Connect with us

تازه خبرونه

ټاکل شوې، چې امریکا د سپټمبر پر ۱۱ له افغانستان څخه خپل سرتېري وباسي

Ariana News

خپور شوی

 په

(Last Updated On: April 14, 2021)

د امریکا ولسمشر جو بایډن پرېکړه کړې، چې د روان کال د سپټمبر پر ۱۱ نېټه له افغانستان څخه خپل ټول سرتېري وباسي.

واشنګټن پوسټ څرګنده کړې، چې ټاکل شوې جو بایډن د چارشنبې پر ورځ له افغانستان څخه د خپلو ځواکونو ایستل یا ځنډل رسمي اعلام کړي.

واشنګټن پوسټ په ډاګه کړې جو بایډن به د سپټمبر د یوولسمې د شلمې کلیزې له نمانځنې سره همهاله په افغانستان کې د خپې لومړۍ اوږدې جګړې پای اعلان کړي.

تمه وه، چې د امریکا زرګونه سرتېري به د می د لومړۍ نېټې له تړون سره سم، چې له طالبانو سره لاسليک شوی ووځي؛ خو د امریکا نوې اداره د دغه بهیر د څو نورو میاشتو لپاره د غزولو نیت لري.

د امریکا د بهرنیو چارو وزیر انټوني بلینکن او دفاع وزیر آسټین تمه لري، چې دا پرېکړه د چارشنبې پر ورځ په بروکسل کې د ناټو متحدینو ته اعلان کړي.

په افغانستان کې د سولې لپاره د استانبول ناسته، چې ټاکل شوې وه د اپریل پر ۱۶ به په ترکیه کې جوړه ؛ له هغې وروسته وځنډول شوه، چې طالبانو پر ټاکل شوې نېټه په دې ناسته کې ګډون نه چمتووالي په ډاګه کړ.

ترکیه، قطر او ملګري ملتونه په ګډه اعلامیه کې وايي، چې په استانبول کې به د افغانستان د اسلامي جمهوریت د پلاوي او طالبانو ترمنځ لس ورځنۍ ناسته د روان زېږدیز کال د اپریل پر ۲۴ د می تر څلورمې نېټې جوړه او تر سره شي.

په یاده اعلامیه کې ټینګار شوي؛ د غونډې تنظیم کوونکي ژمن دي، چې د یوه خپلواک، آزاد او متحد افغانستان ملاتړ وکړي.

د ترکیې د بهرنیو چارو وزارت څرګنده کړې، چې د استانبول د غونډې بنسټیزه موخه په افغانستان کې د تلپاتې او درنې سولې لپاره د افغانانو ترمنځ د خبرو روان بهیر ګړندۍ کول دي.

دغه راز په ډاګه شوې؛ دغه ناسته د خبرو اترو له لوریو سره مرسته کوي، چې په افغانستان کې د جګړې د پای ته رسولو لپاره سیاسي هوکړه وکړي.

دا په داسې حال کې ده، چې کېدی شي د چارشنبې پر ورځ د امریکا ولسمشر جو بایډن د روان کال د سپټمبر پر ۱۱ نېټه له افغانستان څخه د ټولو امریکایي سرتېرو د ایستلو یا ځنډ ډاډ ولسمشر غني ته څرګند کړي.

تازه خبرونه

په کندهار کې د ټلویزیون پخوانی ویاند ووژل شو

Ariana News

خپور شوی

په

توسط

(Last Updated On: May 6, 2021)

د مالیې وزارت د رسنیو د څانګې آمر او د طلوع نیوز ټلویزیون پخوانی ویاند نعمت راون نن پنجشنبه د غویی ۱۶ په کندهار ښار کې د ناڅرګندو وسلوالو پر ډزو وژل شوی دی.

د کندهار پولیسو ويلي؛ نعمت روان د ښار د څوارلسمې امنیتي حوزې په اړوند سیمه کې خپل خوږ ژوند له لاسه ورکړی دی.

د نعمت روان خپلوانو هم د هغه مړینه تائید کړې ده.

د طلوع نیوز مسوولینو ویلي، چې له دې رسنۍ سره درې اوونۍ مخې نعمت روان خپل کار پای ته رسولی و او په دې وروستیو کې یې په مالیې وزارت کې دنده تر سره کوله.

تر دې دمه هیچا پر نوموړي د برید پړه نده منلې.

