Connect with us

تازه خبرونه

پرېکنده ماموریت د می پر لومړۍ نېټه پای ته رسیږي – امریکا

خپور شوی

 په

(Last Updated On: غویی ۹, ۱۴۰۰)

پنټاګون ویلي؛ په افغانستان کې د امریکا ماموریت (پرېکنده ماموریت) د می پر لومړۍ نېټه پای ته رسیږي او امریکا به د وتلو پړاو ته ورننوځي.

د پنټاګون ویاند جان کربي یوې خبري ناستې ته ویلي، چې یاد ماموریت به د می تر لومړۍ نېټې پورې وځنډول شي.

کربي زیاته کړې: دا نور د افغانستان ملي امنیتي ځواکونو ته د مشورې او مرستې ماموریت ندی او دا نور په ناټو کې پرېکړه ماموریت هم ندی. دا له افغانستان څخه د وتلو ماموریت دی.د خوندي او منظم وتلو لپاره ټول ځواک د جنرال میلر په واک کې دی، چې په سمه توګه وکارول شي.

د پنټاګون ویاند زیاته کړې، چې دوی د طالبانو شوني بریدونه هم په پام کې نیولي دي.

هغه ویلي: دا به د امریکې لپاره مسوولانه نه وي، چې د وتلو پرمهال د طالبانو بریدونه په پام کې ونه نیسي؛ ځکه، نو مونږ سیمې ته ملاتړي امنیتي ځواکونه واستول. موږ مخکې د بم غورځوونکیو الوتکو په اړه خبرې کړې دي…. یو شمېر اضافي ځمکني ځواکونه به افغانستان ته وروپېژندل شي، چې له مونږ سره به د خوندي او منظم وتلو په برخه کې مرسته وکړي.

هغه زیاته کړې، چې د می له لومړۍ نېټې وروسته به د جنرال میلرماموریت دا وي، چې امریکایي سرتېري او قرارداديان خوندي او منظم وباسي.

کربي ویلي؛ له دې وروسته به د افغانستان له ملي او امنیتي ځواکونو سره زمونږ اړیکې له بهر څخه تنظیم شي. مونږ د هغه څه په اړه خبرې کړي، چې نور به مالي ملاتړ وي.

د امریکا دفاع وزارت زیاته کړې، چې د افغانستان حکومت د امریکا مرستې ته په ځانګړي توګه په هوایي برخه کې اړتیا لري او مونږ په دې کار کوو.

safe as they — as they come out.”

تازه خبرونه

د ا.ا.ا له تور نوملړه د ا.ا د مشرانو د لرې کولو په اړه د روسیې له دریځه هرکلی کوي

خپور شوی

په

توسط

(Last Updated On: لړم ۳, ۱۴۰۰)

د افغانستان بهرنیو چارو وزارت له تور نوملړه د اسلامي امارت د مشرانو نومونو د لرې کولو په اړه د روسیې د ولسمشر له څرګندونو هرکلی کړی.

د بهرنیو چارو وزارت ویاند عبدالقهار بلخي ټویټ کړی، چې نورد جګړې څپرکي پای ته رسیدلی؛ نړۍ باید له افغانستان سره په خپلو اړیکو او تعامل کې مثبت بدلون راولي.

ولادیمیر پوتین ویلي وه، چې هغه له تور نوملړه د افغانستان اسلامي امارت د مشرانو نومونو د لرې کولو په اړه غور کوي.

د بهرنیو چارو وزارت ویلي، چې افغان حکومت له نړۍ سره مثبتې اړیکې غواړي.

Continue Reading

تازه خبرونه

اروپايي ټولنې د اړیکو پراخولو لپاره په کابل کې د دفتر پرانستلو نیت څرګند کړ

خپور شوی

په

توسط

(Last Updated On: لړم ۳, ۱۴۰۰)

فایننشل ټایمز څرګنده کړې، چې اروپايي ټولنه غواړي تر یوې میاشتې په افغانستان کې د خپلې ډیپلوماټیکې استازولۍ دفتر جوړه کړي.

