Connect with us

سوداگري

پاکستان پر اپټا تړون د خبرو اترو د ژر پای ته رسیدو غوښتنه وکړه

خپور شوی

 په

(Last Updated On: کب ۳۰, ۱۳۹۹)

د پاکستان د بهرنیو چارو وزیر شاه محمود قریشي د افغانستان او پاکستان د ترانزیټي سوداګریز تړون د خبرو پر وروستي کولو بحث او خبرې کړي دي.

د پاکستان د بهرنیو چارو وزارت د څرګندونو له مخې؛ قریشي دا خبرې د جمعې پر ورځ له خپل افغان سیال حنیف اتمر سره د ټیلیفون پر لیکه کړې دي.

د بهرنیو چارو وزارت لخوا په یوه خپره شوې اعلامیه کې دواړو وزیرانو نه یوازې د دوه اړخیزو ګټو په اړه د نظر تبادله کړې، بللکې پاکستان او افغانستان د دوه اړخیزو اړیکو تر څنګ د افغانستان د سولې پر وروستي دریځ هم بحث او خبرې کړي دي.

د یادې سرچینې د څرګندونو له مخې؛ بهرنیو چارو وزیر ټینګار کړی، چې د افغانستان ترمنځ خبرو اترو تاریخي فرصت برابر کړی، چې په افغانستان کې یو هراړخیز، پراخه او ټولګډونه سیاسي جوړجاړي ته ورسیږي.

د بهرنیو چارو وزیر له افغان خواوو وغوښتي، چې د ثبات لرونکي او سوله ییز افغانستان لپاره ګډ او رغنده کار ته اړتیا ده.

هغه په ​​لاره کې د ننګونو او خنډونو په پام کې نیولو ټینګار وکړ ، چې د صبر ، زغم او استقامت له لارې له مینځه تللی شي. “

قریشي د خبرو اترو سیاسي جوړجاړي لپاره د ټولو هڅو د آسانولو لپاره د پاکستان ژمنه تائید کړې او په دې برخه کې یې د ښکېلو لوریو د صبر او زغم غوښتنه وکړه، چې له ننګونو سره ګډه مبارزه وکړه.

قریشي له افغانستان سره د نږدې همکاریو لپاره د پاکستان ژمنې تکرار کړې او د د اپټا تړون(د افغانستان – پاکستان ترانزیت سوداګرۍ تړون) د اړتیا پر دوه اړخیزو همکاریو ټینګار کوي.

سوداگري

اسلامي امارت د پخوانيو چارواکو په استوګنځیو کې له ۱۲ میلیون ډېر ساتل شوي ډالر ضبط کړل

خپور شوی

په

توسط

(Last Updated On: وږی ۲۵, ۱۴۰۰)

د افغانستان بانک په ډاګه کړې، چې اسلامي امارت د دغه هېواد د پخواني حکومت د یو شمېر چارواکو له استوګنځيو څخه ۱۲ میلیونه ۳۶۸ زره ۲۴۶ ډالر ترلاسه کړي دي.

د افغانستان بانک پرون(چارشنبه د وږي ۲۴ د سپټمبر ۱۵) په یوه اعلامیه کې څرګنده کړې، چې تر لاسه شوې دغه پیسې د اسلامي امارت د امنیتي ځواکونو لخوا د افغانستان بانک ته سپارل شوې دي.

د افغانستان بانک دا هم ویلي، چې د اسلامي امارت امنیتي ځواکونو د سرو زرو او پیسو ډېره برخه د پخواني ولسمشر لومړي مرستیال امرالله صالح له استوګنځي ترلاسه او ضبط شوې دي.

د افغانستان بانک د اسلامي امارت د چارواکو د څرګندونو له مخې په ډاګه کړې، چې تر دې دمه روښانه نده، چې د پخواني حکومت چارواکو دا پیسې او د سرو زرو خښتې په خپلو استوګنځیو کې د کومې موخې لپاره او ولې ساتلې وې.

سرچینې په تېر حکومت کې د نورو چارواکو نومونه ندي اخیستي او دا هم روښانه نده، چې څومره ډالر او د سرو زرو څو خښتې د امرالله صالح له استوګنځي ترلاسه شوې دي؛ خو  څو ورځې مخکې  په خواله رسنیو کې د دوه بېلابېلې ویډیوګانو د ادعا له مخې،ویل شوي: اسلامي امارت په پنجشېر کې د ولسمشر د پخواني مرستیال امرالله صالح له استوګنځي څخه ۶.۵ میلیون ډالر، د سرو زرو ۱۸ خښتې او د وسلو یوه زیرمه ترلاسه کړي.

