Connect with us

تازه خبرونه

په افغانستان کې د جګړې قربانیان افغانان دی- د بښنې نړیواله ټولنه

Ariana News

خپور شوی

 په

(Last Updated On: October 24, 2020)

د بښنې نړیواله سازمان د روان کال اکتوبر میاشت د افغانستان خلکو ته خونړۍ میاشت یاده کړې ده.

د بښنې نړیوال سازمان ویلي، په دوحه کې د سولې خبرو له دوام سره جوخت هره ورځ ګڼشمېر ملکي وګړي د افغانستان د روانې جګړې په  تاوتریخوالي کې وژل کیږي.

د سویلي آسیا لپاره د بښنې نړیوال سازمان د څېړونکي زمانن سلطاني د څرګندونو له مخې؛ اکتوبر میاشت د افغانستان خلکو ته د کال خونړۍ میاشت وه، چې په کې ۱۸۰ ملکي وګړي وژل شوي او ۳۷۵ نور ژوبل دي. زیاتره دا ځاني زیانونه په هلمند، غور، فاریاب، بدخشان او میدان وردګ ولایتونو کې اوښتي دي.

دغه راز نهه عام وګړي په غزني کې د سړک غاړې ماین چاودنې له کبله وژل شوي او درې ټپیان دي.

کورنیو چارو وزارت ویلي، چې په تېره یوه میاشت کې۸۴۰ طالبان وژل شوي او ۳۸۵ ژوبل او ۴۰ نیول شوي دي.

کورنیو چارو او ملي دفاع وزارتونو د افغان ځواکونو د ځاني زیان په اړه څه ندي ویلي؛ خو په تېرو څو ورځو کې د طالبانو په بېلابېلو بریدونو کې نوي افغان ځواکونه وژل شوي دي.

د یو شمېر څرګندونو له مخې؛ له پنځوس ډېر امنیتي سرتېري په تخار، ۲۴ په نیمروز، څلور په کمال خان بند او پېنځه په کندوز کې وژل شوي دي.

دغه راز د جګړې د قربانیانو کورنۍ په هېواد کې د جګړې د درېدو غوښتنه لري.

دا په داسې حال کې ده، چې نړیوالو بنسټونو د جګړې له ښکېلو خواوو په روانه جګړه کې د تاوتریخوالی د کمولو او د ملکیانو د تلفاتو د مخنیوي غوښتنه کړې ده.

تازه خبرونه

افغان او ترکمن ولسمشرانو پر سیمه ییزو پروژو خبرې کړي

Ariana News

خپور شوی

په

توسط

(Last Updated On: November 28, 2020)

د افغانستان ولسمشراشرف غني او د ترکمنستان ولسمشر قربان قلي بردي محمدوف نن له غرمې وروسته تیلیفوني خبرې وکړې.

ولسمشرۍ په ډاګه کړې، چې په دې تیلیفوني اړیکه کې دواړو لوریو د افغانستان او ترکمنستان ترمنځ د دوه اړخیزو اړیکو او سیمه ییزو پروژو په اړه خبرې کړې دي.

د ارګ د څرګندونو له مخې: د دواړو هېوادونو ولسمشرانو د ترسره شویو کارونو؛ تاپي او تاپ پروژو او نوري فایبر شبکې د غزولو په اړه خبرې وکړې او د دغو پروژو د بشپړولو لپاره یې پر درې اړخیزو او څلور اړخیزو میکانیزمونو هم هوکړه وکړه.

په اعلامیه کې راغلي؛ د افغانستان او ترکمنستان ولسمشرانو افغانستان ته پر وارداتي برښنا د خبرو پر مهال هوکړه وکړه، چې د افغانستان برښنا شرکت دې د ترکمنستان له لوري سره خبرې وکړي، چې د وارداتي برښنا ځانګړتیاوې او جزئیات وروستي کړي.

په دې تیلیفوني اړیکه کې د ترکمنستان ولسمشر ویلي؛ د دغه هېواد په مرسته په اقینې بندر کې یو جوړ شوی لوی جومات به، چې د ۵۰۰ لمونځ کوونکیو له ځایدو برخمن دی، په نږدې راتلونکي کې پرانیستل شي.

ولسمشرغني نوموړي ته ډاډ ورکړی، چې د افغانستان د ارشاد، حج او اوقافو وزیر به د یاد جومات د پرانیستې په مراسمو کې ګډون وکړي.

Continue Reading

تازه خبرونه

د ایراني اتومي ساینس پوه د وژلو غچ به اخلو – خامنه یي

Ariana News

خپور شوی

په

توسط

(Last Updated On: November 28, 2020)

د ایران ستر مذهبي مشر ایت الله علي خامنه ای د شنبې پر ورځ( د لیندۍ ۸) څرګنده کړې؛  تهران بهپه مناسب وخت کې د خپل اتومي ساینس پوه د وژلو غچ واخلي.

دغه ایراني اتومي ساینس، چې  لویدیځ هېوادونه یې د اتومي وسلو د پټو پروګرامونو مشربولي؛ تېره  تېره ورځ تهران ته نږدې ترور شو.   

خامنه يي زیاته کړې، چې ساینس پوه محسن فخری‌زاده د “وحشي اجیرانو لخوا” وژل شوی دی.

