Connect with us

تازه خبرونه

پاکستان په کابل کې د بېوسه حکومت په هڅه کې دی- د امریکا د کانګریس څېړنه

Ariana News

خپور شوی

 په

(Last Updated On: لړم ۱۶, ۱۳۹۸)

د امریکا د کانګریس د څېړنیز مرکز یو تازه راپور په ډاګه کړې، چې پاکستان له څو لسیزو راپدیخوا په افغانستان کې د بې ثباته او بېوسه حکومت په هڅه کې دی.

د امریکا د کانګریس د څېړنیز مرکز په نوي راپور کې څرګنده شوې، چې پاکستان د افغانستان د ستراتیژیک ګاونډ حکومت په توګه له اوږدو کلونو راپدیخوا په افغانستان کې منفي رول لوبولی دی.

یاد راپور ښیي، چې پاکستانيو ځواکونو د افغانستان د امنیت د ګډوډولو په خاطر له ترهګرو ډلو په ځانګړي توګه حقاني شبکې او طالبانو سره نږدې اړیکې پاللي دي.

په راپور کې څرګنده شوې، چې په افغانستان کې د هند دیپلوماتیک او سوداګریز حضور آسلام آباد ته د منلو نه دی.

په راپور کې دا ټینګار هم راغلیو چې پاکستان په افغانستان کې دهند د هڅو د مخنیوي لپاره له طالبانو سره نږدې اړیکې پاللي دي. په افغانستان کې د هند فعال دیپلوماتیک او سوداګریز رول او له دې چارې د امریکا او لویدیځ ملاتړ پاکستان ډېر اندېښمن کړی دی.

د پوهنتون استاد نصرالله ستانکزي ویلي؛ د پاکستان برلاسې دیپلوماسۍ امریکا اړ کړه، چې راپور پرې جوړ او په دې اړه د افغان حکومت بېوسي په ډاګه شي.

له  ترهګرو ډلو په ځانګړې توګه حقاني شبکې او طالبانو سره د پاکستانيو ځواکونو اړیکې هغه برخې دي، چې په دې راپور کې ورته نغوته شوې ده.

په دې راپور کې د افغانستان په ځینو برخو کې د طالبانو د حاکمیت پر پراختیا خبرداری ورکړ شوی او ټینګار کوي، چې پاکستان پر افغان طالبانو پراخ نفوذ لري.

سیاسي هڅاند رحمت الله بیژنپور ویلي، چې امریکا د پاکستان د هڅو پوړوړې ده او له همدې کبله دا حکومت، چې په افغانستان کې هر څه وغواړي تر سره کولي یې شي.

د امریکا د کانګریس دغه راپور د کابل او اسلام آباد تر منځ په اړیکو کې د ترینګلتیا له پراختیا سره جوخت خپور شوی دی. د دغو حکومتونو تر منځ اړیکې یو ځل بیا هغه مهال خرابې شوې، چې په کابل کې پاکستانيو دیپلوماتانو د امنیتي ګواښونو ادعا وکړه او په اسلام آباد کې د آی اس آی لخوا د افغان سفیر احضار یې اړیکې نورې هم اغېزمنې کړې.

تازه خبرونه

په افغانستان کې پر کرونا ویروس د ټولو اخته کسانو شمېر ۲۳۰۲۲ شو

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د عامې روغتیا وزارت ویلي، چې په افغانستان کې له تېرې یوې شپې او  ورځې ۳۳ ناروغان مړه شوي او پر کرونا ویروس ۱۸۶ نوي اخته شوي، چې له دې سره د ټولو اخته کسانو شمېر ۳۲۰۲۲ ته رسیدلی دی.

د عامې روغتیا وزارت زیاته کړې؛ ۶۱ کسان په کابل، ۳۴ په هرات، ۳۱ په دایکندي، ۱۶ په کندوز، ۱۴ په بلخ، ۷ په لوګر، ۶ په پروان، ۶ په کندهار، ۳ په بغلان، ۲-۲ په لغمان، وردګ اوپکتیا، یوـ یو په هلمند او ننګرهار کې پر کرونا ویروس اخته شوي دي.

که څه هم پر کرونا وبا د اخته کسانو شمېر مخ پر لږیدو دی؛ خو اوس هم ډېر خلک د دې وبا له جدي ګواښ سره مخ دي.

تازه ۳۳ ناروغان پدې ویروس له اخته کېدو وروسته مړه شوي؛ خو څلور سوه شپږ دېرش ترې ښه شوي دي.

د عامې روغتیا وزارت د ویاند مرستیاله معصومه جعفري وایي: له تېرو ۲۴ ګړیو راپدیخوا ۳۴۱ شکمنې پېښې کتل شوي، چې ۱۸۶ ترې مثبت ثبت شوي؛ ۳۳ مړه شوي او ۴۳۶ رغیدلي دي.

د عامې روغتیا وزارت ټینګار کوي؛ کابل، هرات، بلخ او دایکندي هغه ولایتونه دي، چې د اخته کسانو شمېر په کې ډېر دی.

د دې وزارت د څرګندونو له مخې؛ په ټول ذهېواد کې ۸۰۶ ناروغان مړه شوي، ۱۶۶۰۷ رغیدلي او دوه دېرش زره دوه ویشت نور پر کرونا اخته دي.

دا په داسې حال کې ده، چې عامې روغتیا وزارت ویلي؛ خلک کولی شي د کرونا ویروس له کابو کولو سره ځان او ټولنه له مصیبتونو وژغوري.

