Connect with us

بی بی سی پښتو

پر ټرمپ د نیوکو له امله لېز چیني د ګوندي مشرتابه له څوکۍ لرې شوه

Avatar

خپور شوی

 په

(Last Updated On: May 13, 2021)
چیني

BBC
چیني وايي، د ټرمپ د بیا واکمنېدو مخنیوي لپاره به هره هڅه وکړي.

د امریکا جمهوریپال ګوند پر پخواني ولسمشر ډونلډ ټرمپ د بیا بیا نیوکو له امله د رایو بهیر کې لېز چیني د دغه ګوند د مشرتابه له څوکۍ لرې کړه.

د پخواني مرستیال ولسمشر دېک چیني لور او د وایومېنګ استازې د ګوندي مشرتابه د مراتبو له مخې ولسي جرګه یا استازو مجلس کې د دریمې درجې څوکۍ درلوده.

مېرمن چیني د سې شنبې په ورځ ولسي جرګه کې یوه وینا کې د ۲۰۲۰ کال ولسمشرۍ ټاکنو کې د رایو غلا کېدو په هکله د ډونلډ ټرمپ پر بې ثبوته ادعاوو نیوکه وکړه.

هغې زیاته کړه چې جمهوريپال ګوند هم د ښاغلي ټرمپ د دې ادعاوو مقابل کې نه درېږي:

“درواغو ته چوپ کېدل او له پام یې غورځول درواغجن زړور کوي. زه به شا ته نه شم او نه به چوپه خوله کېنم. لکه نور چې ګوند په داسې لار برابروي چې د قانون له حاکمیت شاته شي او د پخواني ولسمشر سره په یو ځای کېدو زموږ ولسواکي کمزوروي.”

د چیني ځای به څوک نیسي؟

ویل کېږي په ولسي جرګه کې جمهوریپاله استازې الیز سټفانیک به د لېز چیني ځای ونیسي.

Getty Images
ویل کېږي په ولسي جرګه کې جمهوریپاله استازې الیز سټفانیک به د لېز چیني ځای ونیسي.

ولسي جرګه کې دوه نور جمهوریپال چې د مشرتابه مراتبو له مخې تر دې دغه جرګه کې مهم دي د نوموړې په ځای ټرمپ ته ژمن کس راوستل غواړي.

ویل کېږي په ولسي جرګه کې جمهوریپاله استازې الیز سټفانیک به د لېز چیني ځای ونیسي.

دا ګام د تېرو ولسمشرۍ ټاکنو تر بایللو شپږ میاشتې وروسته هم په ګوند کې د ښاغلي ټرمپ ژورې رېښې ښيي.

ډونلډ ټرمپ هم د مېرمن چیني د لرې کولو لپاره د جمهوریپالو د رایې هرکلی کوي او زیاتوي:

“لېز چیني مصیبتي او سخته ښځه ده. هغه ورځ مې یې چې وینا واورېده پوه شوم چې د جمهوریپال ګوند لپاره څومره مضره ده.”

جمهوریپال څه وايي؟

چیني

Reuters
چیني د پخواني مرستیال ولسمشر دېک چیني لور ده.

د چیني ګوندي غړي وايي، مېرمن چیني په داسې حال تېر جنجال ته لمن وهي چې دوی غواړي پر راتلونکو ټاکنو پام ټول کړي.

د چارشنبې په سهار په ولسي جرګه کې د جمهوریپالو کوچني اکثریت د تړلو دروازو تر شا نوموړې له مشرتابه څوکۍ لرې کړه.

دې بهیر کې رایه ثبت نه شوه، خو ډېری جمهوریپالو د مېرمن چیني د لرې کولو لپاره رایه واچوله.

چیني تر مشرتابه څوکۍ له لرې کېدو سملاسي وروسته خبریالانو ته وویل:

“هر هغه څه به وکړم چې په وس مې پوره وي چې باوري کړم پخوانی ولسمشر هیڅکله هم بیا اوول دفتر ته نږدې کېدلی نه شي.”

چیني څنګه له سرخوږي سره مخ شوه؟

کانګرس ته د ننوتلي یوه معترض سینګار او خولۍ

Getty Images
کانګرس ته د یوه ننوتلي معترض سینګار او خولۍ

د هغې سیاسي پرځېدل د جنورۍ شپږمې بلوا سره تړاو لري، چې د ډونلډ ټرمپ پلویانو پر کانګرس برید وکړ او هغه هم په داسې مهال چې د جو بایډن په ګټه د ټاکنو د پایلو پر اعلان بوخت و.

نوموړې د لسو جمهوریپالو په ډله کې وه چې له پېښې څو ورځې وروسته یې د ډونلډ ټرمپ د استیضاح لپاره د ډیموکراټانو ملګرتیا وکړه.

خو ښاغلی ټرمپ په سنا یا مشرانو جرګه کې- چې د جمهوریپالو لاس کې وه- بري شو.

د جمهوریپال ګوند غړو میاشت وروسته د مېرمن چیني د نه ژمنتیا له امله د هغې مشرتابه څوکۍ رایې ته وړاندې کړه.