دا نوی پرمختګ په داسې وخت کې په ډاګه شوی، چې په افغانستان کې د اقتصادي بحران په اړه د خلکو اندېښنې مخ پر ډېرېدو دي. دمګړۍ د افغانیو او ډالرو لږوالی په افغانستان کې د اقتصادي ننګونو یوه برخه ګڼل کیږي.

دا په داسې حال کې ده، چې نړیوال بانک، د پیسو نړیوال وجهي صندوق ( آی ام اف) او د امریکا مرکزي بانک له تېرو څو اوونیو راپدیخوا د اسلامي امارت په حکومتي جوړښت کې د رڼښت د نشتوالي له کبله د افغانستان شتمني او نړیوالو مرستو ته لاسرسی بند او کنګل کړی دی.

Continue Reading

سوداگري

د تورخم او سپین بولدک پولې به ژر پرانستل شي

خپور شوی

په

توسط

(Last Updated On: وږی ۲۴, ۱۴۰۰)

د افغانستان اسلامي امارت د بهرنیو چارو وزارت چارسمبالي مولوي امیرخان متقي د سې شنبې پر ورځ په کابل کې د پاکستان له سفیر منصور احمد خان سره وکتل او د هېواد په سرحدونو کې یې د شته ننګونو په اړه ورسره بحث او خبرې کړي دي.

په دوحه کې د اسلامي امارت د سیاسي دفتر ویاند سهیل شاهین ویلي؛ په دې ناسته کې دواړو لوريو د تورخم او سپین بولدک پر ستونزو خبرې کړي.

د شاهین د څرګندونو له مخې؛ په افغانستان کې د پاکستان سفیر اسلامي امارت ته ډاډ ورکړی، چې دغه لارې به ډېر ژر د افغانانو پر مخ پرانیستل شي او ټول شته خنډونه به لرې شي.

د اسلامي امارت له لوري د افغانستان له نیولو وروسته پاکستان د تورخم لاره د افغان مسافرو پر مخ وتړله او د سپین بولدک له لارې د خلکو تګ راتګ له خنډ او ځنډ سره مخ شوی و.

دا په داسې حال کې ده، چې زرګونه افغانان دمګړۍ پاکستان ته د تېریدو په تمه دي.

Continue Reading

تازه خبرونه

د لوګر د مسو کان د را سپړنې لپاره چینایي شرکت چمتووالی نیولی

خپور شوی

په

توسط

(Last Updated On: وږی ۲۴, ۱۴۰۰)

د مسو جیانګشي نومی چینایي شرکت غواړي ډېر ژر د عینک لوګر د مسو کان، چې د نړۍ دوه یم ستر کان دی را وسپړي.

په افغانستان کې د دغه شرکت مشر ويلي، چې امنیتي ننګونې حل شوي او دوی د عینکو د مسو راسپړنې ته د تخنیکي او حقوقي ستونزو د حل لپاره په اړیکو کې دي.

د نړۍ د دې دوه یمې لویې اقتصادي پروژې له پیلېدو سره به میلیونونه ډالر کلنی عاید د اسلامي امارت په برخه شي او دا راز به زرګونه خلکو ته د کار زمینه برابره شي.

د لوګر والي ویلي، چې د لوګر د عینک کان له سپړنې سره به د خلکو اقتصاد هم وغوړیږي.

د کان کیندنې بهیر پیل کولی شي په هېواد کې د کار موندنې لپاره هیلې راوټوکوي؛ ځکه، چې په زرګونه هېوادوال له بېکارۍ سرټکوي او له چارواکو غواړي، چې دندې ورته برابرې کړي.

چین، چې له اقتصادي پلوه یو ارزښت لرونکی هېواد دی وايي، چې له افغانستان سره په اقتصادي ډګر کې  مرسته کوي.

د یادونې ده، چې په دې وروستیو کې چین له افغانستان سره د ۳۰ میلیون ډالرو پر ارزښت ۳۰ ټنه خوراکي توکو بشري مرسته کړې ده.

Continue Reading

Trending

آریانا نیوز: ټول حقونه خوندي دي