Connect with us

تازه خبرونه

ولسي جرګې د ملي دسترخوان طرحه رد کړه

Ariana News

خپور شوی

 په

(Last Updated On: July 21, 2020)

د ملي دسترخوان په نامه د حکومت طرحه د ولسي جرګې د غړیو لخوا د رایو په اکثریت رد شوه.

له هغې وروسته، چې حکومت له اړو خلکو سره د مرستې په موخه د ملي دسترخوان په نامه برنامه اعلان کړه د تصویب په موخه یې ولسي جرګې ته واستوله. د ولسي جرګې مالي او بودجې کمیسیون د حکومت دا طرحه د قانون خلاف بولي او وایي، چې دا کار به په افغانستان کې د پراخ فساد لامل او نړیوالې مرستې به ضایع شي.

د ولسي جرګې د مالي او بودجې کمیسیون منشي سید عظیم کبرزاني ویلي؛ د دوه سوه څلورڅلویښت میلیون دالرو ځانګړي کول د قانون خلاف او فساد ته زمینه برابروي او تصویب یې له قانون سرغړونه ده.

د مالي او بودجې کمیسیون غړی عبدالرووف انعامي وایي؛ دا پروګرام د اساسي قانون له ۹۱ مادې سره اړخ نه لګوي او هغه اختیاري بودجه، چې د تمویلوونکیو لخوا پلې کیږي؛ ولسي جرګه یې د تصویب حق نلري. دا جرګه یوازې د هغه پروګرام د تصویب حق لري، چې د حکومت لخوا پلی کیږي.

همدا علت و، چې د ولسي جرګې مشر میر رحمان رحماني د حکومت د ملي دسترخوان طرح رایو ته وړاندې کړه او څرګندوي، چې موافق کسان دې شنه او مخالف هغه دې سره کارتونه پورته کړي.

حکومت د ولسي جرګې د دې پرېکړې په غبرګون کې له ولسي جرګې وغوښتل، چې اړو خلکو ته د مرستې رسولو مخه دې نه نیسي.

د ولسمشرۍ ویاند صدیق صدیقي وایي: د ولسي جرګې غړي دې اړمنو کسانو ته د مرستو رسولو مخنیوی نکوي. دا پروژه د نړیوال بانک لخوا تمویلیږي.  

ولسي جرګې د حکومت د ملي دسترخوان طرحه د رایو په اکثریت رد کړه او له حکومت یې وغوښتل، چې د بودجې هیڅ برخه باید د قانون خلاف نه وي.

تازه خبرونه

د کابل هوایي ډګر او سفارتونو د ساتلو لپاره د یو شمېر بهرنیو ځواکونو پاتې کېدل د منلو ندي ـ طالبان

Ariana News

خپور شوی

په

توسط

(Last Updated On: June 13, 2021)

طالبانو خبرداری ورکړی، چې د بهرنیانو له وتلو وروسته د کابل هوایي ډګر او بهرنیو سفارتونو د ساتنې لپاره د یو شمېر بهرنیو ځواکونو پاتې کېدل ورته د منلو وړ ندی او دا سرتېري به نیواکګر وپېژندل شي.

طالب ویاند له هغې وروسته، چې ناټو د کابل هوایي ډګر پر ساتلو خپل ګډهوډ څرګند کړ؛ په ډاګه کړه: زمونږ په هېواد کې تر هر نوم او سرلیک لاندې د بل هېواد د سرتېرو حضور د افغانانو او طالبانو لپاره د منلو وړ ندی.

په دې اړه د طالبانو په اعلامیه کې راغلي؛ دا د افغانانو مسوولیت دی، چې د افغانستان د لویشت لویشت خاورې، هوایي ډګرونو، بهرنیو سفارتونو او ډیپلوماټیکو سیمو امنیت وساتي. له دې کبله باید هیڅ بهرنی زمونږ په هېواد کې د نظامي یا امنیتي شتون د بقا امید ونلري او داسې ګام پورته نکړي، چې پرې د هېوادونو او ملتونو تر منځ اړیکې ځنډنۍ، خنډنۍ او خرابې شي.

