Connect with us

تازه خبرونه

پاکستان طالبانو ته د جنګېدو لپاره خوندي مرکزونه جوړ کړي – ملي امنیت

Ariana News

خپور شوی

 په

(Last Updated On: November 23, 2020)

د افغانستان د ملي امنیت ریاست سرپرست پر پاکستان تور لګولی، چې په خپلو ښارونو کې یې طالبانو ته نه یوازې د جنګېدو لپاره خوندي مرکزونه جوړ کړي، بلکې د نیابتي جګړې دنده یې هم ورکړې ده.

په افغانستان کې د تاوریخوالي لمن پراخه شوې او په جګړه کې هره ورځ لسګونه پوځيانو او ملکیانو ته مرګ و ژوبله اوړي.

د افغانستان د ملي امنیت سرپرست احمد ضیا سراج ويلي، چې په پاکستان کې د وسلوالو طالبانو خوندي مرکزونو دلته جګړه توده ساتلې ده.

د نوموړي د څرګندونو له مخې؛ په پاکستان کې د طالبانو له خوندي مرکزونو هڅو له دغې ډلې سره د دوی مبارزه سخته او اوږده کړې ده.

احمد ضیا سراج څرګندوي؛ د افغانستان په اړه د سیمې استخباراتي دریځ ندی بدل شوی؛ له یوې خوا وسلوال طالبان سولې ته ژمن ندي او له بلې خوا په افغانستان کې نورو سخت دریځو ډلو ته یې د فعالیت زمینه برابره کړې ده. 

نوموړی وایي: په کویټه، کراچۍ او پېښور کې د طالبانو امن مرکزونه دي، چې په خوندي توګه هره ورځ زمونږ د ننګولو لپاره ډاډمن پلانونه تر لاسه کوي او په پروګرامونو کې یې زمونږ خلک وژل کیږي. که د طالبانو مشرتابه په دې ښارونو کې خوندي مرکزونه نلرل؛ له بد برخلیک سره به مخ شوي وای.

هغه دا هم په ډاګه کړې، چې طالبانو له القاعده شبکې سره اړیکې ندي پرې کړي او هڅو یې  په افغانستان کې نورو سخت دریځو ډلو ته د کار زمینه برابره کړې ده.

سراج زیاته کړې؛ له بهرنیو تروریستانو سره د طالبانو اړیکې خوندي دي او تروریستي ډلې د یو او بل له ځواکمۍ ګټه پورته کوي، چې دې کار  جګړه ډېره کړې او دا ډلې د ځانمرګو پېر و پلور هم کوي. د خلکو وژل، د ارزښتونو له منځه وړل او د نظام ړنګول د دې ډلو موخه ده.

د ملي امنیت سرپرست د څرګندونو له مخې د سولې په اړه د طالبانو ژمنه د باور وړ نده او وایي، چې که طالبانو د سولې نیت درلود اوس به مو له خبرو پایله تر لاسه کړې وه؛ ځکه، نو لیدل کیږي، چې سولې ته هیله من ندي او د خپلې خوښې له نظام پرته بل څه نه غواړي. که سولې ته ژمن وای تاوتریخوالی یې نه ډېراوه.  

د ملي امنیت سرپرست په افغانستان کې د ثبات او سولې لپاره د سیمې د هېوادونو د ګټو پر همغږۍ ټینګار کوي او وایي، چې په دې توګه رښتینې هڅې او همکارۍ هوسا او ډاډمن  چاپېریال برابروي.

تازه خبرونه

له کورنیو تولیداتو څخه د ملاتړ هوکړه لیک لاسلیک شو

Ariana News

خپور شوی

په

توسط

(Last Updated On: January 23, 2021)

 د را تلونکې کال له پيله به ټولې دولتی ادارې په جبرې بڼه له کورنیو تولیداتو ګټه پورته کوي.

له همدې کبله د تدارکاتو ملي ادارې او د افغانستان د صنایعو او کانونو خونې تر منځ د کورنیو تولیداتو د پېرېدلو او په دولتی ادارو کې یې د کارونې هوکړه لیک لاسلیک شو.

د تدارکاتو مالې ادارې مشر څرګنده کړې؛ د راتلونکي ۱۴۰۰لمریز هجري کال له پيل سره سم به ټولې دولتی ادارې په جبرې توګه له کورنیو تولیداتو کاراخیستل پیلوي.

د تدرکاتو ملی ادارې زیاته کړې؛ له دې وروسته به صنعتکارانو او تولیدوونکیو ته په قرار دادونو کې د برخې اخستنې زمینه هم برابره شي.

دوی د هېواد له تولیدوونکیوغوښتي، چې باید خپل تولیدات معیاری کړي.

 د تدرکاتو ملي ادارې مسوولین وایي، د کورنیو تولیداتو د ملاتړ لپاره هغه پېنځه ویشت سلنه ارجعیت به هم پلی شي، چې د کورنیو توليداتو لپاره په نظر کې نیول شوی. 

د تدرکاتو ملي ادارې مشر عمر الهام هوتکي ویلي؛ مونږ غواړو، چې له تولو هغو لارو کار واخلو، چې د کورني تولید د قوت لا مل کیږي.  د  لمریز هجري۱۴۰۰ کال له پیله ټولې دولتي ادارې مکلفيت لري، چې له کورنیو تولیدا تو ګټه واخلي.

د أفغانستان د صنایعو او کانونو خونې مسوولین هم څرګندوي، چې هېواد یې په ۴۸ سکتورو نوکې د ځان بسیاینې ته رسید لی دی.

