Connect with us

تازه خبرونه

په افغانستان کې د ماشومانو ودونه له بشري حقونو ښکاره سرغړونه ده – م.م

خپور شوی

 په

(Last Updated On: چنګاښ ۱۰, ۱۳۹۹)

د ملګرو ملتونو د وګړیو صندوق څرګنده کړې، چې په افغانستان کې د لږ منګو ماشومانو ودونه له بشري حقونو ښکاره سرغړونه ده.

د سې شنبې پر ورځ د دغه بنسټ په خپره شوې خبرتیا کې راغلي: په افغانستان کې جګړه، تاوتریخوالی، فقر او پر ځینو دودیزو باورونو او چلندونو ټینګار په ځانګړي توګه په لیرې پرتو او کلیوالي سیمو کې لږ منګه نجونې له خطر سره مخ او هرکال په میلیونونه نجونې د دوی د کورنیو، ملګرو او ټولنې لخوا له فزیکي او رواني زیان مخ وي.

د اعلامیې له مخې: دا خطرونه نه یوازې نجونې له بشري حقونو څخه لیرې ساتي، بلکې د دوی د ټولنیزو حقونو، زدکړو او خوندیتوب مخه هم نیسي او د روغتیا، تولیدي وړتیاوو او ټولیز شتون په ګډون یې مور کیدنه هم ګواښي.

د ملګرومالتونو وګړیو صندوق اجرائیه مشره میرمن داکترناتالیا کانم ویلي، چې د نجونو پروړاندې ناوړه کړنې د ژور او تلپاتو زیانونو لامل کیږي او دوی له خپل بشپړ حقه بې برخې او د وړتیاوو ښکاره کولو مخه یې نیسي.

اعلامیې دا هم په ډاګه کړې: ډېري زیان رسونکي عملونه، چې د بشري حقونو سرغړونه یادیږي له  جنسیتي تبعیضونو او نورمونو څخه رامنځته کیږي؛ نا برابري روانه ساتي او د ښځو او نجونو له خوښې پرته پر هغو تپل کیږي.

ملګرو ملتونو په ډاګه کړې، چې د کرونا ویروس د خوریدو له کبله د قرنطین پر مهال د ښځو پر وړاندې تاوتریخوالی ډېر شوی دی. د افغانستان لوی څارنوالۍ د د غه مهال په بهیر کې د ښځو د وهلو ۲۴۹ قضیې  ثبت کړې دي.

د داکترې کانم د څرګندونو له مخې: د کرونا وبا روانې ناروغۍ زمونږ دنده نه یوازې ستونزمنه کړې، بلکې چټکتیا هم وربښي؛ځکه، چې اوس ډېرې نجونې له خطر سره مخ دي. مونږ به تر هغې ترې خپلې هڅې ونسپموو، چې د ټولو نجونو حقونه، غوراوي او واکونه په بشپړ ډول خپل شوي نه وي.

دې صندوق ټینګار کړې: دا د حکومتونو دنده ده، چې د ښځو او ماشومانو له خوندي کولو ځان ډاډه کړي؛ ځکه دوی په دې اړه نړیوال تړونونه د د ښخو او ماشومانو د ملاتړ لپاره تصویب کړي دي.

د دوی د څرګندونو له مخې؛ افغانستان د ماشومانو د خوندیتوب او ژغورنې ډېر نړیوال کنوانسیونونو د لږ منګو په ګډون لاسلیک کړي دي. د پالیسۍ له نظره، په افغانستان کې د ماشومانو د بې وخته ودونو د له منځه وړلو لپاره ملي پلان تصویب شوی او په هېواد کې د بې وخته ودونو د مخنیوي او پای ته رسولو لپاره ملي او نړیوالې همکاري اړینه ده.

د ماشومانو بې وخته ودونه له بشري حقونو بنسټیزه سرغړونه ده؛ ځکه، چې نجونې له زدکړو، روغتیا او اوږدمهاله بریالیتوبونو بې برخې کوي. د فغانستان حکومت اړ دی، چې په دې اړه له دیني او مدني ټولنو،  ملي، سیمه ییزو او نړیوالو همکارانو څخه ګډه مرسته تر لاسه کړي.

دې بنسټ ویلي: مونږ اړ یو، چې خپلې ژمنې نوې او د دغه زیان رسونکې کړنې مخه ونیسو؛ نجونو او د هغوی حقونو ته درناوی خپل کړو.

تازه خبرونه

اروپايي ټولنې له افغانانو څخه پر ملاتړ ټینګار څرګند کړ

خپور شوی

په

توسط

(Last Updated On: ليندۍ ۶, ۱۴۰۰)

د اروپايي ټولنې مشرې ارزولا فون در لاین پرون (جمعه د لیندۍ ۵) ویلي، چې دا ټولنه باید په افغانستان کې د اقتصادي او ټولنیز سقوط د مخنیوي لپاره له افغانانو ملاتړ وکړي.