هغه ویلي؛ دوه مهمې مسلې باید د اړوند بنسټونو په اجندا کې مطرح شي؛ لومړی، د دې جرم څارنه او د عاملینو او قومندانانو مجازات، دوه یم، د ټولو هغو برخو څارنه، چې شهید (فخری‌زاده) په کې علمي او تخنیکي هڅې تر سره کړي دي.

خامنه ای ویلي؛ تهران هیڅکله اتومي وسلې نه غوښتي او په خپله اعلامیه کې یې ژمنه کړې، چې د محسن فخری‌زاده کار به روان وي.

د رویترز د څرګندونو له مخې؛ دغه وژنه، چې د ایران ولسمشر یې پړه پر اسرائیلو وراچولې، د امریکا د ولسمشر دونالد ترمپ د کاري دورې په وروستيو اوونیو کې د منځني ختیځ د نوې لانجې د رامنځته کیدو ګواښ کوي.

دا کولی شي د غوره شوي ولسمشر جو بایدن لخوا له تهران سره د اختلافاتو د راپورته کولو د هغې هوکړې هڅې دي، چې د بارک اوباما په اداره کې هغه وخت رامنځته شوې وې. ترمپ واشنګتن د تهران له نړیوال اتومي تړون څخه، چې په ۲۰۱۵ کې پرې هوکړه شوې وه؛ ایستلی دی.

د اسرائیلو ان-۱۲ خبري چینل څرګنده کړې، چې د ایران لخوا د غچ اخیستنې له ګواښونو سره سم په ټوله نړۍ کې د اسرائیل سفارتونو د چمتووالی حالت نیولی دی.

د ایران ولسمشر حسن روحاني د کابینې یوې تلویزیوني غونډې ته ویلي، چې ایران به “په مناسب وخت” کې خپل ځواب ووایي.

هغه د اسرائیلو د کړنو په اړه په ډاګه کړې: نړیوالو صهیونیست اجیرانو یو ځل بیا خپل ناوړه لاسونو د یوه ایراني بچي پر وینو ولړل.

اسرائیلو د دې وژنې په اړه له څه ویلو ډډه کړې.

د رویترز د څرګندونو له مخې؛ سپینې ماڼۍ، پنتاګون، د امریکا بهرنیو چارو وزارت او سي آی ای هم په دې اړه له څه ویلو ډډه کړې ده.

Continue Reading

تازه خبرونه

پولیسو یو داکتر پر ۱۰ کلن ماشوم د جنسي تېري پر تور یو نیولی

Ariana News

خپور شوی

په

توسط

(Last Updated On: November 28, 2020)

د ولسمشر لومړي مرستیال امرالله صالح نن (شنبه د لیندې ۸) څرګنده کړې؛ د کابل پولیسو یو داکتر نیولی، چې پر لس کلن ماشوم یې پرلپسې جنسي تېری کړی دی.

امرالله صالح پر فیسبوک پاڼه لیکلي؛ له عامې روغتیا وزارته غوښتل شوي؛ د دغه داکتر طبي جواز دې لغو کړي، چې له بند وروسته په ​​ټولنه کې د داکتر په توګه ځای ونلري.

امرالله صالح د داکتر او روغتون نوم هم لیکلی او څرګندوي، چې نوموړي په یاد خصوصي روغتون کې دنده تر سره کوله.

دغه راز امرالله صالح دا هم ویلي، چې د کابل پولیسو د کارته پروان له سیمې درې کسان د انسان تښتونې پر تور هم نیولي دي.

نوموړي زیاته کړې؛ انسان تښتوونکیو یو ۵۵ کلن سړی تښتولی و او د هغه له کورنۍ یې د پیسو غوښتنه کړې وه.

امرالله صالح وایي: تښتول شوی کس وژل شوی؛ خو د هغه کورنۍ ونه غوښتل، چې رسنیو جزئیات وړاندې کړي.

د ولسمشر لومړي مرستیال دا هم په ډاګه کړې؛ د کابل ملي امنیت ریاست په تېرو ۴۸ ګړیو کې د یو ۱۱ کلن ماشوم په ګډون د طالبانو او داعش ۱۱ غړي نیولي دي.

امرالله صالح څرګندوي، چې په دې ۱۱ نیول شویو کسانو کې ادریس نومی کوچنی ماشوم د طالبانو لخوا د ځانمرګي برید لپاره هڅول شوی و.

هغه دا هم لیکلي؛ له نېکه مرغه له دې سره د یوې چاودنې مخه نیول شوې او د ادریس نومي ماشوم پلار طالبانو ته د خپل زوی د سپارلو پر تور نیول شوی دی.

د امرالله صالح د څرګندونو له مخې؛ دغه سړی د کابل ښار د پېنځمې امنیتي حوزې په اړوند سیمه کې استوګن و.

امرالله صالح پر کابل پوهنتون  د برید په اړه ویلي، چې د ملي امنیت ریاست د څېدنو د بښپړولو لپاره د وحت غوښتنه کړې ده.

نوموړي همدا راز ژمنه کړې، چې د ترهګریزو او جرمي پېښو په اړه به معلومات له بشپړېدو وروسته خلکو ته وړاندې شي.

Continue Reading
Advertisement

Trending