Connect with us

تازه خبرونه

ټاکنو کمیسیون دې له ځنډ پرته لومړنۍ پالې په ډاګه کړي- د مشرانو جرګې غړي

Ariana News

خپور شوی

 په

(Last Updated On: لړم ۷, ۱۳۹۸)

د مشرانو جرګې ځینې غړي د ټاکنو له خپلواک کمیسیون غواړي، چې په بیړه او له ځنډ پرته د ولسمشریزو ټاکنو لومړنۍ پایله په ډاګه کړي.

د مشرانو جرګې غړی عبداللطیف نهضت یار د ولسمشریزو ټاکنو د پایلو په اعلان کې ځنډ د اندېښنې وړ بولي او وایي، په دې اړه ځنډ لاسوهنو او فساد ته لار اواروي او باید پرته له ځنډه د  خلکو د پاکو رایوو له مخې  لومړنۍ پایلې اعلان شي؛ ځکه، چې پاکې رایې له ناپاکو بېلې؛ خو د کمیسیون په چارو کې د مداخلو په سبب د ټاکنو د پایلو په اعلان کې ځنډ راغلی دی.

د مشرانو جرګې غړې انارکلي هنریار ویلي، چې له ټاکنو یوه میاشت و یوه ورځ تېره شوې؛ خو په خواشینۍ، چې ټاکنو کمیسیون له ټاکنیز مهالوېشه سرغړونه کړې ده. سمه ده، چې کمیسیون ویلي د تلې میاشت؛ خو معلومه نده، چې د کوم کال تله.

د مشرانو جرګې غړی سید صفی الله هاشمي ویلي؛ په کمیسیون کې تېروتنې شوي، چې نه یوازې د قفل ماتیدو ، بلکې پڅ کار هم اندېښنې رامنځته کړي او کمیسیون باید د دې بحران مخه ونیسي او د افغانستان د خلکو د برخلیک په اړه دې قانوني کړنې تر سره کړي.

د مشرانو جرګې لومړی مرستیال محمد علم ایزدیار ټینګار کوي، چې د ټاکنو خپلواک کمیسیون باید د ټاکنو روڼتیا ته پاملرنه وکړي. دا، چې څوک ځي او څوک راځي د بحث وړ نده. مهمه د ټاکنو رونتیا ده، چې پایلې پخپل وخت اعلان شي.

دا خبرې په داسې حال کې راڅرګندیږي، چې ټاکنو خپلواک کمیسیون د ټاکنو لومړنۍ پایله د پلان مطابق د تلې پر اووه ویشتمه اعلان نکړه او په دې برخه کې ځڼد اندېښڼې را پورته کړې دي.

تازه خبرونه

اتمر او د تاجکستان ولسمشر د افغانستان پر سوله او اقتصادي همکاریو وغږېدل

Ariana News

خپور شوی

په

توسط

(Last Updated On: وږی ۲۸, ۱۳۹۹)

د افغانستان بهرنیو چارو وزارت چارسمبالي حنیف اتمر د پنجشنبې پر ورځ له غرمې وروسته دغه هېواد ته د خپل سفر پر مهال د تاجکستان له ولسمشر امام علي رحمان سره وکتل او د افغانستان د سولې پر خبرو او اقتصادي همکاریو بحث او خبرې کړې دي.

د افغانستان د بهرنیو چارو وزارت د جمعې پر ورځ په ډاګه کړې، چې امام علی رحمان د افغانستان د سولې خبرو له پیل هرکلیوکړی او اتمر ته یې د افغانستان د سولې له بهیر او اصولي دریځ څخه د تاجک حکومت د ملاتړ ډاډ څرګند کړ.

دغه راز دواړو لوریو د افغانستان او تاجیکستان تر منځ د سوداګرۍ، اقتصادي او فرهنګي اړیکو پر پراختیا خبرې او ټینګار څرګند کړی دی.

د بهرنیو چارو وزارت په اعلامیه کې راغلي؛ امام علي رحمان ټینګار کړی، چې د تاجکستان په بهرني سیاست کې له افغانستان سره همکاري له لومړیتوبونو څخه ده.

دواړو لوریو سیمه ییزو جوړښتونو ته په نغوته کې د انرژۍ بېخبنایي  پروژو پلي کول  د سیمې لپاره مهم بولي او زیاتوي، چې سیمه ییزې همکارۍ ته د افغانستان راجلبول به دغه بهیر نور هم پراخ کړي.

دواړو لوریو د بېخبنایي پروژو پلي کول، سوداګري او ترانزیت پراختیا، د انرژۍ لیږد، له تروریزم سره مبارزه او افراطیت پروړاندې مبارز، د تنظیم شويو جرمونو کنټرول، د سرحدي همکارۍ پیاوړتیا، د فرهنګي او علمي اړیکو پر پراختیا خبرې کړې دي.

اتمر د دواړو هېوادونو ترمنځ پر ژورو تاریخي او فرهنګي اړیکو سربېره د ستراتیژیکو همکاریو کچې ته د دوه اړخیزو اړیکو پراخولو غوښتنه ههم وکړه.

