Connect with us

تازه خبرونه

پارلمان په کابل هوایي ډګر کې د چاودیدونکیو توکو د موندلو څېړنه کوي

Ariana News

خپور شوی

 په

(Last Updated On: April 11, 2021)

کابل ته د پاکستان د ولسي جرګې د مشر اسد قیصر د سفر لغو کېدو په تړاو امنیتي مسوولین ولسي جرګې ته د ځواب ویلو لپاره وغوښتل شول .

د پاکستان د ولسي جرګې د پلاوي سفرهغه مهال لغو شو، چې په کابل هوایي ډګر کې یې د لېږد الوتکې ته د راکښته کېدو اجازه ورنکړ شوه.

مسوولینو ویلي؛  دا موضوع د کابل د هوایي ډګر په ځغاسلیکه کې د چاودېدونکيو توکو له موندنې سره تړاو لري؛ خو دې موضوع ډېرې پوښتنې را ولاړې کړې دي.

د ولسي جرګې د مشرانو کمېټې د کورنیو چارو او ملي دفاع وزارتونو سرپرستان د ځواب ویلو لپاره وغوښتل.

د کورنیو چارو وزارت چارسمبالي ویلي، چې دا قصدي عمل نه و او د چاودېدونکیو توکو د کشف په خاطر د پاکستان د ولسي جرګې د مشر اسد قیصر او ورسره د مل پلاوي د لېږد الوتکې ته د ناستې اجازه ورنکړ شوه.

نوموړي زیاته کړې؛ دا ستونزه سبب شوه، چې د ۹ نورو الوتکو الوتنې او ناستې وځنډیږي.

د کورنیو چارو وزارت چارسمبالي حیات الله حیات د ولسي جرګې د پوښتنې په ځواب کې ویلي؛ موضوع قصدي نه، بلکې په هوایي ډګر کې د چاودېدونکيو توکو موندل ول او ډګر دوه ساعته وتړل شو، چې څلور ناستې او پېنځه الوتنې وځنډېدې.           

د ولسي جرګې د مشرانو کمېټې ویلي، چې امنیتي مسوولینو قناعت ورنکړ شو؛ ځکه، نو د مسئلې د څېړلو لپاره یو پلاوی ګومارل شوی دی.

د ولسي جرګې غړی میرحیدر افضلي ویلي؛ په خواشینۍ، چې د پاکستان د ولسي جرګي د مشر سفر لغو شو او د همدې لپاره د امنیتي بنسټونو مسوولین د ځواب ورکولو ته راغوښتل شوي وه؛ خو د ولسي جرګې قناعت رامنځته نشو او د پېښې د څېړلو لپاره یو پلاوی وګومارل شو.         

د ولسي جرګې د مالي چارو او بودجې کمیسیون مشر میرافغان ساپی وایي: امنیتي مسوولینو ویلي، چې ناټو د چاودېدونکیو توکو د کشف لپاره هوایي ډګر تړلی و او په دې توګه د پاکستان د ولسي جرګې د مشر سفر لغو شو؛ خو د خواشینۍ ځای دی، چې د افغانستان د ولسي جرګې مشر ترې په میدان کې خبر نه و او د پاکستان سفیر ترې ژر پوه شو.             

د ولسي جرګې غړي تمه لري، چې د قضیې اصلي علت پیدا شي؛ ځکه د دوی په خبره د پاکستان د ولسي جرګې مشر د یوه کس نه، بلکې د افغانستان مېلمه و او دا کړنې کولی شي د دواړو هېوادونو پر همکاریو بده اغېزه وکړي.

تازه خبرونه

په کندهار کې د ټلویزیون پخوانی ویاند ووژل شو

Ariana News

خپور شوی

په

توسط

(Last Updated On: May 6, 2021)

د مالیې وزارت د رسنیو د څانګې آمر او د طلوع نیوز ټلویزیون پخوانی ویاند نعمت راون نن پنجشنبه د غویی ۱۶ په کندهار ښار کې د ناڅرګندو وسلوالو پر ډزو وژل شوی دی.

د کندهار پولیسو ويلي؛ نعمت روان د ښار د څوارلسمې امنیتي حوزې په اړوند سیمه کې خپل خوږ ژوند له لاسه ورکړی دی.

د نعمت روان خپلوانو هم د هغه مړینه تائید کړې ده.

د طلوع نیوز مسوولینو ویلي، چې له دې رسنۍ سره درې اوونۍ مخې نعمت روان خپل کار پای ته رسولی و او په دې وروستیو کې یې په مالیې وزارت کې دنده تر سره کوله.

