Connect with us

سیمه ییز خبرونه

په افغانستان كې اوسنى جګړې له نيم ميليون ډېر كسان بې ځايه كړي دي

Ariana News

خپور شوی

 په

(Last Updated On: کب ۱۳, ۱۳۹۱)

په افغانستان كې د بشري مرستو د همغږۍ اداره وايي، چې ډېر بې ځايه شوي کسان د كورنيو جګړو له امله بې ځايه شوي، چې تر ټولو زيانمنونكي قشر يې ښځې دي.

له بلې خوا ( ان آر سي ) يا په افغانستان كې د ناروې د كډوالې شورا د ملګرو ملتونو په همكارۍ د دې بې ځايه شويو كسانو په اړه څيړنه پيل كړې او هڅه كوي چې داكسان بيرته خپلو سيمو ته ستانه كړي.

په افغانستان كې د بشري مرستو د همغږۍ مسئول ايدو اوليوى وايي:

دا بې ځايه شوي حتى د ژوند ډېرې لومړنۍ آسانتياوې هم نه لري.

نوموړی همدارنګه زیاتوي، چې زموږ د موندنو له مخې په اوسني حال كې په افغانستان كې نيم ميليون كسان بې ځايه شوي، چې لامل يې كورنۍ جګړه او شخړې دي. موږ په دې ارزونه كې دغو بې ځايه شويو د ژوند په عمده ستونزو، كارموندنې او اصل ځاى ته د هغوى د لېږدولو په اړه كاركوو، دا موندنې ښيي چې په دې بې ځايه شويو كې ښځې ډيرې له زيانونو سره مخ دي.

په افغانستان كې د ناروې د كډوالۍ شورا استازى پراسانت نايك وایی:

موږ له دوو ميشاتو را په دېخوا د ملګرو ملتونو له دفتر سره په همغږۍ په افغانستان كې د بې ځايه شويو كسانو په اړه څېړنې پيل كړې، چې په هغه كې د كډوالو د ژوند وضعيت، عمده ستونزې او د هغوى بېرته ځاى پرځاى كول شامل دي.

د افغانستان د كډوالواو راستنېدونكو چارو وزارت مرستيال عبدالصمد جامي وايي:

تر راتلونكو دوو مياشتو پورې به د بې ځايه شويو كسانو د پاليسۍ طرحه د وزيرانو شورا ته واستوي.

نوموړی زیاتوی، چې يوازې په كابل كې د بې ځايه شويو كسانو شمېر                                                             ۶۸ زرو كسانو ته رسېږي، چې په ناوړه حالت كې ژوند كوي.

Continue Reading
Advertisement

تازه خبرونه

په کندهار او غزني کې ۱۸ وسلوالو طالبانو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

امنیتي ځواکونو ویلي، چې له یو لړ نښتو څخه په کندهار کې ۱۳ او په غزني کې ۷ وسلوالو طالبانو ته مرګ و ژوبله رامنځته شوې ده.

د کندهارامنیه قومندانۍ ویاند جمال ناصر بارکزي ویلي؛ تېره شپه د معروف ولسوالۍ د نادرخان په اړوند سیمه کي طالب وسلوالو پر افغان امنیتي ځواکونو برید کړي، چي د دواړو لوریو په مخامخ جګړه کي پېنځه وسلوال طالبان وژل شوي او اته تنه نور ټپیان دي.

نوموړيزیاته کړې؛ که څه هم وسلوالو پر بشپړ ځواک برید وکړ؛ خو امنیتي ځواکونو دغه برید پر شاه تمبولی او یاده مرګ و ژوبله یې ورته اړولې ده.

بارکزي ویلي، چې په دې جګړه کي امنیتي ځواکونو ته ځاني زیان ندی اوښتی.

دغه راز د ۲۰۳ تندر قول اردو په اعلاميه کې هم راغلي، چې تېره شپه وسلوالو طالبانو د دې ولايت د ديک ولسوالۍ په تاسن او مرکز اړوند ټانګ تېل سيمه کې پر امنيتي ځواکونو بريد کړی دی.

د یاد قول اردو د څرګندونو له مخې؛ له رامنځته شوې نښتې ۴ طالبان وژل شوي او دری نور ټپيان دي.

طالبانو تر اوسه د دغو دواړو برید له اوښتې مرګ و ژوبلي څه ندي ویلي.

دا په داسې حال کې ده، چې په دې وروستیو کې له امنیتي ځواکونو سره د طالبانو نښتې او پر امنیتي پوستو بریدونو د اړوند سیمو د خلکو اندېښنې هم راپارولي دي.

Continue Reading

تازه خبرونه

په پکتیا کې ۱۱ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

د پکتیا امنیتي ځواکونو د دې ولایت میرزکه،احمدخېل او خوشامند ولسوالیو په اړوند سیمو کې د ۱۱ وسلوالو طالبانو له وژل کیدو خبر ورکړی دی.

