Connect with us

تازه خبرونه

پاکستان د افغانستان د سولې په اړه همکاریو ته لیواله دی- عمران خان

Ariana News

خپور شوی

 په

(Last Updated On: June 9, 2019)

د پاکستان لومړي وزیر په اسلام آباد کې یوې ناستې ته ویلي، چې هېواد یې د هر هېواد په پرتله د افغانستان د سولې په بهیر کې همکاریو ته لیوالتیا لري.

د پاکستان لومړی وزیر ټینګار کوي، چې په افغانستان کې د امریکا د سیاستونو د ناکامۍ پړه باید پر پاکستان وانه چول شي.

د پاکستان لومړی وزیر عمران خان وایي: که د نړې یو هېواد په افغانستان کې د سولې غوښتونکې وي؛ هغه پاکستان دی. که افغانستان بې ثباته وې تر ټولو ډير زیان یی پاکستان ته رسیږي. د افغانستان د ګډوډیو پړه پر پاکستان وراچول بې انصافې ده. دا کار د دې لپاره کیږي، چې د امریکا خلک احمق وګڼل شي.

ټاکل شوې ولسمشر غني د پاکستان د لومړي وزیر په بلنه د چنګاښ پر شپږمه دغه هېواد ته سفر و کړي. د دغه سفر په لړ کې به د دواړو هېوادنو ترمنځ د ډاډمنتیا پر رامنځته کولو، د پاکستان لخوا پر وسلوالو طالبانو د فشارونو اچولو او د دغه هېواد لخوا د طالبانو پر اړ ویستلو، چې له افغان حکومت سره خبرو ته چمتو شي؛ بحث او خبرې تر سره شي.

ولسمشرۍ ماڼۍ پاکستان ته د اشرف غني د سفر اجندا نه په ډاګه کوي؛ خو سرچینې وایي، ولسمشر غني به پر څلور اړینو برخو، چې یوه یې له پوځي او سیاسي چارواکو سره د سولې خبرې اترې دي بحث وکړي.

د طالبانو پخوانی چارواکی سید اکبر آغا وایي؛ زه فکر نه کوم، چې طالبان دې له اشرف غني سره ناسته تر سره کړي. طالبان دا وایي، چې مونږ د حکومتي سړي سره د سولې د مذاکراتو په اړه خبرې نه کوو.

د نوموړي د څرګندونو له مخې؛ تر هغې، چې له امریکایانو سره د بهرنیو پوځیانو د وتو خبره سپینه شوي نه وي، له حکومتي چارواکو سره طالبان خبرې نکوي.         

داسې باورونه هم شته، چې پاکستان تر اوسه هم د افغانستان په وړاندې خپلې تګلارې ته بدلون ندی ورکړی او اوس هم د سولې په بهیر کې همکاریو ته رښتنی ندی.

په ولسي جرګه کې د کابل استازې شینکۍ کروخېل وایي، چې طالبان د پاکستان له سیاستونو اغېزمن شوي. که دغه حکومت د سولې په اړه رښتیني ګامونه پورته کړي؛ کیدی شي، چې د افغانستان د سولې بهیر ته ګټه ورسوي.    

دا په داسې حال کې ده، چې زلمي خلیلزاد پاکستان ته د خپل اووم سفر په لړ کې د افغانستان د سولې په بهیر کې د پاکستان هڅې وستایلې، ولسمشر غني هم د ۹۰۰ وسلوالو طالب بندیانو د خوشي کیدو امر وکړ او حکومتي سرچینو هم په ډاګه کړې، چې دوی له یو شمېر طالب رهبرانو سره پټې اړیکې لري.

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

تازه خبرونه

طالبان دې اوربند او پر ژمنو عمل وکړي – اتمر

Ariana News

خپور شوی

په

توسط

(Last Updated On: January 24, 2021)

د افغانستان د بهرنیو چارو وزیر حنیف اتمر ویلي؛ که غواړي، چې په افغانستان کې د ورستیو بریدونو له مسوولیته اوږې سپکې کړي؛ نو اوربند دې ومني.

له الشرق الاوسط ورځپاڼې سره په مرکه کې حنیف اتمر ویلي، چې طالبان باید له امریکا سره د تړون د لاسلیک پرمهال شوې ژمنې پوره کړي.

نوموړي زیاته کړې، چې افغان حکومت د طالبانو غوښتنه منلې او پخپلو کړیو ژمنو یې عمل کړی او له ۶۰۰۰ ډېر بندیان یې خوشې کړي دي.

حنیف اتمر ټینګار کړی؛ اوس د دې وخت رارسیدلی، چې طالبان په افغانستان کې د سولې راوستو لپاره خپل نیت څرګند کړي. د افغانستان خلکو او نړیوالې ټولنې ته ثابته کړي، چې دوی خپلې کړې ژمنې پوره کوي.

Continue Reading

Trending

Copyright © 2021 Ariana News. All rights reserved!