Connect with us

تازه خبرونه

پاکستان د حامد کرزي په مشرۍ له طالبانو سره یوې ناستې ته چمتواولی نیولی

Ariana News

خپور شوی

 په

(Last Updated On: June 20, 2019)

سرچینو په ډاګه کړې، چې اسلام آباد د افغانانو تر منځ د یوې ناستې کوربتوب ته چمتووالی نیسي، چې ټاکل شوې د حامد کرزي په مشرۍ څو ورځې وروسته تر سره شي.

سرچینو دا هم ویلي؛ دغې ناستې ته د پخواني ولسمشر حامد کرزي په ګډون زیاتره هغه څېرې بلل شوي، چې د مسکو په ناسته کې یې ګډون کړی و.

په پاکستان کې له طالب استازیو سره د افغان سیاسیونو ناسته د اسلام آباد په کوربتوب د ملي وحدت حکومت د مشرانو او یو شمېر سیاسیونو بېلابېل غبرګونونه هم راپارولي دي.

د ملي وحدت حکومت اجرائیه رییس عبدالله عبدالله وایي: هر هېواد، چې خپلې ګټې د ګاونډ په ناامنيو کې ویني؛ پوچ او خام فکر لري، ځکه سوله په افغانستان کې کورنۍ، سیمه ییزې او نړیوالې اجماع ته اړتیا لري.

افغان سیاسیونو ویلي؛ په سیمه کې را منځته شويو بدلونونو پاکستان اړ کړی، چې د افغانستان د سولې په تړاو عملي ګامونه پورته کړي.

د افغانستان د خلکو وحدت ګوند مرستیال محمدناطقي وایي، چې د افغانستان سیاسي څېرې د اسلام آباد ناستې ته بلل شوي دي. مونږ هیله من یو لکه څنګه، چې پاکستان په جګړه کې لاس لري دغه راز د سولې په هڅو کې هم خپلې هڅې ونه سپموي.              

په پاکستان کې پخوانی افغان دیپلومات احمد سعیدي وایي؛ افغان سیاسیون د امریکا له هڅو راضي ندي او امریکا ته ښيي، چې که تا شا رااړولې سیالان دې مونږ ته غېږه پرانځي.         

د افغانستان ستراتیژیکو څېړنو په مرکز کې د هرات د امنیتي ښوونځي په دوه یم سمپوزیم کې کورنيو او بهرنيو شنوونکيو د سیمې د امنیت د تینګښت پر څرنګوالی څېړنې کړي.

د تهران پوهنتون استاد جهانگیر کرمي وایي: امنیت، ملي بنسټ لري او لومړی باید ورته له کورني اړخه هڅې پیل شي. بیا سیمه ییز او نړیوال چاپېریال ارزښت مومي. له ملي ځواکمن دولت پرته امنیت ناشونی دی.            

د پوهنتون استاد لیاقت علي امیري وایي: هغوی، چې د سولې او جګړې قومنداني لري؛ د سولې او جګړې په ملي سیاست کې هر هېواد او ملت د خپل ملي پیدایښت تګلارې لري او ورته ژمن هم پاتې دي.         

دا په داسې حال کې ده، چې ولسمشرغني ټاکل شوې څو ورځې وروسته پاکستان ته سفر وکړي. ولسمشرۍ ماڼۍ ویلي، چې په دې سفر کې به له پاکستانيو چارواکو سره د سولې پر بهیر خبرې تر سره شي.

د یادونې ده، چې په وروستیو کلونو کې په ځلونو پاکستان د کابل او واشنګتن لخوا له ترهګرو څخه پر ملاتړ تورن شوی او پاکستان هم تل پر همکاریو ټینګار ښاره کړی دی.

خبریال: شاهپور فرهمند

تازه خبرونه

د طالب او داعش د ګډې ورستې ایدیالوژۍ ریښې باید وچې شي ـ امرالله صالح

Ariana News

خپور شوی

په

توسط

(Last Updated On: October 24, 2020)

د کابل لنډمهاله امنیتي مسوول او د ولسمشر لومړي مرستیال امرالله صالح د شنبې پر ماښام (د لړم درېیمه) د پلازمېنې په لویدیځ کې پر ځانمرګي برید سختې نیوکې وکړې او وایي، چې داعش او طالبان ګډه ایدیالوژي تعقیبوي او د دې ورستې ایدیالوژۍ ریښې باید وچې شي.