Continue Reading

تازه خبرونه

په غزنی، بغلان او هلمند کې د طالبانو بریدونه ډېر شوي

Ariana News

خپور شوی

په

توسط

(Last Updated On: May 6, 2021)

که څه هم د هېواد په بېلابېلو برخو کې درندې نښتې روانې دي؛ خو راپورونه په ډاګه کوي، چې طالبان په بغلان او غزني ولایتونو کې د ښارونو پر لوري د پرمختګ په حال کې دي.

د راپورونو له مخې؛ د غزنی او بغلان ولایتونو یو شمېر سرتېري له طالبانو سره په نښتو کې وژل شوي او یو شمېر نور طالبانو ته تسلیم شوي دي.

د چارواکو د څرګندونو له مخې؛ د بغلان ولایت د مرکزي بغلان ولسوالۍ د شهر کوه سیمه د وسلوالو طالبانو لاس ته لوېدلې ده.

ځايي چارواکو تائید کړې او څرګندوي، چې د دولتي ځواکونو او وسلوالو طالبانو ترمنځ د تاکتیکي شاتګ پر مهال هیڅ راز نښتې رامنځته شوې ندي.

دغه راز سرچینو په ډاګه کړې، چې تېره شپه په دې ولسوالۍ کې له دوه پوستو څخه سرتېري طالبانو ته تسلیم شوي دي.

که څه هم د ولسوالۍ ولسوال په دوه پوستو کې د امنیتي ځواکونو تسلیمیدل ردوي؛ خو د ولایتي شورا مشر محمد صفدر محسني آریانا نیوز ته ویلي، چې لږ تر لږه ۶۰ سرتېري له دوه پوستو څخه پر وسلو او تجهیزاتو مجهز طالبانو ته تسلیم شوي دي.

د طالبانو ویاند ذبیح الله مجاهد څرګنده کړې، چې د مرکزي بغلان ولسوالۍ ډېری سیمې دوی نیولې دي.

هغه دا هم ویلي، چې له  ۲۰۰ ډېر امنیتي سرتېري له طالبانو سره یوځای شوي او خپل پوځي تجهیزات یې له ځان سره لیږدولي دي.

همدارنګه د غزني ولایت ځایي چارواکو څرګنده کړې، چې په دې ولایت کې د اردو څلور پوستې طالبانو نیولي دي.

د چارواکو د څرګندونو له مخې، د دې ولایت په آرزو کلي کې دوه امنیتي پوستې د طالبانو لاس ته لوېدلې دي.

د غزنی ولایتی شورا غړي عبدالجامع جامي ویلي؛ د دغو دوه پوستو د څلیریشت امنیتي ځواکونو برخلیک ناڅرګند دی.

نوموړي زیاته کړې، چې له دې سره اوس طالبان د غزني ښار ته نږدې شوي دي.

هغه خبرداری ورکړ، چې که امنیتي ځواکونه مدیریت نشي؛ د غزنی ښار به هم طالبان ونیسي.

همدارنګه یوې بلې معتبرې سرچینې هم آریانا نیوز ته ویلي، چې د غزني په خواجه عمري ولسوالۍ کې د چارشنبې پر شپه دوه پوستې طالبانو ونیولې.

د سرچینې د څرګندونو له مخې، په پېښه کې لږ تر لږه ۱۵ پولیس وژل شوي دي.

د هېواد ملي دفاع وزارت تر دې دمه د دغو ادعاوو په اړه څه ندي ویلي.

یو شمېر کارپوهان پدې باور دي، چې طالبانو د استانبول په ناسته کې د ګټې د ترلاسه کولو لپاره بریدونه ډېر کړي دي.

دا مهال په هیلمند ولایت کې سخته جګړه روانه ده، چې په پایله کې یې زرګونه خلک له خپلو کورونو تښتیدلي دي.

د راپورونو سره سم امریکا هم تېره شپه په دې ولایت کې د طالبانو پر وړاندی  او د افغان ځواکونو پر ملاتړ هوایي بریدونه کړي دي.

د چارشنبې پر ورځ د میوند قول اردو قومندان  سمیع سادات ویلي وه، چې طالبانو د هلمند ولایت په بېلابېلو سیمو کې ۸۹ بریدونه کړي او دا ټول بریدونه د افغان امنیتي ځواکونو پرشاتمبولي او وسلوالو طالبانو ته په کې درنده مرګ و ژوبله اوښتې ده.