هغې د ۶۱ مقابل کې په ۱۴۵ رایو سره ځان وساته، خو پر ډونلډ ټرمپ نیوکې یې جاري وساتلې.

نوموړې اونۍ مخکې واشنګټن پوسټ ورځپاڼه کې لیکنې سره پر ښاغلي ټرمپ بیا سختې نیوکې سره ډېر جمهوریپال غوسه کړل.

د دې لیکنې تر خپرېدو وروسته ولسي جرګه کې جمهوریپالو مشرانو د هغې د لرې کولو بهیر پیل کړ.

Continue Reading
Advertisement

بی بی سی پښتو

ننګرهار : په سیند کې د ډوب شویو کسانو لټون روان دی

Avatar

خپور شوی

په

(Last Updated On: June 12, 2021)
ننګرهار، سیند، بهسود، اوبه

BBC
د ننګرهار چارواګي وايي له سینده د تېریدو پرمهال په کښتې کې لس کسان سباره و چې یو ماشوم ترې ژغورل شوی او د نورو لټون روان دی.

د افغانستان ختيځ ولايت ننګرهار په بهسودو ولسوالۍ کې د سيند له يوې ډډې بلې ته د خلکو د وړلو راوړلو کښتۍ د ډوبېدو پېښه کې لږ تر لږه له لسو ډوب شویو کسانو يو ماشوم ژغورل شوی او يو مړی موندل شوی، خو د یوې ښځې په ګډون اته کسان لا هم اوبو کې ورک دي.

دغه کښتۍ نن شنبه له غرمې وړاندې شاوخوا لس بجې د بهسودو ولسوالۍ په ګردي کڅ سيمه کې اوښتې ده.

د ننګرهار ځايي چارواکي وايي، د کښتۍ کيبل پرې کېدو سره د کښتۍ سورلۍ اوبو اخيستي دي.

د ننګرهار د والي وياند عطاالله خوږياڼی وايي، کښتۍ کې د يوې ښځې او ماشوم په ګډون لس کسان ناست وو چې د ځايي خلکو په مرسته ماشوم ژوندی ایستل شوی او نورو ډوبو شویو کسانو پسې لټون روان دی.

ځينو ځايي سرچينو بیا د ډوب شويو کسانو شمېر اته کسان ښوولی دی.

له کونړ سیند سره دوه ګړۍ مزل

نیمروز؛ د سیند پرغاړه تږی ولس

افغانستان: مالګین سیند زرغونې کروندې شاړې کړې

ننګرهار کې د بي بي سي خبريال وايي، په ځايي وخت تر ماښام پورې اوبو کې د ډوب شويو کسانو د ژوند او مرګ اړه معلومات نه وو.

په سيند کې د ډوب شويو کسانو د موندلو لپاره د ځايي اوسېدونکو او ځايي کښتۍ چلونکو هڅې روانې دي.

د ګردي کڅ د ځوانانو شورا مشر رييس خان غرني بي بي سي ته وويل، ډوب شوي کسان د ګردي کڅ اوسېدونکي وو چې کامې ولسوالۍ ته اوښتل.

د افغانستان د نورو ولايتونو سربېره د ننګرهار بهسودو، ګوشتې او لالپورې ولسوالۍ اوسېدونکي هم د پلونو د نشتوالي له امله سيند د پورې وتلو پر مهال له کوچنیو کښتیو کار اخلي.

د یادونې ده چې دوې اونۍ وړاندې هم د ننګرهار په مومنددرې ولسوالۍ کې ځايي جاله چلوونکو او ځاي خلکو اوبو کې د ۲۰ ښځو او ماشومانو په ګډون د ډوبې شوې کشتۍ ۳۰ سپرلۍ ژوندي ژغورلي وو.

په افغانستان کې د دوبي په ګرمو ورځو کې ګڼ کسان خپل ژوند په سیندونو کې د لامبو او یا هم له سینده د تېرېدو پرمهال بایلي ځکه چې پلونه نشته او دغه مهال د سیندونو اوبه ډېرېږي.

Continue Reading

بی بی سی پښتو

ایټالیا کې د بې درکه پېغلې ثمن عباس له کورنۍ پوښتنې ګروېږنې کېږي

Avatar

خپور شوی

په

(Last Updated On: June 11, 2021)

د ایټالیا په شمال کې د یوې اتلس کلنې پیغلې له ورکېدو وروسته د هغې د کورنۍ له غړو او خپلوانو نه د هغې د وژلو په شک تحقیقات کېږي.

پولیس وايي د ثمن عباس کورنۍ تېر کال له هغې نه غوښتنه کوله چې پاکستان ته لاړه شي او له هغه چا سره واده وکړي چې کورنۍ یې ورته خوښ کړی و خو هغې له دې واده نه انکار کړی و.

د ثمن عباس د تره یو زوی په فرانسې کې نیول شوی او ایټالیا ته استولی شوی دی.

