Connect with us

تازه خبرونه

په افغانستان کې دې د بهرنیو ځواکونو له وتلو مخکې سوله خوندي شي ـ پاکستان

Ariana News

خپور شوی

 په

(Last Updated On: September 30, 2020)

د پاکستان د لومړي وزیر د ملي امنیت سلاکار معید یوسف د چهارشنبې پر ورځ څرګنده کړې، چې د بهرنیو سرتېرو له وتلو مخکې باید په افغانستان کې سوله او امنیت ټینګ او خوندي شي.

معید یوسف ویلي، چې پاکستان د افغانستان د سولې بهیر آسانوي او په افغانستان کې د خبرو د بریا په اړه هیله من هم دی.

نوموړي د پاکستان رادیو سره په یوه مرکه کې په ډاګه کړې، چې په ​​افغانستان کې سوله او امنیت د سیمې لپاره اړین دی.

هغه د افغانستان د امنیت په اړه د پوره اندېښنې له څرګندولو سره وایي، چې دا خاوره باید د ګاونډ هېوادونو پر وړاندې د هڅوونکیو هڅو لپاره ونه کارول شي.

هغه دا هم ویلي؛ په پاکستان کې د میشت ملیونونه افغان مهاجرینو ستنیدل یوه جدي مسله ده او پاکستان هیله لري، چې ډېر ژر خپل هېواد ته ستانه شي.

د معید یوسف مرکه پاکستان ته د ملي پخلاینې عالي شورا د مشر عبدالله عبدالله له لیدنې سره همهاله تر سره شوې ده.

اسلام آباد ته د خپل سفر په بهیر کې عبدالله عبدالله د پاکستان له لومړي وزیر عمران خان او له یو شمېر نورو پاکستانیو چارواکو سره لیدلي او په دوه اړخیزو اړیکو کې یې د نوي څپرکي پر پیلولو ټینګار کړی دی.

پاکستان له امریکا سره مرسته کړې، چې طالبان او افغان حکومت خپلمنځی خبرې پیل کړي. دغه هېواد د افغانستان د سولې له بهیر څخه پخپل ملاتړ یو ځل بیا ټینګار څرګند کړی دی.

دا په داسې حال کې ده، چې د راپورونو له مخې؛ په دوحه کې خبرې اترې د دوه مسلو له کبله وځنډول شوې؛ دیني فقه او له امریکا سره د طالبانو د سولې هوکړه، چې په کې افغانستان حکومت برخه نه وه اخیستې.

طالبان حکومت مشروع نه بولي او څرګندوي، چې د امریکا لاسپوڅی دی.

د امریکا او طالبانو ترمنځ د سولې راوستو د هوکړې له مخې؛ واشنګتن به د راتلونکي کال په اپریل کې خپل ټول ځواکونه له افغانستان څخه وباسي. دمګړۍ د ځواک کمیدل پیل شوي او د فبرورۍ په میاشت کې له ۱۳۰۰۰ څخه تر ۸۶۰۰ پورې رارسیدلي دي.

ټاکل شوې، چې د نومبر تر پایه په افغانستان کې د امریکا سرتېرو شمېر ۴۵۰۰ ته راورسیږي.

تازه خبرونه

د کابل په لویدیځ کې د ځانمرګي برید د وژل شویو کسانو شمېر ۲۴ ته لوړ شو

Ariana News

خپور شوی

په

توسط

Reuters
(Last Updated On: October 25, 2020)

د دشت برچي د پلخشک د “کوثر دانش” ښوونځي د کوڅې په ځانمرګي برید کې د وژل شویو کسانو شمېر ۲۴ کسانو ته لوړ شوی او شاوخوا ۶۰ نور ټپیان دي.

د پېښې شاهدانو ویلي، چې ځانمرګي برید کوونکي خپلو چاودیدونکيو توکو ته د اړوند ښوونځي د زدکوونکیو په منځ کې چاودنه ورکړې او ډېري قربانیان زدکونکي دي.

دا چاودنه په یوه داسې کوڅه کې رامنځته شوې، چې په کې درې د روزنې مرکزونه دي؛ خو فربانیان ټول د کوثر دانش ښوونځي کانکور آزموینې ته د چمتووالي د ټولګي زدکوونکي دي.

اکرم عزیزي د غزني د مالستان اوسیدونکی او له دوه میاشتو راپدیخوا د دې ښوونځي زدکوونکی دی؛ دده استوګنځي ته مخامخ ځانمرګي برید کوونکی چاودنه کړې. هغه په دې پېه کې خپل ټولګیوال له لاسه ورکړی او ټوله شپه یې د خپل ملګري پر قبر سبا کړې ده.