نوموړي ډاډ څرګند کړی، چې د افغان ځواکونو مورال لوړ دی او دوی ډاډمنو تجهیزاتو ته پوره لاسرسی لري او د شته تجهیزاتو په مرسته دوی کولی شي طالبانو ته ماته ورکړي.

دا په داسې حال کې ده، چې په ټول هېواد کې نښتو له هغې وروسته ډېر زور واخیست، چې امریکايي ځواکونو د شنبې پر ورځ په رسمي بڼه د ځواکونو تدریجي وتل پیل کړل؛ خو طالبانو د امریکا تدریجي وتل د دوحې له تړونه سرغړونه یاده کړې ده.

Continue Reading

تازه خبرونه

د نړۍ جي ۷ هېوادونو په افغانستان کې د تاوتریخوالي د پای ته رسولوغوښتنه وکړه

Ariana News

خپور شوی

په

توسط

(Last Updated On: May 6, 2021)

د نړۍ د اووه ځواکمنو صنعتي هېوادونو د بهرنیو چارو وزیرانو په افغانستان کې د هدفي وژنو او بریدونو د درولو غوښتنه کړې.

په بریټانیا کې د جې اووه ډلې د افغان سولې بهیر، سیاسي هوکړې او د استانبول ناستې د جوړېدو لپاره د هڅو له ملاتړ څرګند کړی دی

د جي اووه ډلې غړیو د دوحې خبرو د دوام ملاتړ کړی او د استانبول ناستې د ژر جوړېدو غوښتنه یې کړې ده.

د جي ـ۷ هېوادونو په اعلامیه کې راغلي: یو تلپاتی سیاسي جورجاړی، سولې ته د رسېدو یوازنۍ لار ده او د ټولو افغانانو په ګټه ده. مونږ په دوحه او استانبول کې د سولې د لوړې کچې د خبرو له دوام ملاتړ کوو. مهمه ده، چې د سیمې هېوادونه د سولې له هڅو ملاتړ روان وساتي.

د بهرنیو چارو وزارت پخوانی سیاسي مرستیال  جاوېد لودین ویلي: د سیمې هېوادونه په څرګند ډول ګډې ګټې لري؛ خو اوس یې هم د سولې بهیر په تړاو اجماع ماتېدونکې ده او امریکا باید د سیمه ییزې اجماع  لپاره له خپل نفوذه کار واخلي.

د جې اووه ډلې په اعلامیه کې ویل شوي، چې د جګړې ښکېل لوري دې له وژنو او تاوتریخوالي لاس واخلي او د خبریالانو، ښځو او د بشري حقونو د فعالانو وژنه باید ودریږي؛ ځکه، چې سولې ته د رسېدو لپاره یو هر اړخیز اوربند ته زمینه برابره شي.

کارپوهان هم د هېواد د سیاسي حالت په تړاو په اوس وخت کې د نړیوالې ټولنې رول مهم بولي.

د ملګرو ملتونو پخوانی سلاکار  بارنت روبین وایي:  اوس امریکا پر دې کار کوي، چې له افغانستان څخه خپل ځواکونه وباسي؛ خو له دې هېواده به ډیپلوماتیک ملاتړ هم  روان وي. اوس د افغانستان ټولنې ډېر بدلون کړی او له نړیوالې ټولنې سره نښلول شوې او دا به د سیاسي حالت په بدلون کې ډېر مهم رول ولوبوي.

د امریکا د دفاع پخواني وزیر رابرت ګیټس ویلي، چې د افغانستان جګړه به د بهرنیو ځواکونو له وتو سره د رضایت وړ پای ونلري.

نوموړی زیاتوي: د  دفاع وزیر آسټین او د لوی درسیتز له وړاندیز سره موافق یم، چې دوه سوه پنځوس کسیزه وړه ډله په افغانستان کې د افغان ځواکونو د ملاتړ لپاره پاتې شي؛ خو حقیقت دا دی، چې طالبان به بیا هم وکړای شي د هرې ورځې په تېرېدو ډېرې ساحې ونیسي.

د بهرنیو ځواکونو د وتو بهیر له یوې اوونۍ را پدیخوا پیل شوی او تر اوسه د بهرنیو ځواکونو څو اډې افغان ځواکونو ته سپارل شوي دي؛ خو بلخوا ویل کیږي، چې په څه باندې ۲۱ ولایتونو کې جګړې؛ ځکه سختې شوي، چې طالبانو امریکایان د دوحې له تړونه پر سرغړونه تورن کړي دي.

Continue Reading

Trending

آریانا نیوز: ټول حقونه خوندي دي