طالبانو خبرداری ورکړ: که څوک دا ډول تېروتنه وکړي؛ نو افغانان او اسلامي امارت به دوی د نیواکګرو په توګه وپېژني او هغه کړنه به ورسره تر سره شي، چې د هېوادني تاریخ په هر پېر کې ورسره تر سره شوې ده.

طالبانو په داسې حال کې دا څرګندونې کړي، چې د بهرنیو سرتېرو له وتلو وروسته په کابل کې د حامد کرزي نړیوال هوایی ډګر او د بهرنيو هېوادونو د سفارتونو ساتلو د بهرنیو ځواکونو یوه اړینه اندېښنه ګڼل شوې ده.

Continue Reading

تازه خبرونه

د کابل په لویدیځ کې دوه چاودنو ۱۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: June 12, 2021)

د کابل پولیسو ویلي، چې نن شنبه د غبرګولي ۲۲ له غرمې وروسته د لومړنیو معلوماتو له مخې د کابل د شپږمې او دیارلسمې ناحیو د اړوند سیمو پر خلکو په دوه چاودنو کې اووه کسان وژل شوي او شپږ نور ټپیان دي.

کورنیو چارو وزارت څرګنده کړې، چې پر یو تونس ډوله موټر په دیارلسمه ناحیه کې ماین چاودنه شوې او پر بل تونس ډوله موټر د علي جناح روغتون تر څنګ له چاودنې یاده مرګ و زوبله رامنتځته شوې ده.

یاد وزارت زیاته کړې، چې په ځاني زیانونو کې د دېرړالي شونتیا لیدل کیږي.

تر دې دمه کوم  فرد، شخص او یا ډلې د دې بریدونو پړه نده منلې.

Continue Reading

تازه خبرونه

ناتو له خپلو متحدینو سره د کابل هوایي ډګر پر امنیت او ساتلو کار کوي

Ariana News

خپور شوی

په

توسط

(Last Updated On: June 12, 2021)

د ناټو عمومي منشي ینس سټولټنبرګ پرون د جمعې پر ورځ د غبرګولي ۲۱ ویلي، چې ناټو له خپلو متحدینو سره د حامد کرزي نړیوال هوایي ډګر د بېخبناوو د ساتلو پر څرنګوالي هڅې او کار کوي.

سټولټنبرګ یوې خبري غونډې ته څرګنده کړې، چې په راروانه سرمشریزه کې به د افغانستان په ګډون پر بېلابېلو موضوعاتو بحث او خبرې وشي.

نوموړي زیاته کړې: زمونږ نظامي شتون پای ته رسیدونکی دی؛ خو له افغان ځواکونو او خلکو به زمونږ ملاتړ روان وي.

د ناټو عمومي منشي ویلي: مونږ ټول نه یوازې په افغانستان کې له ننګونو او ستونزو خبر یو، بلکې مونږ اوس هم د خپل پوځي ماموریت د پای ته رسیدو پر خطرونو پوهیږو.

د ناټو عمومي منشي ینس ستولټنبرګ وايي، چې هغه په حامد کرزي نړیوال هوایي ډګر کې د زیربناوو له ساتنې ملاتړ کوي.

ینس سټولټنبرګ په دې اړه ویلي؛ مونږ د ناټو له متحدینو سره د مهمو زیربناوو د ساتنې پر څرنګوالي او ملاتړ کار کوو او دې ته هم سترګې پر لار یو، چې د ناټو نور غړي هم په دې هڅو کې برخه واخلي.

سټولټنبرګ ویلي، چې د ناټو متحدین د حامد کرزي نړیوال هوایي ډګر د امنیت په اړه له ترکیې او نورو هېوادونو سره پر نړیوالو معیارونو بحث او خبرې کوي.

دا نه یوازې د ناټو لپاره، بلکې د ټولې نړیوالې ټولنې لپاره اړین هوایي ډګر دی؛ ځکه د ټولو هېوادونو د ډیپلوماټیک شتون، د مرستندویه بنسټونود مرستو د براختیا لپاره هم مهم دی.

د ناټو عمومي منشي ډاډ څرګند کړ، چې په دې اړه به د ناتو په راروانه ناسته کې خبرې وشي.

Continue Reading

Trending

آریانا نیوز: ټول حقونه خوندي دي