تر دې دمه هیچا پر نوموړي د برید پړه نده منلې.

Continue Reading

تازه خبرونه

په غزنی، بغلان او هلمند کې د طالبانو بریدونه ډېر شوي

Ariana News

خپور شوی

په

توسط

(Last Updated On: May 6, 2021)

که څه هم د هېواد په بېلابېلو برخو کې درندې نښتې روانې دي؛ خو راپورونه په ډاګه کوي، چې طالبان په بغلان او غزني ولایتونو کې د ښارونو پر لوري د پرمختګ په حال کې دي.

د راپورونو له مخې؛ د غزنی او بغلان ولایتونو یو شمېر سرتېري له طالبانو سره په نښتو کې وژل شوي او یو شمېر نور طالبانو ته تسلیم شوي دي.

د چارواکو د څرګندونو له مخې؛ د بغلان ولایت د مرکزي بغلان ولسوالۍ د شهر کوه سیمه د وسلوالو طالبانو لاس ته لوېدلې ده.

ځايي چارواکو تائید کړې او څرګندوي، چې د دولتي ځواکونو او وسلوالو طالبانو ترمنځ د تاکتیکي شاتګ پر مهال هیڅ راز نښتې رامنځته شوې ندي.

دغه راز سرچینو په ډاګه کړې، چې تېره شپه په دې ولسوالۍ کې له دوه پوستو څخه سرتېري طالبانو ته تسلیم شوي دي.

که څه هم د ولسوالۍ ولسوال په دوه پوستو کې د امنیتي ځواکونو تسلیمیدل ردوي؛ خو د ولایتي شورا مشر محمد صفدر محسني آریانا نیوز ته ویلي، چې لږ تر لږه ۶۰ سرتېري له دوه پوستو څخه پر وسلو او تجهیزاتو مجهز طالبانو ته تسلیم شوي دي.

د طالبانو ویاند ذبیح الله مجاهد څرګنده کړې، چې د مرکزي بغلان ولسوالۍ ډېری سیمې دوی نیولې دي.

هغه دا هم ویلي، چې له  ۲۰۰ ډېر امنیتي سرتېري له طالبانو سره یوځای شوي او خپل پوځي تجهیزات یې له ځان سره لیږدولي دي.

همدارنګه د غزني ولایت ځایي چارواکو څرګنده کړې، چې په دې ولایت کې د اردو څلور پوستې طالبانو نیولي دي.

د چارواکو د څرګندونو له مخې، د دې ولایت په آرزو کلي کې دوه امنیتي پوستې د طالبانو لاس ته لوېدلې دي.

د غزنی ولایتی شورا غړي عبدالجامع جامي ویلي؛ د دغو دوه پوستو د څلیریشت امنیتي ځواکونو برخلیک ناڅرګند دی.

نوموړي زیاته کړې، چې له دې سره اوس طالبان د غزني ښار ته نږدې شوي دي.

هغه خبرداری ورکړ، چې که امنیتي ځواکونه مدیریت نشي؛ د غزنی ښار به هم طالبان ونیسي.

همدارنګه یوې بلې معتبرې سرچینې هم آریانا نیوز ته ویلي، چې د غزني په خواجه عمري ولسوالۍ کې د چارشنبې پر شپه دوه پوستې طالبانو ونیولې.

د سرچینې د څرګندونو له مخې، په پېښه کې لږ تر لږه ۱۵ پولیس وژل شوي دي.

د هېواد ملي دفاع وزارت تر دې دمه د دغو ادعاوو په اړه څه ندي ویلي.

یو شمېر کارپوهان پدې باور دي، چې طالبانو د استانبول په ناسته کې د ګټې د ترلاسه کولو لپاره بریدونه ډېر کړي دي.

دا مهال په هیلمند ولایت کې سخته جګړه روانه ده، چې په پایله کې یې زرګونه خلک له خپلو کورونو تښتیدلي دي.

د راپورونو سره سم امریکا هم تېره شپه په دې ولایت کې د طالبانو پر وړاندی  او د افغان ځواکونو پر ملاتړ هوایي بریدونه کړي دي.

د چارشنبې پر ورځ د میوند قول اردو قومندان  سمیع سادات ویلي وه، چې طالبانو د هلمند ولایت په بېلابېلو سیمو کې ۸۹ بریدونه کړي او دا ټول بریدونه د افغان امنیتي ځواکونو پرشاتمبولي او وسلوالو طالبانو ته په کې درنده مرګ و ژوبله اوښتې ده.

