Connect with us

تازه خبرونه

ولسي جرګې په خپله لومړۍ غونډه کې د هېواد امنيتي حالات د اندېښنې وړ وبلل

Ariana News

خپور شوی

 په

(Last Updated On: وږی ۱۶, ۱۳۹۴)

ولسي جرګې د اوړي له رخصتۍ وروسته په خپله لومړنۍ غونډه کې د هېواد په امنیتي حالاتو اندېښنه وښوده. د ولسي جرګې رییس وویل، هغه هېوادونه چې د افغانستان امنیت ته ژمن وو، اوس یوازې د حالاتو ننداره کوي.

د ولسي جرګې په دغه غونډه کې له هېواد څخه په ډله ییزه توګه د ځوانانو د تېښتې او په ځانګړې توګه د ننګرهار په ځينو سیمو کې د داعش د فعالیت په هکله د جرګې یو شمېر غړو ژوره اندېښنه وښوده او په حکومت یې غږ وکړ چې د داعش په خلاف جدي ګامونه واخلي.

د ولسي جرګې د شپاړسمې دورې د پنځم کال د غونډو بهیر د اوړي له پنځه څلوېښت ورځنيو رخصتیو وروسته د دوشنبې په ورځ پیل شو. د ولسي جرګې غړو د افغانستان امنیتي، اقتصادي او ټولنیز حالات کړکېچن وبلل. دوی روان کړکېچ د نړیوالو د دسیسو زېږنده ګڼي او وايي چې نړیوال سازمانونه په افغانستان کې د وینو د تويېدو ننداره کوي.

د ولسي جرګې رييس عبدالرووف ابراهیمي وايي: «جګړې د هېواد اقتصادي او ټولنیز بنسټونه له منځه وړي دي، بېکاري او بې وزلي له هېواد څخه د ځوانانو د ډله يیزې تېښتې لامل شوي. امنیتی او اقتصادي مسایلو ته ژمن هېوادونه هم یوازې د افغانستان د خلکو ننداره کوي.»

د هېواد په ختیځو سیمو کې د داعش فعالیت بله هغه موضوع وه چې د جرګې غړو یې په هکله اندېښنه وښوده او حکومت یې په بې پروايۍ تورن کړ.

د ولسي جرګې مرستیال ظاهر قدير وويل: «د شینوارو په ولسوالۍ کې د داعش مرکزونه فعال شوي او خپلې ډلې ته سرتېري نيسي خو حکومت هېڅ پاملرنه نه ورته کوي، پر ولسمشر غږ کوو چې خلک له تاسې سره ګرو نه دي.»

د ولسي جرګې غړې وژمه ساپۍ وايي: «په کنړ کې د داعش لاس اوږد شوی سره زره وېشي د خلکو له بېوزلۍ څخه استفاده کوي. د ولايت د څلور ولسوالیو لارې بندې دي خلک له ډېرو ستونزو سره مخ دي»

له هرات ولايت څخه د ولسي جرګې غړی منور شاه بهادري وايي: «څوک ځواب وايي د یوه سرتېري کوژدنه د وسله والو مخالفینو له خوا یو طالب ته نکاح شوې، تاسو له خپل سرتېري او مامور څخه دفاع نشئ کولای، ولسمشر او اجرایه رییس تاسو ملي یووالي حکومت رامنځ ته کړ خو د ملي مشارکت نښه نه لیدل کېږي، خو اوس موږ پوهېږو چې تاسې د قدرت تږي یاست»

په امنیتي مسایلو تر خبرو وروسته د ولسي جرګې غونډې د تړلو دروازو تر شا دوام وموند، ویل کېږي په دغو پټو خبرو کې د ملي شورا د امنیت د ټینګښت په هکله د ولسي جرګې غړو خپل نظرونه وړاندې کړل.

خبريال: عبدالعزیز کریمي

Continue Reading
Advertisement

تازه خبرونه

د سولې حکومتي پلاوي د اسلامي علماوو نړیوالې ټولنې له مشر سره ولیدل

Ariana News

خپور شوی

په

توسط

(Last Updated On: تله ۹, ۱۳۹۹)

د سولې په چارو کې د دولت وزارت څرګنده کړې؛ د افغانستان د سولې خپلمنځي خبرو حکومتي پلاوي یو شمېر غړیو نن چهارشنبه ( د تلې ۹) د قطر په پلازمېنه دوحه کې د اسلامي علماوو نړیوالې ټولنې له مشر سره وکتل.