نوموړې د آسیا – اروپا د دیارلسمې سرمشریزه پرمهال په آنلاین وینا کې ویلي؛ اروپايي ټولنه د افغانستان اسلامي امارت پر رسمیت نه پېژني، خو د افغانستان د اقتصادي او ټولنیز سقوط د مخنیوي لپاره کار کوي.

تېره میاشت اروپايي ټولنې د افغانستان له خلکو او ګاونډ هېوادونو سره د یو میلیارد یورو بشري مرستې اعلان کړی و.

د یادونې ده، چې د آسيا او آروپا په سرمشريزه غونډه کې د کمبوديا صدراعظم ويلي، چې د آسيايي او آروپايي هېوادونو ترمنځ همکاري بايد پياوړې شي.

Continue Reading

تازه خبرونه

د نجونو ښوونځي او پوهنتونونه به راتلونکی کال پرانستل شي

خپور شوی

په

توسط

(Last Updated On: ليندۍ ۴, ۱۴۰۰)

د افغانستان د اسلامي امارت ویاند ذبیح الله مجاهد ویلي، راتلونکي کال به ټول ښوونځي او پوهنتونونه د نجونو پر مخ پرانیستل شي.

هغه هېوادوالو او خویندو ته ډاډ ورکړ، چې په راتلونکي کال کې به ټول ښوونځي او پوهنتونونه پرانستل شي.

هغه زیاته کړې؛ ټول زدکړې وکړئ او پخپله پوهه د اغراضو مخه ونیسئ.

د ا.ا.ا ویاند نن پنجشنبه د اهل تشیع د یوه مشر ډاکتر جعفر مهدوی په مشرۍ ( ملي وحدت د اسلامي عدالت په رڼا کې ) تر سرلیک لاندې جوړې شوې غونډې ته څرګنده کړې: په افغانستان کې علما او خلک پوهیږي، چې ټولو د ستونزو د حل لپاره مټې رانغاړلي او مونږ بریالي شوو، چې له سترو بدبختیو ځانونه وژغورو او نوي پرمختګونه پیل او د سوکالۍ لپاره د حل لار ولټوو.

هغه څرګنده کړې، چې اسلامي امارت د دسیسو جوړولو مخه نیولې او د خپلسریو مخ باید په ګډه ونیسو؛ خپل ملي وحدت خوندي کړو.

هغه وایي؛ اسلام اختلافاتو ته اجازه نه ورکوي او قومي تفاوتونه مو ولسي ښایست دی او ټول سره وروڼه یوو او په دې هېواد کې د ژوندانه حق لرو.

نوموړی وایي، چې مونږ کابل ښار ته له برنامی پرته رادننه شوو او د الله شکر دی، چې عمومي بښنه پلې شوه او خپل ځواکونه مو کنټرول کړل.

مجاهد دا هم وویل، چې زمونږ لومړنی کار به له ډاکټر مهدي سره د بامیان ولایت له سمڅو او مغارو د بامیانیانو راایسل او ښارګوټی ورته جوړول وي. مونږ ښه استعدادونه او وړتیاوې لرو او باید ترې ګډه ګټه پورته کړو.

هغه ويلي: زمونږ اقتصاد به په شپږ مياشتو کې وده پیل کړي.

ذبیح الله مجاهد دا ډاډ هم څرګند کړ، چې افغانستان له جګړې نوی راوتلی؛ مونږ په پام کې لرو، چې سترې پرمختیايي پروژې لکه ټاپي، کاسا زر، میس او عینک او نورې پروژې پیل کړو.

ټولو ملي او نړیوالو پروژو ته به د پلیکېدو زمینه برابره شي.

د اهل تشیع دغې جوړې شوې غونډې ته ډاکټر جعفر مهدوي د اشرف غني پېر او دوره توره او نامشروع ونوموله او څرګندوي، چې غني په هېواد کې قومي نفاق ته لمن وهلې، د هېواد خرانه یې تشه کړې او بیا یې د تېښتې لار غوره وګڼله.

ډاکټر مهدوي په دې ناسته کې له اسلامي امارته د ملاتړ تر څنګ څرګنده کړه، چې په نوي کال کې به مونږ ان شالله له شپږم ټولګي څخه پورته د نجونو د ښوونځیو د پیل لیدونکي او په دې سیاسي فرصت کې به د ګډو هڅو شاهدان وو.

ډاکټر مهدوي د اسلامي امارت یو لړ لاسته راوړنو ته په نغوته کې ویلي، چې د افغانستان په اسلامي امارت کې د هېواد ټول مجاهدین خپله ونډه لري او ډېر ژر به د ټول هېواد سیاسي او فرهنګي څېرې هم په دې حکومت کې ځانونه وګوري.

Continue Reading

تازه خبرونه

د افغان ښځو او نجونو پر وړاندې د تاوتریخوالي پای ته رسولو شئ – م.م

خپور شوی

په

توسط

(Last Updated On: ليندۍ ۴, ۱۴۰۰)

د ښځو پر وړاندې د تاوتریخوالي د له منځه وړلو د نړیوالې ورځې پر ویاړ ملګري ملتونه له نړیوالې ټولنې غواړي، چې د ښځو پر وړاندې په ځانګړې توګه افغان میرمنو پر وړاندې د تاوتریخوالی د پای ته ورسولو لپاره پرېکنده هڅې وکړي.

