Connect with us

نړۍ

پر اټومي تړون د ایران او نړۍ خبرې بیا پیل شوې

خپور شوی

 په

(Last Updated On: ليندۍ ۹, ۱۴۰۰)

د ایران دولتي رسنۍ راپور ورکړی، چې په ویانا کې د ایران او نړۍ ترمنځ د ۲۰۱۵ زېږدیږ کال پر اټمي تړون خبرې بیا پیل شوې.

د اروپايي اتحادیې یوه ویاند پرون (دوشنبه د لیندۍ ۸) ټویټ وکړ، چې د ویانا پر وخت د ماسپښین درې بجې د ایران د اټمي هوکړې خبرې بیا پیل شوې.

د امریکا او ایران ترمنځ پرونۍ خبرې غیر مستقیمې خبرې ګڼل شوي؛ ځکه، چې ایراني استازیو له امریکايي پلاوي سره مخامخ خبرې رد کړې وې.

له دې مخکې د نړۍ اړوند ځواکونو له ایران غوښتي وه، چې د بندیزونو د نرمولو په صورت کې دې د یورانیمو غني کول محدود کړي؛ خو دا خبرې د دغه هېواد و ولسمشر په توګه د رییسي د ټاکنې له کبله پېنځه میاشتو ودرېدې.

د امریکا پخوانی ولسمشر ډونالډ ټرمپ په ۲۰۱۸ زېږدیز کال کې د ایران له اټومي هوکړې ووت او پر دغه هېواد یې بیا بندیزونه ولګول.

نړۍ

د سعودي په مشرۍ ائتلاف د یمن پر زندان هوایي برید رد کړ

خپور شوی

په

توسط

(Last Updated On: سلواغه ۲, ۱۴۰۰)

د سعودي رسمي خبري آژانس د شنبې پر ورځ څرګنده کړې، چې د سعودي په مشرۍ ائتلاف د یمن په صعده ولایت کې د ایران پلوه حوثي یاغیانو پر زندان برید رد کړ او وایي، چې پر اړوند ودانیو برید بند هم ندی.

د رویټرز یوه عیني شاهد ویلي؛ د جمعې په برید کې د آفریقایي مهاجرو په ګډون لږ تر لږه ۶۰ کسان وژل شوي او له دوه سوه ډېر نور ټپیان دي.

د سعودي دولتي خبري آاژانس د ائتلاف د یوه ویاند د څرګندونو له مخې ویلي؛ ائتلاف به په یمن کې د بشري چارو د همغږۍ دفتر (اوچا) او د سره صلیب نړیوالې کمیټې (آی سي آر سي) ته د حقایقو او جزئیاتو په اړه خبر ورکړي.

په یمن کې د حوثیانو د روغتیا وزیر طه المتوکل د جمعې پر ورځ ویلي، چې د سعودي پر مشرۍ ائتلاف د حوثیانو تر څارنې لاندې پر زندان هوایي برید کړی؛ ۷۰ کسان یې وژلي او لسګونه نور ټپیان دي.

د ایران او عربانو د سیالیو او نیابتي جګړو په اړه له ایران سره د عربستان د اړیکو پر عادي کولو خبرې روانې دي؛ خو د ابوظبۍ پر خاوره د حوثي یاغیانو د بې پلوټه الوتکې برید د سیمې وضعیت نور هم پېچلی کړی دی.

د یادونې ده، چې د ملګرو ملتونو عمومي منشي انټونیو ګوټیرش دغه برید غندلی او په دې اړه یې د پوره څېړنو غوښتنه کړې ده.

Continue Reading

نړۍ

د ایران ولسمشررییسي په کرملین کې له پوتین سره وکتل

خپور شوی

په

توسط

(Last Updated On: مرغومی ۳۰, ۱۴۰۰)

د ایران ولسمشر ابراهیم رییسي د چارشنبې پر ورځ په مسکو کې د روسیې له ولسمشر ولادمیر پوتین سره وکتل او پر مهمو دوه اړخیزو، سیمه ییزو او نړیوالو مسایلو یې خبرې وکړې.

د رویټرز د څرګندونو له مخې؛ کرملین په ډاګه کړې، چې پوتین او ولسمشر رییسي پر دوه اړخیزو همکاریو خبرې وکړې.

رییسي په دې کتنه کې څرګنده کړې؛ روسیې ته سفر د دواړو هېوادونو په سیاسي، سوداګریزو او اقتصادي اړیکو کې د بدلون ښکارندویي کوي.

دا د ابراهیم رییسي دوه یم بهرنی سفر دی، چې د روسیې او چین په ګډون د نړۍ له قدرتونو سره د ایران د اټمي موافقې په بهیر کې ترسره کیږي.

امریکا او متحدینو یې(بریتانیا، فرانسې او جرمني) د ایران د اټومي پروګرام په اړه په وار وار ویلي، چې  ایران او امریکا د خپلو ژمنو د عملي کولو لپاره دوه اړخیزې ستنېدنې لږ وخت لري.

روسیه او چین د ملګرو ملتونو د امنیت شورا دوه ویټو لرونکي غړي دي او له ایران سره د خپلو نږدې اړیکو له کبله یې پرلپسې د تهران پر ضد ځینې پرېکړه لیکونه لغو کړي دي.

Continue Reading

نړۍ

عمران خان او پوتین د سیمې او افغانستان په اړه خبرې وکړې

خپور شوی

په

توسط

(Last Updated On: مرغومی ۲۸, ۱۴۰۰)

د پاکستان لومړي وزیر او د روسیې ولسمشر په ټیلیفوني خبرو کې د دوه اړخیزو همکاریو پر وروستیو پرمختګونو، د افغانستان په ګډون د سیمې پر حالاتو او د اسلام وېرونې په اړه خبرې وکړې.

عمران خان د دوشنبې پر ورځ (د جنورۍ ۲۷) ټویټ کړی، چې له ولادیمیر پوتین سره یې ټیلیفوني خبرې کړي او څرګندوي؛ پوتین لومړنی مشر دی، چې د اسلام د ګران پیغمبر حضرت محمد(ص) پر وړاندې یې د مسلمانانو له احساساتو سره خواخوږي او حساسیت څرګند کړی دی.

د پاکستان لومړي وزیر په ډاګه کړې؛ پوتین ته یې بلنه ورکړې، چې اسلام آباد ته رسمي سفر وکړي او دواړه لوري د سوداګرۍ په ګډون په بېلابېلو برخو کې د دوه اړخیزو همکاریو د پراختیا پر لارو چارو او  تعاملاتو ډېرولو ټینګار کړی دی.

هغه څرګنده کړې؛ اسلام ضد احساسات راپارول یو ناوړه او له کرکې ډک عمل دی، بدې پایلې رامنځته کوي.

د پاکستان د لومړي وزیر دفتر هم په ډاګه کړې؛ عمران خان د افغانستان د شتمنیو پر آزادولو ټینګار کړی او زیاته کړې یې ده، چې په دې هېواد کې ثبات د ګاونډ هېوادونو او ټولې سیمې په ګټه دی.

دغه راز ویل شوي، چې افغانان له اقتصادي او بشري ننګونو سره مخ دي او لاسنیوي ته اړتیا لري.

د روانې میاشتې په پیل کې د پاکستان لومړي وزیر د اسلام ضد احساساتو د راپارولو د مخنیوي په اړه د روسیې د ولسمشر له پیغام هرکلی کړی او وایي، چې د اسلام پیغمبر (ص) ته سپکاوی د بیان آزادي نه ده.

Continue Reading

Trending

Copyright © 2022 Ariana News. All rights reserved!