د سرچینې د څرګندونو له مخې؛ اروپايي ټولنې پرېکړه کړې، چې له طا لبانو سره د تعامل او له نوي افغان حکومت سره د محدودو اړیکو د پراختیا او د بشري مرستو د رسولو لپاره کار روان وساتي.

په راپور کې راغلي؛ بروکسل غواړي، چې په افغانستان کې د خپلو کارمندانو د امنیتي خوندیتوب پر لارو چارو هم غور وکړي.

یوه چارواکي فایننشل ټایمز ورځپاڼې ته ویلي، بروکسل د تېرې میاشتې په اوږدو کې له کابل سره د داسې هوکړې هڅه کړې، چې له مخې به یې د اروپايي اتحادیې دفتر د یوه خصوصي امنیتي شرکت او یا د غړیو هېوادونو د ساتونکیو لخوا وساتل شي؛ خو وروسته یې په نه زړه ومنله، چې امنیت به یې د نورو سیاسي استازولیو په څېر پخپله د افغانستان اسلامي امارت خوندي کوي.

د دغې ټولنې ویاندې ویلي، چې تر دې دمه د اروپایي ټولنې د دفتر د امنیت خوندي کولو په اړه وروستۍ پرېکړه نده شوې.

په عين حال کې د اروپايي ټولنې یوې ویاندې، نبیله ماسرالي ويلي، چې دمګړۍ په کابل کې یوازې د شتون په لټه کې دي؛ خو د امنیتي دلایلو له مخې پر جزئیاتو څه نه وايي.

هغې په ډاګه کړې؛ د دې ټولنې یاده هڅه د رسمیت پېژندنې معنا نلري؛ زمونږ موخه له نږدې کېدو دا ده، چې د افغانستان خلکو ته غوره مرسته وړاندې شي، خو له طالبانو سره له تعامل او اړیکو پرته نشو کولی خپلې چارې تر سره کړو.  

Continue Reading

تازه خبرونه

د بیات بنیاد د مرستو لړۍ بلخ ولایت ته ورسېده

خپور شوی

په

توسط

(Last Updated On: لړم ۲, ۱۴۰۰)

بیات بنیاد د ژمنیو مرستو په لړ کې دا ځل د افغانستان د بلخ ولایت په مزار شریف ښار کې پر سلګونه اړو کورنیو خپلې په پام کې نیول شوې مرستې ووېشلې.

د دې بنسټ مسوولینو ويلي؛ د ژمي د سړې څپې له خوریدو مخکې هڅه کیږي، چې په ولایتونو کې پر اړمنو کورنیو خوراکي توکي ووېشل شي.

د بیات بنیاد مرستیال حاجي محمد اسماعیل وايي، چې په دې مرسته کې پر اړو کورنیو اوړه، غوړي او وریجې ووېشل شوې.

دې بنسټ په خپله مخکنۍ سروې کې اړمنې کورنۍ د مرستو لپاره مستحقې ګڼلې وې.

په بلخ کې د بیات بنیاد مسوول یافث ثاقب ویلي؛ بیات بنیاد د مرستو له وېش مخکې د اړو کسانو د معلومولو لپاره سروې کړې وه، چې په کې د مرستو مستحق کسان وپېژندل شول او اړوند مرستې یې ترلاسه کړې.

د بلخ اوسیدونکيو ويلي، چې بیات بنیاد په داسې حال کې له اړو کورنیو سره مرسته وکړه، چې خلک له سختو اقتصادي ستونزو سره مخ دي.

دوی له نورو خیریه بنسټونو څخه هم د ورته مرستو وېشل وغوښتل.

د بیات بنیاد مسوولین وايي، چې د مرستو دا لړۍ یې د هېواد له سویل او سویل لویدیځو ولایتونو پیل کړې، چې په نږدې راتلونکې کې به یې د هېواد نورو ولایتونو ته هم وغزوي.

Continue Reading

Trending

آریانا نیوز: ټول حقونه خوندي دي