Connect with us

تازه خبرونه

ولسمشر او اجرائیه رييس کورنیو رسنیو ته ارزښت نه ورکوي

Avatar

خپور شوی

 په

(Last Updated On: سلواغه ۸, ۱۳۹۷)

د آزادو رسنیو ملاتړ ادارې مسوولین وايي، چې ولسمشر او اجرائیه رييس کورنیو رسنیو ته ارزښت نه ورکوي.

د افغانستان د آزادو رسنیو ملاتړ اداره وايي، چې په تېرو څلور کلونو کې شل کورنیو رسنیو له ولسمشر او اجرائيه ريیس سره د مرکې غوښتنه کړې؛ خو یو هم ان د نیم ساعت مرکې لپاره ندي حاضر شوی.

دغه راز له دوه کلونو راپدیخوا ولسمشرۍ ماڼۍ ته رسنۍ د ورتلو اجازه نلري او د ارګ ټول پروګرامونه د ملي تلویزیون له لارې خپریږي، چې خصوصي رسنۍ یې له ملي تلویزون څخه کاپي کوي.

له بلې خوا ولسمشر د داووس د غونډې په څنډه کې له الجزیرې تلویزیون سره په خبرو کې د پوځي تلفاتو د لوړ شمېر په اړه خبرې وکړې او اجرائيه رييس بیا له سي ان ان سره له افغانستان څخه د امریکايي سرتېرو د وتو موضوع را وسپړله.

د آزادو رسنیو د ملاتړ ادارې ريیس عبدالمجیب خلوتګر وايي؛ ولسمشر او اجرائيه ريیس زیاتره، نړیوالو رسنیو او د هغو هېوادونو رسنیو ته ډېر وخت ورکوي، چې له افغانستان سره مالي مرستې کوي. ولسمشر په وروستي ځل د پوځي تلفاتو پر موضوع له الجزیرې سره او اجرائيه رييس د امریکايي سرتېرو د وتلو پر موضوع له سي ان ان سره وغږید.

خبریالان هم وايي، چې د ملي وحدت حکومت په تېر څلورکلن پېر کې اطلاعاتو ته لاسرسی محدود شوی دی.

درې میاشتې مخکې ارګ ته خبریالان؛ ځکه ور وبلل شول، چې د امریکا د بهرنیو چارو وزیر راغلی و. په هغه پروګرام کې هم د ګوتو په شمېر رسنیو موکه تر لاسه کړه، چې له ولسمشر او د امریکا د بهرنیو چارو له وزیر څخه پوښتنې وکړي.

د پژواک خبري آژانس ريیس دانش کړوخېل وايي، چې ولسمشر له درې کلونو راپدیخوا په بهرنیو سفرونو کې کورني خبریالان له ځان سره نه بیايي او د سفر جزئیات په یوه لنډه اعلامیه کې خلاصه کړي؛ خو اجرائيه رييس بیا له ځان سره افغان خبریالان ملګري کوي.

خبریالان وايي، چې په زیاتره برخو کې اړ یو، چې له توازن پرته خبرونه خپاره کړو؛ ځکه، چې په وینايي ارګ خبرو ته نه حاضریږي او یا هم تصویري رسنیو ته د لنډو کلیپونو په لیږلو بسنه کوي.

د بېلګې په توګه کله، چې آریانا نیوز د محمد محقق د ګوښه کولو په اړه له مرتضوي څخه پوښتنه وکړه؛ نو ځواب یې دا و: خبر خپور شوی دی.

له بلې خوا کله، چې په قطر کې د طالب استازیو او زلمي خلیلزاد تر منځ خبرې روانې وې، ارګ هیڅ ډول غبرګون ونه ښود؛ خو کله، چې خبرې پای ته ورسیدې، د ولسمشر د ویاند مرستیال په فیسبوک ولیکل، چې یو شمېر رسنیو د قطر د خبرو په اړه له غرض ډک پوښښ ورکاوه.

د یادونې ده، چې له رسنیو څخه د ملاتړ ادارې دا هم په ډاګه کړې، چې د بیان آزادي باید د سولې له بهیره قرباني نشي.