دوی ویلي؛ که حکومت له کورنیو تولیداتو ګټه واخلي، خصوصي سګتور به هم  پانګونه زیاته کړي او هم به د بیکارۍ کچه راټيټه شي.

د افغانستان د صنایعو او کانونو خونې مشر شېر باز کمین زاده وایي: که له کورنیو تولیداتو په دولتی قرار دادونو کې ګټه واخیستل شي؛ نو مونږ کولی شو د سوداګرۍ بلانس مساوی کړو. مونږ به پر تولید سربېره نوره پانګونه هم تر سره کړو؛ خو که حکومت خپل ملاتړ ډېرکړي.

د اقتصادی چارو کار پوهان هم  پدې  باور دي، چې حکومت په کورنیو قرار دادونو کې له کورنیو تولیداتو پېرودل وکړي او د هېواد مارکیټونو ته د راروانو قاچاقي توکو مخنیوی وشي؛ نو هېواد به له اقتصادي بحرانه چټک راووځي.

Continue Reading

تازه خبرونه

طالبانو درې نیم میلیون ماشومان له واکسینه بې برخې کړي – روغتیا وزارت

Ariana News

خپور شوی

په

توسط

(Last Updated On: January 23, 2021)

د عامې روغتیا وزارت څرګنده کړې، چې د ګوزڼ واکسین له پلي کولو سره د طالبانو د مخالفت له کبله په هېواد کې درې نیم میلیون ماشومان بې برخې شوي دي.

د عامې روغتیا وزارت د ګوزڼ څانګې معلومات ښيي ؛ د افغانستان په یو شمېر ولایتونو کې وسلوال طالبان کور پر کور د ګوزڼ واکسین له کمپاین سره مخالفت کوي، چې له کبله یې درې نیم میلیون ماشومان له واکسینه بې برخې پاتې شوي.

د ګوزڼ څانګې مسوولین وايي، چې طالبانو د همکارۍ ژمنې کړې؛ خو په عمل کې یې ورسره ورو ورو مخالفتونه ډېر شوي او د واکسین مخه یې نیولې ده.

د ګوزڼ څانګې د عامه پوهاوي مسوول میرجان راسخ ویلي؛ د پکتیا، میدان او وردګ ولایتونو ماشومان هم د طالبانو د مخالفت له کبله واسین شوي ندي.

تېره اوونۍ په ټول افغانستان کې د ګوزڼ واکسین پیل شو، چې ویل کیږي په وردګ، پکتیا، غزني، هلمند، کندهار، کندوز، تخار او پکتیکا ولایتونو کې یې طالبانو مخالفت کړی دی.

د پکتیا مدني فعال سید جمال آصف خېل ویلي؛ طالبانو په خپلو تر څارنې لاندې سیمو کې د دغه بهیر مخه نیولې ده. زمونږ غوښتنه داده، چې له واکسینه پاتې ماشومانو ته د واکسین کولو اجازه ورکړي.

د واکسین دا کمپاین، چې یوه اوونۍ دوام لري، په بامیان، غور او دایکنډي کې د سړې هوا او واورو له کبله پلي شوی ندی.

له دې مخکې د طالبانو د قطر دفتر ویاند په یوه ټویټ کې څرګنده کړې وه؛  دوی د واکسین له کار کوونکیو سره همکارۍ ته چمتو ديی. طالبان د واکسین له کار کوونکیو غواړي، چې د کورونو پر ځای په جوماتونو او نورو عامه ځایونو کې ماشومان واکسین کړي او د کور پر کور له کمپاین سره یې؛ ځکه مخالفت کړی، چې په ځينو مواردو کې له دې ډول کمپاینونو ناوړه ګټه بورته شوې ده.

Continue Reading

تازه خبرونه

طالبان د سولې په بهیر کې له وخت سره لوبې کوي

Ariana News

خپور شوی

په

توسط

(Last Updated On: January 23, 2021)

افغان حکومت د کورنیو چارو وزیر ویلي، چې طالبان له افغانستان څخه د امریکايي سرتېرو د وتلو شېبې شماري او فکر کوي، چې د جګړې له لارې به د سولې په خبرو کې ډېر امتیاز ترلاسه کړي.

کورنیو چارو وزیر مسعود اندرابي د سولې لپاره د طالبانو پر لیوالتیا او رښتینولۍ شک څرګندوي او له بې بي سره په خبرو کې یې ویلي، چې طالبان له افغانستان څخه د امریکايي سرتېرو وتلو ته په تمه دي او د سولې پر خبرو وخت ضایع کوي.

اندرابي وايي، چې طالبانو بریدونه او موخه ییزې وژنې؛ ځکه ډېرې کړي، چې د خپلو پاتې زندانیانو خوشې کولو ته لار اواره کړي او پر هېوادوالو د خپلې بڼې حکومتي مفکوره وتپي.

د ده په وینا، طالبان په افغانستان کې د تېرو شل کلونو لاسته راوړنو ته هم هیڅ ارزښت نه ورکوي.

کورنیو چارو وزیر سعود اندرابي وایي: طالبان د بهرنیو ځواکو نو وتلو ته پرتمه دي؛ دوی د مدنې مخکښانو او خبریالانو له تروره غواړي خپل ډېر بندیان راخوشې او د خپلې خوښې حکومتداري رامنځتده کړي.

طالبانو د افغانستان د کورنیو چارو وزیر د تازه څرګندونو په اړه کوم غبرګون ندی ښودلی؛ خو له دې مخکې یې ویلي، چې دوی غواړي د افغانستان جګړه د خبرو له لارې حل او اسلامي حکومت رامنځته کړي.

Continue Reading

Trending

آریانا نیوز. کلیه حقوق محفوظ است