صالح په خپل یوه تویت کې د برچي د بلخشک د اړوند سیمې پر کوثر ښوونیز مرکز ځانمرګي برید ته په نغوته کې ویلي، چې د دروغجن جنت په لټه کې د ورستې ایدیالوژي ریښې باید وچې شي. طالبان او داعش په یو اند دي. دوی اوس په تاکتیکي کچه کې سره یوځای شوي. راتلونکی ؟!

په هر حال صالحي لومړنی کس و، چې د پېښې د غندنې تر څنګ یې په دوحه کې د سولې پر خبرو سربېره  یې د تاوتریخوالي پر لوړه کچه هم نیوکه وکړه.

د بشري حقونو د څار د آسیایي چارو چارواکې پاتریشیا ګاسمن په خپل تویت کې څرګنده کړې: په کابل کې یو بل بې رحمه برید؛ ملکي وګړي، چې عادي کارونه ترسره کوي، پر سړک تېریدونکي، د زدکړی یا په روغتونونو کې د پاملرنې ترلاسه کوونکي ناڅاپه له بې رحمه تاوتریخوالي سره مخ کیږي. ولې د دوی خبرې د سولې په مذاکراتو کې په ډاګه ش،ی ندي؟

د پخلاینې عالی شورا مشر داکتر عبدالله عبدالله هم دغه پېښه یو تروریستي عمل وباله او زیاته وي، چې دا د ټولو انساني او اسلامي ارزښتونو خلاف کار دی.

په افغانستان کې د اروپايي اتحادیې ځانګړي استازي رولاند کوبیا ویلي؛ دا برید او د ولایتونو پر مرکزونو نور وروستي بریدونه، چې تاوتریخوالي هڅوي نوربس دی. د نړیوالې ټولنې بشپړ یووالي + د سمدستي اوربند لپاره پراخه فشار د ټولو افغانانو غوښتنه ده.

د کورنیو چارو وزارت ویاند طارق آرین ویلي؛ چاودنه هغه مهال رامنځته شوې، چې ځانمرګي بریدګر د دانش کوثر روزنیز مرکز ته د ننوتلو په هڅه کې و، چې د مرکز د ساتونکیو لخوا پېژندل شوی او مرکز ته د وردننه کیدو مخه یې نیولې، خو ځانمرګي بریدګر چاودنه رامنځته کړه، چې په کې ۱۸ کسان وژل شوی او ۵۷ نور ټپیان دي.

د کابل لویدیځ میشتي په تېرو وختونو کې هم د ورته خونړیو چاودنو او بریدونو قرباني شوي او لسګونه ملکي وګړيو ته مرګ و ژوبله اوښتې ده.

د ا په داسې حال کې ده، چې تر دې دمه کومې ډلې د پېښې مسوولیت ندی منلی؛ خو پخوا دې ته ورته بریدونه داعش کړی او طالبانو په دې پېښه کې هم خپل لاس لرل رد کړي دي.

Continue Reading

تازه خبرونه

په کابل کې ځانمرګي، کوثر ښوونیز مرکز ته نږدې ۷۵ کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې؛ ۱۸ کسان وژل شوي اږو ۵۷ نور ټپیان دي.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کوله، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading

تازه خبرونه

د کابل په برچي سیمه کې ځانمرګي لسګونه کسانو ته مرګ و ژوبله اړولې

Ariana News

خپور شوی

په

توسط

(Last Updated On: October 24, 2020)

کورنیو چارو وزارت منلې، چې د کابل ښار د برچي د پلخشک په اړوند سیمه کې ځانمرګی برید رامنځته شوې.

کورنیو چارو وزارت ویاند په ډاګه کړې، چې نن ماښام یو ځانمرګی بریدګر موخې ته له رسیدو مخکې د کوثر روزنیز مرکز د ساتونکیو لخوا پېژندل شوی دی.

د نوموړي د څرګندونو له مخې؛ دغه بریدګر هڅه کول، چې کوثر روزنیز مرکز ته وردننه شي؛ خو له پېژندلو وروسته یې ځان په کوڅه کې والوزاوه.

تر دې دمه ۱۰ وژل شوي کسان او ۲۰ ټپیان روغتون ته لیږدول شوي دي.

طالبانو د دغې چاودنې په اړه ویلی، چې برید د دوی کار ندی.

تر دې دمه هیچا د پېښې مسوولیت پر غاړه ندی اخیستی.

Continue Reading
Advertisement

Trending