Connect with us

تازه خبرونه

پر معلوماتو د لاس رسي قانون د تطبیق لپاره یو کمیسیون جوړیږي

Ariana News

خپور شوی

 په

(Last Updated On: چنګاښ ۹, ۱۳۹۴)

vlcsnap-2015-06-30-15h21m34s118

د اطلاعاتو او فرهنګ وزیر وایي؛ پر معلوماتو د لاس رسي د قانون د ښه تطبیق لپاره به یو کمیسیون جوړ شي.

د اطلاعاتو او فرهنګ وزیر عبدالباري جهاني د خپل سلو لومړیو ورځو کاري پلان د وړاندې کولو پر مهال وویل، چې په لنډو ورځو کې به د رسنیو کمیسیون هم جوړ او په کار پیل وکړي.

د وزارت په تشکیلاتو بیا کتنه، د ګرځندوی وده، د لرغونو آثارو ترمیم او بیا رغاونه د اطلاعاتو او فرهنګ د وزیر د سل ورځني پلان د کار نورې مهمې برخې دي.

ښاغلی جهاني وایي، سل ورځنی کاري پلان یې په پنځو برخو تمرکز لري.

هغه د رسنیو په کار کې په همغږي ټینګار کوي او وایي، د رسنیو د کمیسیون جوړښت یې د کاري پلان بله برخه ده.

ښاغلی جهاني وایي، هر کال باید د هېواد په کچه له ۱۵ تر شلو تاریخي آبدات ترمیم او ورغول شي، خو د هغه په خبره کاري ظرفیتونه ټیټ دي او دا هدف نه شي تر لاسه کیدای.

ده په دې برخه کې هم د بدلون ژمنه کوي.

د اطلاعاتو او فرهنګ وزیر وایي، د وزارت څلورو کلیدي برخو ته د بودجې صفر اعشاریه دوه فیصده ځانګړې شوې چې دوي ته د منلو نه ده.

دی وایي، تېر کال وزارت د پرمختیایی بودجې یواځې پنځه ویشت سلنه برخه مصرف کړې؛ خو سږ کال به هڅّه وشي چې د وزارت په تشکیلاتو د بیا کتنې له لارې دا وضعیت بدل شي.

خبریاله: نبیله حفیظي

Continue Reading
Advertisement

تازه خبرونه

د سولې حکومتي پلاوي د اسلامي علماوو نړیوالې ټولنې له مشر سره ولیدل

Ariana News

خپور شوی

په

توسط

(Last Updated On: تله ۹, ۱۳۹۹)

د سولې په چارو کې د دولت وزارت څرګنده کړې؛ د افغانستان د سولې خپلمنځي خبرو حکومتي پلاوي یو شمېر غړیو نن چهارشنبه ( د تلې ۹) د قطر په پلازمېنه دوحه کې د اسلامي علماوو نړیوالې ټولنې له مشر سره وکتل.

د یاد بنسټ د څرګندونو له مخې: د اسلامي علماوو نړیوالې ټولنې مشر احمد الریسوني افغان پلاوي ته د ښه راغلاست ترڅنګ د افغانستان د سولې خپلمنځیو خبرو ته په نغوته او اشاره کې ویلي؛ مونږ غواړو، چې افغانستان د نړۍ او اسلامي هېوادونو په کچه د یوې غوره بېلګې په توګه وګورو.

له افغان پلاوي سره په خبرو کې نوموړي هر ډول همکارۍ ته چمتووالی وښود او زیاته یې کړه، چې د اسلامي علماوو نړيواله ټولنه پخپل ټول وس له روانو خپلمنځي خبرو ملاتړ کوي.

د افغانستان د حکومتي پلاوي غړیو د سولې خبرو پر روان بهیر رڼا واچوله او د افغانستان روان وضعیت یې د یادې ټولنې مشرانو ته څرګند کړ.

