Connect with us

تازه خبرونه

په افغانستان او پاکستان کې روانه ګډوډي د زغم نده- باجوه

Ariana News

خپور شوی

 په

(Last Updated On: October 29, 2020)

د پاکستان د پوځ لوی درستيز جنرال قمر جاوید باجوه د چارشنبې پر ورځ د پېښور د چاودنې په اړه ویلي؛ افغانستان او پاکستان د بې قانونۍ او ګډوډۍ د مخنیوي وس له لاسه ورکړي، چې دا ډول حالت به د دواړو هېوادونو لپاره ویجاړونکې پایلې ولري.

باجوه د سې شنبې پر ورځ د پېښور په یوه مدرسه کې د چاودنې له ټپیانو څخه د لیدنې پر مهال، چې په کې ۷ کسان ووژل شول او له ۱۰۰ ډېر ټپیان دي؛ ویلي: په پاکستان کې میشت افغان کډوال باید د شکمنو خلکو په اړه ډېره پاملرنه وکړي او باید ترې خبر وي، چې په ترهګریزو هڅو کې ونه کارول شي.

د پاکستان د پوځ لوی درستیز زیاته کړې چې هېواد یې تل په افغانستان کې د سولې غوښتونکی دی او په افغانستان کې د سولې او ثبات د تامین لپاره به له هیڅ راز هڅو ډډه ونکړي.

باجوه دا هم ویلي، چې افغانستان او پاکستان له تېرو دوه لسیزو راپدیخوا له ترهګرۍ سره مخ دی؛ خو د سولې اړتیا دواړه هېوادونه نښلولي دي.

د پاکستان پولیسو منلې، چې چاودنه د سې شنبې پر ورځ هغه مهال رامنځته شوه، چې یو نومیالي پاکستاني عالم د زبیریه جامع مدرسې په عمومي تالار کې د اسلامي زدکړې ځانګړی ټولګی راغوښتی و.

د چارواکو د څرګندونو له مخې؛ یو شمېر هغه افغانان، چې په مدرسه کې یې زدکړې کولې هم ټپیان شوي دي.

تازه خبرونه

له ۲۴ ګړیو په لږ وخت کې لږ تر لږه ۷۰ افغانانو ته مړګ و ژوبله اوښتې

Ariana News

خپور شوی

په

توسط

(Last Updated On: November 25, 2020)

د آریانا نیوز د څرګندونو له مخې؛ له تېرو څلیریشت ګړیو راپدیخوا په ټول هېواد کې له بېلابېلو چاودنو له ۷۰ ډېر هېوادوال وژل شوي او ټپیان دي.

د نښلیدونکي ماین وروستۍ چاودنه، چې نن (چارشنبه دلیندۍ ۵) په کابل کې رامنځته شوې په کې دوه سرتېري او دوه ملکي وګړي ټپیان شوي دي.

پرون د کابل ښار د پېنځمې حوزې په اړوند سیمه کې د پولیسو پر رینجر موتر د نښلیدونکي ماین چاودنه  وشوه، چې په کې یو پولیس ټپي شو.

پر کابل سربېره په بامیان ولایت کې هم دوه بمي چاودنې رامنځته شوي، چې ۱۷ کسان ترې وژل شوي او له ۵۰ ډېر یې ټپیان کړي دي.

بامیان د افغانستان یو له خوندي ولایتونو څخه دی او ډېري کورني ا بهرني سیلانیان دې ولایت ته ورځي؛ خو کله نا کله د ورته ناوړه پېښو لیدونکي وي.

په بامیان ولایت کې له پرونیو دوه بمي چاودنو، چې د ښځو او ماشومانو په ګډون یې ګڼشمېر خلکو ته مرګ و ژوبله واړوله؛ سخت غبرګونونه راوپارول.

ولسمشر غني هم پرون په یوه اعلامیه کې دغه برید پر سختو ټکو غندلی دی.

د افغانستان د بشري حقونو خپلواک کمیسیون او په بامیانو کې د قربانیانو کورنیو له حکومت او نړیوالې ټولنې غوښتي، چې ژر تر ژره دې د تېرې ورځې د پېښې ۱۴ ټپيان کابل ته ولېږدوي.

 یاد کمیسیون همدارنګه زیاته کړې، چې د بامیان ښار امنیت باید په پام کې ونیول شي او د ملکي وګړیو مرګ و ژوبله له نړیوال قانون سرغړونه او جنګي جرم دی.

تر دې دمه هیچا د دغو چاودنو مسوولیت پر غاړه ندی اخیستی؛ خو وسلوالو طالبانو په کې لاس لرل رد کړي دي.

Continue Reading

تازه خبرونه

پاکستان د افغانستان کرکت ملي لوبډلې ته بلنه ورکړه

Ariana News

خپور شوی

په

توسط

(Last Updated On: November 24, 2020)

چارواکو څرګنده کړې، چې د پاکستان کرکت بورد په رسمي بڼه د افغانستان کرکت ملي لوبډلې ته بلنه ورکړې ده.

پاکستان افغان کرکت ملي لوبډلې ته په داسې حال کې بلنه ورکوي، چې لومړي وزیر عمران خان څو ورځې مخکې د یو پلاوي په مشرۍ کابل ته راغلی و او له افغان چارواکو سره یې د سولې پر بهیر دوه اړخیزو همکاریو خبرې وکړې.