د پکتیا ولایت په میرزکه ولسوالۍ کې له امنیتي ځواکونو سره له نښتې وروسته پېنځه وسلوال وژل شوي او څلور نور ټپیان دي.

د امنیتي ځواکونو د څرګندونو له مخې؛ دغه پېښه هغه مال رامنځته شوه، چې وسلوالو طالبانو د دې ولسوالۍ په اړوند سیمه کې د امنیتي ځواکونو پر پوستو ډله ییز برید کړي.

دوی زیاته کړې، چې په دې پېښه کې د میرزکه ولسوالۍ د امنیه قومندانۍ یو ساتونکی هم وژل شوی دی.

دغه راز تندر ۲۰۳ قول اردو په داګه کړې، چې د دې ولایت په احمد خېل او خوشامند ولسوالیو کې شپږ وسلوال طالبان د پخپل جوړ کړي ماین په چاودنه کې وژل شوي دي.

طالبانو تر دې دمه د دغو پېښو په اړه څه ندي ویلي.

Continue Reading

تازه خبرونه

په هلمند، میدان وردګ او بلخ ولایتونو کې ۳۰ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان دفاع وزارت په ډاګه کړې، چې په هلمند، میدان وردګ او بلخ ولایتونو کې د افغان ځواکونو او طالبانو تر منځ له نښتو لږ تر لږه ۳۰ وسلوال طالبان وژل شوي دي.

د دغه وزارت د خبرپاڼې له مخې؛ تېره شپه وسلوالو طالبانو د هلمند ولایت د ګرشک ولسوالۍ اړوند پر سربند او یخچال او دغه راز د  نادعلي ولسوالۍ د نهربغرا پر امنیتي پوستو بریدونه کړي.

د ۲۱۵ میوند قول اردو، درېیمې پلي لوا جزوتامونو د وسلوالو طالبانو دغو بریدونو ته غاښ ماتونکی ځواب ورکړی دی.

په دې بریدونو کې ۱۸ وسلوال طالبان وژل شوي؛ د ګرشک ولسوالۍ اړوند یخچال او سربند کې ۱۳ وسلوال او د نادعلي ولسوالۍ اړوند نهربغرا کې ۵ وسلوال طالبان وژل شوي دي.

دفاع وزارت دا هم څرګنده کړې، چې د جګړې په ډګر کې د وسلوالو طالبانو ۵ جسدونه پاتې دي او ۳ میله کلاشینکوفونه یې هم  امنیتي ځواکونو لاسته راوړي دي.

همدارنګه د ملي اردو ځواکونو مسلکي پرسونل په سنګین، ناوه او خاشرود ولسوالیو کې ۲۸ کړۍ د وسایطو او پرسونل ضد ماینونه هم کشف او شنډ کړي دي.

دغه راز دفاع وزارت په ډاګه کړې، چې تېره شپه وسلوالو طالبانو د میدان وردګ ولایت د جغتو ولسوالۍ اړوند په محمدقلي سیمه کې هم پر ملي امنيتي ځواکونو ډله ییز برید کړی دی.

دغه برید د ملي امنیتي ځواکونو لخوا له کلک غبرګون او ماتي سره مخ شو.

په دې نښته کې ۹ وسلوال طالبان وژل شوي او يو سراچه ډوله موټر او يو موټرسايکل يې هم له منځه تللي دي.

همدارنګه دفاع وزارت ویلي، چې نن سهار د بلخ ولایت په شولګره ولسوالۍ کې وسلوالو طالبانو د امنیتي او دفاعي ځواکونو پر کاروان برید کړی؛ خو پر شاه وتمبول شول. په دې نښته کې ۳ وسلوال طالبان وژل شوي او ۴ نور ټپیان دي.

دغه راز ویل شوی، چې امنیتي ځواکونو د دې ولسوالۍ په عبدالرحمزي، سرمنګ، قوربقهخانه، اوګلان او حاجي آغا کلیو کې د وسلوالو طالبانو ګواښونه هم له منځه وړي او اړوند سیمې د طالبانو له شتون پاکې شوې دي.

دفاع وزرت په دې نښتو کې د امنیتي ځواکونو له زیانونو څه ندي ویلي.

طالبانو هم تر دې دمه د دغو بریدونو او ځاني زیانونو په اړه څه ندي ویلي.

دا په داسې حا کې ده، چې ملګرو ملتونو په جګړه کې له ښکېلو لوریو غوښتي، چې د سولې خپلمنځي خبرو لپاره اورکم  ومني او ملکي وګړي له روانې مرګ و ژولې وژغوري.

Continue Reading

Trending