Connect with us

لوبی

پاکستان د نړیوال جام په لومړۍ بریا کې هند ته پر ماتې ورکولو خوښي څرګنده کړه

خپور شوی

 په

(Last Updated On: لړم ۴, ۱۴۰۰)

د رویټرز د څرګندونو له مخې د یکشنبې پر ورځ د پاکستان په ښارونو کې پر بېلابېلو بڼو خوښي په ډاګه شوه؛ چا پټاکې والوځولې، څوک سړکونو ته راووتل او په دې توګه د نړیوال جام لومړۍ بریا ونمانځل شوه.

پاکستا د شل آوريز نړيوال کرکټ جام د سوپر ۱۲ پړاو په څلورمه سیالۍ کې هندوستان ته پر ۱۰ وکټو ماته ورکړه.

دا سيالي د تلې پر ۲ / د اکتوبر پر ۲۴ د دوبۍ په نړیوال کرکټ لبغالي کې ترسره شوه، چې هند په لومړۍ توپوهنه کې د ۷ لوبغاړیو پر سوزېدو ۱۵۱ منډې جوړې کړې.

همدارنګه په شارجه کې د سوپر ۱۲ پړاو په درېيم او د نړيوال شل آوريز جام په ۱۵ سیالۍ کې سريلنکا بنګلاديش ته پر ۵ وکټو ماتې ورکړه.

په شل آوريز نړيوال کرکټ جام کې د پاکستان لوبډله پخپل ګروپ کې له افغانستان، هند، نیوزیلېنډ ،ناميبيا او سکاټلېنډ سره لوبې لري.

لومړي وزیر عمران خان د پاکستان لوبډلې بریا د ستایلو تر څنګ ویلي؛ ملت پر تاسو ټولو ویاړي.

پاکستانيو رسنیو هم د هند تر کنټرول لاندې کشمیر کې د دغو مراسمو د تر سره کولوراپور ورکړی، چې د مسلمانانو اکثریت سیمه ده.

سوپر پړاو، چې د نومبر پر اتمه پای ته رسیږي او بیا به د پاتې څلور بریالیو لوبډلیو ترمنځ د نومبر پر ۱۰ او ۱۱ وروستۍ سیالۍ تر سره شي او د دوه بریالیو لوبډلیو ترمنځ به بیا د نومبر پر ۱۴ پایلوبه ترسره شي.

لوبی

افغان ښځینه کرکټ لوبډله به پخپل حال پاتې وي – د افغانستان کرکټ بورډ

خپور شوی

په

توسط

(Last Updated On: ليندۍ ۳, ۱۴۰۰)

د افغانستان کرکټ بورډ په ډاګه کړې، چې د کرکټ بورډ نوي مشر میرویس اشرف دغه بورډ ته ویلي؛ ښځینه ملي لوبډله به په عادي ډول کرکټ لوبه روانه ساتي.

میرویس اشرف ویلي، چې د ښځو کرکټ لوبډله د کرکټ نړیوالې شورا یوه بنسټیزه غوښتنه ده او دوی ژمن دي، چې خپل مسوولیتونه پوره او بشبړ کړي.

نوموړي زیاته کړې: زمونږ نجونې به په عادي توګه کرکټ کوي او مونږ په دې اړه د لومړنيو اړتياوو او ټولو آسانتياوو د پوره کولو په لټه کې يو.

هغه دا هم ویلي، چې د کرکټ نړیوالې شورا غوښتنې د افغانستان کرکټ بورډ لپاره ارزښتمنې دي او دوی یې د پوره کولو لپاره پوره هڅې کوي.

د میرویس اشرف د څرګندونو له مخې؛ د نړۍ له کرکټ بورډونو سره په اړيکه کې دي او غواړي له نړيوالو کرکټ بورډونو سره ښې اړيکې ولري.

د افغانستان کرکټ بورډ اجرائیوي مشر نصیب خان هم په دې غونډه کې ګډون درلود او د مشر په توګه د میرویس اشرف ټاکل یوه لاسته راوړنه بولي او په دې اړه زیاتوي، چې میرویس اشرف یوازنی مشر دی، چې ټولو هېوادوالو غوره کړی او ترې خوښ دي.

هغه زیاته کړې: اشرف صاحب! هېوادوال او د افغانستان کرکټ بورډ اداره له تاسې او ما څخه ډېره تمه لري. ډېري ننګونې او کارونه شته، چې باید د همغږۍ له مخې ترسره او هېوادوال خوښ کړو؛ ځکه، چې هیلې مو زړه راکښونکې او له ۳۰ میلیون دېر افغانان له کرکټ سره تړلي دي.

نصیب خان عربي متحده اماراتو ته د خپل سفر لاسته راوړنو ته هم نغوته او اشاره وکړه او څرګندوي، چې عربي متحده اماراتو ته یې ډېر سفرونه کړي او هیله لري، چې دغه لاسته راوړنې به خپلو هېوادوالو ته ورسوي.

