Connect with us

نړۍ

پاکستان ته د ۶ میلیارد ډالرو د ورکړې پروګرام بیا پیلوو – د پیسو نړیوال صندوق

خپور شوی

 په

(Last Updated On: ليندۍ ۱, ۱۴۰۰)

د پیسو نړیوال صندوق (آی ایم ایف) نن (دوشنبه د تلې لومړۍ) په ډاګه کړې؛ له پاکستان سره هوکړې ته رسېدلي، چې له مخې به یې د شپږ میلیارډ ډالرو پروګرام بیا پیل شي.

د یاد صندوق د څرګندونو له مخې؛ پاکستانيو چارواکو او د پیسو نړیوال صندوق کارکونکي د بیاکتنې شپږم پړاو بشپړولو لپاره پر اړتیا وړ پالیسیو او اصلاحاتو هوکړې ته رسیدلي دي.

سرچینې په ډاګه کړې؛ دغه هوکړه لیک به د پخوانیو هڅو په ځانګړي توګه د مالي او اداري اصلاحاتو له پلي کېدو وروسته د اجرائیوي بورډ له خوا تصویب شي.

پاکستان په ۲۰۱۹ زېږدیز کال کې د پیسو نړیوال صندوق د ۶ میلیارډ ډالرو د ورکړې په پروګرام کې ونیول شو؛ خو تر اوسه دا بهیر په ټپه ولاړ دی.

له دې مخکې پاکستانيو چارواکو ویلي وه، چې هېواد یې د دغه پروګرام د بیا خوندي کولو هڅې پیل کړي؛ خو د کرونا ویروس له خپرېدو سره په مبارزه کې ښکېل پاتې شوو.

پاکستانيو چارواکو ویلي، چې اسلام آباد باید د مرکزي بانک د قوانینو د خپلواکۍ په ګډون په پېنځه برخو ؛ د مالي معافیتونو له منځه وړل او د انرژۍ د تعرفو په زیاتوالي کې اصلاحات او تعدیلات رامنځته کړي.

د پاکستان د مالیې وزارت ویاند ویلي، دغه هوکړه د پاکستانيو چارواکو او د پیسو نړیوال صندوق تر منځ له ۴۵ ورځو خبرو اترو وروسته رامنځته شوې ده.

د پاکستان د مالیې وزارت ویاند ویلي، دا به ډېري ابهامات له منځه یوسي.

نړۍ

د لومړي ځل لپاره په هندوراس کې یوه ښځه ولسمشره شوه

خپور شوی

په

توسط

(Last Updated On: سلواغه ۹, ۱۴۰۰)

د رویټرز د خبر له مخې؛ په هندوراس کې شیومارا کاسټرو د لومړنۍ ښځینه ولسمشرې د ولسمشرۍ لوړه وکړه.

کاسټرو پرون د لوړې په مرراسمو کې ژمنه وکړه، چې ټولنیز عدالت او شفافیت به یې په کاري لومړیتوبونو کې ځای ولري.

۶۲ کلنې میرمن کاسټرو ژمنه کړې، چې د مخدره موادو د قاچاق کوونکیو ډلو پر ضد به مبارزه هم مبارزه کوي.

د کاسټرو میړه مانویل زیلا ، چې له ۲۰۰۶ څخه تر ۲۰۰۹ زېږدیز کال پورې ولسمشر و؛ په یوه کودتا کې له واکه لرې شو. میرمن کاسټرو له هغې وروسته دوه ځلې ولسمشرۍ ته نومانده شوې وه؛ خو د تېر نومبر په ټاکنو کې یې بریا خپله کړه.

له دې هڅې وروسته په ​​عامه افکارو کې خورا ښه وځلېده د هغې د کاري هڅو پیل دښي لاسي ملي ګوند، چې پر فساد تورن دی؛ د دولس کلنې دورې د پای ښکارندویي کوي.

د پنجشنبې پر ورځ د هندوراس په ټیګوسیګالپا ملي لوبغالي کې زرګونه کسانو د هغې د لوړې په مراسمو کې ګډون کړی و.

