Connect with us

تازه خبرونه

په افغانستان کې د کرونا ناروغان ۲۴۱۰۲ ورسیدل

خپور شوی

 په

(Last Updated On: غبرګولى ۲۴, ۱۳۹۹)

د عامې روغتیا وزارت څرګنده کړې، چې د کرونا ویروس له ۵۵۶ تازه ثبت شویو پېښو سره په هېواد کې د کرونا ناروغانو شمېر ۲۴۱۰۲ ته پورته شوی دی.

په افغانستان کې پر کرونا د اخته ناروغانو شمېر ورځ تر بلې مخ پر ډېریدو دي؛ خو په ښارونو کې پر ګرځیدو بندیزونه هم ورځ په ورځ لیرې کیږي او خلک ورته پام نکوي او ځینې ان په دې برخه کې حکومت ګرم بولي.

د عامې روغتیا وزارت د څرګندونو له مخې؛ په تېرو څلیریشت ګړیو کې له دې ناروغۍ ټول ۲۷۳ ناروغان له رغیدو وروسته له روغتون رخصت او پېنځه نورترې مړه شوي دي.

 د عامې روغتیا وزارت ویلي، چې په تېره یوه شپه او ورځ کې د کابل ۲۵۳، د بلخ ۷۴، د ننګرهار۴۳،  د تخار ۲۸، د کندهار۲۳، د بامیان ۲۳، د بغلان ۲۲، د میدان وردګ ۲۰، د کونړ ۱۷، د لوګر ۱۲، د زابل ۹، د غزني ۸، د نیمروز ۸، د دایکندي ۶، د هلمند ۵، د لغمان ۳ او د روزګان ۲ کسان پر کرونا ویروس اخته او ثبت شوي دي.

د عامې روغتیا وزارت د رسنیو سرپرست سعیدالدین جامي په ډاګه کړې، چې په هېواد کې مړیو شویو ناروغانو شمېر ۴۵۱ ته پورته شو ؛ خو د خوښۍ ځای دی، چې له روغتونونو څخه ۲۷۳ ناروغان له کرونا څخه له رغیدو وروسته کورونو ته رخصت شوي،  چې له دې سره د ټولو روغو شویو کسانو شمېر ۴ زره او ۲۰۱ کسانو ته رسیږي.

تازه خبرونه

د افغانستان پولې ته نږدې د نشه یي توکو د قاچاق د مخنیوي لپاره پوځ روزل کیږي

خپور شوی

په

توسط

(Last Updated On: مرغومی ۲۷, ۱۴۰۰)

د ګډ امنیتي تړون ټولنې سر منشي څرګنده کړې؛ په افغانستان کې له وروستیو پېښو وروسته پولې ته نږدې د نشه یي توکو له قاچاق سره د مبارزې پوځي هڅې پیلیږي.

یادې ټولنې په ډاګه کړې، چې دې ټولنې له افغانستان سره پر پوله د نشه يي توکو د قاچاق او د ترهګرۍ ضد مبارزې لپاره درې پړاوه عملیات پیل کړي دي.

د دغه تړون سر منشي ويلي؛ له نشه يي توکو سره د مبارزې په اړه له افغانستان سره پولې ته نږدې د اړینو کړنو اړتیا ده، چې په راتلونکې غونډه کې به د دغې ټولنې د مشرانو له پرېکړې وروسته پلې شي.

د ګډ امنیتي تړون ټولنې سر منشي استانیسلا زاس ویلي؛ د نشه یي توکو له قاچاق سره مبارزه د ګډ امنیتي تړون ټولنې له مهمو دندو څخه ده. مونږ په افغانستان کې له وروستیو پېښو وروسته د مخدره توکو د قاچاق پر وړاندې مبارزه اړینه بولو. د سیمې وضعیت ته په کتو په دې اړه د پلانونو پلي کول د دې ټولنې مسوولیت دی، چې د تاجکستان د پلازمېنې دوشنبې پر کوربتوب به په سرمشریزه کې د رامنځته شویو  پرېکړو له مخې پلي شي.

اسلامي امارت وايي؛ په افغانستان کې د نشه يي توکو د کاروبار د مخنيوي لپاره اغېزمن ګامونه پورته شوي او اسلامي امارت به په دې برخه کې بشپړ مسووليت پر غاړه ولري.

د اسلامي امارت ویاند ذبیح الله مجاهد ویلي؛ یو د مخدره توکو قاچاق دی، چې دا کار بند دی. مونږ په دې اړه ډاډمن ګامونه پورته کړي او پلان لرو، چې له افغانستان څخه د مخدره توکو سوداګري ناشونې ده او حکومت به یې پر وړاندې له وسې سره سمې هڅې کوي.    