نوموړي ویلي؛ په خواشینۍ، چې یو ټولګیوال روح الله نومي مې په دې پېښه کې خپل خوږ ژوند له لاسه ورکړی او ټوله شپه مې ور سره پر قبر تېره کړه.

داعش په یوه اعلامیه کې د پېښې مسوولیت منلی دی.

دغې ډلې دوه کاله مخکې هم پر یو روزنیز مرکز برید ترسره کړی و. هغه مهال یو ځانمرگي برید کوونکي خپل چاودیدونکي توکي په یوه ټولګي کې وچاودول، چې لږ تر لږه ۴۸ کسان یې ووژل او نږدې ۱۰۰ نور یې ټپیان کړل.

Continue Reading

تازه خبرونه

له آزادو سیالیو سره حبیب نور ماګمدوف بریالۍ مخه ښه وکړه

Ariana News

خپور شوی

په

توسط

(Last Updated On: October 25, 2020)

د روسیې د آزادو سیالیو ۳۲ کلن لوبغاړي حبیب نورماګمدوف تېره شپه (شنبه د لړم درطیمه) پر خپل امریکایي سیال له بریا وروسته، خپله کورناسته اعلام او د اړوند سیالیو له ډګرونو سره یې مخه ښه وکړه.

حبیب، له جاستین گیجي سره په خپله وروستۍ مبارزه کې پنجرې ته ورننوت او بریالی شو، چې خپل ځواکمن سیال مات کړي.

په دوه یم پړاو کې یې خپلې پښې د جاستین ګیچي له غاړې راتاو کړې او ساه پرې بنده شوه؛ له سالنډۍ سره مخ او په دې توګه پر خپل سیال بریالی شو.

دا د هغه لومړۍ سیالي، چې له پلار پرته پنجرې ته وردننه شو. نوموړي د سیالۍ په پای کې د پلار له زیار او هڅو مننه وکړه.

د حبیب پلار په دې وروستیو کې د کرونا ویروس له کبله پر تنفسي ستونزو اخته او مړ شوی و.

حبیب څرګنده کړې: له درې ورځنیو هڅه وروسته بریالی شوم، چې د دغې سیالۍ لپاره د مور اجازه ترلاسه کړم؛ نه راضي کیده، چې د پلار په نشتون کې ولوبیږم. ما له هغې سره ژمنه وکړه، چې دا به مې وروسی ځل وي.

نوموړي زیاته کړې: دا زما وروستۍ سیالي وه. زه د یو اف سي له ټولنې یو څه غواړم، چې د نوملړ په سر کې راشم؛ ځکه، چې زه یې وړ یم.

دغه ۳۲ کلن حبیب د خپلو څانګیزو سیالیو په ډګر کې له ماتې پرته د ۲۹ بریاوو لرونکی پاتې شوی دی.

Continue Reading

تازه خبرونه

په غزني کې د القاعده یو مهم قومندان ووژل شو

Ariana News

خپور شوی

په

توسط

(Last Updated On: October 25, 2020)

د ملي امنیت ځانګړیو ځواکونو په غزني ولایت کې د القاعده یو مهم قومندان وژلی دی.

د ملي امنیت عمومي ریاست څرګنده کړې، چې د دې ریاست د ځانګړیو ځواکونو د عملیاتو په پایله کې د القاعده شبکې د هندي برخې مهم قومندان ابو محسن المصري ووژل شو.

المصري ، د القاعدې مهم قومندان د امریکا د فدرالي څېرنو ادارې تر څار لاندې نوملکړ کې راغلی و.

هغه په امریکا کې د امریکایی اتباعو پر وژلو او د بهرنیو تروریستي سازمانونو لپاره د آسانتیاوو په برابرولو محکوم شوی و.

د ملي امنیت پخوانی مشر رحمت الله نبیل ویلي، چې المصري او د القاعدې یو شمېر غړي د تېرو څو اوونیو په اوږدو کې په منظم ډول شاوال وادیو او غزني ته تګ راتګ کړی دی.

دغه راز د کورنیو چارو سرپرست وزیر مسعود اندرابي ویلي، چې په افغانستان کې د ملي امنیت ریاست لخوا د القاعدې د کليدي غړي وژل کېدل له ترهګرو ډلو سره د طالبانو د نږدې اړیکو او د افغان حکومت او خلکو پروړاندې د دوی د ګډو تروریستي فعالیتونو ښکارندویي کوي.

د نوموړي د څرګندونو له مخې، دا اړیکې اوس هم په خپل حال پاتې دي او طالبان پدې اړه بېلابېلو اړخونو ته دروغ وايي.

Continue Reading
Advertisement

Trending