تازه خبرونه

آسټرالیا په نړۍ کې تر ټولو چټک د انټرنټ سرعت کشف کړ

Avatar

خپور شوی

په

توسط

(Last Updated On: غبرګولى ۵, ۱۳۹۹)

د موناش، سوینبرن او آر ام آی ټي پوهنتونونو څیړونکو د آپټیکل (نوري) چپ څخه د نړۍ ترټولو چټک او ګړندی انټرنیټ سرعت چې په ثانیه کې د ۴۴ اعشاریه ۲ تیرابیت ظرفیت لري، کشف کړې دې.

یوه شننه چې د نیچر کمیونیکشنز په مجله کې خپره شوې ښیې چې په آسټرالیا کې د موناش، سوینبرن او آر ام آی ټي پوهنتونونو د څیړونکو یوې ډلې د انټرنیټ ترټولو چټک سرعت ایجاد او په بریالیتوب سره ازموینه هم کړې.

دا څیړنه ښیې چې د دې اختراع په کارولو سره، د معلوماتي ټیکنالوژۍ پدې سرعت سره، مونږ کولی شو په ثانیو کې ۱۰۰۰ لوړ کیفیته فلمونه ډاونلوډ کړو.

څیړونکو د انټرنیټ دا لوړه وړتیا د ۸۰ لیزرونو پر ځای چې دمخه د مخابراتي سیګنالونو لیږدولو لپاره کاریدل، یو د مایکرو کام یا نوري چپ په کارولو سره، لاسته راوړې ده.

د یادو موندنو له مخې، په دې ټکنالوژې سره به نه یوازې د آسټرالیا د مخابراتو ظرفیت ګړندی شي، بلکه په ټوله نړۍ کې به دغه ټیکنالوژي وکارول شي.

د دې موندنو پراساس، دغه ټیکنالوژي به په میلبورن، آسټرالیا او په نړۍ کې ترټولو لوړ انټرنیټ سرعت وي چې ملیاردونو پیرودوني به ترې خوند واخلي.

دا لومړی ځل دی چې یو مایکرو کام په داسې تجربه کې کارول شوی، او دا د نوري چپ څخه رامینځته شوي عنصر، د خورا ډیر معلوماتو ظرفیت لري.

ډاکټر بل کورکوران، چي د یادو څیړونکو له جملې څخه یو دې، داسی وایي: “موږ اوس په دې پوهیږو چې څنګه د انټرنیټ کارولو بې ساري شمیر له امله، په دوه یا دریو کلونو کې د انټرنیټ بیخبنا لا زیاته ګړندې کړو.”

Continue Reading

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

تازه خبرونه

حکومت د ۲ زرو طالب بندیانو د خلاصون ژمنه وکړه

Avatar

خپور شوی

په

توسط

(Last Updated On: غبرګولى ۵, ۱۳۹۹)

د اختر له لمانځه وروسته، ولسمشر غني وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

ولسمشر غني د طالبانو د درې ورځني اوربند اعلان هرکلی وکړ، او په دې ډله یې غږ وکړ چې نور د افغانستان خلکو ته زیان ونه رسوي. هغه وایي چې د هیواد د هر وړي وژنه یو توجیه نکونکې دردمن کار دې.

د ولسمشر په وینا، افغان حکومت چمتو دی چې سمدستي د سولې خبرې پیل کړي. هغه وویل: “د ټولو افغانانو په استازیتوب د سولې خبرو اترو پلاوي له طالبانو سره د سولې مخامخ خبرو ته چمتو دي.”

ولسمشر باور لري چې د افغانستان خلک د سولې په پروسه کې رښتیني ګټونکی دي. نو هغه پر طالبانو غږ وکړ چې د افغانستان خلکو ته زیان ونه رسوي.

د افغانستان حکومت د متحده ایالاتو او طالبانو ترمینځ د سولې د تړون له لاسلیک وروسته ۱۵۰۰  طالب بندیان خوشې کړل.

همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي.

Continue Reading

Trending