نوموړي ډاډ څرګند کړی، چې د افغان ځواکونو مورال لوړ دی او دوی ډاډمنو تجهیزاتو ته پوره لاسرسی لري او د شته تجهیزاتو په مرسته دوی کولی شي طالبانو ته ماته ورکړي.

دا په داسې حال کې ده، چې په ټول هېواد کې نښتو له هغې وروسته ډېر زور واخیست، چې امریکايي ځواکونو د شنبې پر ورځ په رسمي بڼه د ځواکونو تدریجي وتل پیل کړل؛ خو طالبانو د امریکا تدریجي وتل د دوحې له تړونه سرغړونه یاده کړې ده.

Continue Reading

تازه خبرونه

د نړۍ جي ۷ هېوادونو په افغانستان کې د تاوتریخوالي د پای ته رسولوغوښتنه وکړه

Ariana News

خپور شوی

په

توسط

(Last Updated On: May 6, 2021)

د نړۍ د اووه ځواکمنو صنعتي هېوادونو د بهرنیو چارو وزیرانو په افغانستان کې د هدفي وژنو او بریدونو د درولو غوښتنه کړې.

په بریټانیا کې د جې اووه ډلې د افغان سولې بهیر، سیاسي هوکړې او د استانبول ناستې د جوړېدو لپاره د هڅو له ملاتړ څرګند کړی دی

د جي اووه ډلې غړیو د دوحې خبرو د دوام ملاتړ کړی او د استانبول ناستې د ژر جوړېدو غوښتنه یې کړې ده.

د جي ـ۷ هېوادونو په اعلامیه کې راغلي: یو تلپاتی سیاسي جورجاړی، سولې ته د رسېدو یوازنۍ لار ده او د ټولو افغانانو په ګټه ده. مونږ په دوحه او استانبول کې د سولې د لوړې کچې د خبرو له دوام ملاتړ کوو. مهمه ده، چې د سیمې هېوادونه د سولې له هڅو ملاتړ روان وساتي.

د بهرنیو چارو وزارت پخوانی سیاسي مرستیال  جاوېد لودین ویلي: د سیمې هېوادونه په څرګند ډول ګډې ګټې لري؛ خو اوس یې هم د سولې بهیر په تړاو اجماع ماتېدونکې ده او امریکا باید د سیمه ییزې اجماع  لپاره له خپل نفوذه کار واخلي.

د جې اووه ډلې په اعلامیه کې ویل شوي، چې د جګړې ښکېل لوري دې له وژنو او تاوتریخوالي لاس واخلي او د خبریالانو، ښځو او د بشري حقونو د فعالانو وژنه باید ودریږي؛ ځکه، چې سولې ته د رسېدو لپاره یو هر اړخیز اوربند ته زمینه برابره شي.

کارپوهان هم د هېواد د سیاسي حالت په تړاو په اوس وخت کې د نړیوالې ټولنې رول مهم بولي.

د ملګرو ملتونو پخوانی سلاکار  بارنت روبین وایي:  اوس امریکا پر دې کار کوي، چې له افغانستان څخه خپل ځواکونه وباسي؛ خو له دې هېواده به ډیپلوماتیک ملاتړ هم  روان وي. اوس د افغانستان ټولنې ډېر بدلون کړی او له نړیوالې ټولنې سره نښلول شوې او دا به د سیاسي حالت په بدلون کې ډېر مهم رول ولوبوي.

د امریکا د دفاع پخواني وزیر رابرت ګیټس ویلي، چې د افغانستان جګړه به د بهرنیو ځواکونو له وتو سره د رضایت وړ پای ونلري.

نوموړی زیاتوي: د  دفاع وزیر آسټین او د لوی درسیتز له وړاندیز سره موافق یم، چې دوه سوه پنځوس کسیزه وړه ډله په افغانستان کې د افغان ځواکونو د ملاتړ لپاره پاتې شي؛ خو حقیقت دا دی، چې طالبان به بیا هم وکړای شي د هرې ورځې په تېرېدو ډېرې ساحې ونیسي.

د بهرنیو ځواکونو د وتو بهیر له یوې اوونۍ را پدیخوا پیل شوی او تر اوسه د بهرنیو ځواکونو څو اډې افغان ځواکونو ته سپارل شوي دي؛ خو بلخوا ویل کیږي، چې په څه باندې ۲۱ ولایتونو کې جګړې؛ ځکه سختې شوي، چې طالبانو امریکایان د دوحې له تړونه پر سرغړونه تورن کړي دي.

Continue Reading

Trending

آریانا نیوز: ټول حقونه خوندي دي