Continue Reading

تازه خبرونه

په کابل کې د امریکا سفارت پر میرمنو له احتمالي افراطي بریدونو خبرداری ورکوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

په کابل کې د امریکا سفارت خبرداری ورکړی، چې افراطي ډلې پر بېلابېلو موخو په ځانګړي توګه پر میرمنو د وسلوالو بریدونو د ترسره کولو په لټه کې دي.

د امریکا سفارت تېره ورځ په یوه اعلامیه کې د افراطي ډلو له احتمالي بریده خبر ورکړ.

سفارت ندي ویلي، چې کومې ډلې پر میرمنو د برید پلان لري.

د امریکا سفارت په ډاګه کړې؛ افراطي ډلې په پام کې لري، چې په افغانستان کې پر بېلابېلو موخو په ځانګړي توګه هغه فعالې میرمنې، چې په دولتي ادارو کې کار کوي؛ ښوونکې، د بشري حقونو فعالینې، دولتي چارواکې او یا حکومتي کارمندانې دي بریدونه تر سره کړي.

دا په داسې حال کې ده، چې د حکومت او طالبانو استازي په دوحه کې د روانې اوږدې جګړې پای ته رسولو لپاره د یوې سیاسي حل لارې د موندلو لپاره مشورې تر سره کوي.

همدارنګه د ملي پخلاینې عالي شورا مشر عبدالله عبدالله له الجزیرې سره په خبرو کې ویلي، چې دواړه خواوې باید د افغانستان د راتلونکي په اړه نه یوازې ګډې هوکړې ته ورسیږي ته ورسیږي، بلکې د ملت اراده او غوښتنه هم پلې کړي، چې په هېواد کې تلپاتې سوله خوندي او جګړه ودریږي.

Continue Reading

تازه خبرونه

د خبرو اترو میز ته د رسیدو لپاره باید د پرېکړو زغم رامنځته شي

Ariana News

خپور شوی

په

توسط

(Last Updated On: وږی ۲۷, ۱۳۹۹)

په افغانستان کې د سولې لپاره د امریکا ځانګړي استازي زلمي خلیلزاد ویلي، چې روان پړاو ته د رسیدو لپاره افغان حکومت او امریکا خورا ستونزمنې، ان مایوسه کوونکي او له زغمه ډکې پرېکړې کړي دي.

له الجزیرې سره په یوه مرکه کې زلمي خلیلزاد څرګنده کړې، چې امریکا او افغان حکومت دواړه له زغمه ډکې پرېکړې کړې دي.

داسې اندېښنې هم راپورته شوي، چې امریکا د افغانانو په خپلمنځی خبرو اترو د طالبانو تله درنده کړې او ښکاره بېلګه یې د ۵۰۰۰ طالب بندیانو  بندیانو خوشې کیدل دي.

فرانسې او استرالیا پدې وروستیو کې د خپل هېواد د ملکي وګړیو په وژنه کې د شپږ طالب بندیانو له خوشې کیدو سره مخالفت څرګند کړی؛ خو خلیلزاد ویلي، چې متحده ایالات پخپله پدې اړه خوښ ندي، ځکه موږ [ امریکا] د دوی پر نارضایتۍ پوهیږو او له دوی سره خواخوږي څرګندوو. مونږ غواړو، چې هدف  یو سوله ییز افغانستان وي؛ افغانان راټول شي او جګړه پای ته ورسوي. زغم هم باید داسې وي، چې افغانستان نړیوالې ټولنې ته کوم ګواښ رامنځته نکړي او افغانستان نور د نړیوالې ټولنې پر اوږو بار پاتې نشي.

زلمي خلیلزاد په ډاګه کړې: په خواشینۍ، چې ارزښتمن شي ته لاسرسی آسانه ندي. مونږ باید ستونزمن، زړه راکښونکي او له زغمه ډک کارونه ترسره کړو، چې خپلې غوره شوې موخې ته ورسیږو.

هغه ټینګار کړی، چې مخکښې موخې د قربانیو ارزښت لري.

نوموړي په مرکه کې څرګنده کړې، چې اوسنۍ روانې خپلمنځي  خبرې د سولې لاسته راوړلو لپاره تاریخي فرصت دی؛ ځکه، چې د افغانستان خلک له ۴۰ کلنې جګړې ستړي شوي دي!

خلیلزاد وایي، چې طالبانو خپل بریدونه روان ساتلي؛ خو طالبان یې د افغان حکومت پروپاګند بولي.

سره له دې هم خلیلزاد هیله من دی، چې دواړه خواوې خبرو اترو ته چمتو دي.

د نوموړي د څرګندونو له مخې؛ دغه خپلمنځي خبرې د باور رامنځته کولو، د تاوتریخوالي کمولو او د دواړو خواوو تر منځ د اختلافاتو د له منځه وړو په موخه روانې ساتل شوې دي.

خلیلزاد په دې اند دی، چې د خبرو موخه د شخړو د اواري لپاره یو سیاسي فورمول ته رسیدل دي.

Continue Reading

Trending