د یاد بنسټ د څرګندونو له مخې: د اسلامي علماوو نړیوالې ټولنې مشر احمد الریسوني افغان پلاوي ته د ښه راغلاست ترڅنګ د افغانستان د سولې خپلمنځیو خبرو ته په نغوته او اشاره کې ویلي؛ مونږ غواړو، چې افغانستان د نړۍ او اسلامي هېوادونو په کچه د یوې غوره بېلګې په توګه وګورو.

له افغان پلاوي سره په خبرو کې نوموړي هر ډول همکارۍ ته چمتووالی وښود او زیاته یې کړه، چې د اسلامي علماوو نړيواله ټولنه پخپل ټول وس له روانو خپلمنځي خبرو ملاتړ کوي.

د افغانستان د حکومتي پلاوي غړیو د سولې خبرو پر روان بهیر رڼا واچوله او د افغانستان روان وضعیت یې د یادې ټولنې مشرانو ته څرګند کړ.

افغان پلاوي د اسلامي علماوو له نړيوالې ټولنې وغوښتل؛ له خپل دریځ څخه پر ګټه پورته کولو دې د افغانستان د سولې له مذاکراتو څخه هر اړخیز ملاتړ وکړي، چې ژر تر ژره اوربند وشي، افغان وژنه بنده او په افغانستان کې د وینې توییدو مخه ونیول شي.

د یادې ټولنې د دارالانشاء مشر علي محي الدین له افغانستان او افغانانو څخه خپلې ۵۰ کلنې پېژندنې ته په نغوته کې څرګنده کړه، چې افغانستان د امام اعظم ابوحنیفه ټاټوبی دی او دغه ټولنه په بشپړه توګه له روانو مذاکراتو ملاتړ کوي.

د اسلامي علماوو نړیواله ټولنه پر ۲۰۰۴ کال په قطر کې رامنځته شوې، چې اوسمهال د نړۍ په ۹۳ هېوادونو کې استازولۍ لري او د نړۍ په کچه ۲۵۰ اسلامي بنسټونه ورسره ثبت دي. دغه ټولنه د اسلامي نړۍ په کچه د مرجعیت حیثیت لري، چې د بېلابېلو هېوادونو مهم مسایل ورته وړاندې کېږي.

Continue Reading

تازه خبرونه

په افغانستان کې دې د بهرنیو ځواکونو له وتلو مخکې سوله خوندي شي ـ پاکستان

Ariana News

خپور شوی

په

توسط

(Last Updated On: تله ۹, ۱۳۹۹)

د پاکستان د لومړي وزیر د ملي امنیت سلاکار معید یوسف د چهارشنبې پر ورځ څرګنده کړې، چې د بهرنیو سرتېرو له وتلو مخکې باید په افغانستان کې سوله او امنیت ټینګ او خوندي شي.

معید یوسف ویلي، چې پاکستان د افغانستان د سولې بهیر آسانوي او په افغانستان کې د خبرو د بریا په اړه هیله من هم دی.

نوموړي د پاکستان رادیو سره په یوه مرکه کې په ډاګه کړې، چې په ​​افغانستان کې سوله او امنیت د سیمې لپاره اړین دی.

هغه د افغانستان د امنیت په اړه د پوره اندېښنې له څرګندولو سره وایي، چې دا خاوره باید د ګاونډ هېوادونو پر وړاندې د هڅوونکیو هڅو لپاره ونه کارول شي.

هغه دا هم ویلي؛ په پاکستان کې د میشت ملیونونه افغان مهاجرینو ستنیدل یوه جدي مسله ده او پاکستان هیله لري، چې ډېر ژر خپل هېواد ته ستانه شي.

د معید یوسف مرکه پاکستان ته د ملي پخلاینې عالي شورا د مشر عبدالله عبدالله له لیدنې سره همهاله تر سره شوې ده.

اسلام آباد ته د خپل سفر په بهیر کې عبدالله عبدالله د پاکستان له لومړي وزیر عمران خان او له یو شمېر نورو پاکستانیو چارواکو سره لیدلي او په دوه اړخیزو اړیکو کې یې د نوي څپرکي پر پیلولو ټینګار کړی دی.

پاکستان له امریکا سره مرسته کړې، چې طالبان او افغان حکومت خپلمنځی خبرې پیل کړي. دغه هېواد د افغانستان د سولې له بهیر څخه پخپل ملاتړ یو ځل بیا ټینګار څرګند کړی دی.

