Connect with us

سوداگري

ولسي جرګې د ۱۴۰۰ مالي کال ملي بودجه تصویب کړه

Ariana News

خپور شوی

 په

(Last Updated On: February 22, 2021)

ولسي جرګې د ۱۴۰۰ مالي کال ملي بودجه د نیمګړتیاوو له کبله دوه وارې رد او پر درېیم ځل یې تصویب کړه.

ولسي جرګې څرګنده کړې؛ حکومت په بودجه کې د دوی شاوخوا نولس سپارښتنې په پام ونیولې، چې یوه یې د ښوونکیو او ټیټ پوړیو مامورینو د معاش ډېرول دي.

د ولسي جرګې غړيو ويلي، چې د ښوونکیو او ټيټ پوړیو دولتي مامورنیو د معاشونو پر ډېروولو سربېره لاندې سپارښتنې هم په پام کې نیول شوي دي:

– د ښوونکیو او ټيټ پوړیو مامورینو په معاشونو کې د ۲ زره افغانیو ډېرول.

– له بودجې څخه د ملي دسترخوان ایستل.

– د بانکونو پېنځه سوه میلیون ډالر پور ایستل.

– پر دولتي ادارو د برښنا شرکت د ۱،۳ میلیارډ افغانیو پور ایستل.

– د ولسمشرۍ د عملیاتي ادارې له تر کار لاندې پرژو پرته د ټولو پروژو ایستل.

– د وزیرانو د دسترخوان د پیسو ایستل.

– له اختیاري ۹۱ او ۹۲ کوډونو څخه د ۶ سوه میلیون افغانیو کمول.

– ولسي جرګې ته د تدارکاتو د ملي ادارې ځواب ویل.

هغه ټکي دي چې ولسي جرګې یې د عملي کیدو غوښتنه کوله او اوس دا تكي په بودجه کې ومنل شول.

– ولسي جرګې هغو ادارو ته،  چې د جرګې لخوا یې د تائید رایه نده اخیستې؛ ځانګړې بودجه تصویب نکړه.

– د مصالحې د عالي شوري مالي مسايل یې د چارو ادارې ته وسپارل.

–  په بودجه کې د ښاروالۍ د عوایدو شاملول.

– د بودجې په سند کې د نویو پروژو نیول.

– ولسي جرګې ته د ملي تدارکاتو ادارې راپور ورکول.

د ولسي جرګې د بودجې او مالي چارو کمیسیون مشر میر افغان ساپي په دې اړه ویلي؛ هغه ادارې، چې د ولسي جرګې تائید نلري؛ قانوني ندي. لکه د نفت و ګاز اداره او د ملي پخلاینې عالی شورا، چې دوی ته بودجه ورکړ شوې نده او د ملي پخلاینې اداره د پخوا په څېر د چارو ادارې تر چتر لاندې ده.

د ولسي جرګې یو شمېر غړي وايي، چې په بودجه کې هیڅ بدلون ندی راغلي. دوی پر بودجې د ولسي جرګې جنجالي دریځ نمایشي وباله.

د ولسي جرګې غړی ګل محمد کمین ویلي: بودجه یې سیاسي کړه او کارونه هم ننداریز ول. هر چا په کې پر خپلو ګټو غور کړی؛ د جرګې مشر خپلې ګټې، د بودجې مالي کمیسیون خپلې او نورو هم خپلې ګټې لیدلي دي.  

د ۱۴۰۰ مالي کال ملي بودجه، چې ولسي جرګې تصویب کړه؛ ۴ سوه دري اویا میلیارډ ۴۱ میلیون افغانۍ ده، چې ۳۱۱ میلیارډ یې عادي او ۱۶۱ میلیارډ یې پرمختیايي ده.

د ولسي جرګې مشر میر رحمان رحماني ویلي: د کارکوونکیو د معاش لوړېدل، د پراختیایي پروژو منل کېدل، په کوډونو کې پولي برابروالی، د نااړینو لګښتونو مخنیوی او د خلکو پر مالونو او ملکیتونو د خېټې اچولو مخه نیول؛ د دغو بریاوو اړین ټکي دي.