افغان پلاوي د اسلامي علماوو له نړيوالې ټولنې وغوښتل؛ له خپل دریځ څخه پر ګټه پورته کولو دې د افغانستان د سولې له مذاکراتو څخه هر اړخیز ملاتړ وکړي، چې ژر تر ژره اوربند وشي، افغان وژنه بنده او په افغانستان کې د وینې توییدو مخه ونیول شي.

د یادې ټولنې د دارالانشاء مشر علي محي الدین له افغانستان او افغانانو څخه خپلې ۵۰ کلنې پېژندنې ته په نغوته کې څرګنده کړه، چې افغانستان د امام اعظم ابوحنیفه ټاټوبی دی او دغه ټولنه په بشپړه توګه له روانو مذاکراتو ملاتړ کوي.

د اسلامي علماوو نړیواله ټولنه پر ۲۰۰۴ کال په قطر کې رامنځته شوې، چې اوسمهال د نړۍ په ۹۳ هېوادونو کې استازولۍ لري او د نړۍ په کچه ۲۵۰ اسلامي بنسټونه ورسره ثبت دي. دغه ټولنه د اسلامي نړۍ په کچه د مرجعیت حیثیت لري، چې د بېلابېلو هېوادونو مهم مسایل ورته وړاندې کېږي.

Continue Reading

تازه خبرونه

په افغانستان کې دې د بهرنیو ځواکونو له وتلو مخکې سوله خوندي شي ـ پاکستان

Ariana News

خپور شوی

په

توسط

(Last Updated On: تله ۹, ۱۳۹۹)

د پاکستان د لومړي وزیر د ملي امنیت سلاکار معید یوسف د چهارشنبې پر ورځ څرګنده کړې، چې د بهرنیو سرتېرو له وتلو مخکې باید په افغانستان کې سوله او امنیت ټینګ او خوندي شي.

معید یوسف ویلي، چې پاکستان د افغانستان د سولې بهیر آسانوي او په افغانستان کې د خبرو د بریا په اړه هیله من هم دی.

نوموړي د پاکستان رادیو سره په یوه مرکه کې په ډاګه کړې، چې په ​​افغانستان کې سوله او امنیت د سیمې لپاره اړین دی.

هغه د افغانستان د امنیت په اړه د پوره اندېښنې له څرګندولو سره وایي، چې دا خاوره باید د ګاونډ هېوادونو پر وړاندې د هڅوونکیو هڅو لپاره ونه کارول شي.

هغه دا هم ویلي؛ په پاکستان کې د میشت ملیونونه افغان مهاجرینو ستنیدل یوه جدي مسله ده او پاکستان هیله لري، چې ډېر ژر خپل هېواد ته ستانه شي.

د معید یوسف مرکه پاکستان ته د ملي پخلاینې عالي شورا د مشر عبدالله عبدالله له لیدنې سره همهاله تر سره شوې ده.

اسلام آباد ته د خپل سفر په بهیر کې عبدالله عبدالله د پاکستان له لومړي وزیر عمران خان او له یو شمېر نورو پاکستانیو چارواکو سره لیدلي او په دوه اړخیزو اړیکو کې یې د نوي څپرکي پر پیلولو ټینګار کړی دی.

پاکستان له امریکا سره مرسته کړې، چې طالبان او افغان حکومت خپلمنځی خبرې پیل کړي. دغه هېواد د افغانستان د سولې له بهیر څخه پخپل ملاتړ یو ځل بیا ټینګار څرګند کړی دی.

دا په داسې حال کې ده، چې د راپورونو له مخې؛ په دوحه کې خبرې اترې د دوه مسلو له کبله وځنډول شوې؛ دیني فقه او له امریکا سره د طالبانو د سولې هوکړه، چې په کې افغانستان حکومت برخه نه وه اخیستې.

طالبان حکومت مشروع نه بولي او څرګندوي، چې د امریکا لاسپوڅی دی.

د امریکا او طالبانو ترمنځ د سولې راوستو د هوکړې له مخې؛ واشنګتن به د راتلونکي کال په اپریل کې خپل ټول ځواکونه له افغانستان څخه وباسي. دمګړۍ د ځواک کمیدل پیل شوي او د فبرورۍ په میاشت کې له ۱۳۰۰۰ څخه تر ۸۶۰۰ پورې رارسیدلي دي.

