Connect with us

نړۍ

پاکستان له سعودي عربستان څخه درې میلیارډ ډالره پور ترلاسه کړ

خپور شوی

 په

(Last Updated On: ليندۍ ۱۴, ۱۴۰۰)

د پاکستان د لومړي وزیر مالي سلاکار ویلي، چې د شنبې پر ورځ یې له سعودي عربستان څخه د اقتصادي ملاتړ کڅوړې د یوې برخې په توګه درې میلیارډ ډالر پور ترلاسه کړ.

رویټرز راپور ورکړی، چې د سویلي آسیا دغه هېواد له لوړ انفلاسیون، د نغدي زیرمو کمیدو، د اوسني حساب کسر ډېرېدو او د اسعارو د ارزښت ټیټیدو او نورو اقتصادي ننګونو سره مخ دی.

د ملاتړ کڅوړې د احکامو له مخې له ریاض څخه ترلاسه شوی پور تېره میاشت لاسلیک شوی او د یوه کال لپاره ۴ سلنه سود لري.

د پاکستان بانک د انفلاسیون له فشار سره د مقابلې لپاره سود 8.75اته اعشاریه پېنځه اویا ته لوړ کړ او دغه انفلاسیون په اکتوبر کې له ۹ اعشاریه ۲ سلنې څخه په نومبر کې یوولس اعشاریه پېنځه سلنې ته پورته شو.

پاکستانۍ روپۍ د روان کال له پیل راپدیخوا تر ۱۱ سلنې ډېره رالوېدلې، چې د جمعې پر ورځ د ډالر په مقابل کې ۱۷۶ ته ورسېده.

پاکستان ته د سعودي پور یوه اوونۍ له هغې وروسته ترسره شو، چې د پیسو نړیوال صندوق له پاکستان سره د ځنډول شوي شپږ میلیارد ډالرو مالي پلان لپاره بیا پر اړینو کړنو هوکړه وکړه.

دا په داسې حال کې ده، چې د سعودي ولیعهد محمد بن سلمان د ۲۰۱۹ کال په فبرورۍ میاشت کې اسلام آباد ته د سفر پر مهال د ۲۰ میلیارډ ډالرو پر ارزښت اقتصادي تړونونه لاسلیک کړل، چې ښه تود هرکلی یې وشو؛ خو په ۲۰۲۰ کال کې ریاض پر اسلام آباد فشار راوړ، چې د ۳ میلیارډ ډالرو پخوانی پور بېرته ورکړي.

نړۍ

پر اوکراین د روسیې شونی برید به ناوړه پایلې ولري

خپور شوی

په

توسط

(Last Updated On: سلواغه ۹, ۱۴۰۰)

د امریکا د پوځ لوی درستیز مارک مېلي پرون په یوه خبري کنفرانس کې په ډاګه کړه، چې پر اوکراین د روسیې شونی برید به ناوړه پایلې ولري.

مارک میلي زیاته کړې، چې برید به د پام وړ ځاني او مالي زیانونو رامنځته کړي.

هغه د روسیې له ولسمشر ولادمیر پوتین غوښتي، چې پر اوکراین د برید پر ځای باید ډیپلوماټیکه لار غوره کړي.

د امریکا دفاع وزیر لویډ آسټن، چې په خبري ناسته کې یې د مېلي  تر څنګ خبرې کولې؛ وایي: په اوکراین کې د جګړې مخه نیول کېدی شي.

آسټین زیاته کړې: جګړه اړینه نده او د ډیپلوماسۍ لپاره اوس هم وخت شته.

هغه ویلي، چې پوتین باید سم کار وکړي او د جګړې پیلولو لپاره کوم دلیل نلرو.

امریکايي چارواکو خبرداری ورکړی، چې پر اوکراین شوني برید به روسیې ته ګران برېوځي.

د اوکراین ولسمشر له غربي هېوادونو غوښتي، چې پر اوکراین د شوني برید له خبرداریو دې ډډه وکړي؛ ځکه د یرغل خبرداریو د اوکراین اقتصاد له خطر سره مخ کړی دی.

