Connect with us

تازه خبرونه

پاکستانيو هکرانو په افغانستان کې د جمهوریت د سقوط پرمهال چارواکي ښکارکړي – فیسبوک

خپور شوی

 په

(Last Updated On: لړم ۲۶, ۱۴۰۰)

فیسبوک په ډاګه کړې؛ دوی د پاکستانیو هکرانو د یوې ډلې فعالیتونه هغه وخت بند او شنډ کړل، چې په افغانستان کې د اسلامي امارت د پرمختګ پرمهال یې د هغه وخت له حکومتي او امنیتي ځواکونو سره د تړلیو اشخاصو اکاونټونه ښکارول.

ټولنیزې شبکې فیسبوک پرون سې شنبه د لړم ۲۵ په ډاګه کړې، چې د « کپي سایډ » ډلې د خپلو فعالیتونو لپاره رومانټيک ښکار کارولی دی. هکرانو د ځوانو ښځو د لټون پر پلمه د هغو خلکو پاڼو ته د لاسرسي هڅه کوله، چې دوی یې په لټه کې ول.

د مټا شرکت اجرائیوي مدیرانو د دې ډلې د بنسټیزې انګېزې په اړه جزئیات ندي ورکړي؛ خو ویلي یې دي، چې د ښکار موخه هغه کسان ول، چې په کابل کې یې له افغان حکومت، اردو او قانون پلي کوونکیو بنسټونو سره تړاو درلود.

د فیسبوک د څرګندونو له مخې، د هکرانو کمپاین د اپریل او اګست میاشتو ترمنځ و؛ هکرانو فیشنګي لینکونه ښکار شویو سایټونو ته لیږل او هغوی یې ناوړه سافټویرنو یا د چټ پروګرامونو ډاونلوډ کولو ته هڅول.

فیسبوک تر برید لاندې حسابونو شمېر یا د هک شوي معلوماتو د بڼې په اړه ارقام ندي وړاندې کړي.

پلازمېنه کابل د یکشنبې پر ورځ د زمري ۲۴ / د ۲۰۲۱ زېږدیز کال د اګست پر ۱۵ له افغانستان څخه د امریکایي ځواکونو د ټکني وتلو په بهیر کې د اسلامي امارت لاس ته ولویده او اسلامي امارت له شل کلونو وروسته د هېواد واک بیېرته ترلاسه کړ.

تازه خبرونه

پاکستان بیا هم افغانستان ته له نړیوالې ټولنې د مرستو غوښتنه وکړه

خپور شوی

په

توسط

(Last Updated On: سلواغه ۳, ۱۴۰۰)

د پاکستان لومړي وزیر عمران خان د شنبې پر ورځ یو ځل بیا له نړیوالې ټولنې وغوښتل، چې له افغانستان سره بېړنۍ بشري مرستې وکړي.

عمران خان ټویټ کړی، چې نړلواله ټولنه د ملګرو ملتونو د مسوولیت او ساتنې د اصولو له مخې مکلفه ده، چې د اوږدې جګړې په پایله کې له ستر بشري ناورین څخه د خلکو د ژغورنې لپاره مرسته وکړي.

نوموړی څرګندوي، چې اوسمهال په میلیونونو افغانان د لوږې له خطر سره مخ دي او دا د نړیوالې ټولنې دنده ده، چې بشري مرستې ورته برابرې کړي.

د ملګرو ملتونو ادارو هم خبرداری ورکړی، چې که مرستې ور نکړ شي؛ له ۲۳ میلیون ډېر خلک د لوږې له خطر سره مخ کیږي.

د روانې میاشتې په پیل کې د ملګرو ملتونو ادارو د ۲۰۲۲ زېږدیز کال لپاره د ۴ اعشاریه ۵ میلیارډ ډالرو مرستې غوښتنه وکړه، چې دا د هېوادونو لپاه ترټولو لویه نړیواله غوښتنه ده، چې امریکا ورته د بشري ټولنو له لارې د  ۳۰۸ میلیون ډالرو مرستې ژمنه وکړه.

Continue Reading

تازه خبرونه

د ا.ا.ا پلاوی د بشردوستانه خبرو اترو لپاره په درې ورځني سفر ناروې ته رسېدلی

خپور شوی

په

توسط

(Last Updated On: سلواغه ۳, ۱۴۰۰)

د افغانستان اسلامي امارت استازي د یکشنبې پر ورځ (د سلواغې ۳ ) د بشري ناورین د کمولو په اړه د ناروې په کوربتوب په جوړېدونکې ناسته کې د ګډون لپاره دې هېواد ته ورسیدل.

