Connect with us

تازه خبرونه

په افغانستان کې باید بې معنا تاوتریخوالی نور پای ته ورسیږي

Ariana News

خپور شوی

 په

(Last Updated On: چنګاښ ۱۹, ۱۳۹۹)

کاناډا او آسترالیا د نړیوالې ټولې له نورو غړیو سره په یو ځای کیدو په تول افغانستان کی د تاوتریخوالي ډېروالی غندلی او وایي، مونږ د ملکی بېوسو خلکو پرځورونه او وژنه خواشینی یو.

مونږ د سولی پر فعالینو او پرافغان امنیتی ځواکونو، چی د خلکو د خوندیتوب په هڅه کې دي؛ قصدي او ناوړه بریدونه په کلکه غندو.

مونږ اندېښمن یو، چی د طالبانو لخوا د افغان امنیتي ځواکونو پر وړاندی د تاوتریخوالی نه منونکې کچه د سولی لپاره د افغانستان د خلکو اوږد مهاله هیلې ګواښي.

پر دینی عالمانو، روغتیایي کارکوونکیو، د بشری حقونو پر ساتونکیو او قضایي کارمندانو وروستي بریدونه د کرکی وړ دي.

د دا ډول جنایتونو ترسره کوونکي په ښکاره هڅه کوی، چې د آزادو بحثونو مخه ونیسی؛ خو د تاوتریخوالي د پای ته رسیدلو او د افغانستان لپاره د یو روښانه او ټول شموله راتلونکي په اړه د مدني ټولنې غږ څوک نشی بندولی.

مونږ ډاډه یو، چی افغانان به خپلی ګډې موخې ته، چی نه یوازې د یو سوله ییزافغانستان غوښتل دي، بلکې د خلکو هوساینه او هراړخیزه ګډون هم په کې مطرح دی او هیحکله به د خپل غږ له پورته کولو څخه لاس پرسر نشی. مونږ د دې جنایتونو بشپړه څېړنه غواړو او هیله مو هم داده، چې اړوند مسوولین یې د محاکمې میزته راکښل شي.

 یو ټولګدونه سولې ته د رسیدو د یوازنۍ لارې په توګه مونږ د افغانانو په مشرۍ او واک له خبرو اترو څخه خپل ملاتړ روان ساتو. دا ډېره خواشینونکی خبره ده، چی د افغان دفاعي او امنیتي ځواکونو لخوا ښودل شوی زغم د طالبانو لخوا نه منعکس کیږي. له هغو کسانو څخه، چی د خلکو د استازیتوب ادعا کوي او همدا خلک د دوی د تاوتریخوالي قرباني هم دي؛ د دا ډول کړنی تمه(طمع) نه کیږي.

مونږ پر یو غږ د جګړی له ټولو اړخونو غواړو، چی د ملګرو ملتونو د امنیت شورا ۲۵۳۲ ګڼې پرېکړه سمدستی رعایت کړي. همدا اوس بېړني بشردوستانه اوربند ته اړتیا ده، چې زیان منونکیو او اړو ټولنو ته د لاسرسي زمینه مساعده شي؛ ځکه، چی افغانستان د کرونا ویروس له سختو اغېزو سره مخ دی.

د تاوتریخوالي سملاسي راکمول او د بشردوستانه اوربند را منځته کول به د باور جوړوې او په خپلمنځي خبرو کی د پرمختګ لامل شي.

طالبان باید افغانانو او نورې نړۍ ته وښیي، چې دوی په ښه نیت او د افغانستان د سوله ییزې راتلونکې لپاره د خبرو اترو او مذاکراتو هوډ لري.

مونږ ټولې ښکېلی خواوې د مناسبو شرایطو د رامنځته کولو او د سولې لپاره د یوې ښکاره ژمنتیا په ښودلو د خپلمنځي خبرو پیلولو ته هڅوو؛ ځکه، نو ټولې خواوې باید ژر تر ژره بې معنا تاوتریخوالی ته د پای ټکی کیدي.

تازه خبرونه

سوله به خصوصي سکتور ته د پانګونې ډېر فرصتونه رامنځته کړي

Ariana News

خپور شوی

په

توسط

(Last Updated On: زمری ۲۱, ۱۳۹۹)

د افغانستان خصوصي سکتور ویلي، چې د سولې له هغې کړنې هرکلی کوي، چې کیدی شي په کې ځایی او نړیوالو سوداګریو ته د پانګونې پراخ فرصتونه چمتو، اقتصادي وده، پرمختګ او پراختیا رامنځته کړي.