د بزګرانو لپاره د بدیل نشتوالی او په افغانستان کې د کوکنارو د کښت احتمالي زیاتوالی هغه مسایل دي، چې د کارپوهانو په وینا؛ دې کار د سیمې هېوادونه له افغانستان څخه د نشه یي توکو د قاچاق په اړه اندېښمن کړي دي.

د یادونې ده، چې د روسیې پر مشرۍ د ګډ امنیتي تړون ټولنې دوه یمه پرېکړه له افغانستان سره په پولو کې د نشه يي توکو د قاچاق او له ترهګرۍ سره د مبارزې د درې پړاوونو عملي کول دي.

Continue Reading

تازه خبرونه

د پاکستان د ملي امنیت سلاکار کابل ته په دوه ورځني سفر راځي

خپور شوی

په

توسط

(Last Updated On: مرغومی ۲۷, ۱۴۰۰)

د پاکستان د ملي امنیت سلاکار معید یوسف به سبا سې شنبه د مرغومي ۲۸ د یوه لوړ پوړي حکومتي پلاوي پر مشرۍ کابل ته دوه ورځني سفر وکړي او پر دوه اړخیزو اړیکو به راوڅرخي.

د پاکستان ډان ورځپاڼې خبر ورکړی، چې معید یوسف د یوه حکومتي پلاوي پر مشري کوي کابل ته ځي او له اړوند سکتوري وزارتونو سره د همغږۍ له مخې به افغانستان ته د پاکستان بشري او اقتصادي مرستې په داسې طریقه ورسوي، چې د ملګرو ملتونو او نړیوالو بندیزونو او ننګونو اړتیاوو ته په پاملرنه د افغان لندمهالي حکومت له چارواکو سره مرسته وکړي.

چارواکو ویلي، چې د دې سفر موخه د افغانستان بشري، اقتصادي او پرمختیايي اړتیاوې معلومول دي.

ډان نیوز څرګنده کړې، چې پاکستان له افغانستان سره د روغتیا، لوړو زدکړو، بشري مرستو او  سوداګرۍ په برخو کې د اړیکو پر پیاوتیا خبرې کوي.

د افغانستان اسلامي امارت تر اوسه د یاد پلاوي سفر تائید کړی ندی.

Continue Reading

تازه خبرونه

د عشر او زکات راټولولو طرحه وروستۍ شوې – ماليې وزارت

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان مالیې وزارت څرګنده کړې، چې د عشر او زکات راټولولو طرحه وروستۍ شوې او په راتلونکیو څو ورځو کې به د تصویب لپاره کابینې ته وسپارل شي.

د مالیې وزارت ويلي؛ د عشر او زکات راټولولو طرحه یې د حج او اوقافو او کرنې له وزارتونو سره په همغږۍ کې وروستۍ کړې او ټاکل شوې، چې د روانې اوونۍ په وروستیو کې یې کابینې ته د تصویب لپاره ولېږي.

د دغه وزارت ویاند څرګندوي، د طرحې له تصویب او د اسلامي امارت د امیر له لاسلیک او توشیح وروسته به د عشر او زکات د ټولولو لپاره ځانګړی بورډ جوړ شي.

د مالیې وزارت ویاند احمد ولي حقمل آریانا نیوز ته په ډاګه کړې، چې: د لومړي وزیر په رهبرۍ د کابینې په غونډه کې د دې طرحې له تصویب او د امیرالمومنین لخوا له توشیح وروسته به د عشر او زکات د راټولولو لپاره یو ځانګړی بورډ جوړ شي.

دغه راز نوموړي زیاته کړې، چې د عشر او زکات راټولول به شفاف او ډیجیټلي وي.

هغه وایي، چې د یو روڼ بهیر له لارې به په دیجیتلي بنه له هېوادوالو څخه عشر او زکات راټولیږي.

دیني عالم امان الله احمدي د حکومت له دې هڅې هرکلی کوي او وايي، چې د عشر او زکات راټولې شوې پیسې باید مستحقو کسانو ته ورسيږي.

له بلې خوا د اسلامي امارت دغه هڅه د کابل اوسیدونکی احمد ویس اکبري سایي او وایي: لومړی باید مالي وضعیت درک شي او خلکو ته کاري زمینه برابره شي، معاشونه ورکړ شي . بیا؛ نو ټول خلک په ورین تندي هر څه ته حاضر دی؛ خو اوسنی وضعیت ستونزمن دی.

د مالیې وزارت په داسې حال کې د عشر او زکات د راټولولو له طرحې خبرې کوي، چې له وروستیو پېښو وروسته ګڼ شمېر پانګوال له هېواده وتلي او په هېواد کې پاتې هېوادوال له سخت اقتصادي بحران سره مخ شوي دي.

Continue Reading

Trending

Copyright © 2022 Ariana News. All rights reserved!