Connect with us

تازه خبرونه

پاکستان په خپله خاوره کې د امریکا د پوځي اډې جوړېدل رد کړل

خپور شوی

 په

(Last Updated On: غبرګولى ۴, ۱۴۰۰)

پاکستان د دوشنبې پر ورځ د غبرګولي ۳ هغه راپورونه رد کړل، چې ګنې د ډیورنډ کرښې ته څېرمه په کرمه ایجنسي کې د امریکا پوځي اډه جوړېدونکې ده.

د پاکستان د بهرنیو چارو وزارت یوه ویاند څرګنده کړې: دلته به پوځي یا هوايي اډه نه وي او د داسې کوم وړاندیز وړاندوینه هم نده شوې. دا ډول اټکلونه بې بنسټه او بې مسوولیته دي او باید مخه یې ونویول شي.

د پاکستان د بهرنیو چارو وزارت ویلي، چې له امریکا سره د هوا او ځمکې په برخو کې د همکارۍ لپاره یو روڼ چوکاټ لري او په دې اړه کومه نوې هوکړه نده شوې.

دغه راز د امریکا دفاع وزیر لوویډ آسټین د پاکستان د پوځ له لوی درستیز جنرال قمر جاوید باجوه سره په ټیلیفوني خبرو کې د دواړو هېوادونو د سیمه ییزو ګټو په اړه بحث کړې دي.

د امریکا د دفاع وزارت ویاند جان کربي په ډاګه کړې؛ په دې ټیلیفوني خبرو کې دفاع وزیر د افغانستان د سولې له بهیره د پاکستان ملاتړ ستایلی او د پاکستان او امریکا تر منځ یې د همکاریو پر دوام ټینګار کړی دی.

سرچینې زیاته کړې؛ د امریکا دفاع وزیر او جنرال باجوه په سیمه کې د امنیت او ټیکاو په برخه کې د سیمه ییز خوځښت او ګډو ګټو په اړه هم خبرې کړې دي.

دغه راز د امریکا د ملي امنیت شورا سلاکار جیک سالیوان پرون په ژینو کې هم له خپل پاکستاني سیال سره لیدلي دي.

پاکستانيو رسنیو څرګنده کړې، چې دواړو لوریو د دوه اړخیزو، سیمه ییزو او نړیوالو مسایلو په اړه مثبت بحث کړی او هوکړه شوې، چې عملي همکارۍ ته به روانې ساتي.

د پاکستان د ملي امنیت شورا سلاکار محمد یوسف ټویټ کړی، چې له خپل امریکایي سیال سره یې پر یو لړ مسایلو خبرې کړې دي.

په ورته وخت کې یو شمېر سرچینو پرون آریانا نیوز ته منلې وه، چې امریکایي ځواکونو د ډیورنډ کرښې په پاکستاني لوري کې د لویې پوځي اډې پر جوړولو کار پیل کړی دی.

د پکتیا ولایت د ځاځي آریوب ولسوالۍ یو شمېر اوسیدونکیو او د ولایتي شورا غړيو څرګنده کړې وه، چې دغه اډه به د پاکستان د قبایلي سیم د د کرمې ایجنسۍ د شلوزان په اړوند سیمه کې جوړه شي.

د پکتيا د ولایتي شورا غړي وايي، چې دغه اډه د ډیورنډ د فرضي کرښې په اته کیلومترۍ کې تر کار لاندې ده.

د دوی د څرګندونو له مخې، هره ورځ دغې سیمې ته د ځمکې او هوا له لارې اکمالات کیږي.

له بلې خوا د ځاځي آریوب ولسوالۍ اوسیدونکي وايي، چې د دې پوځي اډې د جوړولو کار په بشپړ ډول روان دی او دوی ګوري، چې چورلکې هره ورځ ودانیز توکي ورلېږدوي.

د یادونې ده، چې د افغانستان لپاره د امریکا د اردو ویاند سني لګیټ دا راپورونه ناسم وبلل.

تازه خبرونه

په افغانستان کې باید د اقتصادي سقوط مخه ونیول شي – انټوني گوترش

خپور شوی

په

توسط

(Last Updated On: وږی ۲۸, ۱۴۰۰)

د ملګرو ملتونو عمومي منشي د افغانستان د راتلونکې په اړه اندېښنه لري او وایي، چې میلیونونه افغانان سمدلاسه خوراکي توکو او درملو ته اړتیا لري.

له افغانستان څخه د اشرف غني له تېښتې او حکومت له سقوط راپدیخوا نړیوال په پرلپسې توګه د افغانستان پر بشري وضعیت، لوږه او انساني بحران اندېښنه ښيي.

د ملګرو ملتونو عمومي منشي انټوني ګوترش وایي: مونږ نه پوهیږو، چې څه به پېښیږي؛ خو که په تماس کې نه وو، ناسم تګلوري به ولرو. په افغانستان کې د ناورین د مخنیوي لپاره مهمه ده، چې مونږ بشري مرستې، خواړه او درمل برابر کړو.

په افغانستان کې د بحران له وېرې د نړۍ هېوادونه؛ ځکه اندېښمن دي، چې دې هېوادونو ته به د کډوالو سیلونه ور روان وي.

د ملګرو ملتونو ټولنې عمومي منشي ویلي، چې ملګري ملتونه په افغانستان کې د داسې حکومت د جوړېدو تمه لري، چې بشري او د ښځو حقونو ته درناوی وکړي.

