Connect with us

سوداگري

په افغانستان کې د کبانو د روزنې لپاره ۳۵۰ نور فارمونه جوړ شول

Ariana News

خپور شوی

 په

(Last Updated On: November 30, 2020)

د کرنې، اوبولګولو او مالدارۍ وزارت د مالدارۍ ریاست نن ( دوشنبه د لیندۍ ۱۰) څرګنده کړې، چې سږکال یې په ۳۴ ولایتونو کې د خصوصي سکتور له لارې د کبانو۳۵۰ تولیدي او تکثیري فارمونه جوړ کړي دي.

د کرنې وزارت د کب روزنې د برخې امر خلیل الله فروغ ویلي، چې سږکال په ټولیزه توګه د هېواد په بېلابېلوولایتونو کې د کرنې وزارت د بڼوالۍ او مالدارۍ ملي پروژې لخوا د کب روزنې ۱۰۰ فارمونه او په  بېلابېلو ولایتونو کې د خصوصي سکتور له لارې د کب روزنې ۲۵۰ فارمونه جوړ شوي دي.

چارواکو ویلي؛ د کرنې وزارت د کب روزنې ۱۰۰ فارمونه په کونړ، بلخ، بغلان، لغمان، کندهار، خوست او هرات ولایتونو کې جوړ کړي، چې تولیدي فارم یې د ۲.۷ میلیون بچیانو د تولید وړتیا او تکثیري فارمونه یې د کبانو د دوه میلیون او ۴۰۰ زره بچیانو وړتیا لري.

خلیل الله فروغ زیاته کړې: سږکال د کبانو د تولید کچه هم د تېرکال په پرتله ۱۵۰۰ ټنه زیات شوي دي.

دا په داسې حال کې ده، چې تېرکال د کبانو د تولید کچه نږدې ۱۰ زره ټنو ته رسېده او سږکال ۱۱ زره او ۵۰۰ ټنو ته رسیږي.

تازه خبرونه

د کندهار – سپین بولدک د دوه یم سړک کار مخ پر بشپړېدو دی

Ariana News

خپور شوی

په

توسط

(Last Updated On: January 19, 2021)

د ټولګټو وزارت چارواکو ویلي، چې د کندهار – سپين بولدک د دوه یم سړک د جوړولو کار مخ پر بشپړیدو دی او ډېر ژر به ګټې اخیستنې ته پرانستل شي.

دغه سړک ۴۰ کیلو متره اوږدوالی لري او له یو میلیارډ افغانیو ډېرې پرې لګېدلي دي.

د سړک جوړونې دې پروژې په ټوله کې ۷۹ اعشاریه ۶ کیلو مټره اوږده درلود؛ لومړۍ برخه یې پخوا بشپړه شوې، چې ۳۹ اعشاریه ۶ کیلو مټره اوږدوالی لري.

دغه سړک د حکومت یوه اړینه پروژه ده؛ سویل لویدیځ ولایتونه د ډیورنډ په فرضي کرښه کې له چمن سره نښلوي، چې د سیمې د سوداګرۍ، ترانزیت او لرې پرتو سیمو په نښلولو کې بنسټیز ارزښت لري.

همدارنګه د دوشنبې پر ورځ د پاکستان لومړي وزیر عمران خان څرګنده کړې؛ چارواکو ته سپارښتنه شوې، چې د کاري فرصتونو د لوړولو او د قاچاق د مخنیوي لپاره افغانستان او ایران ته نږدې بازارونه جوړ کړي.

عمران خان ویلي؛ د دې بازارونو جوړول د بلوچستان او خیبر پښتونخوا په ګډو سیمو کې د مېشتو خلکو د هوساینې لپاره یو ډېر اړین کار دی.

د تېر ۲۰۲۰ کال په سپتمبر کې د عمران خان حکومت د کاري فرصتونو او سولې د رامنځته کېدو لپاره د دغو بازارونو د جوړولو پرېکړه کړې وه.portunities and help curb smuggling.

 
 
Continue Reading

تازه خبرونه

ولسي جرګې بیا هم د ملي بودجې مسوده رد کړه

Ariana News

خپور شوی

په

توسط

(Last Updated On: January 16, 2021)

ولسي جرګې نن شنبه( د مرغومي ۲۷) د دوه یم ځل لپاره، د ملي بودجې هغه مسوده د رایو پر کثریت رد کړه، چې د ۱۴۰۰ مالي کال لپاره ځانګړې شوې ده.

