Connect with us

تازه خبرونه

په افغانستان کې د کرونا ویروس د واکسینو کمپاین پیل شو

Ariana News

خپور شوی

 په

(Last Updated On: February 23, 2021)

په افغانستان کې د کرونا واکسین بهیر پیل شو، چې په لومړي سر کې به روغتیاپالان، امنیتي ځواکونه او بیا خبریالان واکسین شي.

کرونا واکسین په افغانستان کې د دي ويروس د لومړنۍ مثبتې پېښې د  لومړۍ کلیزې په مناسبت پیل شو. دا پروګرام په ولسمشرۍ ماڼۍ کې د ولسمشر غني او نورو جګپوړیو حکومتي چارواکو په حضور کې په رسمي توګه پرانیستل شو. په دي كمباين كي به د هند پېنځه سوه زره ډوزه واکسین پر دوه نیم سوه زره کسانو تطبیق شي.

ولسمشر اشرف غني د دې بهیر په پرانیسته کې ویلي؛ افغان دولت هڅه کوي، چي څه نا څه څلویښت سلنه وګړي په دوه یم پړاو کې واکسین شي.

اشرف غني ویلي: کرونا ویروس یو نړیوال ناورین و، چې نړۍ یې له ستونزو سره مخ کړه؛ خو په افغانستان کې د دې ناروغۍ لومړۍ او دوه یمه څپه ښه مدیریت شوه.

ولسمشر غني د کرونا ویروس د واکسین د پیل په مراسمو کې ویلي، چې د کرونا خطر له منځه ندی تللی او د ویروسونو بېلابېلې بڼې د رامنځته کېدو په حال کې دي.

د عامې روغتیا وزارت ویلي، چې کرونا واکسین په لومړي سر کې  روغتیایي کارکوونکیو، امنیتي ځواکونو او د رسنیو کارکوونکو ته ورکول کیږي.

د عامې روغتیا وزارت د څرګندونو له مخې؛ د هند لخوا پېنځه سوه زره ډوزه واکسین دوه سوه پنځوس زره روغتیاپالانو، امنیتي ځواکونو او خبریالانو ته تطبیق کیږي.

د عامې روغتیا وزارت سرپرست وحید مجروح وایي: د واکسین عدلانه تطبیق د عامې روغتیا وزارت مسوولیت دی؛ له خلکو مدني بنسټونو او رسنیو څخه غواړو، چې د دغه مسوولیت په تر سره کولو کې همکاري وکړي.       

په کابل کې د هند سفیر ویلي، چې له دې وژونکي وېروس سره مبارزه له نړیوال پیوستون پرته ناشونې ده.

په افغانستان کې د هند سفیر رودرنډرا ټانډون ویلي؛ کرونا ویروس نړۍ اغېزمنه کړه او پر اقتصاد یې هم  د ناوړه پایلو ترڅنګ ځاني زیانونه واړول. له نړیوال پیوستون پرته  له کرونا سره مبارزه سخته ده.

د هند کوویلیډ واکسین څو ورځې مخکې د روغتیا د نړیوالي تولني لخوا تائید شو.

د وروستیو رسمي څرګندونو له مخې؛ په هېواد کې  پېنځه پنځوس زره او ۶۴۶ كسان پر كرونا اخته شوي، چي  دوه زره څلور سوه پېنځه دېرش ترې مړه او نور روغ شوي دي.

دا په داسې حال کې ده، چې د کرونا ویروس تطبیق د افغانستان په ګډون د نړۍ له ۷۲ هېوادونو پرته په ټوله نړۍ پیل شوي دي.

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

تازه خبرونه

په نیمروز ولایت کې د طالبانو له زندانه ۲۰ امنیتي سرتېري خوشې شول – دفاع وزارت

Ariana News

خپور شوی

په

توسط

(Last Updated On: April 17, 2021)

ملي دفاع وزارت په ډاګه کړې، چې تېره ورځ د نیمروز ولایت په خاشرود ولسوالۍ کې افغان ځواکونو د طالبانو یو زندان مات او  ۲۰ امنیتي سرتېري یې د طالبانو له بنده خوشې کړي دي.