د ملګرو ملتونو عمومي منشي ويلي، چې د افغانستان راتلونکی روښانه ندی او په اړه یې وړاندویېنه هم ناشونې ده.

که څه هم د طالبانو سرپرسته کابینه نیوکې شته؛ خو طالبان وايي، چې دا کابینه سرپرسته ده او ټولمنلي حکومت جوړولو ته ژمن دي.

نړیواله ټولنه په افغانستان کې داسې پراخ بنسټه حکومت غواړي، چې بشري او د ښځو حقونو ته درناوي وکړي او دا هېواد بیا د ترهګرو په مرکز بدل نشي.

د ملګرو ملتونو عمومي منشي زیاته کړې؛ دا ټولنه له افغانستان سره پدې شرط مرستې کوي، چې بشري او د ښځو حقونو ته درناوي وکړي.

داسې ښکاري، چې اروپايي هېوادونه د افغان کډوالو منلو ته زړه نه ښه کوي.

د یونان لومړی وزیر کیریاکوس میټسوټاکیس وایي:  مونږ خپلې پولې ساتلي او د اروپايي ټولنې پولې مو هم څارلي او دې کار ته دوام ورکوو. زه د یونان د لومړي وزیر په توګه له ترکیې سره د دې ستونزې د حل لپاره همکارۍ ته چمتو یم. ترکیه په دې برخه کې مهمه ونډه لري.

دغه راز د افغانستان د بشر حقونو خپلواک کمیسیون د دغه بنسټ د کار او هڅو په اړه اندېښنه ښودلې او څرګندوي، چې کاري زمینه ورته برابره شي.

دا په داسې حال کې ده، چې طالبانو د هېوادوالو د حقونو پر خوندي کولو ټینګار کړی او اوسنۍ کابینه هم چارسمبالې بولي او د ټولمنلې کابینې د جوړښت ډاډ وړاندې کوي.

Continue Reading

تازه خبرونه

د هند او عربستان بهرنیو چارو وزیران د افغانستان په اړه خبرې کوي

خپور شوی

په

توسط

(Last Updated On: وږی ۲۸, ۱۴۰۰)

د سعودي عربستان د بهرنیو چارو وزیر فیصل بن فرحان آل سعود هند ته په درې ورځني سفر تللی او ټاکل شوې، چې له هندي چارواکو سره د افغانستان په اړه بحث او خبرې وکړي.

د هند د بهرنیو چارو وزارت ویلي، چې آل سعود به نن (یکشنبه د وږي ۲۸ / د  سپټمبر ۱۹) د هند د بهرنیو چارو له وزیر ایس جی شنکر سره او د دوشنبې پر ورځ له لومړي وزیر نریندرا مودي سره خبرې وکړي.

باخبره سرچینې وايي؛ په دې لیدنو کې تمه کیږي، چې افغانستان د دواړو خواوو د بهرنیو چارو وزیرانو ترمنځ د خبرو اصلي تمرکز وي.

هند ته د سعودي د بهرنیو چارو وزیر سفر په داسې حال کې کیږي، چې د پاکستان لومړي وزیر عمران خان له طالبانو سره په حکومت کې د ټولو قومونو پر ونډه او واک خبرې کړي؛ خو طالبانو تر دې دمه په دې اړه څه ندي ویلي.

Continue Reading

تازه خبرونه

په پکتیا کې د څښاک اوبو رسولو شبکه پیل شوه

خپور شوی

په

توسط

(Last Updated On: وږی ۲۷, ۱۴۰۰)

د پکتیا ګردېز ښار په لومړۍ ناحیه کې د یونسیف ادارې له لوري د څه باندې پېنځه میلیون افغانیو پر لګښت د څښاک اوبو رسولو شبکې د یوې پروزې چارې پیل شوې.

د پکتیا ولایتي چارواکو ويلي؛ د یونسیف ادارې د څه باندې پېنځه میلیون افغانیو پر لګښت د څښاک د پاکو اوبو شبکې چارې پیل شوې، چې په څلور میایشتو کې به بشپړې او د ګردېز ښار د لومړۍ ناحیې دوه سوه کورنۍ به ترې برخمنې شي.

 د پکتیا ولایت مقام د دفتر مشر مولوي محمد ابراهيم وايي؛ اوسمهال به دوه سوه کورنۍ له دې پاکو اوبو برخمنې او چارې به یې په څلور میاشتو کې بشړې شي.

د سیمې خلک د اوبو رسولو د دې شبکې د کار پر پیل خوښ دي او وايي، چې له بشپړېدو سره به یې دوی پاکو اوبو ته لاس رسی ومومي.

د دې سیمې خلک له ولایتي مسوولینو غواړي، چې د پوهنې، روغتیا او بیارغونې په برخه کې هم ورته لا زیات پام وکړي.

د ګردېز ښار د لومړۍ ناحییې اوسېدونکي خوښ دې او وايي، چې دوی د اوبو د نشتون له کبله له ګڼو ستونزو سره مخ ول او زیاتوي، چې له دې سره به پاکو اوبو ته لاسرسی ولري.

د هېواد د یو شمېر نورو ولایتونو په ګډون پکتیا هم هغه ولایت دی، چې خلک یې د څښاک پاکو اوبو ته تر ډېره لاسرسی نلري او په دې برخه کې له ګڼو ستونزو سره مخ دي.

Continue Reading

Trending

آریانا نیوز: ټول حقونه خوندي دي