د بودجې له تصویب وروسته ولسي جرګې د بودجې او مالي چارو کمیسیون غړیو ته مډالونه ورکړل او ولسمشر محمد اشرف غني هم دا پرمختګ ستایلی دی.

سوداگري

د افغان سوداګرو ۲۸ بنسټونو په ګلفوډ ۲۰۲۱ نړیوال نندارتون کې ګډون کړی

Ariana News

خپور شوی

په

توسط

(Last Updated On: February 24, 2021)

د ګلفوډ ۲۰۲۱ نړیوال څلور ورځنی نندارتون، چې د ۲۰۲۱ زېږدیز کال د فبروۍ پر ۲۱ مه نېټه د متحده عربي اماراتو د دوبۍ ښار په نړیوال سوداګریز مرکز کې جوړ شوی؛ په کې د نړۍ د ۸۵ هېوادونو د کمپنیو ترڅنګ له افغانستان څخه هم د تولید، پروسس او سوداګرۍ ۲۸ بنسټونو ګډون کړی دی.

د کرنې، اوبولګولو او مالدارۍ وزارت په ډاګه کړې؛ د دې وزارت د خصوصي سکټور د پراختیا مشر حبیب الله حبیبي ویلي، چې یاد نندارتون افغان سوداګرو ته یو مهم او استثنایي فرصت دی، چې وکولی شي نړیوالو ته د افغانانو د مالدارۍ او کرنیزو محصولاتو په پېژندنه کې خپلې هڅې تر سره کړي.

د یاد وزارت د څرګندونو له مخې؛ افغان سوداګرو د امریکا نړېوالې ادارې (یو اس ای آی ډي) پر مرسته او د کرنې وزارت پر ملاتړ په دې نندارتون کې ګډون کړې او خپل محصولات یې نندارې ته وړاندې کړي دي. په دغو محصولاتو کې زعفران، وچې مېوې، طبي بوټي، شات، پروسس شوې مېوې او لسګونه ډوله نور محصولات ننداریز شوي دي.

د ګلفوډ نړیوال نندارتون د نړۍ په کچه د خوړو په برخه کې له سترو نندارتونونو څخه دی، چې د نړۍ د څه باندې ۸۵ هېوادونو سوداګر له خپلو محصولاتو سره په کې هر کال ګډون کوي، چې لسګونه زره نندارچیان او سوداګر ترې لیدنه کوي.

سرچینې په ډاګه کړې؛ تېرکال هم افغان سوداګرو د یو اس ای آی ډي او کرنې وزارت پر مرسته او همکارۍ په دې نندارتون کې ګډون کړي و.

په دې نندارتون کې له افغان محصولاتو هرکلی شوی او د مالدارۍ او کرنیزو محصولاتو په برخه کې یې د څه باندې ۱۰۰ میلیون ډالرو تړونونه لاسلیک کړي دي.

سږکال هم د یادو ادارو پر ګډو هلوځلو سره له دې، چې د کرونا وبا محدویتونه شته؛ خو په دې نندارتون کې افغان سوداګرو ته د ګډون زمینه برابره شوه او یاد سوداګر له افغانستان څخه لسګونه ډوله حیواني او کرنیزمحصولات نندارې ته وړاندې کړل او هیله داده، چې افغان سوداګر د خپلو محصولاتو د پلور په برخه کې ښه تړونونه ترلاسه او لاسلیک کړي.

Continue Reading

تازه خبرونه

د ملکي خدمتونو د کارکوونکیو معاشونه ۲۰۰۰ افغانۍ زیاتیږي

Ariana News

خپور شوی

په

توسط

(Last Updated On: February 17, 2021)

ولسي جرګې او مالیې وزارت د چارشنبې پر ورځ( د سلواغې ۲۹)هوکړه کړې، چې د ټيټ پوړیو دولتي مامورینو او ښوونکیو معاشونه به دوه زره افغانۍ لوړیږي.

ولسي جرګې او د مالیې وزارت د نوي مالي ۱۴۰۰ کال د ملي بودجې د لانجمنې برخې پر سر هوکړې ته ورسیدل. د دغې هوکړې له مخې؛ د ۱۴۰۰ لمریز هجري کال د وري له میاشتې د ټيټ پوړیو دولتي مامورینو او ښوونکیو په میاشتنيو معاشونو کې ۲۰۰۰ افغانۍ ډېروالی راځي.