هغې په ​​خپلو خبرو کې ویلي: په میراث راپاتې اقتصادي ناورین راته د هېواد په تاریخ کې بې ساری دی.

د امریکا مرستیاله ولسمشر کامالا هاریس هم د هغې د لوړې په مراسمو کې ګډون درلود، چې د مینه والو لخوا یې له تاوده هرکلي سره مخ شوه.

د تایوان مرستیال ولسمشر ویلیم لای هم د لوړې په مراسمو کې برخه لرله؛ ځکه، چې هندوراس د نړۍ یو له هغو څو هېوادونو څخه دی، چې له تایوان سره ډیپلوماټیکې اړیکې لري.

Continue Reading

نړۍ

شمالي کوریا دوه نور توغندي تجربه کړل

خپور شوی

په

توسط

(Last Updated On: سلواغه ۷, ۱۴۰۰)

رویټرز د جنوبي کوریا د چارواکو د څرګندونو له مخې ویلي، چې شمالي کوریا نن ( پنجشنبه د سلواغې ۷ ) دوه لنډ واټن ویشتونکي توغندي تجربه کړل.

شمالي کوریا په دې وروستیو کې د بالستیک توغندیو تجربه کولو ته زور ورکړی دی.

د جنوبي کوریا د پوځ لوی درستیز ويلي؛ شمالي کوریا له ختیځ ساحله د لنډ واټن ویشتونکيو توغنديو تجربه کړې او له ۱۹۰ کیلومټره واټن وهلو وروسته په سمندر کې لوېدلي دي.

جاپاني چارواکو هم خبر ورکړی، چې شمالي کوریا دوه نور توغندي تجربه کړي دي.

د جاپان لومړي وزیر فومیو کیشیډا د شمالي کوریا د بالسټیک توغنديو تجربه خواشینوونکې ده.

امریکا هڅه کوي، چې شمالي کوریا اټومي وسلو ته لاسرسی ونلري؛ خکه یې پرې بندیزونه لګولي دي.

د امریکا بندیزونو او په شمالي کوریا کې د کرونا ویروس خپرېدو د دغه هېواد اقتصاد ته د پام وړ ننګونې را رامنځته کړې دي.

Continue Reading

نړۍ

که روسیه پر اوکراین پوځي برید وکړي؛ بې ساري بندیزونه به پرې ولګول شي – اروپا

خپور شوی

په

توسط

(Last Updated On: سلواغه ۵, ۱۴۰۰)

اروپايي ټولنې مسکو ته خبرداری ورکړی، چې که روسیه پر اوکراین د برید پرېکړه وکړي؛ نو له بې ساري اقتصادي بندیزونو سره به مخ شي.

د اروپايي ټولنې د بهرنیو چارو وزیرانو پرون ویلي، چې مسکو ته به یو ګډ خبرداری واستوي.

د ختيځ او لویديځ ترمنځ کړکېچ له هغې وروسته ډېر شو، چې روسيې له اوکراين سره په پوله کې زرګونه پوځيان ځای پر ځای کړل او ورسره دا وېره ډېره شوه، چې ښايي مسکو پر اوکراين برید وکړ؛ خو مسکو ویلي، چې پر کیف د برید پلان نلري.

د لیتوانیا د بهرنیو چارو وزیر ګابریلیوس لاینډبرګیس په بروکسل کې د اروپايي اتحادیې د بهرنیو چارو وزیرانو غونډې ته وویل: د روسیې د تاکتیکونو له پوهیدو سره باوري یم، چې د دوی یوه موخه د لویدیځ وېشل دي. دا هغه بریا ده، چې مونږ یې روسانو ته ورکولی نشو.

د ډنمارک د بهرنیو چارو وزیر ژپه کوفود خبریالانو ته ویلي: په دې کې شک نشته، چې که روسیه بیا پر اوکراین برید وکړي؛ مونږ چمتو یو، چې پرې بې ساري بندیزونه ولګوو.

ژپه کوفود ونه ویل، چې کومې برخې به یې تر بندیزونو لاندې راشي.

Continue Reading

Trending

Copyright © 2022 Ariana News. All rights reserved!