Connect with us

تازه خبرونه

په اسلام کلا کې له سوداګریزو توکو بار ۷۰ تښتول شوي موټر وموندل شول

خپور شوی

 په

(Last Updated On: سلواغه ۲۷, ۱۳۹۹)

هرات والي ویلي، چې په اسلام کلا ګمرک کې له سوداګریزو توکو بار ۷۰ تښتول  شوي موټر کومانډو ځواکونو د ګمرک په اړوند کلیو کې موندلي دي.

سید وحید قتالي په یوه خبري ناسته کې ویلي، چې شاوخوا ۲۴۰۰ موټر له اور لګېدنې ایستل شوي او ۱۵۰۰ موټر ایران ته لېږدول شوي دي.

د هرات والي زیاته کړې، چې په پارکینګ کې د اورلګېدنې لامل د ګاز ټانکر سوري کېدل او د تېلو اور اخیستنه ده.

په هرات کې سوداګرو ویلي، چې له سوداګریزو توکو بار۵۰۰ موټر یې بشپړ سوزېدلي، چې له کبله یې له ۱۰۰ میلیون ډالرو ډېر زیان وراوښتی دی.

دوی وایي، چې په اسلام كلا بندر کې دوه زره باروړونکي موټر ولاړ ول، چې پېنځه اویا په سلو کې یې خپلې تعرفې هم تحویل کړې وې؛ خو د مالېې وزارت مامورینو له خوا درول شوي وه.

د سوداګرۍ او پانګونې مسوولین وایې، د حکومت د سکتوري وزارتو فساد خصوصي  سکتور  له داسي درانده مالي زیان سره مخ كر.

دوی ویلي؛ په ټرانسپورټ وزرات کې فساد د ټرانسپورټ اعتصاب ته لار پرانيسته او د افغانسنان بانک فساد صرافي وترله او په ګمرکونو کې فساد او ناقانونه پیسو اخیستو د اسلام كلا ګمرک د اور لمبه کړ.

دوی خبر داری ورکوی که حکومت د خصوصي سګتور ستونزو حل نكري، د نفتي توكو کار بندیز به هم پيل شي۔

د سوداګرۍ او پانګونې خونې اجرائیه وي سید زمان هاشمي ویلي: ګمرکونه بیخی د فساد مرکزونه دې؛ بېخبناوې نلري، پارکینګ نشته، د اور وژنې امکانات نلري، نفتی او نور سوداكريز توكي پر يوه لاره تګ راتګ کوي . دا؛ خو له خصوصي سکتور سره همکاري نه، بلکې دښمني ده.

د خصوصي سکتور غړي وایي؛ که حکومت له دوی سره مرسته و نكري، د نفتی توکو واردوونکي به هم  کاري اعتصاب پيل کړي

دا په داسې حال کې ده، چې د سوداګرۍ او پانګونې خونې مرستیال ویلي ۱۰۰۰ موټر په حيرتان، ۱۵۰۰ آقينه کې ودرول شوي او ۲۵۰۰ لارۍ د كابل په شمال کې ولاړې دي. 

تازه خبرونه

بیات بنیاد په هرات کې له لسګونه اړمنو کورنیو سره د خوراکي توکو مرسته وکړه

خپور شوی

په

توسط

(Last Updated On: تله ۲۴, ۱۴۰۰)

د بیات بنیاد چارواکو ویلي؛ د دې بنسټ د مرستو د وېش لړۍ له کندهار ولایته پیل شوې؛ زیان منونکي او بېوزله کورنۍ پېژندل شوي او د وېش بهیر ورته روان ساتل شوی دی.

د بیات بنیاد د خوراکي توکو د مرستو لړۍ له کندهار وروسته دادی هرات ولایت ته رسېدلې او لسګونه اړمنې کورنې ترې برخمنې شوې دي.

د بيات بنياد مرستيال حاجي محمد اسمعیل خان وايي؛ په دغو مرستو کې غوړي، اوړه او وريجې شته، چې پر بېوزلو پېژندل کورنيو وېشل کیږي.

نوموړي زیاته کړې؛ ان شاالله د مرستو لړۍ به نورو زونونو او ولایتونو ته هم ورسیږي.

په هرات کې د افغان بیسیم مشر زرین سلطانی ویلي؛ د جګړې له کبله بې ځایه شوې کورنۍ له سروې وروسته دا دی نن د خوراکي توکو مرستې ترلاسه کوي.

هغه زیاته کړې؛ د نورو زیان منونکیو کورنیو نوملړ به هم چمتو شي او د دې بنسټ د ارزونې لپاره به اړوند کمېټې ته وسپارل شي.

هغه کورنۍ، چې د مرستې ترلاسه کولو لپاره راغلي دي له نورو مرسته کوونکیو څخه غواړي، چې له دوی سره مرسته وکړي او بیات بنست ته ورته خپلې مرستې روانې وساتي.

دغه کورنۍ وايي، چې دوی تل د بیات بنیاد له خوراکي مرستو څخه ګټه پورته کړې ده.

یوې میرمنې، چې د بیات بنیاد مرستې یې تر لاسه کړي وایي: زه د دغې مرستې له تر لاسه کولو ډېره خوښاله یم.

هغه زیاتوي، د کار کولو هیڅوک نلرم؛ ماشومان را پرغاړه او کونډه یم.