د پاکستان د کرکت بورد اجرائیه مشر وسیم خان ویلي؛ مونږ غواړو د دې سفر لپاره یوه دروازه خلاصه کړو او که دا سفر په ۲۰۲۱ کې تر سره نشي، نو په ۲۰۲۲ کې به د سیالیو یو پړاو پلان کړو.

هغه زیاته کړې: د افغانستان – پاکستان کرکت سیالۍ د دواړو حکومتونو تر منځ د دوستۍ او سولې پیغام لرلی شي.

دا په داسې حال کې ده، چې د افغانستان کرکت ملي لوبدله په ۲۰۱۱ کال کې له پاکستان څخه لیدنه کړې ده.

Continue Reading

تازه خبرونه

په ژنیو کنفرانس کې د شرایطو پر بنسټ د مالي ملاتړ ژمنه وشوه

Ariana News

خپور شوی

په

توسط

(Last Updated On: November 24, 2020)

د ژنیو په ناسته کې یو ځل بیا ټولو ګډونوالو له افغانستان څخه د “شرایطو پر بنسټ” خپل مالي ملاتړ اعلان کړ او له حکومته یې  وغوښتل، چې له فساد سره جدي مبارزه وکړي، ښه حکومت جوړ او مرستې په رڼښت ولګوي.

د دې ناستې پر وروستۍ ورځ؛ اروپایي ټولنې یو میلیارد او دوه سوه میلیون دالر، بریتانیا هر کال ۱۵۵ میلیون پونده، جاپان ۷۲۰ میلیون دالر، کانادا د درې راتلوونکیو کلونو لپاره ۲۷۰ میلیون دالر، هالند ۲۲۰ میلیون دالر، دنمارک د درې راتلوونکیو کلونو لپاره ۶۴ میلیون دالر، ناروې ۷۰ میلیون دالر، آسترالیا ۱۴۷ میلیون دالر، سويدن له ۲۰۱۵ کال څخه تر ۲۰۲۴ کال پورې ۹۳۲ میلیون دالر مرستو ته ژمن پاتې کیږي، هند په کابل کې د شاه توت بند جوړوي، او ایتالیا د ۲۰۲۱ کال لپاره د ۳۵ میلیون یورو مرسته اعلان کړه.

په ټوله کې دې ناستې له افغانستان سره د ۴ راتلوونکیو کلونو لپاره د ۶ میلیارد دالرو ژمنه وکړه.

افغان ولسمشر اشرف غني ویلي؛ زمونږ موخه دا ده، چې په سیمه کې د ترانزیت پر مرکز بدل شو او پخپلو پښو ودرېږو او دې موضوع ته د رسېدو لپاره د نړیوالې ټولنې مرستو ته اړتیا لرو.

د مالي مرستو د ژمنو تر څنګ د ناستې برخوالو په بیړه د اوربند او له ښکېلو  خواوو څخه د جګړې د پای ته رسېدو غوښتنه وکړه.

ځینو برخوالو ټینګار کړی، چې باید تاوتریخوالی کم شي او د افغانستان د سولې خبرې په پراخ بنسټه توګه د تېرو ۱۹ کلونو د لاسته راوړنو په خوندي کولو تر سره شي.

د ملګرو ملتونو سرمنشي  انتوني ګوتریش څرګنده کړې؛ زه همدا راز په لوړه کچه د  تاوتریخوالي دوام ته ډېر اندېښمن یم، زه له ښکېلو خواوو غواړم، چې د ملکیانو د خوندیتوب او د کرونا ویروس د مخنیوي لپاره په بیړه اوربند وکړي.

د روسیې د بهرنیو چارو وزیر  سرګي لاروروف ویلي؛ په اوسنیو شرایطو کې یوه اړینه اړتیا داده، چې په دوحه کې د طالبانو او افغان دولت خبرې کوونکې ډلې پر اختلافي مواردو هوکړه وکړي. مونږ له دواړو ډلو غواړو، چې د افغانانو ترمنځ د جګړې د پای ته رسولو او د یوه ثبات لرونکي او هوسا هېواد د جوړېدو لپاره هوکړه وکړي.

هند او پاکستان هم د افغان سولې بهیرد ملاتړ لپاره یو ځل بیا ژمنه وکړه، چې دا بهیر د افغانانو په واک او مشرۍ مخته ولاړ شي.

د هند د بهرنیو چارو وزیر جي شنکر په ډاګه کړې؛ هند په افغانستان کې بیړنی او دایمي اوربند غواړي. مونږ دا راز باور لرو، چې د سولې بهیر باید د افغانانو په مشرۍ او واک تر سره شي.

د پاکستان د بهرنیو چارو وزیر شاه محمود قریشي ویلي؛ پاکستان د افغانستان د سولې په روانو خبرو اترو کې یو جوړښتي رول لوبولی او تل یې له هغو مذاکراتو څخه پر ملاتړ ټینګار کړی، چې د افغانانو په واک او مشري وي. 

افغان حکومت هم مرستندویه هېوادونو ته ژمنه وکړه، چې د خپلو ژمنو د پلي کولو لپاره به جدي ګامونه واخلي.

Continue Reading
Advertisement

Trending