Connect with us

تازه خبرونه

پاکستان د سخت دريځو ملاتړی دی

Ariana News

خپور شوی

 په

(Last Updated On: ليندۍ ۱۵, ۱۳۹۵)

vlcsnap-2016-12-05-18h01m07s3

د مشرانو جرګې رييس څرګندوي، د آسیا زړه هېوادونو په کنفرانس کې په ډاګه شوه چې پاکستان د سخت دریځو کلک ملاتړی دی او د سیاسي انزوا په خوا روان دی. هغه له اریانانیوز سره په خبرو کې وویل،پاکستان هوډ نه لري چې د ترهګرو له ملاتړه لاس واخلي.

د اسیا زړه کنفرانس کې افغان ولسمشر او ځينو نورو ګډونوالو پاکستان د ترهګرو په ملاتړ تورن کړ، خو پاکستان بیا د افغان ولسمشر دغه څرګندونې د تاسف وړ وګڼلې، خو ټينګار یې کړی چې له ترهګرۍ سره د مبارزې له پاره دهېچا فشار ته اوږه نه ورکوي.

د اسیا زړه هېوادونو شپږمه غونډه او ولسمشر اشرف غني په پاکستان سم ګوزار وکړ.

ولسمشر اشرف غني وويل: “پاکستان له افغانستان سره د سخا له مخې د ۵سوه ميليونه امريکايي ډالرو د مرستې ژمنه کړې، ښاغلی عزیز تاسې کولای شئ چې دا پيسې په ښه توګه له سخت دريځو سره د مقابلې له پاره ولګوئ.”

د اسیا زړه هېوادونو په کنفرانس کې یوازې افغان ولسمشر د پاکستان بڼکې و نه ویستې بلکې نورو ګډونوالو هم یو ډول پاکستان ته ښکاره کړه چې د ترهګرۍ سره د ملاتړ له کبله دوی هم ناخوښه او ناراضه دي. د افغان ولسمشر څرګندونې د پاکستان په مزاج ښېنه دي لګېدلې.

د پاکستان د لومړي وزير سلاکار سرتاج عزيز وويل: “مونږ په دې پوهېږو چې ولسمشر غني دا خبرې د پاکستان د دښمن په غولي کړېدي. ده هڅه کوله هغه څه بیان کړي چې هغوی غوښتل. لهترهګرۍسره په مبارزه کې هېڅ ډول فشار نه منو. پاکستان د ترهګرۍ خلاف ډېر کار کړی دی.”

دغه راز د افغان او هندي چارواکو سربېره د امریکا استازي هم له پاکستان څخه وغوښتل چې د ترهګرو سره مبارزه وکړي او په خپل هېواد کې يې ځای ور نه کړي.

د هېواد اجرايه ريیس عبدالله عبدالله وايي: “په دې غونډه کې د همکارو هېوادونو ملاتړ او مرسته د افغانستان د ثبات او امنيت له پاره ډېره ارزښت لرونکي وو.”

د اسیا زړه هېوادونو په کنفرانس کې د پاکستان له ټکېدو سره افغان کارپوهان وايي چې د پاکستان د انزوا له پاره شرایط د برابرېدو په حال کې دي، خو د مشرانو جرګې ريیس وايي چې پاکستان د ترهګرو له ملاتړه په هېڅ قېمت لاس نه اخلي.

د مشرانو جرګې رييس فضل هادي مسلمیار وايي: “د ولسمشر غني موضع د ستاينې وړ ده، خو پاکستان به د ترهګرو له ملاتړه لاس وانه خلي، اوس اړتيا ده چې د سيمې هېوادونه فشار پرې راوړي چې له سخت دريځو سره خپلې اړيکې پرې کړي.”

د ولسي جرګې ريیس هم وايي چې افغانستان له پاکستان څخه د مادي مرستو تمه نه لري.

د ولسي جرګې رييس عبدالرووف ابراهیمي وايي: “د لومړي ځل له پاره ولسمشر اشرف غني د پاکستان ۵سوه ميليوني مرسته رد کړه، دا د هېوادوالو د پاکستان له لاسوهنو څخه يو درد و چې بيان شو، موږ له ولسمشر مننه کوو.”

که څه هم د اسیا زړه هېوادونو دا شپږمه غونډه وه چې پاکستان پکې تر سخت فشار لاندې ونیول شو، خو دا چې عملي اغېز به یې څه وي، د جګړې په راروان فصل کې به معلوم شي.

Continue Reading
Advertisement

تازه خبرونه

طالبانو کابل ته نږدې د خپلو پراخو هڅو ویډیو خپره کړې

Ariana News

خپور شوی

په

توسط

(Last Updated On: تله ۵, ۱۳۹۹)

طالبانو د یوې ویدیو په خپرولو وښوده، چې د پېنځمې حوزې په اړوند باغ داوود، پنجه چنار او د ارغندې په حیدرخان کلا سیمو کې فزیکي حضور لري او د شپې  د کمپنۍ بازار او کمپنۍ پله ساحو ته را وځي؛ د لویو لارو د امنیت په اړه له موتر چلوونکیو او خلکو پوښتنې کوي.

په دغو سیمو کې خلکو ویلي؛ د طالبانو سره قطعه وخت ناوخته په دې سیمه کې د امنیتي ځواکونو پر پوستو بریدونه هم کوي.

د کابل ښار د کمپنۍ پله د اړوند سیمې اوسېدونکي اتل ویلي؛ دا لومړی ځل دی، چې طالبان د کابل ښار د پېنځمې حوزې په اړوند سیمو کې شپه مهال سړک ته راوځي او له خلکو د امنیتي حالت په تړاو پوښتنې کوي.

د کابل ښار د کمپنۍ د بازار یوه بل اوسېدونکي ویلي؛ دوه شپې مخکې طالبانو د کوټې سنګي – کمپنۍ څلور لاري په اوږدو کې د څو ساعتونو لپاره د تلاشۍ پوسته جوړه کړې وه او امنیت په تړاو یې له خلکو پوښتنې کولې.

د امنیتي پوستو سرتېرو ویلي؛ په شپه کې پرې د طالبانو سره قطعه حملې کوي او د واټ پر غاړوماینونه ږدي، چې د پوځیانو کاروانونه په نښه کړي؛ خو کورنیو چارو وزارت دغه اړوند خبرې ردوي.

په دوحه کې د افغانانو د خپلمنځي خبرو له پرانیستو سره جوخت د هېواد په زیاترو سیمو کې د طالبانو او امنیتي ځواکونو نښتې زیاتې شوي؛ خو اوس په کابل کې د طالبانود یوې خپرې شوې ویدیوي څرګندونو له مخې پراخ ښاري شون لري، چې دې کار د ښار اوسیدونکي اندیښمن کړي دي.

Continue Reading

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading
Advertisement

Trending