د ولسي جرګې غړيو ويلي؛ د بودې دوه یمه مسوده هم متوازنه نده او د دولتي کارمندانو د معاشونو د یوشانتوالي مسلې ته پاملرنه نده شوې.

ولسي جرګې په ډاګه کړې؛ تر هغې، چې بودجه متوازن شوې نه وي او د معاشونو د یو شانتوالي په اړه د جرګې غوښتنې په پام کې ونه نیول شي، بودجه به تصویب نکړي.

د ولسي جرګې د استازیو د څرګندونو له مخې؛ حکومت د ملي بودجې په مسوده کې دوه نورې مادې زیاتې کړي، چې دوی ته د منلو وړ ندي.

د ولسي جرګې غړیو د دغو دوه مادو په اړه، چې حکومت زیاتې کړي پوره جزئیات وړاندې کړي ندي.

له دې مخکې هم ولسي جرګې دله دې کبله رد کړې وه، چې په کې احتیاطي کودونو ته ډېرې پیسې ځانګړې شوې وې.

Continue Reading

تازه خبرونه

د افغانستان او ترکمنستان ترمنځ د نوري فایبر په ګډون درې پروژې پرانیستل شوې

Ariana News

خپور شوی

په

توسط

(Last Updated On: January 17, 2021)

د افغانستان او ترکمنستان ترمنځ د اوسپنیزې کرښې، برښنا لیږد او نوري فایبر د درې لویو پروژو د پرانیستل شوې، چې  د ولسمشر غني د څرګندونو له مخې به ورسره د دواړو هېوادونو ترمنځ اقتصادي او سیمه ییزې اړیکې نورې هم پیاوړې شي.

دا په داسې حال کې ده، چې افغان بېسیم مخابراتي شرکت ۲۵۰۰ میګابایټ نوري فایبر له ترکمنستان څخه افغانستان ته راولېږداوه، چې ورسره به هېوادوالو ته چټک او ارزان انټرنیټ چمتو شي.

د افغان بيسيم مخابراتي شرکت لوی مشر ډاکټر احسان الله بيات وايي: د افغان بيسيم مخابراتي شرکت هوډ لري، چې افغانستان ته ښه کيفيت لرونکی چټک انټرنيټ چمتو کړي. مونږ له ترکمنستان څخه ۲۵۰۰ میګابایټ انټرنیټ افغانستان ته راولېږداوه.

د افغانستان او ترکمنستان ولسمشرانو په یوه انلاین ناسته کې د اوسپنیزې کرښې، برښنا لیږد او نوري فایبر پروژې پرانیستلې.

ولسمشر اشرف غني د دغو پروژو پرانیسته د دواړو هېوادونو تر منځ د اړیکو د پراخېدو لپاره ارزښتمن ګامونه وبلل او څرګندوي: دا د افغانستان لپاره لوی ویاړ دی، چې له یو سل او څو کلونو راوروسته د مرکزي آسیا له هېوادونو سره خپلې اوږدمهاله اړیکې نوي کوي. د افغانستان او ترکمنستان ترمنځ ملګرتیا د افغانستان د دولت او خلکو لپاره ارزښتناکه اړیکه ده

اشرف غني ویلي؛ مونږ غواړو د دواړو هېوادونو ترمنځ اقتصادي اړیکې نورې هو پیاوړې کړو. مونږ له ترکمنستان څخه تېل وارد وو او تمه لرو، چې ترکمنستان زموږ مرمر وپېري.

د ترکمن ولسمشر قربان قلي بردي محمدوف هم د دواړو هېوادونو تر منځ د اقتصادي اړیکو د پیاوړتیا پر اړتیا ټینګار څرګند کړ او وایي، چې د ورته پروژو پلي کیدل به دواړو هېوادونو ته ګټه ورسوي.

نوموړي زیاته کړې: د داسې پروژو پلي کیدل د دواړو هېوادونو خلکو ته ګټه رسولی شي او دا پروژې کولی شي د دواړو هېوادونو اقتصاد پیاوړی او پراخه کړي.

د آقینه ـ اندخوی اوسپنیزه کرښه، د کرکي ـ اندخوی ـ پلخمري ۵۰۰ کیلوواټه برښنا لېږد لین او د امام نظر ـ آقینه ـ سرحد آباد ـ تورغونډۍ نوري فایبر پروژې په دې هیله پرانستل شوې، چې افغانستان د ځمکې له لارې نورې نړۍ سره ونښلوي.

Continue Reading

Trending

آریانا نیوز. کلیه حقوق محفوظ است