دا په داسې حال کې ده، چې د راپورونو له مخې؛ په دوحه کې خبرې اترې د دوه مسلو له کبله وځنډول شوې؛ دیني فقه او له امریکا سره د طالبانو د سولې هوکړه، چې په کې افغانستان حکومت برخه نه وه اخیستې.

طالبان حکومت مشروع نه بولي او څرګندوي، چې د امریکا لاسپوڅی دی.

د امریکا او طالبانو ترمنځ د سولې راوستو د هوکړې له مخې؛ واشنګتن به د راتلونکي کال په اپریل کې خپل ټول ځواکونه له افغانستان څخه وباسي. دمګړۍ د ځواک کمیدل پیل شوي او د فبرورۍ په میاشت کې له ۱۳۰۰۰ څخه تر ۸۶۰۰ پورې رارسیدلي دي.

ټاکل شوې، چې د نومبر تر پایه په افغانستان کې د امریکا سرتېرو شمېر ۴۵۰۰ ته راورسیږي.

Continue Reading

تازه خبرونه

کابل او اسلام آباد د اړیکو نوي څپرکي ته د زمینې برابرولو هڅې کوي

Ariana News

خپور شوی

په

توسط

(Last Updated On: تله ۹, ۱۳۹۹)

د افغانستان د ملي پخلاینې عالی شورا مشرعبدالله عبدالله په اسلام آباد کې له پاکستانیو لوړ پوړیو چارواکو سره له دوه ورځنیو پرلپسې ناستو وروسته، نن  چهارشنبه ( د تلې ۹) خپل درې ورځنی سفر پای ته رسوي او هېواد ته به له دې ښکاره پیغام سره، چې دواړه حکومتونه د دوه اړخيزو اړيكو د پياوړي كولو پر اړتیا پوهیدلي؛ راستون شي.

د ملي پخلاینې عالي شورا مشر عبدالله، چې له ۲۰۰۸ راپدیخوا یې پاکستان ته سفر نه و کړی؛ د پاکستان له لومړي وزیر عمران خان، ولسمشر عارف علوي او د بهرنیو چارو وزیر شاه محمود قریشي په ګډون یې له مهمو چارواکو سره لیدلي دي.

د عبدالله عبدالله او پاکستانيو چارواکو تر منځ خبرې اترې د دواړو حکومتونو په اړیکو کې د ښه بدلون زیری لري، چې له کلونو راپدیخوا یې ستونزې لرلې.

عبدالله عبدالله د اسلام آباد په ستراتیژیکو مطالعاتو انستیتیوت کې یوې غونډې ته د خبرو پر مهال خپلمنځي خبرو ته د طالبانو په چمتو کولو کې د پاکستان هڅې ستایلي دي.

نوموړي ویلي: پاکستان نه یوازې د خبرو اترو په آسانولو کې ارزښتمنې هڅې کړي، بلکې تر بریا  او پایه  له دې بهیره ملاتړ کوي او د یوه سوله ییز او سوکاله افغانستان لپاره به له خلکو او حکومت سره هم همکاري ولري.

د کلونو لپاره دواړو حکومتونو ښې اړیکې نه درلودې، خو د ملي پخلاینې عالی شورا مشر عبدالله څرګنده کړې؛ له ډېرو کړاوونو وروسته اوس مونږ اړتیا لرو، چې له دسیسو جوړولو پرته خپلې اړیکې سمې کړو، چې عادي پر مخ ولاړې شي.

عبدالله عبدالله وایي؛ مونږ اړ یو، چې له زیانونو، ګواښونو او فرصتونو پند واخلو. په ځانګړي توګه که مونږ د بریا وو لپاره د ننګونو کچه راټیټه کړې وه، اعتدال مو هڅولی وای؛ نو اوس به د سیمه ییزو اړیکو، سوداګرۍ، ترانزیت، اقتصادي ادغام او د خلکو تر منځ اړیکې به مو نورې هم غښتلې او پیاوړې وې.

د پاکستان د بهرنیو چارو وزیر شاه محمود قریشي هم دغو مراسمو ته د وینا پر مهال ویلي، چې اوس باید تېروتنې تکرار نشي او په دوه اړخیزو اړیکو کې نوی څپرکې رامنځته شي.

هغه عبدالله ته ډاډ ورکړ، چې پاکستان په افغانستان کې ځانګړې ګټې نلري او اسلام آباد نه غواړي د افغانستان په کورنیو چارو کې لاسوهنه وکړي. مونږ د افغانستان ملي واکمنۍ، خپلواکۍ او ځمکنۍ بشپړتیا ته درناوی لرو.

Continue Reading
Advertisement

Trending