د ورکې شوې پېغلې تره او د تره بل زوی یې ورک دي او مور او پلار یې هم د رپوټو له مخې پاکستان ته تللي دي.

که څه هم د ورکې شوې پېغلې جسد نه دی موندل شوی خو څارنوالان شک لري چې دا پنځه واړه کسان د ثمن عباس په وژلو کې لاس لري.

د ثمن عباس پلار مخکې خبریالانو ته ویلي وو چې لور یې بیلجیم ته په سفر تللې ده.

د ایټالوي خبري رسنیو د رپوټونو له مخې ثمن عباس له تېر اکتوبر راهیسې د ټولنیزو چارو د ادارې تر څار لاندې ژوند کاوه خو د تېر اپریل په وروستیو کې بېرته د ایټالیا په شمال کې خپلې کورنۍ ته ستنه شوه.

پر فرانسه او ایټالیا “الیکس” توپان راغلی

ایټالیا کې زوروره زلزله شوې

ایټالیا کې د نارنجو جګړه

یوې څارنوالې ویلي چارواکي ګومان کوي چې هغه کور ته د ستنولو په خاطر تېر ایستل شوې وه.

څارنوالې ایزابېلا چیاسي وویل د ښې پایلې تمه نه شي کېدای او ثمن له مخکې جوړ پلان له مخې وژل شوې ده.

پولیس د ثمن د جسد پسې د دوی کور ته نژي سیمو کې کروندې د مئ میاشتې له لومړیو راهیسې لټوي او مقناطسي الې کاروي چې کولای شي په ښه ډول د ځمکې لاندې جسد ومومي.

پولیسو د اپريل په ۲۹ نیټه اخیستل شوي د سي سي ټي وي کامرې هغه تصویرونه هم خپاره کړي چې چارواکي ګومان کوي د هغې له وژلو یوه ورځ مخکې اخیستل شوي او په کې ښکاري چې در کسان له بېلچو، میخ ایستلو یوې ډنډې او یوې شنې بوجۍ سره روان دي.

له دې یوه ورځ وروسته په اخیستل شویو جلا تصویرونو کې بیا ښکاري چې ورکه شوې پېغله له خپل مور او پلار سره له کوره وځي.

د ثمن عباس ورکېدو ته په غبرګون کې تېره اونۍ په ایټالیا کې د اسلامي ټولنو اتحادیې یوه فتوا صادره کړه او اجباري ودونه یې رد کړل.

Continue Reading

بی بی سی پښتو

تر ۱۰ میاشتو پورې بې هوښه پرتې ښځې په هوښ له راتلو سره سم مور یاده کړه

Avatar

خپور شوی

په

(Last Updated On: June 10, 2021)

د ایټالیا ځايي رسنیو په رپوټونو کې ویل شوي، دغه هېواد کې یوه مېرمن تر لسو میاشتو پورې د کوما په حالت کې وه، اوس په هوښ راغلې او لومړۍ خبره کې یې مور ته غږ کړ.

پروسږ کال جولای کې ۳۷ کلنه کرستینا روزي د ۷ میاشتو مېندواره وه، چې د زړه حمله پرې راغله.

د نوموړې لور کاترینا د جراحي عملیاتو له لارې وزېږېده، خو مېرمن روزي د بې هوښۍ په حال کې پاتې شوه او داسې ګومان کېده چې دماغ ته زیان رسېدلی دی.

اوس د نوموړې مېړه وايي، په هوښ راغلې او لومړی د ماما مورې غږ وکړ.

د مېرمن روزي مېړه ګابریل سوشي لا نازیوني ورځپاڼې ته وویل:

زموږ داسې تمه نه کېده، له ډېرې سختۍ ګاللو وروسته دا د ټولو لپاره رښتیا د خوښۍ ځای و.

مېرمن روزي د ځانګړې درملنې لپاره اپریل کې اتریش کې یوه کلینک ته لېږدول شوې وه. ویل کېږي کله چې نوموړې لومړۍ خبره وکړه، مور او مېړه یې دواړه څنګ ته ناست وو.

د دې درملنې لپاره د بسپنې ټولولو یوې وېبپاڼې له لارې پیسې ټولې شوې، چې تر اوسه ۱۷۰ زره یورو ۲۰۸ زره امریکايي ډالر ته رسېږي.

دغه پیسې به د فزیو تراپي په ګډون د نوموړې بیا رغېدنې لپاره ولګول شي.

اریزو نوتیزي نومې وېبپاڼې د هغې د مېړه ښاغلي سوشي له قوله وویل:

کرستینا اوس په سختۍ سره پېژندل کېږي. ډېره ارام ده. دوی اوس د خوړو مصنوعي پایپ له هغې لېرې کړی او د یوه پمپ له لارې داسې درمل ورکوي چې په فزیکي ډول نوره وده وکړي.

د یادونې ده چې د دوی دواړو لور د زېږدېدو پر مهال د اکسېجن کمښت له کبله تر څو میاشتو پورې روغتون کې بستري وه.

Continue Reading

Trending

آریانا نیوز: ټول حقونه خوندي دي