د سوداګرۍ او پانګونې خونې چارواکو زیاته کړې، چې د سولې د راتلو لپاره هیلې زیاتې شوي او د دې بهیر پراختیا کولی شي د هېواد ر اقتصادي پراختیا مثبت اغېز ولري.

دوی په ډاګه کوي، چې ښکېلې غاړې باید له دې فرصته ګټه پورته کړي.

د خصوصي سکتورغړيو څرګنده کړې؛ د لوې جرګې د پرېکړې له مخې د سولې عملي  پروګرام  ته لار اواره شوې او د سولې له راتلو سره به په هېواد کې د پانګونې او اقتصادي هڅو لړۍ  پيل شي.

د سوداګرۍ او پانکونې خونې غړی خانجان الکوزی وایي: د لویې جرګې هغه پرېکړه، چې د زندانیانو د آزادی په اړه رامنځته شوه؛ د هېواد پر اقتصاد به مثبته اغېزه ولري.

د صنایعو او کانونو خونې مسوولین وایي؛ ښکېلې خواوې باید په هېواد کې د جګړې لړۍ ودروي او د سولې په راتلو او د امنیت له خوندي کیدو سره به په هېواد کې سترې پانګونې تر سره شي.

د صنایعو او کانونو خونې مرستیال سخي احمد پيمان ویلي؛ د بندیانو له خوشي کیدو مو هیله داده، چې سم دلاسه د سولې خبرې پيل او پانګونې ته زمینه برابره شي.

د کرنې او مالدارۍ  خونه او ځمکني  ترانسپورت د تولنې مسوولینو ویلي، په ېواد کې د سولې له راتلو سره به په لوړه کچه د کار زمینه  برابره او د فقر کچه به  تر خپلې  وروستۍ کچې را ټيټه شي.

د ځمکني ترانسپورت د تولنې مرستیال نظير احمد خلیل څرګنده کړې؛ د سولې لپاره تر ټولو اړینه  شېبه  رامنځته شوې، چې باید ګټه ترې پورته شي. مونږ باید نور له سیاسي او اقتصادي بحرانه خلاص شو.

د کرنې او مالدارۍ خونې مرستیال میرویس حاجې زاده ویلي؛ باورې یم، چې د سولې له راتلو سره به په  هېواد کې  د کرنې او مالدارۍ ترڅنګ په بېلا بېلو برخو کې افغان پانګوال پانګونه تر سره کړي، چې له دې سره به کارونه هم رامنځته شي.

د اقتصادي چارو کار پوهان هم په دې باور دي، چې د سولې په برخه کې له رامنځته شوي فرصته پوره واخلو، چې اقتصادي خوځښتونه پراخهیا و مومي.

د اقتصادي چارو کارپوه حکیم الله صدیقي وایي، چې د جګړی دواړه خواوې باید د افغانستان د ثبات او اقتصادي پر مختګ لپاره کار وکړي؛ ځکه، چې په امنیت کې کار اواقتصادي وده دواړه خوندي دي.

د خصوصي سکتور غړي وایي که امنیت رامنځ ته شي؛ نو د هېواد په کانونو، کرنې، خدماتو، د انرژۍ  د تولید په ګډون په نورو برخو کې هم په لوړه کچه پانګونې کیدی شي.

Continue Reading

تازه خبرونه

ناتو په افغانستان کې د سولې له بهیره ملاتړ ته چمتوالی څرګند کړ

Ariana News

خپور شوی

په

توسط

(Last Updated On: زمری ۲۱, ۱۳۹۹)

د ناتو لوی منشي ینس ستولتنبرګ د سولې له پلان شویو خبرو اترو څخه د هرکلی تر څنګ څرګندوي، چې مونږ له دې بهیره ملاتړ ته په افغانستان کې خپل شتون چمتو کوو.

د ناتو لویمنشي په خپل یوه تویت کې څرګنده کړې: ما له ولسمشر غني او د ملي پخلاینې عالي شورا له مشر عبدالله عبدالله سره خبرې کړي او د افغانانو تر منځ له راتلونکیو خبرو هرکلی کړم. ټولې خواوې باید د سولې لپاره دا تاریخي فرصت وکاروي. ناتو د ترهګرۍ پروړاندې په مبارزه کې له افغانستان سره ولاړ ده؛ ځکه، چې مونږ د سولې له بهیره ملاتړ ته خپل شتون چمتو کوو.