ملي دفاع وزارت په ډاګه کړې؛ د کومانډو ځواکونو په دغو عملیاتو د اردو ۱۷ سرتېري او درې پولیس افسران د طالبانو له بند څخه خوشې شوي دي.

دغه وزارت زیاته کړې، چې په دې عملیاتو کې د طالب قومندان مولوي بشیر په ګډون اووه طالبان وژل شوي دي.

د دفاع وزارت د څرګندونو له مخې، بندیان د طالبانو لخوا ډېر ځورول شوي دي.

طالبانو تر دې دمه رسنیو ته په دې اړه څه ندي ویلي.

Continue Reading

تازه خبرونه

افغان دولت د سقوط له خطر سره مخ ندی- اشرف غني

Ariana News

خپور شوی

په

توسط

(Last Updated On: April 17, 2021)

د افغانستان ولسمشر اشرف غني د جمعې پر ورځ د آذربایجان په باکو ښار کې د ګنجوي نړیوال پوځي مرکز ته د انلاین ناستې له لارې جوړې شوې ناستې ته څرګنده کړې، چې د بهرنیو سرتېرو له وتلو وروسته د دولت او حکومت د سقوط خبره ناسمه ده او تر هغې، چې افغان کومانډو ځواکونه وي؛ هیڅ ګواښ به ورته ته متوجه نشي.

ولسمشر اشرف غني وایي: مونږ د سقوط له خطر سره مخ نه یو؛ د نظام د پاشل کېدو روایت یو ناسم روایت دی. زموږ کومانډو ځواکونه د سیمې په کچه څو برابره پیاوړي دي. تر هغې، چې دا ځواکونه شتون ولري؛ د پاشل کېدو او سقوط هیڅ نشته.

د ښاغلي غني په باور دا مهال ډېر عملیات افغان ځواکونه په خپلواک ډول تر سره کوي او مشري یې په غاړه لري. بهرني ځواکونه یوازې د مشورې او زدکړو رول لري.

ولسمشر غني په ډاګه کړې؛ که جګړه شدیده شي د ۳۵۰ زره وسلوالو پوځونو تر څنګ خلک هم مسلح دي او چمتو دي، چې دفاع  ترې وکړي.

ولسمشر ویلي: مونږ خبرو اترو ته ژمن یو؛ توپ اوس د طالبانو په میدان کې دی. مونږ استانبول ته په بشپړه توګه چمتو یو. په دې اړه ملي او حکومتي اجماع شتون لري. اوس وینو، چې طالبان کومه لار ټاکي. موضوع دا ده، چې د طالبانو سیاسي کمېټه د پوځي کمېټې استازیتوب نکوي او د طالبانو قومندانانو اوس هم سوله ټولنیزه کړې نده.

دغه راز د امریکا د بهرنیو چارو وزیر هم کابل ته له سفر او له افغان چارواکو سره د ځواکونو د ویستو د پلان تر شریکولو وروسته پدې اړه له پاکستانيو چارواکو سره هم خبرې کړې دي.

اشرف غني په ډاګه کړې: په دې شېبه کې غوراوی د طالبانو خوښه ده؛ آیا هغوی سوله غوره کوي، چې د ميز پر سر ده یا تاوتریخوالی؟ د پاکستان لپاره هم د غوراوي ښه شېبه ده، چې آیا نړیوال مشارکت او سیمه ییزه همکاري غوره کوي او که له ترهګرو ډلو ملاتړ کوي.

طالبانو د امریکا لخوا له افغانستان څخه د ځواکونو د ویستو نوې نېټې ته په غبرګون کې خبرداری ورکړی، چې دا کړنه به یې د پوځي عملیاتو له سره پیلېدو ته لار پرانیزي او مسوولیت به هم د امریکا په غاړه وي.

Continue Reading

Trending

آریانا نیوز: ټول حقونه خوندي دي