کسان اخته شوي، چې له دې شمېر څخه ۷۷ زره ۲ سوه ۴۹ کسان مړه شوي دي.

د افغان جاپان روغتون ډاکتر قیام الدین وايي: له یوې خوا په روغتون کې د اړتیا وړ طبي تجهیزات او دوا نشته او له بلې خوا مونږ هغه تدابیر، چې باید د څلورمې څپې مخه پرې ونیول شي هم نلرو.  

دا په داسې حال کې ده، چې د روغتیا نړیوال سازمان وايي؛ په افغانستان کې یو اعشاریه شپږ میلیون خوراکه د کرونا وبا واکسین لرو او که ژر ونلګول شي، له کاره به ولویږي.

کوید۱۹

د اومیکرون د خپرېدو له کبله امریکا د سویلي آفریقا پر مسافرینو بندیز ولګاوه

خپور شوی

په

توسط

(Last Updated On: ليندۍ ۸, ۱۴۰۰)

د امریکا روغتیایي چارواکو د کرونا ویروس د اومیکرون بڼې له خپریدو وروسته سر له ننه د سویلي آفریقا پر مسافرینو بندیزونه پلي کړل.

چارواکي وايي، چې له سویلي آفریقا څخه د کرونا ویروس د دغې خپرې شوې بڼې حېړنه لږ وخت غواړي؛ تر هغې به یې پر مسافرینو بندیزونه لګېدلي وي.

د کرونا ویروس اومیکرون بڼه  لومړی په سویلي آفریقا کې ثبت شوې او بیا ټولې نړۍ ته چټکه خپره شوې ده.

د امریکا روغتیایي چارواکو ویلي: مو ډاډه یو، چې یاد ویروس دلته رالېږدول شوی دی. مونږ د هغو اخته کسانو شمېر ارزوو، چې د اوونۍ په پای کې دلته راغلي دي.

د خوړو او درملو د ادارې پخوانی کمیشنر سکاټ ګوټلیب پرون سي بي اس ته ویلي؛ سره له دې، چې کرونا ویروس په اړه ډېر څه ندي پېژندل شوي؛ خو واکسین اوس هم یوه اړتیا ده.

نوموړي زیاته کړې: که تاسې له هغو خلکو سره خبرې وکړئ، چې د واکسین په څانګه کې کار کوي؛ ډاډه بشئ، چې د بوسټر واکسین درې بشپړ دوزونه به د دغې نوې بڼې پر وړاندې نسبتا خوندي وي.

د یادونې ده، چې په سلو کې دېرش امریکایان تر اوسه واکسین شوي ندي.

Continue Reading

تازه خبرونه

په آسټرالیا کې د اومیکرون نومي کرونا ویروس دوه پېښې ثبت شوې

خپور شوی

په

توسط

(Last Updated On: ليندۍ ۸, ۱۴۰۰)

آسټرالیا د کرونا ویرس پرمختللې بڼې “اومیکرون” دوه مقبتې پېښې ثبت کړې دي.

د کرونا دا بڼه اوس په ټوله نړۍ کې مخ پر خپرېدو ده.

د آسترالیا روغتیایی چارواکو څرګنده کړې؛ د سویلي آفریقا دوه مسافر، چې نوي دې هېواد ته راغلي؛ د کرونا ویروس پر همدې بڼې اخته وپېژندل شول.

د دوی د څرګندونو له مخې؛ دواړو مسافرو د کرونا ضد واکسین اخیستي او په قرنطین کې ساتل شوي دي.

چارواکو زیاته کړې، چې د سویلي آفریقا ۱۲ نور مسافر د ۱۴ ورځو قرنطین لپاره هوټل ته ولېږدول شول.

اومیکرون لومړی په سویلي آفریقا کې پېژندل شوي او ویل کیږي، چې څارنه او کنټرول یې هم ستونزمن دی.

Continue Reading

کوید۱۹

په چک جمهوریت کې د کرونا ویروس ورځنی شمېر له ۲۰۳۱۵ ډېر ثبت شوی

خپور شوی

په

توسط

(Last Updated On: ليندۍ ۶, ۱۴۰۰)

د چک جمهوریت د جمعې پر ورځ پر کرونا ویروس د ۲۰۳۱۵ کسانو د اخته کېدو راپور خپور کړ، چې په تېرو دوه میاشتو کې د ورځني شمېر د اوونیو لومړنی کمښت ښيي.

دا په داسې حال کې ده، چې روغتونونه یې اوس له خلکو ډک او حکومت محدودیتونه سخت کړي دي.

رویټرز راپور ورکړی ، چې د تېره اوونۍ پهمدې ورځ دغه ۱۰ اعشاریه اووه میلیوني هېواد پر کرونا ویروس د ۲۲۹۵۷ مثبتې پېښې ثبت کړې وې.

که څه هم د تېرې ورځې په پرتله د جمعې پر ورځ په روغتونونو کې د بستر شویو کسانو شمېر ۶۱۶۹ ته راټیټ شو؛ خو په تېرو درې اوونیو کې د درملنې وړ خلکو شمېر دوه چنده شوی او هغو، چې بېړنی حالت نه درلود بستر شوي ندي.

د چک حکومت امر وکړ، چې بارونه او چایخونی باید د شپې پر ۱۰ بجو وتړل شي او د ډېرو پېښو د مخنیوي په هڅه کې د کرسمس پر بازارونه هم محدودیتونه لګېدلي دي.

Continue Reading

Trending

آریانا نیوز: ټول حقونه خوندي دي