Continue Reading

تازه خبرونه

په هلمند، میدان وردګ او بلخ ولایتونو کې ۳۰ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان دفاع وزارت په ډاګه کړې، چې په هلمند، میدان وردګ او بلخ ولایتونو کې د افغان ځواکونو او طالبانو تر منځ له نښتو لږ تر لږه ۳۰ وسلوال طالبان وژل شوي دي.

د دغه وزارت د خبرپاڼې له مخې؛ تېره شپه وسلوالو طالبانو د هلمند ولایت د ګرشک ولسوالۍ اړوند پر سربند او یخچال او دغه راز د  نادعلي ولسوالۍ د نهربغرا پر امنیتي پوستو بریدونه کړي.

د ۲۱۵ میوند قول اردو، درېیمې پلي لوا جزوتامونو د وسلوالو طالبانو دغو بریدونو ته غاښ ماتونکی ځواب ورکړی دی.

په دې بریدونو کې ۱۸ وسلوال طالبان وژل شوي؛ د ګرشک ولسوالۍ اړوند یخچال او سربند کې ۱۳ وسلوال او د نادعلي ولسوالۍ اړوند نهربغرا کې ۵ وسلوال طالبان وژل شوي دي.

دفاع وزارت دا هم څرګنده کړې، چې د جګړې په ډګر کې د وسلوالو طالبانو ۵ جسدونه پاتې دي او ۳ میله کلاشینکوفونه یې هم  امنیتي ځواکونو لاسته راوړي دي.

همدارنګه د ملي اردو ځواکونو مسلکي پرسونل په سنګین، ناوه او خاشرود ولسوالیو کې ۲۸ کړۍ د وسایطو او پرسونل ضد ماینونه هم کشف او شنډ کړي دي.

دغه راز دفاع وزارت په ډاګه کړې، چې تېره شپه وسلوالو طالبانو د میدان وردګ ولایت د جغتو ولسوالۍ اړوند په محمدقلي سیمه کې هم پر ملي امنيتي ځواکونو ډله ییز برید کړی دی.

دغه برید د ملي امنیتي ځواکونو لخوا له کلک غبرګون او ماتي سره مخ شو.

په دې نښته کې ۹ وسلوال طالبان وژل شوي او يو سراچه ډوله موټر او يو موټرسايکل يې هم له منځه تللي دي.

همدارنګه دفاع وزارت ویلي، چې نن سهار د بلخ ولایت په شولګره ولسوالۍ کې وسلوالو طالبانو د امنیتي او دفاعي ځواکونو پر کاروان برید کړی؛ خو پر شاه وتمبول شول. په دې نښته کې ۳ وسلوال طالبان وژل شوي او ۴ نور ټپیان دي.

دغه راز ویل شوی، چې امنیتي ځواکونو د دې ولسوالۍ په عبدالرحمزي، سرمنګ، قوربقهخانه، اوګلان او حاجي آغا کلیو کې د وسلوالو طالبانو ګواښونه هم له منځه وړي او اړوند سیمې د طالبانو له شتون پاکې شوې دي.

دفاع وزرت په دې نښتو کې د امنیتي ځواکونو له زیانونو څه ندي ویلي.

طالبانو هم تر دې دمه د دغو بریدونو او ځاني زیانونو په اړه څه ندي ویلي.

دا په داسې حا کې ده، چې ملګرو ملتونو په جګړه کې له ښکېلو لوریو غوښتي، چې د سولې خپلمنځي خبرو لپاره اورکم  ومني او ملکي وګړي له روانې مرګ و ژولې وژغوري.

Continue Reading

تازه خبرونه

افغانستان اوس هم د نړۍ یو فاسد هېواد پاتې دی – سیګار

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان په بیا رغاونه کې د امریکا پر مرستو د څار ځانګړې ادارې سیګار ویلي، له افغانستان سره د میلیاردونو ډالرو له مرستې وروسته اوس هم دا هېواد بېوزلی او فاسد  پاتې دی.

د افغانستان بیا رغاونې لپاره د امریکا سرپلټوونکي جان سپکو ویلي؛ افغانستان به  تر ۲۰۲۴ کال پورې هر کال له څلور اعشاریه شپږ څخه تر اته اعشاریه دوه میلیارد ډالرو ته اړتیا ولري.

د نوموړي د څرګندونو له مخې؛ په دې هېواد کې ۱۳۷ میلیارد ډالر لګېدلي، خو دا لګښت د امریکا د بیا رغاونې په تاریخ کې تر ټولو ډېر لګښت دی.

سیګار که څه هم د سولې له هوکړې وروسته د افغانستان اقتصاد اندېښمن کړی؛ خو یو ځل بیا له افغانستان سره د امریکا میلیارد ډالري مرسته افغان حکومت ته وریادوي او وایي: افغانستان د ۱۳۷ میلیارد ډالرو پر لګولو د امریکا د بیا رغاونې په تاریخ کې تر ټولو ستره پروژه وه. زمونږ د کړنو پر بنسټ افغان حکومت  د نړیوالو سازمانونو او نړیوالې ټولنې له مرستو پرته ژوندی پاتې کیدی نشي.

مخکې له دې سیګار په افغان حکومت کې د میلیاردونو ډالرو د بې ځایه لګېدو خبره کړې وه، چې افغان حکومت رد کړې ده.

Continue Reading

Trending