دا په داسې حال کې ده، چې تېره شپه ولسمشر اشرف غني د طالبانو د ۴۰۰ ناندریزو بندیانو د خوشې کولو فرمان لاسلیک کړ.

ولسمشرۍ ماڼۍ د طالب بندیانو د خوشې کیدو د فرمان لاسلیک کیدل منلې او وایي، چې د لاسلیک د مراسمو پر مهال یو شمېر افغان مشران هم حاضر ول.

د یکشنبې پر ورځ د سولې مشورتي لویې جرګې ولسمشر ته وړاندیز وکړ، چې ۴۰۰ طالب بندیان  دې خوشې شي. که څه هم تر منځ یې د خونړیو بریدونو د ترسره کولو مشران هم شته دی.

حکومت ویلي؛ د یکشنبې پر ورځ په دوحه کې د افغانانو خپلمنځي خبرې ترسره کیدونکې دي او ټاکل شوې، چې د حکومت مرکچي پلاوی د چارشنبې پر ورځ له کابله د قطر پر لوري روان شي.

Continue Reading

تازه خبرونه

د افغان سکهانو دوه یمه ډله د چارشنبې پر ورځ له هېواده وځي

Ariana News

خپور شوی

په

توسط

(Last Updated On: زمری ۲۱, ۱۳۹۹)

ټاکل شوې د افغانستان د سکهانو دوه یمه ۱۸۰ کسیزه ډله هم د چارشنبې پر ورځ له هېواده هند ته ولاړه شي.

هندي رسنیو په ډاګه کړې؛ کیدی شي دوی په کابل کې د داعش د هغه ځانمرګي برید او چاودنو د قربانیانو خپلوان وي، چې تېر مارچ د دوی پر درمسال ترسره شو او لږ تر لږه یې ۲۵ افغان سکهان ووژل.

د هندي سکهانو ټولنې ورسره د همکارۍ ژمنه کړې او تر دې دمه یې ۱۱ سکهان له افغانستان څخه ایستلي دي.

د سکهانو لومړۍ ډلې د نیدان سینګ ساچوا په ګډون، چې په جون کې له پکتیا تښتول شوې و، تېره میاشت له کابل څخه ووت.

د دهلي د درمسالونو د مدیریت کمیتې مشرماجندر سینګهـ سیرسا یوې سنګاپوري رسنۍ ته څرګنده کړې وه؛ مونږ به د دوی له کورنیو سره له خپلې وسې سره سمې مرستې وکړو. مونږ د هغوی د ماشومانو په ښوونه او روزنه کې هم همکاري کوو.

دغه راز د سکهانو ټولنې اجرائیوي مشر جاګدیپ سینګهـ تایمز اف انډیا ته په ډاګه کړې، چې دغه ټولنه له هغو افغان سکهانو او هندوانو سره مرسته کوي، چې غواړي د ډاډمنو اسنادو له مخې افغانستان پریږدي.

هغه زیاته کړې، چې دې ټولنې تر دې دمه د افغان سکهانو او هندوانو ۳۵۰ غوښتنلیکونه تر کار لاندې نیولي، چې هند ته یې راولیږدوي.

تر ۱۹۸۰ لسیزې پورې په افغانستان کې له ۸۰۰۰۰ ډېرو سکهانو او هندوانو د هېواد په بېلابېلو سیمو کې ډاډمن ژوند کاوه؛ خو ډېري یې په ۱۹۹۲ زېږدیز کال کې د وخت د شوروي اتحاد له ړنګیدو وروسته له هېواده کډې بار کړې او ووتل.

ځینو یې ​​د طالبانو او په ځانګړي توګه د نوي نظام له رامنځته کیدو سره د آرام ساه واخیسته او بېرته هېواد ته راستانه شول او حکومت هم افغان سکهان بېرته راستنولو ته وهڅول؛ خو په وروستیو کلونو کې د داعش لخوا پرې بریدونه ترسره شول او اوس په هېواد کې له ۷۰۰ لږ سکهان ژوند کوي.

Continue Reading

Trending