ټاکل شوې، چې د نومبر تر پایه په افغانستان کې د امریکا سرتېرو شمېر ۴۵۰۰ ته راورسیږي.

Continue Reading

تازه خبرونه

کابل او اسلام آباد د اړیکو نوي څپرکي ته د زمینې برابرولو هڅې کوي

Ariana News

خپور شوی

په

توسط

(Last Updated On: تله ۹, ۱۳۹۹)

د افغانستان د ملي پخلاینې عالی شورا مشرعبدالله عبدالله په اسلام آباد کې له پاکستانیو لوړ پوړیو چارواکو سره له دوه ورځنیو پرلپسې ناستو وروسته، نن  چهارشنبه ( د تلې ۹) خپل درې ورځنی سفر پای ته رسوي او هېواد ته به له دې ښکاره پیغام سره، چې دواړه حکومتونه د دوه اړخيزو اړيكو د پياوړي كولو پر اړتیا پوهیدلي؛ راستون شي.

د ملي پخلاینې عالي شورا مشر عبدالله، چې له ۲۰۰۸ راپدیخوا یې پاکستان ته سفر نه و کړی؛ د پاکستان له لومړي وزیر عمران خان، ولسمشر عارف علوي او د بهرنیو چارو وزیر شاه محمود قریشي په ګډون یې له مهمو چارواکو سره لیدلي دي.

د عبدالله عبدالله او پاکستانيو چارواکو تر منځ خبرې اترې د دواړو حکومتونو په اړیکو کې د ښه بدلون زیری لري، چې له کلونو راپدیخوا یې ستونزې لرلې.

عبدالله عبدالله د اسلام آباد په ستراتیژیکو مطالعاتو انستیتیوت کې یوې غونډې ته د خبرو پر مهال خپلمنځي خبرو ته د طالبانو په چمتو کولو کې د پاکستان هڅې ستایلي دي.

نوموړي ویلي: پاکستان نه یوازې د خبرو اترو په آسانولو کې ارزښتمنې هڅې کړي، بلکې تر بریا  او پایه  له دې بهیره ملاتړ کوي او د یوه سوله ییز او سوکاله افغانستان لپاره به له خلکو او حکومت سره هم همکاري ولري.

د کلونو لپاره دواړو حکومتونو ښې اړیکې نه درلودې، خو د ملي پخلاینې عالی شورا مشر عبدالله څرګنده کړې؛ له ډېرو کړاوونو وروسته اوس مونږ اړتیا لرو، چې له دسیسو جوړولو پرته خپلې اړیکې سمې کړو، چې عادي پر مخ ولاړې شي.

عبدالله عبدالله وایي؛ مونږ اړ یو، چې له زیانونو، ګواښونو او فرصتونو پند واخلو. په ځانګړي توګه که مونږ د بریا وو لپاره د ننګونو کچه راټیټه کړې وه، اعتدال مو هڅولی وای؛ نو اوس به د سیمه ییزو اړیکو، سوداګرۍ، ترانزیت، اقتصادي ادغام او د خلکو تر منځ اړیکې به مو نورې هم غښتلې او پیاوړې وې.

د پاکستان د بهرنیو چارو وزیر شاه محمود قریشي هم دغو مراسمو ته د وینا پر مهال ویلي، چې اوس باید تېروتنې تکرار نشي او په دوه اړخیزو اړیکو کې نوی څپرکې رامنځته شي.

هغه عبدالله ته ډاډ ورکړ، چې پاکستان په افغانستان کې ځانګړې ګټې نلري او اسلام آباد نه غواړي د افغانستان په کورنیو چارو کې لاسوهنه وکړي. مونږ د افغانستان ملي واکمنۍ، خپلواکۍ او ځمکنۍ بشپړتیا ته درناوی لرو.

Continue Reading
Advertisement

Trending