د تېر کال په زمري میاشت کې د اسلامي امارت له بیا واکمنېدو وروسته د افغانستان میلیونونه خلک نور هم په ژور فقر کې ډوب او ورسره د مرستو نړیوال پروګرامونه نه یوازې په ټپه ودرېدل، بلکې د خواړو خوندیتوب یې هم اغېزمن شو.

د افغانستان اسلامي امارت پلاوی به د مولوي امیر خان متقي پر مشرۍ د سلواغې له درېیمې تر پېنځمې /  د جنورۍ له ۲۳ تر ۲۵ پورې د ناروې د چارواکو په ګډون، د یو شمېر نورو هېوادونو له ډیپلوماټانو او بهر میشتو افغانانو سره وګوري.

د ناروې د بهرنیو چارو وزیر انیکن هویټفیلډ څرګنده کړې؛ دا غونډه د طالبانو ( اسلامي امارت) د مشروعیت یا رسمیت پېژندلو په معنا نده، بلکې د افغانستان د بشري وضعیت د ښه کېدو لپاره یوه هڅه ده؛ خو اړینه ده، چې مونږ د افغانستان له چارواکو سره خبرې وکړو.

د ناروې د بهرنیو چارو وزارت ويلي؛ په دې غونډه کې به د ښځو د حقونو فعالان، ژورنالیستان او هغه کسان، چې د بشري حقونو د خوندیتوب او انساني، اقتصادي، ټولنیزو او سیاسي مسایلو په برخه کې کار کوي هم ګډون وکړي.

د اسلامي امارت د ویاند مرستیال بلال کریمي هم ويلي، دا سفر د ناروې په رسمي بلنه شوی او پر امریکايي او اروپايي چارواکو سربېره به د افغانستان د مدني ټولنې له بېلابېلو برخو سره هم لیده کاته وکړي.

د نړیوالو اړیکو شنونکی عبدالواحد فقیري د دغه سفر په اړه ویلي؛ واک ته له رسېدو وروسته دا اروپا ته د اسلامي امارت د پلاوي لومړی سفر دی، چې د نړۍ له هېوادونو، په ځانګړي توګه اروپا سره د افغانستان د نوې دولت د ډيپلوماټیکو اړیکو په اړه یو مثبت ګام دی.

اروپا ته د اسلامي امارت د استازیو سفر په داسې حال کې ترسره کیږي، چې له دې یوه ورځ مخکې اروپايي ټولنې له پېنځه میاشتني ځنډ وروسته په کابل کې خپل سفارت بېرته پرانیست او څرګندوي، چې د خپلو لږ شمېر کارکوونکیو پر مټ به بشردوستانه چارې بېرته پیل کړي.

Continue Reading

تازه خبرونه

اسلامي امارت که رسمیت پېژندنه غواړي؛ د بشري حقونو درناوی دې وکړي

خپور شوی

په

توسط

(Last Updated On: سلواغه ۳, ۱۴۰۰)

د ملګرو ملتونو سرمنشي انټونیو ګوترش ویلي که اسلامي امارت غواړي، چې د نړیوالې ټولنې لخوا پر رسمیت وپېژندل شي؛ د بشري حقونو درناوي دې وکړي.

انټونیو ګوترش پرون د ملګرو ملتونو عمومي اسامبلې ته په وینا کې ویلي؛ اسلامي امارت باید نه یوازې د ښځو او نجونو حقونو ته پوره درناوی وکړي، بلکې د بشري حقونو په اړه دې مثبت نظر هم رامنځته کړي، چې د نړیوالې ټولنې لخوا پر رسمیت وپېژندل شي او خلک نړیوالې مرستې تر لاسه کړي.

د ملګرو ملتونو سرمنشي په سږني کال کې نړۍ ته د کرونا ویروس د خپرېدا په ګډون له نړیوالې نابرابرۍ، نړیوال مالي بحران، اقلیمي بحران، سایبري بې قانوني او نړیوالې سولې او امنیت ته د پېښېدونکيو ۵ ګواښونو خبر ورکړ، چې پر وړاندې یې د ټولو هېوادونو یووالي ته اړتیا ده.

انټونیو ګوټرش ویلي، چې اوس یوازې د ننګونو لپاره د نوملړ جوړولو وخت ندی؛ مونږ یې باید مخنیوي ته مټې راونغاړو. دا ټولې ننګونې د نړیوالې حکومتدارۍ پر ناکامۍ راڅرخي.

Continue Reading

Trending

Copyright © 2022 Ariana News. All rights reserved!