ګل احمد نومی وایي: مونږ له تېرو څلور یا  پېنځه ورځو د پخولو لپاره هیڅ نه لرل. زه [د کار کولو لپاره] هره ورځ له کوره بهر وځم؛ خو هیڅ کار او [دنده] نشم موندلی. اوس ډېر خوښ یم … چې د بیات بنیاد مرسته مې  ترلاسه کړه.

د بیات بنیاد غړی مسعود هاشمی وایي؛ د دې بنسټ د مرستو رسولو لړۍ په دې وروستیو میاشتو کې پیل شوې او په پام کې ده، چې د هېواد د نورو ولایتونو اړو کورنیو ته یې هم اړوند پیل شوی بهیر وغزیږي.

بیات بنیاد هر کال د هوا له سړېدو سره سم د هېواد په بېلابېلو ولایتونو کې له زرګونه اړمنو کورنیو سره د خوراکي توکو او جامو د وېش بهیر پیلوي.

دا په داسې حال کې ده، چې له تېرو دوه میاشتو راپدیخوا میلیونونه افغانان د لوږې او بېوسۍ له رامنځته شوي اقتصادي ناورین سره د مخ کېدو په حال کې دي او نوی حکومت له نړیوالې تولنې څخه د بشري مرستو غوښتنه کوي.

Continue Reading

تازه خبرونه

مونږ د کابل هوایي ډګر د ساتنې چارې ترسره کولی شو – ترکیه

خپور شوی

په

توسط

(Last Updated On: تله ۲۴, ۱۴۰۰)

د ترکیې ولسمشر د جمعې پر ورځ له رسنیو سره په خبرو کې ویلي؛ ترکیې پخوا هم د کابل هوايي ډګر د چارو مشري کړې او په راتلونکي کې هم که هوکړې ته ورسیږي؛ اړوند چارې تر سره کولی شي.

د ترکیې ولسمشر رجب طیب اردوغان خبریالانو ته ویلي؛ مونږ د افغانستان په بېخبناوو کې ډېرې هڅې کړي. که په راتلونکي کې ترکیه، قطر او افغانستان هوکړه وکړي؛ مونږ کولی شو د کابل هوایي ډګر چارې ډاډمنې ترسره کړو.

ترکیې ته د افغان پلاوي د سفر په اړه نوموړي ویلي، چې افغان حکومت ترې د بشري مرستو او په افغانستان کې له نوي پیل شوي بهیره د ملاتړ غوښتنې کړي دي.

اردوغان ژمنه کړې؛ تر هغې، چې د اسلامي امارت لنډ مهاله اداره د افغانانو د حقونو په ساتنه کې عادلانه دریځ ولري؛ مونږ به له افغان ولس هر اړخیز ملاتړ روان ساتو.

اردغان دغه څرګندونې په داسې حال کې کړي، چې تېره ورځ د افغانستان د حکومت یو لوړ پوړی پلاوی د ترکیې پر رسمي بلنه  د دې هېواد انقرې ته سفر کړی او له ترکي چارواکو سره یې پر ديپلوماتیکو اړیکو، بشري مرستو، مهاجرت، افغانستان ته د پروازونو بیا پیلولو او کابل هوايي ډګر بیا فعالولو خبرې کړې دي.

د کابل هوايي ډګر له تېرو درې اوونیو راپدیخوا داخلي او بهرنيو الوتنو ته چمتو اعلان شوی؛ خو تر دې دمه دغه هوايي ډګر ته ډاډمن او منظم سوداګریز پروازونه شوي ندي.

Continue Reading

تازه خبرونه

ملګرو ملتونو افغان کډوالو ته مرستې رالیږلي

خپور شوی

په

توسط

(Last Updated On: تله ۲۴, ۱۴۰۰)

د ملګرو ملتونو د کډوالو عالي کمیشنرۍ په ډاګه کړې، چې د افغانستان بې ځایه شویو کدوالو ته د ملګرو ملتونو د مرستې لومړۍ الوتنه ازبکستان ته رسیدلې ده.

د سرچینې د څرګندونو له مخې؛ په دې مرسته کې د سرپناه توکي دي، چې په مزار شریف کې به پر زرګونه بې ځایه شویو خلکو ووېشل شي.

د ملګرو ملتونو د کډوالو عالي کمیشنرۍ ویاند بابر بلوچ ویلي: د دغو توکو لومړۍ الوتکه په ترمذ کې راکښته شوې ده.

هغه زیاته کړې: دې الوتکې د دوبۍ له ګودامونو ۳۲ ټنه د سرپناه اړوند توکي، د پخلنځي وسایل او پلاستیکي ټرپالونه د یاد هېواد هوایي ډګر ته لېږدولي دي.

بلوڅ وایي، چې دغه توکي به پر ۱۸۰۰۰ زره کورنيو ووېشل شي.

هغه په دې اړه ویلي: مونږ له ژمي مخکې خلکو ته د مرستې لپاره له وخت سره سیالي کوو. که تاسې پرته له کومې مرستې په آزاده هوا کې له سرپنا بې برخې وئ؛ یخنۍ به مو مړه کړي.

د دغه بنسټ د څرګندونو له مخې؛ بې ځایه شویو کورنیو ته به نور توکي په دوه نورو الوتنو کې د ترمذ هوایی ډګر ته ولیږدول شي.

Continue Reading

Trending

آریانا نیوز: ټول حقونه خوندي دي