Continue Reading

نړۍ

روسیه او چین به د اروپا پر امنیت خبرې وکړي

خپور شوی

په

توسط

(Last Updated On: سلواغه ۹, ۱۴۰۰)

ټاکل شوې د روسیې او چین ولسمشران ولادمیر پوتین او شي جینپینګ د اروپا د امنیت په اړه ګډې خبرې وکړي.

د رویټرز خبري آژانس د راپور له مخې؛ ټاکل شوې، چې پوتین به د فبرورۍ پر څلورمه د بېجینګ د ژمنیو المپیک لوبو د پرانیستې په مراسمو کې ګډون وکړي.

واشنګټن او نور متحدین به له نږدې د چین او روسیې د مشرانو ترمنځ د خبرو څارونکي وي.

د پوتین دغه سفر په داسې حال کې تر سره کېږي، چې د مسکو او لویدیځ ترمنځ کړکېچ مخ پر ډېرېدو دی.

د کرملین ویاند دیمتري پیسکوف ویلي: فکر کوم، چې په اروپا کې سټراټیژیک ثبات، د روسیې امنیتي تضمین، په اروپا کې د امنیت، د امریکا او ناټو سره د روسیې د خبرو اترو په ګډون د سیمه ییزو ستونزو او د نړیوالو مسلو په اړه ډېر وخت ته اړتیا ده.

مسکو له اوکراین سره د خپلې پولې په اوږدو کې لسګونه زره پوځیان ځای پر ځای کړي، چې پر اوکراین یې د روسیې د برید وېره راپارولې؛ خو مسکو تل پر کیف د برید کولو نیت رد کړی دی.

Continue Reading

نړۍ

د لومړي ځل لپاره په هندوراس کې یوه ښځه ولسمشره شوه

خپور شوی

په

توسط

(Last Updated On: سلواغه ۹, ۱۴۰۰)

د رویټرز د خبر له مخې؛ په هندوراس کې شیومارا کاسټرو د لومړنۍ ښځینه ولسمشرې د ولسمشرۍ لوړه وکړه.

کاسټرو پرون د لوړې په مرراسمو کې ژمنه وکړه، چې ټولنیز عدالت او شفافیت به یې په کاري لومړیتوبونو کې ځای ولري.

۶۲ کلنې میرمن کاسټرو ژمنه کړې، چې د مخدره موادو د قاچاق کوونکیو ډلو پر ضد به مبارزه هم مبارزه کوي.

د کاسټرو میړه مانویل زیلا ، چې له ۲۰۰۶ څخه تر ۲۰۰۹ زېږدیز کال پورې ولسمشر و؛ په یوه کودتا کې له واکه لرې شو. میرمن کاسټرو له هغې وروسته دوه ځلې ولسمشرۍ ته نومانده شوې وه؛ خو د تېر نومبر په ټاکنو کې یې بریا خپله کړه.

له دې هڅې وروسته په ​​عامه افکارو کې خورا ښه وځلېده د هغې د کاري هڅو پیل دښي لاسي ملي ګوند، چې پر فساد تورن دی؛ د دولس کلنې دورې د پای ښکارندویي کوي.

د پنجشنبې پر ورځ د هندوراس په ټیګوسیګالپا ملي لوبغالي کې زرګونه کسانو د هغې د لوړې په مراسمو کې ګډون کړی و.

هغې په ​​خپلو خبرو کې ویلي: په میراث راپاتې اقتصادي ناورین راته د هېواد په تاریخ کې بې ساری دی.

د امریکا مرستیاله ولسمشر کامالا هاریس هم د هغې د لوړې په مراسمو کې ګډون درلود، چې د مینه والو لخوا یې له تاوده هرکلي سره مخ شوه.

د تایوان مرستیال ولسمشر ویلیم لای هم د لوړې په مراسمو کې برخه لرله؛ ځکه، چې هندوراس د نړۍ یو له هغو څو هېوادونو څخه دی، چې له تایوان سره ډیپلوماټیکې اړیکې لري.

Continue Reading

Trending

Copyright © 2022 Ariana News. All rights reserved!