نصیب زیاته کړې: مونږ په متحده عربي اماراتو کې د هند کرکټ بورډ د عمومي مشر په ګډون د یو شمېر هېوادونو له مشرانو او مسوولینو سره ګټورې ناستې درلودې او د دوه اړخیزو همکاریو په اړه مو خبرې کړې  دي.

په پای کې د افغانستان کرکټ بورډ د ټولو څانګو مدیرانو هم خپل وړاندیزونه او موخې له مشرتابه سره شریکې کړې او د داسې یوه مدیر پر ټاکلو یې خوښي څرګنده کړه، چې له کارکوونکیو، لوبغاړیو او ادارې سره پوره همغږي لري.

Continue Reading

لوبی

مسي، رونالډو او صلاح د فیفا د غوره لوبغاړي جایزې نوماندان شول

خپور شوی

په

توسط

(Last Updated On: ليندۍ ۲, ۱۴۰۰)

فیفا د ۲۰۲۱ زېږدیز کال د غوره لوبغاړي جایزې ته د ۱۱ نوماندانو نوملړ خپور کړی، چې په کې د  لیونل مسي، کریسټیانو رونالډو او محمد صلاح نومونه هم لیدل کیږي.

د راپورونو له مخې، په دغه نوملړ کې د فوټبال د نړۍ د سترو ستوریو نومونه هم شامل دي، چې په کې ایټالوی جورجینو، د فرانسې انګولو کونټي او د پولنډ رابرټ لیوانډوسکي هم شته.

ایټالوي جورجینیو یو له هغو لوبغاړیو څخه دی، چې په تېر فصل کې یې د اټلوالۍ لیګ او د ایټالیا د ملي لوبډلې سره د اروپا اتلولي وګټله.

فرانسې انګولو کانټه، چې د ارپا د اتلولۍ لیګ اتلولي یې ګټلې؛ دې جایزې ته نومول شوی دی.

په دې نوملړ کې د انګلستان د یو لوبغاړي نوم هم ندی راغلی او ایټالیا، چې د یورو ۲۰۲۰ اتلولي یې ګټلې، یوازې یو استازی لري.

فرانسه د درې استازیو؛ بنزیما، امبایه او کانټه د فیفا جایزې د نوماندانو په وروستي نوملړ کې تر بل هر هېواد ډېر نوماندان لري.

د ګټونکي رسمي اعلان به د ۲۰۲۲ زېږدیز کال د جنورۍ پر ۱۷ نیټه ترسره شي، چې د فیفا د څرګندونو له مخې؛ د تېر کال په څېر به سږکال هم د کرونا ویروس د خپریدو له کبله انلاین تر سره شي.

د یادونې وړ ده چې فیفا به د جنورۍ په لومړیو کې د دریو فاینل لوبغاړو نومونه اعلان کړي.

Continue Reading

لوبی

افغان ۱۹ کلنه لوبډله په نړیوال جام کې ګډون کوي

خپور شوی

په

توسط

(Last Updated On: لړم ۳۰, ۱۴۰۰)

د افغانستان کرکټ بورډ څرګنده کړې، چې د افغانستان له نولس کلنو کم عمره لوبډله به د کرکټ نړیوالې شورا د نړیوال جام په یو ورځنیو سیالیو کې برخه اخلي.

 د کرکټ بورډ د څرګندونو له مخې؛ ټاکل شوې، چې دغه سیالۍ د ۲۰۲۲ زېږدیز کال د جنورۍ پر ۱۴ نېټه په ویسټ انډیز کې د ۱۶ لوبډلو ترمنځ پیل او د فبرورۍ  تر ۴ نېټې به روانې وي.

د افغانستان له ۱۹ کلنو کم عمره لوبډله د یادو سیالیو په درېیم ګروپ کې له پاکستان، زمبابوې او پاپو نیو ګیني لوبډلو سره مخ کېږي. د دغو سیالیو په لړ کې به افغان لوبډله د جنورۍ میاشتې پر ۱۶مه نېټه د زمبابوې پر وړاندې د ترینداد او ټوباګو ټاپو په ډیګو مارټن لوبغالي کې مخ شي.

کرکټ بورډ په ډاګه کړې؛ د افغان ځوانانو لوبډله به خپله دوه یمه سیالي هم په همدې لوبغالي کې د جنورۍ میاشتې پر ۱۸مه نېټه د پاپو نیو ګیني لوبډلې پر وړاندې وکړي، خو په لومړي پړاو کې به خپله وروستۍ سیالي د همدې ټاپو په براین لارا کرکټ روزنځي کې د پاکستان پر وړانډې ترسره کړي.

ویل کیږي، چې د افغان لوبډلې په ګډون به ټولې ګډون کوونکې لوبډلې د یادو سیالیو له پیل وړاندې ۲-۲ روزنیزې سیالۍ هم ترسره کړي، چې د جنورۍ میاشتې له ۹ څخه به تر ۱۲مې نېټې ترسره شي.

د یادونې وړ ده، چې افغان نولس کلنه لوبډله د یادو سیالیو لپاره پوره چمتووالی لري.

Continue Reading

Trending

آریانا نیوز: ټول حقونه خوندي دي