په افغانستان کې د ملګرو ملتونو مرستندویه پلاوي (یوناما) نن (پنجشنبه، د لیندۍ ۴) د یوې اعلامیې له خپرولو سره څرګنده کړې، چې د جنسیت پر بنسټ تاوتریخوالی د ښځو او نجونو پر وړاندې یو جدي ګواښ، پایداره پرمختګ او سولې ته د رسېدو پر وړاندې یو لوی خنډ دی.

په یاده اعلامیه کې ټینګار شوی، چې د نړۍ له هرو درې ښځو څخه یوه له فزیکي یا جنسي تاوتریخوالي سره مخ ده؛ خو په افغانستان کې، د یوناما د څرګندونو له مخې، دا شمېر د اندېښنې وړ لوړ دی؛ یعنې په هرو لس میرمنو کې نهه یې د خپل ژونداتنه په اوږدو کې له تاوتریخوالي سره مخ شوې دي.

یوناما څرګندوي؛ د کرونا ویروس له خپرېدو او بشري ناورین سره د ښځو پر وړاندې تاوتریخوالی، چې “نه لیدوونکې ناروغۍ” هم نومول شوې؛ ډېره شوې ده.

ملګرو ملتونو زیاته کړې، چې په افغانستان کې د ښځو او نجونو پر وړاندې د تاوتریخوالي پېښې د هغوی د حقونو او ازادۍ د محدودیت له کبله ډېرې شوې دي.

د دغه سازمان د څرګندونو له مخې؛ د تاوتریخوالي قربانیانې ښځې هم خدماتو ته لږ لاسرسی لري.

په څرګندونه کې راغلي؛ د افغانستان لپاره د ملګرو ملتونو د سرمنشي د ځانګړې استازې ډیبرا لاینز د څرګندونو له مخې ویل شوي، چې نړۍ باید له دې “نه لیدونکې ناروغۍ” سره د مبارزې او د ښځو پر وړاندې د تاوتریخوالي د مخنیوي لپاره اقدام وکړي.

هغې زیاته کړې: د تاوتریخوالي مخه باید ونیول شي، مونږ باید له دې ناڅرګندې وبا سره د مبارزې لپاره په ګډه کار وکړو. مونږ باید هغه چلند بدل کړو، چې د تاوتریخوالي ملاتړ کوي او د تاوتریخوالي قربانیان له شرمه غږ نشي پورته کولی. همدارنګه هغو قربانیانو ته باید خدمات چمتو کړو، چې د تاوتریخوالي قرباني شوې دي.

دیبرا لاینز ټینګار وکړ، چې نړۍ باید د افغان میرمنو او نجونو غږونو او تجربو ته غوږ ونیسي او د دوی اړتیاوو ته بېړني ځواب ومومي. په ځانګړې توګه د تاوتریخوالي قربانیانو او د هغه کسانو اړتیاوو ته، چې له بېلابېلو تبعیضونو سره مخ دي.

په افغانستان کې د ملګرو ملتونو د کډوالو عالي کمیشنرۍ استازې الیسون ډیویډیان هم ویلي، چې په افغانستان کې د ښځو پر وړاندې تاوتریخوالی، چې پخوا د اندېښنې وړ و؛ د اقتصادي کړکېچ او د کرونا د خپرېدو له کبله ډېر شوی دی.

هغې ټینګار کړی، چې د دغو ښځو لپاره خدمات هم د “پر نښه کولو” له وېرې ځنډول شوي دي.

دغه راز زیاته شوې؛ دهغو ښځو لپاره، چې تاوتریخوالی یې تجربه کړی، ژوند ژغورونکي خدمتونه له دې وېرې بند شوي، چې برید پرې ونشي.

په همدې حال کې ملګرو ملتونو د ښځو د حقونو د خوندیتوب او د تاوتریخوالي د قربانیانو ښځو او نجونو د اړتیاوو د پوره کولو لپاره ۱۶ ورځنی نړیوال کمپاین پیل کړی دی. دغه کمپاین نن پیل شو او د ډسمبر تر ۱۰مې د بشري حقونو تر ورځې پورې به دوام وکړي.

په دې کمپاین کې هڅه کیږي، چې د ښځو او نجونو له حقونو څخه دفاع وکړي؛ د خدماتو چمتو کوونکیو او د ښځو حقونو له ټولنو سره د مستقیم ملاتړ له لارې د تاوتریخوالي د ټولو ډولونو له منځه وړلو لپاره کار وشي.

د افغانستان لپاره د ملګرو ملتونو د سرمنشي ځانګړي استازې د امنیت شورا غونډې ته ویلي، چې اسلامي امارت د افغانستان د واک د بیا خپلولو راپدیخوا د ښځو او نجونو د حقونو د محدودولو هڅه کړې ده او د محدودیتونو لګول یې روان ساتلي دي.

Continue Reading

Trending

آریانا نیوز: ټول حقونه خوندي دي