د ولسي جرګې د بودجې او مالي چارو کمیسیون څرګنده کړې، چې په معاشونو کې دا ډېروالی د ۱۴۰۰ لمریز هجري کال د وري له میاشتې پیلیږي.

د ولسي جرګې د بودجې او مالي چارو کمیسیون مشر میر افغان ساپي ویلي: د معلم، اجیر او ټیټ پوړیو مامورینو معاشونه د ۱۴۰۰ لمریز هجري کال د وري له میاشتې ډېر شوي دي.

د ولسي جرګې د بودجې او مالي چارو کمیسیون منشي سید عظیم کبرزاني ويلي، چې دوه ځله په جرګه کې د بودجې له ردیدو وروسته دواړو خواوو نرمښت وښود او د ستونزې یوه برخه حل شوه.

دغه راز مالیې وزارت ويلي، چې په قوانینو او لوایحو کې له لازمو بدلونونو وروسته به د ټیټ پوړیو چارواکو او ښوونکیو معاشونه لوړ شي.

ماليې وزارت مرستیال عبدالحبیب ځدراڼ له ولسي جرګې غوښتې، چې د نوي مالي کال بودجه دې ژر تر ژره تصویب کړي.

ولسي جرګې دوه وارې د نوي مالي کال په ملي بودجه  کې د مساواتو د نشتوالي او اختیاري کودونو ته د ډېرو پیسو د  بېلولو له کبله رد کړې وه.اوس ولیدل شي، چې ولسي جرګه او حکومت به پر نورو  اختلافي برخو هوکړې ته ورسیږي او که نه!

Continue Reading

تازه خبرونه

په ښارونو کې د سون او خوراکي توکو بیې لوړې شوي

Ariana News

خپور شوی

په

توسط

(Last Updated On: February 18, 2021)

په اسلام کلا ګمرک کې د تېل او ګاز د سلګونه موټرونو له سوځېدو او په نورو سوداګریزو بندرونو کې د بار وړونکو لاریو د درولو له کبله د هېواد په ښارونو کې د سون او خوراکي توکو بیې لوړې شوي دي.

له څو ورځو راپدیخوا په سوداګریزو توکو بار زرګونه موټر د هېواد په بېلا بېلو بندرونو کې د اعتراض په توګه درول شوي دي.

سوداګر او موټرلرونکي وايي، چې پولیس او د ټرانسپورټ مسوولين په لارو کې ناقونه پیسې اخلي.

په لویو ښارونو او په ځانګړې توګه په پلازمېنه کابل کې د خوراکي او سون توکو بیې لوړې شوي؛ یوه کیلو اوبلن ګاز، چې په اته څلوېښت افغانۍ و اوس اتیا افغانیو ته لوړ شوی. دغه راز یو لیټر پټرول له شپږ دېرش افغانیو اووه څلوېښت افغانیو ته لوړ شوي او د اوړو اووه منه بوجۍ له اتلس سوه افغانیو دوه زره ته لوړه شوې ده.

د کابل منډوي پلورونکيو ويلي، که لارې خلاصې نشي؛ بیې به په بې ساري توګه لوړې شي.

سوداګر او موټر چلوونکي وايي، چې که د ناقانونه پیسو د اخیستو ستونزه حل نشي؛ اعتراض به وغزوي، له کبله به یې اقتصادي ناورین رامنځته شي.

د ټرانسپورټ وزارت ویاند  حکمت الله قوانچ پر موټر چلوونکیو تورلګوي، چې پلمې کوي او زیاتوي، چې دوی پخپلسر لویې لارې تړلي او د دې پوښتنه به وشي او څارنوالۍ ته به وروپېژندل شي.

د بار وړونکیو موټرو د مالکانو او سوداګر دا اعتصاب له شل ورځو راپدیخوا روان دی.

په اسلام کلا ګمرک کې، چې زرګونه بار وړونکي موټر په کې ولار ول اور ولګید او سلګونه هغه او سوداګریز توکي وسوځيدل.

Continue Reading

Trending

آریانا نیوز: ټول حقونه خوندي دي